‘MILPOI HITE’ Music Video honna
Lamka, July-5: Thadou-Kuki Motion picture ‘MILPOI HITE’ kichi tuni nitakin B.Vengnom Community Hall ah honna om a, Helien Kipgen, PRS, KNO in khuallian a pang in hong hi. Huai ah Functional President in Lalminthang Vaiphei, Social Worker pang a, Guests of Honour in D. Letkholal Haokip, President, CDCTA; T. Lalboi Haokip, Dist. Co-ordinator, DSSS/CBDAP; N.Thangchinhau, Treasurer, CDSA; Paokholen Haokip, Social Worker pang uh a, Special Guests in K. Haopu Gangte, Gen. Secy, KSDC; Ch. Lhunchon, Gen. Secy, CDSA leh T. Samuel Ngamkhopao Haokip, Chief of N.Zalenphai pang in, amaute kiangah presentation leh memento piakin om uhi. Y.B Production adia Album 2na Music Video honkhiak hun in Thangjamon, Director in Album adia Actor/Cast tuamtuamte pulak a, lasiam tuamtuam leh mipi tamtakin uap uhi.

Lampi a pailai numei 1 gul in tu
Lamka, July-5:Hatneiting(16) d/o Paojahao of T.N. Vaison zan nitak dak 8.00 velin lampi a pailai gul(snake) khat palkha a, huai gul in a taklam khe tuksak hi. Gul in a tuk ziakin Hatneiting paitheilou in tuni’n district hospital ah admit in om hi. Huailou in Jamtanlian (18) s/o Donglian of Singngat in a sabetna ah thau a kapdek leh along puakzak in thau a letna akhut naktakin liam a, amah leng hospital ah admit in om hi.

Compt exam ah student 490 tel
Lamk, July-5: BSEM saina in tuni zinglam dak 10:00 apan in SA Road a Children’s Training Hr Sec school ah HSLC Compartmental Examination-2014 om a, candidate 498 lak ah 490 present in student 8 absent uhi. Huai ah candidate te’n mahni school uniform chiat silh uh a, security-te leng hoihtaka duty in exam siangthou mahmah hi.

Electric current in a mat damzoulou
Lamka, July-5:Police apan kizadan in zan zinglam dak 6:00 velin Leijangphai khua ah electric gui (wire) L.T. Line(11,000 volts) kitan in leilak a kikhunglai Nehminlien(25) s/o Haokhosong of Leijangphai in akhe (leg) in palkha a,electric current in a mat ziakin etkol manlouh in si chih ahi hi. Thanlon Police leh Thanlon PHC a doctor in zan in post-mortem bawl uh a,huaizawh in a innkuante khut ah pekhia in zan nitaklam in kivui chihthu om hi.
Nehminlien sih tungtang ah Thanlon Police te’n Unnatural Death (UD) Case No. 1/TLN-PS 2014 U/S 174 Cr PC registered uhi.

Financial Literacy Awareness Camp
Lamk, July-5: Relief and Development deptt/ECA saina in tuni zinglam in New Lamka, College Veng a Village Authority Hall ah ‘Financial Literacy Awareness Camp’ om a, L.K Mung, Chairman, College Veng, V/A in hong hi. Awareness camp ah Axis Bank apan Sushil, Manager; Tualkhansuan leh Indian Postal Service apan Chinmuanthang in sinsak uh a, mi tamtak tel uhi.

YPA Hall ah Crusade om ding
Lamka, July-5: Hiangtam Lamka a YPA Gen HQ Hall ah July 7-12, 2014 sung Truth Mission Evangelical Fellowship(TMEF) saina in Crusade om ding a, huai ah Rev Dr Rohmingliana in thugen ding chih thutut kingah hi.Crusade om sung nitak dak 6.30 tengin thugenna(sermon) om ding a, zinglam dak 11.30 tengin counselling om ding chih ahi hi.

Orphanage 3 a student-ten’ free in enthei
Lamka, July-5: KSO/CCpur leh Brothers Enterprises,Assam saina in Tuibuong Peace Ground a Summer Mela pailel ah KSO/CCpur te’n Orphanage Home 3 a om student te’ manbei in Summer Mela ah hawhsak uhi. Pangjawl a Happiness Home apan student 51, Bungmual a Amazing Grace apan student 5 leh Bijang a Sang-ga Muon Inn apan student 30 val hawh uh a, student-te’n Magic show en in Rusain Plane leh Mary Gold ah tuang uh a, kipak thei mahmah uhi.

CCpur-Imphal kikal a sum demand a om thu ngai serious uh
Lamka, July-5: Ccpur-Imphal Taxi Owners Society(CITOS) pawlin thusuah a bawlna uah, SoO group a tellou group khat in sum demand bawlin hunchiam a piak uh July 5, 2014 in bei a, Ccpur-Imphal kikal a Tata Winger service-te’ tunga sum demand a om amau adin haksatna liantak tun a, UG group tuamtuam in leng sum a demand sek ziakun security force(law enforcement agencies) leh mipite’n pan lakpih dingin ngen uhi. CITOS thusuakin a taklat dan in mipite adia a poimawh ziakin Imphal-Ccpur kikalah Winger-te service uh a, huai thubuai hihveng ahihkeileh Tedim line a gari service a khawlsan uh ngai ding hi’n taklang uhi.

Natural Resource Management trg
Lamka, July-5: State Institute of Rural Development (SIRD), Govt of Manipur akipan huhna zangin DRDA/CCpur saina in July 15-17, 2014 sung zinglam dak 11:00 apan in Tuibuong a Dist Training Centre ah ‘Training Course on Natural Resource Management for Rural Livelihood’ om ding hi. Huai ah Block teng akipan member 10 chiat, VLW-te, AO-te, SO-te ban ah V/A a Chairman leh Secretary-te’ telding uh a, SIRD apan official-te’n sinsak ding uhi.

Singngat ah malaria PF 2 mukhia
Lamka, July-5: Singngat khawmi khawsik a damlouh ziaka hospital a etkol a om Chingenlian(46) w/o Kamtunmung of Singngat Thadou Veng leh Nengcha (30) w/o Thangminlen of Singngat Zalenphai te’ sisan test tungtawn in malaria positive ‘PF’ muhkhiat hi’ kigen hi. Mrs Nengcha in naupai(pregnant) a, kha 5 phata hi’n kigen hi. Singngat khua a malaria positive PF 2 muhkhiat thu ah kalnawn sungin Malaria deptt te’n DDT ‘Focal Spray’ kap ding uh a, huai dingin State Malaria deptt in vanzat a piak ngai ding hi’n kigen hi.

JNV a Class VI zilding selection
Lamka, July-5; Jawahar Navodaya Vidyalaya(JNV)/Tuinom/CCpur ah academic session 2014 akipan Class VI zil ding lakna din tuma lama Entrance Test om tuni’n selected list(result) puankhiak hi a, huai ah mi 80 lawhchng uhi. Huaite’ min leh roll No. kimtak ANUAI AH:

Jawahar Navodaya Vidyalaya: Tuinom, CCpur, Manipur
Provisional List of (JNVST 2014-15) Candidates selected for Admission to Class VI for the session 2014- 15
Roll No. Name
L00256 SEIKHOTINTHANG LHANGHAL
L01503 FRANCIS VANLALRUOT
P00561 LIANSIANMUANG
P00574 SONIA NEMNEITHEM
P00736 KIMHOITHEM KHONGSAI
P00738 JOICY LAMNEITHEM BAITE
P00828 NENGNUNNEM
P01521 JANE MARY
P01540 TERESA NIANGNGAIHSANG VARTE
P01556 THANSINGPUI
L00169 JOHN LUNMINTHANG HAOKIP
P00756 SANGNENG
P00825 ANGELA DIMSANGKIM
L00241 HAUMINTHANG
L00290 SEIKHONGAM LHANGHAL
L01499 LALROCHAN SONGATE
P00470 GRACY LHINGNEIHOI
P00733 TABITHA LAMNEINENG MATE
P00766 NEMNEIMOI BAITE
P00857 ESTHER HOINUAM
I00013 RAGHAV KUMAR
I00983 KONTHOUJAM RONELDRA
I01663 GALIN NAROIBAM
I01667 JENISH POTSHANGBAM
I01673 GENIUS SINGH WAHENGBAM
J01684 HEMEM SUITAN SINGH
K01689 LALMANI MEITEI MOIRANGTHEM
L00239 S GINLIANKHUPTHANG
L00311 JOHN LIANSANG HILSIA
L00326 JANGGOUTHANG
L01478 SIELA ROHMINGTHANG
L01494 REMRUOTSANG
L01498 JACOB MALSAWMLIEN
L01501 JEHOVA HNAMTINKHUM
L01502 MAX LALVENHIMA
L01513 DANIEL LALNGAIZUOL INFIMATE
L01691 FRANCIS AILAMSUAN ZOU
L01710 GINMINSEM
L01725 LAMKHOMANG HAOKIP
L01736 ALBERT NGAMTHANG HAOKIP
L01738 MANGTE PETER KOREN
M01745 SHANDHYARANI DEVI KONSAM
P00774 LHAINEILHING HANGHAL
P01523 VASTI ZORAMPAR
P01524 RABONI LAWMNAKIM
P01544 MERINA LALNUNHLIM
P01777 HATNEITING MARINA HAOKIP
P01781 MERINA KOM
P01782 VAHNEIKIM
P01791 JANGNU TELEN KOM
K00038 MANISH SINGH OINAM
K01688 ROSON MEITEI NINGTHOUJAM
L00316 JAMKHOTINTHANG BAITE
L01488 IMMANUEL ZOLIENSANG
P00459 JESSICA LAMCHONGHAT GANGTE
P00779 LAMNEINENG
P01518 MARGARET LALHUNTIEM
P01528 GLORY RAMNEIVAR
P01551 MARYJONE LALTHANGPUI
L00202 THANGMUANSIAM TONSING
L00249 LETLENLAL LHUNGDIM
L00327 EVAN SUMLIENKHUP
L01207 KAPMUANLAL PHIAMPHU
L01217 LETGOUMANG VAIPHEI
L01481 LALBIEKSUNG
L01493 STEPHEN LALREMRUOT
P00465 TINNEILAM
P00639 TAITHANMAWI
P00685 MERCY NENGNEITHEM
P00729 CHINGNGAINENG BAITE
P00748 ELLEY CHIINNEIKIM
P00764 NANCY DEIKHOMIM MATE
P00790 CHINNUNMAWI
P00838 NEMNEITHEM MERCY
P01527 JUDITH BETHLEHEMMAWI
P01533 LALTLINGMAWI
P01542 CAROLYN LAREMZO INBUON
P01548 RUTH LAMNUNMAWI
P01549 TRACY LALRINGDIKI
P01555 REBECCA ZAMTHIANMAWI

Sd/-(Principal)
JNVT, CCpur

New Bazar ah pawl khat in vawliam
Lamka, July-5:Tuni taklam dak 4.00 velin New Bazar ah pawlkhat in Lalboih (35) of Bungmual vawliam uh a, khawphawklou a om in hospital puaktung in om hi. Huai tawh kisai aman a gendan in New Bazar ah mehlei dinga kuan, a meltheih khat pawlkhat in a vuak uh vaphelh deklai, mi vawtute’n amah khoih uh hi’n gen a, amit leh amai banah mun tuamtuam sidup hi.

ITI/Saikot ah interview om ding
Industrial Training Institute(ITI)/Saikot ah 1st & 2nd year course adingin July 11, 2014 zinglam dak 10.30 in interview om ding a, huaia telding candidate te’n original document tawi chiat dinga theihsak hi uhi.

SUUNNA
Lalzalian (28) s/o S.Nangdoulian, Chief of Mualpi village tulela Zion Veng, New Lamka a om tuzing dak 3.00 velin sungna in si a, tuni’n Mualpi village ah kivui hi.

IMPHAL NEWS:
Chief Minister in Governor mu
Imphal, July-5: Chief Minister O. Ibobi in tuni zinglam dak 11:00 velin Raj Bhavan vapha a Manipur Governor VK Duggal tawh dakkal 1 sung kimu in kihouna nei uh chihthu kiza hi. CM leh Governor kihouna ah bang thu genkhawm uhiam chih thuchian zak hikei mahleh July 11, 2014 a Assembly Session ding tungtang gen uh hidia gintak hi a,khenkhat in bel tulai a MLA pawl in Ministry reshuffle dinga CM a phut uh tungtang leng CM in thil omdan Governor genpih hiding chipawl om hi. Governor VK Duggal in tuni nitaklam dak 3:00 in Delhi zuan in zinkhia chihthu om hi.

CM in Shija a damlou om veh
Imphal, July-5:Chief Minister O. Ibobi in tuni’n azi O. Landoni Devi,MLA tawh Shija Hospital vapha uh a, huai a om Sangai Express(English edition) Editor Rajesh va veh uhi. CM leh azi in Intensive Care Unit (ICU) a om damloute vehna thilpiak leng pia uh hi’n kigen hi.Manipur Governor VK Duggal in leng zan in Sangai Express Editor va veh hi’n kigen a, PC Lawmkunga,IAS, Chief Secretary in leng va veh hi’n kigen hi. Shija Hospital ah Sangai Express editor telin student 14 banah Thoubal apan van driver 1 etkol a om uh hi’n kigen a, ICU ah Van driver leh student 2 etkol a om uh hi’n kigen hi.

Sewerage project sutzop hiding
Imphal, July-5:PHED Minister I. Hemochandra in tuni’n Keirao A/C a Water supply scheme enkhia a, secondary pipeline khunzawh chiangin project kipan ding hi’n gen hi. , Imphal Sewerage Project nasepna dingin French govt. apan fund assistance pailel leng final stage tungta a,kum 2015 sungin 1st phase sutzop hiding in gen hi. Huai ah Keirao A/C MLA Karam Thamarjit in leng Minister zui a, assembly session zawh chiangin Keirao Bitra leh Keirao Makting project pat hiding chi’n gen hi.

Textile Secretary in meeting va uap
Imphal, July-5: Zohra Chatterji, Secretary, Ministry of Textile, Govt. of India in tuni’n Manipur hong phak sungin Old Secretariat ah Chief Secretary PC Lawmkunga,IAS makaihna ah officers’ meeting om va-uap hi’n kigen hi.

ATDUM in kipahthu puang
Imphal, July-5: All Tribal Disables’ Union Manipur (ATDUM) thusuak in Manipur govt. kiangah kum 2009 apan Person with Disabilities te’ adin Commissioner tuam koih dia a nget uh state govt. in June 28, 2014 in Disability Commissioner din L. Ibomcha ta koih banah Disability scholarship pungsak dia ngetna a bawl uleng a lawhchin ziakin state govt. leh Social welfare Minister tungah kipahthu puang uhi. Disability person-te’ adia Commissioner tuam om tawh kiton in aman Manipur a vual phaloute’ adia khanthouhna banah masawnna tuntu hiding a nasem di’n gen uh a, ATDUM te’n allowance khansak ding banah Financial assistance demand a bawl uh leng govt. in akin theilam a buchingsak dingin ngen uhi.

Mi rape-tu huhlou din ngen
Imphal, July-5: Manipur Press Club ah tuni’n Loklaobung Women Welfare Assn(LWWA) pawlin Press conference nei uh a, huai ah All Manipur Bar Assn (AMBA) te’ kiangah naupang kum 6 a upa sualtu RK. Tiken(40) s/o (late) R.K. Hirasana panpihlou ding a ngen kawmin govt. in akinthei lama dan tawh kituak a gawtna peding in ngen uhi. L. Haripyari,President LWWA in a gendan in RK Tiken in a sanggampa’ tanu kum 6 a upa sual a, DNA leh test tuamtuam neih zawh in naupang rape ahihdan chiang a, police te’n jail tun uh hi’n gen hi. Naupang’ nu RK(o) Kaplana w/o RK Borchan (Ranjit) in a pasal’ sanggam-pa’n a tanu a sual June 6, 2014 a theihsuah hi’n gen a, huaini mahin veng mite’n man in police ah pekhia uh hi’n gen hi. A pasal in kum 2 ½ paisa in azi leh atanu taisan in zidang neihsan hi’n leng gen hi.

CM kiangah lehkha khak uh
Imphal, July-5 : Manipur Rifles a Jemadars leh Police a Sub-Inspector banah constable sem dinga recruitment test a lawhchingcandidate 3000 ten tuni in Chief Minister O. Ibobi kiangah lehkha khakin akinlam a join sak dingin ngen uhi. Huai ding a recruitment test bel kum 2 paisa a neih hi a, tuahun in CM in Home deptt tawh lenkhawm a, tu in ahihleh Dy. CM Gaikhangam in len hi.

Maoists te’n NGO 9 ‘ban’ uh
Imphal, July-5 : Maoist Communist Party Manipur ten press statement a suahna uah Manipur State AIDS Control Society (MACS) nuai NGO tuamtuam 9 ‘ban’ puankhum uh hi’n taklang uhi. Thusuak kimu in a taklatna ah Maoist min a press statement kisuah dan in CM leh Minister khenkhat in NGO 9 te hihhing sawm in panla ua, tua tawh kiton in Maoist ten NGO- te kiangah Minister-te tawh kithuzak nawnlou dingin theisak uhi. Tua banah MACS te kiangah NGO 9 ten sum ahih thelthangte uh kaikhawm dingin theisak ua, HIV/AIDS tawh kisai a NGO te’n hoihtak a nasem dingin leng ngen uhi.

TUNI THUPI:
“Kei ziakin na nite lah hihtam ahi ding a, na damsung kumte lah hih pun ahi ding hi.”
–Proverb 9: 11