CDSU office ah meeting : Bandh ding call-off
Lamka, May-8: Tuni zinglam dak 11.00 velin CDSU administrative office ah CDSU, KSO/CCpur leh Philantrophic Orgn tuamtuam in joint meeting nei uh a, Lamka-Imphal kikal kawmtuah a passenger service Tata-Winger neitute All Lamka Taxi Owners Society(ALTOS) leh Imphal-CCpur Bus Owners &Workers Assn(Down service) kala buaina genkhawm uhi. ALTOS leh Bus kal thu bangmah thupukna bawllou uh a, Director (Transports) in May 10, 2012 in ALTOS leh bus-te kal thu tawh kisai meeting a sap ziakin huai hungaih phot din thukim uhi.
Huaiban ah Dist Hospital a CT Scan vanzat kigumang leh thu tuamtuam tawh kisai in CDSU in May 9, 2012 zankim apat total indefinite bandh a puan sawm uh leng mipi khualna ziakin call-off phot uh a, himahleh demand 3 nei in May 10, 2012 zinglam dak 10:00 apan Dist Hospital a waiting shed ah sit-in protest neih din thupuk uhi. Demand a neihte uh ahihleh Dist Hospital a CT scan vanzat mang thu ah Police te’n guta(culprit) a matkhiat ding, huai tawh kiton in govt in Dist Hospital a Medical Supt tung ah akintheilam a action lakding leh Dist Hospital campus sunga gari parking fee kilazel pen laknawnlouh ding chih hi’n thusuak kingah hi.
SP/CCpur in Spl team bawlkhia
Lamka, May-8: Dist Hospital a CT Scan vanzat khenkhat kigute akinlam a suikhiat ding ngimna in L.Mangkhogin Haokip, IPS, SP/CCpur in S. David Piaklian,MPS, SDPO/CCpur makaihna Special team bawlkhia a, huai ah Women SI Luanneihoi, SI Thangpu Tonsing leh SI Thuamsuanthang tel uhi. CT Scan vanzat mang tawh kisai SP in a genna ah a tunglai in Police te’n CT Scan vanzat teng seal bawlin key zanga lock hileh finger print leh foot print apan guta matkhiat theih hiding chi’n gen hi.
District Level Athletic Meet
Lamka, May-8: Dist Administration leh ZEO/CCpur saina in May 9, 2012 zinglam in Lamka Public Ground ah District Level Athletic Meet kipan ding a, official a honkhiatna bel omlou ding hi’n kigen hi. May 11, 2012 in huai Meet zouding uh a, huai ni zinglam dak 11:00 in closing ceremony om ding hi. Huai ah Chief Guest in Phungzathang Tonsing, Minister (Health & FW, GAD & CADA) pang ding a, Functional President in Dr Suresh Babu, IAS, Principal Secy, Education (S) leh Guest of Honour in Sumant Singh, IAS, State Project Director, SSA,RTE/ RMSA pang ding hi.
Cooker puakzak in inntung deng vang
Lamka, May-8: Zanhal nitaklam dak 3.30 velin Pearsonmun vengkhang a Liankhankhup Guite s/o (late) Thangkhanpau inn ah zanhal nitaklam dak 3.30 velin meh huanna pressure cooker puakzak a, cooker sin(cap) lengkhia in inntung dengtou a, langva khauh mahmah himahleh deng vang hi’n kigen hi. Cooker a puahzak phetin Gas stove leng kisia a, part tamtak kithehdalh in cooker sitna leng gas stove omna apan feet 10 vela gamla ah mukhia uhi. Cooker puahzakna ah gas cylinder bangmah chilou hi’n gen uhi.
Liankhankhup sanggam nu’n zan nitaklam in pressure cooker ah dal meh huan a, hun bangtanhiam nung in min simta a theih ziakin gas hekniam a, thildang a sep lai in Cooker a kihuan dal neng te’n cooker apan huih potna ding dalkha a thakhat in puakzak hi’n kigen hi.
Get together-cum-Socio political discussion
Lamka, May-8: Zomi Council Gen HQ inntekna in May 12, 2012 zinglam dak 10.30 akipan in Nehru Marg a Zomi Council administrative office ah Minister/MLAs, ADC Chairman leh MDC-te tawh Get together-cum-Socio Political discussion om ding hi.CCpur district apan telching a om Minister,MLAs, ADC Chairman leh MDC-te ban ah Saikul A/C, Kangpokpi A/C, Saitu A/C apan MLA leh Chairman,ADC/Chandel apan thugen ngaihkhiakna leng om ding a, huaizawh in general discussion in zui ding hi. Programme zawh in an nekhawm ding uhi.
Mipi in Scooter gu pummat
Lamka, May-8: Zan nitak dak 7:30 vel inTedim Road a SBI CCpur branch kiang lak ah gari guksawm khat mipi in pummat in soisa uh a, Police te’n a theihphet un huai mun delh uh a, mipite soisak pasak khat Police station ah tonpih uhi. Police apan kizadan in amah Thomas Lotha hi a, 46-Assam Rifles asem hi’n gen uhi. SP/CCpur apan kizadan in Police Station ah thudotna hoihtak neih hi a,Thomas Lotha in a gendan in nitaklam pawt in zu a khamluat ziak a, amah Gari tanpha thei tuanklou in midang’ gari a taisawm kha a, mipi’n man in soisa kha uh hi’n gen hi. SP in a genbehna ah amahAssam Rifles a sem ahihdan theihkhiak nungin FIR leng register louin Assam Rifles-te’ kianga piakkhiat hi’n gen hi.
ZYA Gouchinkhup veng Unit honna
Lamka, May-8:Gouchinkhup Veng,New Lamka a TCYA Hall ah May 10, 2012 nitak dak 6.30 in ZYA Gen HQ a makai-lui leh a thakte kithuahkhawm in ZYA ZYA Gouchinkhup Veng Unit honna hun zangkhawm ding uhi. Huai ah Goukhomang, President ZYA Gen HQ in ZYA Unit thak hongkhe ding a, Herbert T. Sumpu, ex-President ZYA Gen HQ in Unit vaipaw thakte kichiamsak ding hi. Goukhomang, President ZYA Gen HQ; LB Sona, Chairman, Zomi Council leh H. Mangchinkhup, EM/ADC te’n thugen ding uhi.
Farmers’ Training programme
Lamka, May-8: District Vety office/CCpur saina in B. Vengnuom a Community Hall ah May 11, 2012 zinglam dak 11.30 in RKVY 2011-2012 nuai ah Farmers’ Training Programme om ding a,huai ah Chief Guest in Ngamhao Touthang,MDC(buong) pang ding a,Guest of Honour in S. Thatkhogin, Chief of B. Vengnuom pang ding hi.Technical session ah expert leh specialist tuamtuam resource persons a pang in topic tuamchiat zangin sinsak ding uhi.
Diesel Auto leh Activa kiphu: mi 5 liam
Lamka, May-8: UBI/CCpur branch kiangah zanhal zinglam dak 11.00 velin passenger pua Diesel Auto leh mi 2 tuanna Activa kiphukha a, Activa atuang naupang 2 banah Auto driver leh passenger numei 2 liam uhi. Activa hektu Feroz Khan(13) s/o Salam of Mandop Leikai, (near Zomi Colony) a veilam khut guh kitan a, alawmpa Dhurba Kumar(12) s/o Durga Bahadur of Zomi Colony leng liam zek hi. Auto leh Activa kiphutkhak hun ah Rose(8) d/o Khuptinkhai of Kotlien leh Nemjou (45) w/o Ngursanglian of Hmar veng a tuanna uh auto apan lengkhia in lamlian ah amai uh tatkha uh a, aliam nasat ziakun doctor te’n RIMS adingin refered uhi. Auto driver leng liamzek hi’n gen uhi. Activa pen kisenak mahmah in taithei nawnlou a, Auto pen amailam glass telin mun bangzah hiam kisia hi.
ZYA vaipaw thakte meeting ding
Lamka, May-8: Zomi Youth Association vaipaw thakte’n May 12, 2012(Kiginni) sunnung dak 1.30 in Hiangtam Lamka a YPA Gen HQ office ah meeting ding uh a, huai ah ZYA Cabinet kekletna leh thu poimawh tuamtuam genkhawm ding uhi. Huai ah ZYA constituent unit apan President leh Secretary teng banah representative teng telchiat dingin theisak uhi.
Cable gui sautak kigu mang
Lamka, May-8: New Lamka, Zion Veng om Skynet Cable Network in Ngathal khua apan Kawnpui/Thingkangphai khua supply-na metre 150 vel asau main cable a khun uh zan nitak in pawlkhat in a gukmang ziak un huai area ah Skynet Cable Network buai hi’n gen uhi. Main Cable wire gute theihkhiat ahih hun ah akituahpih bang action lak hiding in Proprietor apan kiza hi.
Sikdal in atal dawtkha
Lamka, May-8: Seiminlen(4) s/o Haoneo of N. Muolhoi zan in a school kaina a ihmu lai kipuk in sikdal(nail) in atal(forehead) ah dawtkha a, khutchin mai chiah ding vel tum hi. Seiminlen in HM English School ah preparatory(prep) sinlel a, zan mah in dist. hospital ah admit in om hi.
A/R -te’n USRA cadre 1 mankhia
Lamka, May-8: Henglep Sub-divn a Chiengpi khua ah May 5, 2012 nitak dak 6.30 velin 46- Assam Rifles te’n USRA cadre 1 in mi vaulau kawma sum nget sawmlai mankhia uh hi’n kigen hi. Matkhiak a om Pauminlien (24) s/o Lunngam of Singngat hi a, Assam Rifles te’n Imphal Police ah pekhia uhi. Henglep Police te’n Imphal police-te apan a case lasawn in CJM court ah dingsak uh a, CJM in May 11, 2012 tan Police custody a omding in phalsak a, Police te’n FIR No. 2 (5) 2012 HLP-PS U/S 384/400 IPC registered uh chi’n Police thusuak in gen hi.
Thanlon A/C ading antang pawkhia
Lamka, May-8: Thanlon A/C a MLA’ nominee Goulal in tuni’n HQ Veng a FCS Godown apan Thanlon A/C ading PDS antang (April 2012 quota BPL & AAY) quintal 688 a puakkhiak ding laitak sun dak 12:00 in Thanlon A/C a MLA Chief Agent Thangpi in sawlkhia(flag-off) a, Pakap in thumna nei hi. MLA nominee tuamtuamte’n leng amau ading chiat April 2012 quota PDS antang pawkhia uhi. Tipaimukh A/C leh CCpur A/C a MLA nominee-te’n amau ading tuak pawkhe khin uh a, mipi lak ah hawmkhin uh hi’n kigen hi. Tuni a MLA nominee te’n a puakkhiak zah uh ahihleh Singngat ading 563 quintal, Henglep ding 673 quintal leh Saikot ading 865 quintal hi’n kigen hi.
Myanmar apan Manipur a van hong kipawlut-te etchet hiding
Imphal, May-8: Myanmar apan Moreh tawn in Manipur van tuamtuam hong kipawlut-te lakah adiakin nektheih thilte lak ah mihing damtheihna adia lauhuai atel hiam chih tunung in Imphal a Food Testing Laboratory ah etkhiak hiding chihthu om hi. Myanmar apan Manipur a van hong kipawlut adiakin kuva(pan) supari leh antang(rice) lakah mihing taksa adia thilpoi tungsakthei damdoi lauhuai ‘toxin’ a telkhiak hiam chih Food Testing Laboratory ah tetkhiak hiding a, huai dinga vanzat poimawh tamzaw state govt kaikhawm khinta a, hileleng India govt nuai a Ministry of Health & Family Welfare a ‘Food Safety Standard Authority of India’ apan phalna om hunhun in Imphal ah test hiding chihthu om hi. Akigendan in ‘toxin’kichi mihing taksa sunga a lut leh naupangte adin cancer natna leng piangsak thei hi’n kigen hi.
Free Eye Care camp om ding
Imphal, May-8:LionsEyeHospital and Services Trust in District Blindness Control Society,Imphal tawh pangkhawm in May, 2012 kha adia masapen ding inAirport Road a om Sangaiprou a Lions Service Centre ah May 13, 2012 in Free Eye Carecampsai ding uhi. Mitlam buaite leh mit natna tuamtuam neite’n huaini zinglam dak 10.00 akipan sun dak 12.00 sung in vanaih theih ding chi’n thusuak om hi.
Truck in lampi a pailai mi 1 phulum
Imphal, May-8: Porompat Police Station bialsung Khurai Nandeibam Leikai a Social Standard Club kiang ah zan zinglam dak 9.00 velin Truck(No. MN-01/5532) in pasal khat lamlian a pailai phukha a, amun ah si hi’n kigen hi. Truck in a phutkhak K. Ibungo(38) s/o Kumar of Khurai Nandeibam Leikai Chaithabi Lweirak hi a, etkol manlouh in accident-na mun ah sipah hi’n kigen hi. Porompat Policve te’n Truck mankhia(seized) uh a, tu’n Porompat PS ah kem(detained) uh chihthu om hi.
Hand grenade khat kimukhia
Imphal, May-8: Kakching Police Station jurisdiction sunga om Khongjom Bazar Langthel lampi pialna bul kiangnai a Thokchom Brahma Singh(55) s/o(late) Sajou tenna inn kong ah zan nitak dak 9.00 velin hand grenade kikoih khat muhkhiak hi a, Police ah report piak pah ahih dungzui in sawtlou chik sungin Assam Rifles leh Police bom,b expert team kithuahte’n va lakhia uh chihthu om hi.
SP/Imphal West in press-te kimuhpih
Imphal, May-8: Imphal West SP K. Jayenta Kumar ,IPS, SP/Imphal West in tuni nitaklam in press-te kimuhpih a, huai ah Imphal khawpi mun tuamtuam apan van leh mi tuamtuam matkhiak a omte a ensak hi. SP in a gendan in Imphal West Police te’nSpecial Drive a neihna uah May 6, 2012 in Silchar apan Tata(No.AS-18C/1117) aneitu thah nung a hijacked a om Langthabal area ah mukhia uh a, zan nitaklam inBT Road a Family Welfare office gate bul ah Chinese handgrenade 2 leng muhkhiak a om hi’n gen hi.
Imphal West Police in fake certificate bawl a sumdawngte omna mun leng luhkhiak ahihban ah vanzat tamtak leng kimukhia hi’n gen hi. Paona Bazar a Sorokhaibam Chaoba dukan luh(raid) hi a, huai ah motor vehicle licence, smart card, vehicle register book, driving licence, domicile/permanent residential certificate, seal leh a dangdang bawltawm tamtak mukkhiak hi’n leng SP in gen hi. Dukan neituS. Chaobataikhe man a, zon lel hidan in gen hi.
Tualou in PREPAK (PRO) cadre 2 in Thangal bazar a dukan khat a sum ngen lai matkhiak hi uh a, amau apanMobilehandset 2 mukhia uhi. Tuni inImphalAirportah Indigo, Kingfisher leh AirIndiainDelhiapan hong puak uh damdawi khamtheih cartoon 21 matkhiak hi a, huai damdoite cartoon khat ah strip 7,000 zel om a, aneitu theihkhiak hinaikei mahleh a box pua ahS. Sharma, Imphal chih kia kigelh in suizui hilai chi hi. Hiai tawh kisai in City police te’n case register uh a, Singjamei Police tawh pangkhawm in suizui lel uhi.
Class IX register list laktheih
Imphal, May-8 : BSEM Secretary L. Rajmohan in tuni a thusuah a bawlna ah kum 2011 a Class IX Registered List bawlzawh hita a, hawmkhiak dia man hidan in taklang hi. Tua tawh kiton in May 9, 2012 akipan in office kaihun sungin Principal/Headmasters amau theihpihna in ala ding mi sawl thei ding uhi. Huai Registered List bel June 11, 2012 tan in submit kik ngai ding hi.
Lok Sabha in Finance Bill, 2012 pass
New Delhi, May-8: Centre govt in fiscal 2012-13 adia financial proposal a bawl zat theihna ding in tuni’n Lok Sabha ah Finance Bill, 2012 pass hi a, gov t in tulela Parliament session pailel hunsung in black money tawh kisai White paper luikhe ding chi’n Finance Minister Pranab Mukherjee in tuni’n Lok Sabha a Finance Bill genkhawm lai in dotna khenkhat dawnna pekawm in gen hi. Finance Minister in White paper zawhsiang phial(final stages of drafting) hidan in leng gen hi. Scrutiny zawh a prosecution kipat hunhun in black money neite’ min taklat hiding chi’n leng Finance Minister in gen a, gamdang a black money om zah leng govt in report ngak lel lai hi’n gen hi.Independent group 3 in huai buaipih lel uh a, July ahihkeileh August 2012 sungin report muh man kinep thu leng Finance Minister in gen hi.
May 13, 2012 in Lok Sabha dinkhiak nung kum 60 ching ding
‘Parliament i chih temple ahi a,Speaker pen siampu ahi’ - Rishang Keishing,MP
New Delhi, May- 8: Parliament session a buaisek tawh kisai in Manipur apan MP(Rajya Sabha) Rishang Keishing in pawna mahmah ahihdan gen a, Parliament i chih kuapeuh in a zahtak ding,templebangbang ahi a, Speaker pen siampu (priest) banga ngaihsut teitei ding ahi chi hi. Kum 91 a upa veteran parliamentarian Rishang Keishing ahihleh first Lok Sabha a member hikha a, huai hunlai leh tuhun a tehkak chiangin kikhia sa mahmah ahihdan gen a, huai hunte ah Parliament pen temple bang khopa ngaihsut hi a, Speaker leng zahtakna sangtak piak hi a, siampu bang a koih in om chi hi.
Lok Sabha ahihleh kalnawn May 13, 2012(Sunday) in kum 60 in upa ding a, huai tawh kisai Rishang in a genna ah nidang hun leh tulai hun tehpih ding omlou khop in kikhia a, discipline neilou member a tamlua chi hi. Hiai dana Parliament session a paitouh zel leh gamsung adia siatna banghiam hongtung thei ahi chi hi. Aman a genbehna ah, Lok Sabha ka zop tung penpen in India adia zalenna sualtu eminent leader hunkhop leng tel uh chi a, India a Prime Minister masapen Jawaharlal Nehru, Lok Sabha Speaker masapen GV Mavalankar, Jan Sangh founder Syama Prasad Mookerjee, NC Chatterjee leh Acharya Kripalani banah heutu tuamtuamte tawh nuamtak leh ki-it taka ana kithuah uh ahihdan gen hi.
Nidang in India innpi sung ah kipawngsel, kipawng kou, Speaker tutna lam vanaih gulgul kichite omlou in kihou thei dialdial in member-te om a, tuni chiangin bel issue piching leng hilou, thu hou chikchik a innpi houlimna sukbuai sawm hunkhop a om chi hi. Keishing bel kum 1949 inSt. Paul’sCathedralCollege, Kolkata apan graduate a, Jaiprakash Narayan makaih Socialist Party ana zom in Outer Manipur a Lok Sabha seat masapen ah kum 1952 in MP dingin telching in om hi. Lok Sabha term 3na kum 1962 in leng telchingin om nawn a, Socialist Party mah hilai hi. Huai hunChinate’nIndiaa dou laitak uh ahihziakin, Rishang in a bitna dingin Congress zom ut in Pandit Jawaharal Nehru tawh kimu ua, Nehru in Congress party ah lalut hi’n kigen hi.
Keishing in Manipur ah Chief Minister hihna term 3 lenkha a, Rajya Sabha member dingin kum 2002 in telching hi a, a term 2na dingin kum 2008 in telching hinawn a, huai hun in amah kum 88 in upa khinta hi. Kalnawn Pathianni chiangin Lok Sabha kum 60 chin lopna kawmin special sitting om ding hi’n leng kigen hi.
LETTER TO EDITOR
Sir,
It was a welcome news when the Chief Minister said on both the occasions of his oath-taking as the new Chief Minister and on the induction of new cabinet ministers that the government’s priority would be road communication, electricity and water. However, how quick the priority will be and the way the improvement will be effected have not been described at least in our esteemed Manipur Express.
Leaving aside the other two, regularity of irrergular supply of electricity necessarily or unnecessarily cannot but be pointed out again and again by any regular tax-payer.
When the monthly electric fee was Rs. 130, a consumer felt being taxed much above what he or she was supplied with.
Now without any improvement whatsoever on energy supply, the government has raised the tax to an exhorbitant rate of Rs. 286 per month. Improvement apart, the common experience is even on a “supply day”, current comes around 9.30 am (Kangvai line) after hardly five minutes and off….it goes the rest of the day! Later it will be learnt there was some problem on the line because of this or that. Next day the department will correct the defect and electricity will come for a day or so. Again the same problems repeats. Such condition has continued for the last numberless years!
Our electric wires also may have been over-used. The line we are using now is 26 years old. Amazingly what transpires sometimes, though, is when some respect worthy persons (like advisor to the NEC) happen to come, electric supply is uninterruptedly shining bright.
Renovation of managent may be what is needed, if not a change in the system.
The new ministry, overwhelmingly elected by the people, is expected to do something good on this on PRIORITY basis.
Yours etc
Sd/-(Lalhmachhuana)
Pu H. T. Sangliana tungah JAC Khuga Dam kipak
-Lalpu Hangshing,
Chairman JAC
Rs. 400 crores hilhial beia kibawl Khuga Dam Multipurpose Project zan(May 7,2012) in Pu H. T. Sangliana, Vice-Chairman, National Commission for Minorities in amun mahmah a etkhiakna ahong neihziakin JAC Khuga Dam in amah tungah kipahthu gen hi.
Pu H. T. Sangliana in JAC Khuga Dam ngetna bangin awlmawhna lianpi tawh Khuga Dam hong enkhia hi a, aman canal kibawlte a tuiluang omlou ahihdan chiangtak in mu a, Power House dinmun leh adangdang banah Lamka mipite’ tui nek ding a PHE Dept. in Tanky/Reservoir abawlte uh leng amun mahmah a en in lungtun huai asak zawhlouhdan gen hi.
JAC Khuga Dam in Pu H. T. Sangliana kiangah Khuga dam dinmun ngentel takin hilhchian a, hiai Dam apan mipi’n hamphatna mulou ahihdan report piak ahih banah Dam in a suksiat khak inn-le-lou nei innkuan tampite’n a muh ding dol uh compensation leh local contractor- te’n amau sum-leh-pai seng a na asepna uh ginatak a mulou uh ahihdan report bawl in mipite adinga thang(trap) ahihdan taklat hi a, Khuga Dam in tunitan in mihing hinna tamkhop lata ahihdan leng kigen hi.
Pu H. T. Sangliana in Khuga Dam a visit ziakin mipite ading a gah thupitak maban a hong om ding in lam-etna nei ahihdan JAC Khuga Dam in puang hi. Aman hiai Dam pichingtak ahihtheihna dingin mipi mahmah in naktak a pressure a piak poimawh chi’n leng gen hi.
.