CoHSEM leh BoSEM in Class X leh XII result puang- Top 25 tan ah tutungin singtangmi khat leng telkhalou

Class X ah 70% in passed a, XII ah over all passed zah 82.86% tung

Imphal, May 11: Council of Higher Secondary Education, Manipur (CoHSEM) leh Board of Secondary Education, Manipur (BoSEM) in tuni in Class X leh XII examination 2012 result puangkhia ua, nidang banglou takin district wise percentage tanpha tutung in chiangtakin taklat in om hi. Class X ah student 29,927 exam lak ah 21,147 passed uh a, pass zah 70% tung hi. Huaite lakah 1^st division a pass 7081 hi a, 2^nd divn a passed 12,654 leh 3^rd division a pass 1442 hi uhi. Class XII/Hr Secondary examna ah candidate 19,482 lakah 16,143 in pass a, pass zah 82.86% tung hi. Candidate-te lak ah Arts stream a passed 78.75% hi a, Science stream a pass 85.66% leh Commerce stream a passed 53.32% hi uhi.

            CoHSEM saina a Class XII examination result district wise pass percentage ah Thoubal district in hih hoihpen hi. Imphal East district ah candidate 2617 kilang lakah Ist Div ah 692, 2^nd div ah 1135, 3^rd ah 197 leh passed division piak a om 41 om in passed percentage 78.91 tunga, Imphal West ah candidate 5502 om a, Ist Div ah 2114, 2^nd Div ah 1773, 3^rd Div ah 162 leh passed ah 110 om in 75.59 % tung hi. Bishnupur ah candidate 1114 lakah 157 in Ist div in passed ua, 2^nd div in 670, 3^rd div in 56 leh passed ah 6          om ua, 79.8 % in passed uhi. Churachandpur district ah candidate 1611 lakah Ist div in 512 lawhching a, 2^nd in 618, 3^rd in 39 leh passed ah 4 om ua, 72.81 % in passed uhi. Thoubal District ah candidate 2899 lakah Ist div in 1830 in passed ua, 2^nd ah 857, 3^rd ah 42 leh passed ah 21 om in 94.86 % in lawhchinna ngah in Manipur pumpi a 2012 class XII exam ah passed percentage sanna pen suak uhi.

Chandel District ah candidate 1265 om lakah, 550 in Ist Div in passed ua, 2^nd div in 593 leh 3^rd div in 51 om a, passed division piak kuamah omlou in Nil a, passed percentage 94.39 tung hi. Senapati District a candiate 3075 om lakah 837 in Ist Div in passed ua, 1587 in 2^nd Division in passed ua, 3^rd div ah 290 om in passed ah 3 om ua, passed percentage 88.36 tung hi. Tamenglong District ah candiate 541 om na lakah Ist Div in candidate 66 lawhching ua, 2^nd Div ah 375 leh 3^rd division ah 54   in passed ua, passed div piak kuamah omlou in Nil a, passed percentage 91.5 tung hi.khrul District a candidate 858 om lakah Ist div 169 om in, 2^nd div ah397 leh 3^rd division ah 131 om ua, passed division piak a om candidate 4 om in passed percentage 81.7 tung hi.

            Science stream ah Athokpam Langlen Chanu of Human Resource Development Academy, Ghari in marks 483 mu in topper hihna ngah a, E,ALT,Phy,Chm,Mth leh Bio te ah letter marks mu hi. Aribam Bijoychandra Sharma of Temple of Learning, Canchipur in in marks 467 un 2^nd topper hihna ngah a, E, ALT, Phy, Chem, Csc leh Maths ah letter marks mu hi. Kanghujam Sunindra Singh of Comet School in leng marks 467 mah mu in 2^nd topper hihna ngaha, E, ALT, Csc, Chm, Mth leh Phy ah letter marks mu hi. Top 20 tan ah CCpur district mi a kilang pha student khat mah leng om lou hi.

            Arts stream ah, ah Laishram Kiyamba Meetei of Enlighten Knowledge Hr Sec School, Sangakpham in marks 437 mu in topper in pang a, Cr. Patricia Mary Hodge of TG Hr Sec School in marks 420 mu in 2^nd topper hihna ngah a, 3^rd position ah Donbosco Hr Sec. School, CCpur apan Niangthianmawi d/o L Ginzapau of Rengkai, Zion veng pang hi. Tualou 8^th position ah Donbosco’ CCpur apan mah in Luangmei Lungjangaipou s/o L Pantiphun of Ngarian village pang hi. 11^th position ah VK Tawna College a kai Gracy Neinunhoih d/o Th Lalpu Simte of Lhangjol pang hi. Tualou in 14^th position ah Liberal College, Luwangsangbam a kai Haomuonlian Josepih s/o Jangkhanmang of Kholian Kheilet village pang hi. 17^th position ah Vision Academy, Rengkai road a kai Jenifer Niangthiankim d/o James Lalrobul of Gilgal Children’s home pang hi.

            Commerce stream ah    L. Thibuni Chachei of Mt Everest College, Senapati in marks 360 mu in topper hihna ngah a, Rev RR Chungnunga of Salemveng, Lamka tanu neupen C Lalrinchhani of Rayburn College in marks 353 mu in 2^nd topper in pang a, MIL Mizo subject ah leng mark tam mupen hi. 5^th position apang N William Lhouvum of Donbosco, Maram in mark 342 mu hi.

            Class XII exam a subject wise topper ah, SL. Thangboi Vaiphei of Moreh Collge in Economics ah 80% mu in topper hihna ngah a, Hmar (MIL) ah Esther Lalringzo of Sielmat Christian Hr Sec, School in marks 91 % mu in topper tang hi. Kom (MIL) ah mark 83 mu Ornila Kom of VK Tawna College, Lamka in topper ngah a, Mizo (MIL) ah Mark 88 mu C. Lalrinchhani of Rayburn College, Lamka in topper ngah hi. Paite (MIL) ah ,mark 94 mu Donkhanching of Rayburn College in topper ngah a, Psychology    ah mark 93 mu Tingneihlam of Rayburn College in topper hihna ngah hi. Thadou Kuki (MIL) ah mark 87 mu Samuel Letkhotinthang Haokip of Donbosco Hr Sec, School CCpur in topper ngah hi. Vaiphei (MIL) ah VK Tawna College akai Khualzahoi Vaiphei in mark 82 mu in toper ngah a, Zou (MIL) ah Thangsomlal of Rayburn College in mark 92 mu in Zou subject ah topper hihna tang hi.

            Class XII Arts ah student 5350 in exam pia ua, huai lakah 825 in Ist Div in passed ua, 2^nd div ah 2606 leh 3^rd ah 781 banah passed div ah 1 om a, passed pc 78.75 tung hi. Science ah 13590 in exam a piakna lak uah 6066 in Ist div in passed ua, 2^nd ah 5195, 3^rd div ah 192 leh passed div ah 188 lawhching in passed percentage 85.66 tung hi. Commerce ah candidate 542 in exam pia in, Ist div ah 36 lawhching ua, 2^nd division ah 204 leh 3^rd division ah 49 lawhching in passed percentage 53.32 tung hi. CoHSEM nuai a class XII examination over all passed percentage 82.86 tung hi.

            Hibangkalah, nidang banglou takin tukum in CoHSEM leh BoSEM in Class X leh XII result hon puangkhia uhi. Class X ah St Joseph School, Sangaiprou akai Chandam Achouba Singh in mark 471 mu in topper ngah a, Donbosco high school, Langjing a kai Chingkhei Wangjam in mark 469 mu in 2^nd topper in pang a, Maibram Valentina Devi of Little Flower School, Saingaiprou in mark 467 mu in a thumna in pang hi. BSEM saina nuai a tutung class X result ah top 25 tan ah singtangmi khat mah leng telkha lou hi.

            Paite subject ah Chngbiaklun Irene of Young Learner’s School leh T Kamnunsiam of Ebenezer Academy te’n 95% marks tuak amuh ziakun topper hihna ngah tuak ua, Hmar subject ah 98 marks mu Mercie Lalmalsawm of Savio English Sec. School, Thangmeiband in toper ngah a, Thadou Kuki ah Thangjahao Lhungdim of Holy Child school, Sugnu in 96% mu in topper ngah a, Mizo ah Donbosco High School a kai 91% mu Issac Lalengkima Khiangte in topper ngah hi. Zou ah Grace Academy, Tuibuang akaituak Chingnuammang leh Gema Niandeihoi te’n mark 93 tuak mu in topper ngah uhi. Vaiphei ah EM Standard High School, Kamuching Thiamdawi a kai Hatneikim Vaiphei in 90% marks mu in topper ngah hi. Commerce subject of M Langngaihmung of Rayburn High School in mark 100 l ak ah 85 amuh ziakin topper hihna ngah hi. Tukum 2012 Class X examination ah candidate 30050 om a, Ist division ah 7051, 2^nd division ah 12654 leh 3^rd division ah 1442 om a, candidate 21147 in lawhchinna ngah in, passed percentage 70% tung hi.

Niandeihhoih NeinunhoihNiangthiankim

Luangmei Lungjangaipou

LangngaihmungLalrinchhani

 

Lalengkima Khiangte

KamnunsiamChingnuamman

Chingbiaklun

Arts 17 -Jennifer Niangthiankim

 

{rss uri=https://picasaweb.google.com/zogam.com/TopperZT2012 limit=50}

MLA in a biala lawhchinna ngah panpih sawm:

BRO labour tanu in Class XII (Arts) ah 3^rd position ngah

Lamka, May 11: Khawta neukhik, Sumtuk akipan himahleh kum 18 lela upa Niangthianmawi, tutung HSSLC result puankhiakna ah Arts stream a 3na in pang a, a kuhkalna tawh in IAS hihding tum tinten ahihdan aman agenban ah a mel kilatna apan muhsuah theihding om hi. Niangthianmawi in pawl 5 tan akhua uh Sumtuk (Thanlon Sub division) a Mission school ah kai hi. Tuanung Rengkai Zion Veng aom apaneute inn pansan in Lamka ah laizil di’n om a Blue Star Academy akipan pawl X first division in zoukhia hi. Aman a result pen, hahtak a laisim ahihziakin, lamdang salou ahihdan gen a, himahleh keikia hatna hizawlou in Pathian ompihna, banah nulepa banah sinsaktute panpihna ziaka hiai bang lawhchinna tang ahihdan gen hi. Thanlon bialtu MLA Vungzagin Valte in Mawi’ lawhchinna azak in kipahpih mahmah kawmin, Thanlon khangthu adia chiamtehtham ahi a, a career a sektouhna ding ah malmal mahmah in ka hihtheih tawp ka suah ding chi hi.

            Innsung vai a sep leh bawl ding tamtak nei ahihziak in nikhat a laisimna hun tam neilou ahihdan taklang kawmin dakkal 2 khawng lel laisim hi’n kigen a, himahleh nikhat mah leng alaisim ding ngeingaihlou ngeilou ahihdan Manipur Express te’ dotna a dawnna khat ah gen hi. Akaina Don Bosco Hr. Sec School ah topper hihna khahsuah ngeilou a, school leng nikhat mah ‘Absent’ ngeilou hi’n kigen hi.

            Aman sanggam pasal 2, amah sanga upa zaw tuak nei a, alianzaw in lai zilnawnlou hi. Aneuzaw pen in tulel in Engineering (Computer Science) sinlel a, amah chawmna dia sum khateng a khak poimawh ahihziak in anu leh pa BRTF-te (pioneer) nuai ah kitha lawh uh hi’n gen hi.

            Tulel in anu leh pa Thanlon ah khaw sata uh a, atanu un hiai bang lawhchinna angah hun (result puankhiak hun) inleng Thanlon khaw gal zeka BRTF-te nasepna mun ah lampi bawla buailai ding uh hi’n kigen hi. BA ah political science lak a, IAS hihding tum Niangthianmawi in, BA pen Hyderabad ah sutzop ding lunggulh ahihdan leng gen hi.

            Hibangkalah Vungzagin Valte,MLA(Thanlon A/C) in tutung a Class X leh XII result suak a lawhchinna ngah tengteng kipahpihthu puang a, adiakin Class XII Arts stream ah Manipur pumpi a 3^rd position la ban Sumtuk mi Niangthianmawi kipahpih mahmah ahihdan gen a, further studies aneihna ding tawh kisai a kithuahpih theihna om liai teng ah kithuahpih ding ahihdan tunitakin a tenna inn Niangzen Khualbuk, New Lamka ah gen hi.

Commerce a 2^nd topper in Bank Officer lunggulh

Lamka, May 11: Council of Higher Secondary Education, Manipur in tuni a Class XII result apuankhiakna ua Commerce stream a Manipur pumpi a nihna (2^nd topper) Ms C Lalrinchhani of Rayburn College, New Lamka in Bank Officer lunggulh ahihdan gen hi. 1995 kum apiang Lalrinchhani ahihleh Rev R R Chungnunga leh Lalthalamuani of Salemveng tanu neupen hi a, aman Class A apan X tan Donbosco High School, Salemveng ah lehkhasim hi. Tutung Class XII commerce result tawh kisai in Ist Division tanbel ki nem mah leh top 10 tung ding hial a ki gingta lou ahihdan gen a, huai kawmkawm in a mah hanthawmtu a nulepa banah, a teacher te adiakin Principal Rev Khen P Tombing tungah kipak mahmah ahihdan gen hi. Aman school/college holiday hunte in lehkhasim hah bawl zaw a, huchi lou in study hours kichiantak in neilou a, himahleh, hun awl aneihte mansuah lawlou ahihdan gen hi. Maban ah Imphal a DM college ah sutzop alunggulh thu leng Manipur Express palaite zasak hi.

 

Dist Level Athletic Meet 2012 hunkhakna

Lamka, May-11: Lamka Public Ground ah zanhal akipan ‘1^st District Level Athletic Meet-2012’ om a, huai ah Block 6 huamsung a school 50 tuamtuam apan student 952 vel kidemna ah tel uhi. Tuni zinglam in a Meet hunkhakna function om a, Chief Guest in Phungzathang Tonsing, Minister( Health & FW, GAD & CADA) pang hi. Huai ah Guest of Honour in H. Deleep Singh, IAS, Director/YAS pang a, Chief Host in Sumant Singh, IAS, State Project Director, SSA-RTE/RMSA pang hi. Functional President in Dr. J. Suresh Babu, IAS, Principal Secy, Edn(S) pang ding chih himahleh lemtanlouhna khenkhat ziakin tel theilou hi.

     INA Memorial H/S apan Md. Ali Ahmed of INA Memorial HS in Sub-junior boys ah best athlete hihna la a, Pauhoihching of Standard H/S Singngat in Sub-junior girls ah best athlete hihna la hi. Md. Sadam of INA Memorial H/S in Junior boys ah best athlete hihna la a, Niengnunmawi of Greenwood Academy in Junior girls ah best athlete hihna la hi. Best block ah Singngat block leh CCpur block in Best Block hihna la uh a, Singngat standard H/S leh GM H/S te’n best school hihna la uhi.

       Chief Guest in a thugenna hunah ‘1^st District Level Athletic Meet-2012’ lawhching taka sai ahihna ah kipahhuai sakthu genkawm in hibang thilhoih pankhiate pahtakthu leng gen hi.Aman a genzelna ah kum masalam in Dengue natna ziakin CCpur district ah dipkuatna nasatak om mahleh pan naktaka lak ziakin betdaih theih hita a, Hill district dangte a om ngei nailou CT Scan tanpha dist hospital a koih himahleh mi hoih tampi lakah ahoihlou leng tamkhop omziakin tu in huai thubuai omtou lai a, himahleh huaite order thak ahihziakin kuamah in buaipih nawnlou dingin ngen a, kal 2 nunga hongtung ding hi’n leng gen hi. Minister in a genzelna ah dist. sunga singtang bialte ah tunung in medical tour neih hiding a, damloute free medical camp neihpih hiding chi hi. Kum tamtak apan Pearsonmun hanmual thubuai omnung in amah mah in BSF thuneite kiangah zingchiang in gam piakkhiakna taktak nei ding hi’n gen a, hanmual gam liantak pen Pearsonmun in tangta ding chi hi.

         Guest of Honour in a genna ah CCpur dist. sunga student-te ading Athletic kia hilou in discipline dang leng sai ahihtheihna dingin amah lam apan huhna piak theih ding hi’n gen a, CCpur dist. in sports lama masawnna thupitak angah ziakin kipahhuai asakthu gen hi. Chief Host in tulela DC nu’ phathuai sakthu gen a, amah ngei leng DC/CCpur ahih hunsung a salute 6vei alakna Lamka Public ground ah tuni a hun a zatkhak nawn kipahthu gen hi. MGNREGS nuaia Job Card nasepna hoihtaka paithei in DC nu’ mah leng development lam a lunglut mi ahihziakin leng phathuai a sakthu gen hi.

      DC/Ccpur in mipi paikhawmte’ vaidawn kawm a keynote address a piak hunah dist. sunga students tamtakte kimawl lunglut uh ahihman in dist. adinga 1veina hiai meet zat theih a om ahihdan gen a, huaiding a panlakpih CCpur DC lui Sumant Singh, IAS, tungah leng kipahthu gen hi. Kimawlna adiakin athlete lamah students tamtak lunglut ziakin dist. level kia hilou in state level tanpha ah leng lawhchinna ngahthei tamtak omta ahihdan leng gen hi.

 

Gari-te ngeina bangin pai nawnta

Lamka, May-11:Lamka-Imphal kala service Tata-Winger neitu(All Lamka Taxies Owners’Society (ALTOS) leh Imphal-CCpur Bus Owners&Workers’Assn (Down service)te kala kitheihsiamlouhna om banah ALTOS te’n Imphal a parking mun a nget uh limsaklouh ziakin April 29,2012 akipan Tedim Road line ah passenger pua Gari ‘bandh’a puan ziakun Transport Minister makaihna in kihouna om mahleh passenger pua Bus leh Tata-Winger-te taituanlou uhi. Huai thu ah CDSU makaite’n zan in ALTOS makaite kimuhpih uh a, huaizawh in Imphal-CCpur Bus Owners &Workers’Assn (Down service) makaite mobile tungtawn in houpih uhi. CDSU in passenger pua gari teng tuni apan service din ngen uh a, huai dungzui in line Bus (down & up service), direct bus (express te) leh Tata-Winger te’ tuni apan ngeina bangin service nawn uhi.

 

IGP( Zone-II) in Lamka pha

Lamka, May-11: T.Pachuau, IPS, Inspector General of Police (Zone-II) in tuni zinglam in Lamka hongpha a, SP/CCpur office ah Police officer-te kimuhpih hi. Huai ah Dist Hospital a CT Scan vanzat khenkhat kigumang tawh kisai Police te’n bangtan suizui uhiam, chihthu tel in thu poimawh tuamtuam genkhawm pih a, huaizawh sunnung in Imphal ah kiknawn hi.

Chairman, ADC makaih in meeting

Lamka, May-11: Langkhanpau Guite, Chairman,ADC/CCpur makaihna in May 9, 2012 in Vice Chairman, ADC/CCpur; CEO,ADC/CCpur leh Dist Level Officer(DLO)te tawh meeting uh a, govt in Dist Council(ADC) khut ah deptt tuamtuam 23 a piak tungtang genkhawm uh a, Chairman in huai ni a tellou DLO te tuni zinglam dak 11:00 in meeting neihpih nawn hi. Huaizawh sunnung dak 2:00 in Chairman in MDC teng meeting neihpih hi. Huai ah MDC te’n amau area chiat a development work-te report pia uh a, development works tawh kisai leh thu tuamtuam genkhawm uh hi’n kigen hi.

 

ZYA Go Cin Khup Veng unit

Lamka, May-11: TCYA Hall, New Lamka(G) ah zan nitaklam dak 6.30 in ZYA Gen HQ makaihna in ZYA Go Cin Khup Veng unit honna leh laklutna programme om hi. Huai ah kum 2012-2014 sung vaipaw ding telna leng om a, President-S. Pum Khaw Kam, Vice President-L. Khokai, Secy-Dal Sian Pau, Asst Secy-G. Suan Khan Mung, Fin Secy-S. Neng Za Thang leh Treasuer-N. Kap Cin Thang telching hi uh a, huaite banah Executive Member 4 leh Adviser 5 leng guang uhi.

Bail in USRA cadre pawtkhia

Lamka, May-11: Henglep Sub-divn a Chiengpi khua ah May 5,2012 nitak in 46-Assam Rifles te’n mi vaulau kawma sum ngen chi’n USRA cadre Pauminlien (24) s/o Lunngam of Singngat mankhia in Imphal Police ah a piakkhiak uh Henglep Police te’n Imphal police-te apan a case lasawn in CJM court ah dingsak uh a,CJM in tuni tan Police custody a omding in phalsak a, tuni in bail a pawtsak chi’n Police thusuak kingah hi.

Farmers’ Training programme

Lamka, May-11: District Vety office/CCpur saina in B.Vengnuom a Community Hall ah tuni zinglam in RKVY 2011-2012 nuai ah Farmers’Training Programme kipan a, Chief Guest in Ngamhao Touthang, MDC pang in Guest of Honour in S.Thatkhogin, Chief of B.Vengnuom pang hi. Technical session ah Dr Th Debendra kumar Singh, Jt Director(Vety) Ukhrul; Dr Shantimukar Singh, Project Officer(ICDP) Porompat; Dr O.Lokendro Singh, Vety Officer/Imphal; Dr Lalnghaklien Hirler, Vety Officer/CCpur; Dr Rosangzuol Khawlum, Vety Officer/CCpur; Dr S.Mahajit Singh, Vety Officer/CCpur leh Dr J.George Joute, Vety Officer/CCpur te’n sinsak uh a, May 12, 2012 in zou ding uhi.

MSDS in Awareness campaign

Lamka, May-11: Manipur Skill Development Society(MSDS) saina in tuni in IB road a Synod Hall ah ‘One Day Awareness Campaign’ om hi.Huai ah C. Kipgen, Project Director,MSDS in MSDS tungtawna training theihte taklang a, dotna &dawnna leh ngaihdan tuamtuam genna hun ah makai hi. Huai awareness campaign ah H/S leh College tuamtuam apan student tamtak tel uhi.

 

Pawl tuamtuam 3 in mawhpaih

Lamka, May-11: CCpur Nurses Association, Grade-VI Association of Dist Hospital leh Hospital Joint Staff kigawm pawl tuamtuam 3 in Thangginlien s/o Lalkhopao of HQ Veng in May 9, 2012 nitak dak 8.00 in Hospital a duty Bethesda School of Nursing a GNM student khat rape a sawm puaknat thu leh lamdangsak thu puang kawm in a mawhpaih ban uah akituahpih bang gawtna piak ahih deihthu puang uhi.

ZDV/KNO apan khawlsak

TCK Anthony,C-in-C, ZDV/KNO in thusuah a bawl kimu dan in ZDV General Secretary Khamsuanmung @ Alex Mung s/o L. Chinmang in pawlpi adia sem theilou dia a om ziakin tuni(May 11,2012) apan in khawlsak(suspend) hi a, aman ZDV min in bangmah semthei nawnlou ding chi’n leng puang hi.

SUUNNA

Niankhovung (56) @ Khovung w/o Upa (Dr) Chinkholian Guite of Lailam veng, tunitak in sin na ziakin si a, May 12, 2012 in Lamka hanmual ah kivui ding hi. Amah ahihleh DIET a Vice Principal ahihbanah tulel a Siamsinpawlpi General HQ General Secretary Paukhenkhup Guite’ piannu ahi hi.

 

Jamngaihmuan(24) d/o Mrs Chingniang @ Chingpi of HQ Veng tuni zingsang dak 4:00 vel in toilet ah awklum sa in muhkhiak hi a, tuni’n HQ hanmual ah kivui hi. Jamngaihmuan ahihleh heart case nei hi’n kigen hi.

.