Kum 4 sung akizom a pass percentage lakah tukum a niampen
Class X/HSLC Examination,2014 tuni’n a result suak
Imphal, May-15: Board of Secondary Education, Manipur (BSEM) saina in February 20,2014 akipan March 14, 2014 sung Class X/HSLC Examination, 2014 om tuni nitaklam in a result puankhiak hi a,Top 25 lakah Imphal a Nirmalabas School in 1st, 2nd leh 3rd position(rank) la uh a, singtangmite laka top 25 a telkha omsun Obed Letlensang Haokip(Roll No. 8216) of St Mary’s High School,CCpur in marks 500 lakah 457 a muh banah Thk,E,M,Sc, S.Sc a letter marks mu in Manipur pumpi ah position 12na la hi. Examna atel candidate 33,876 lak ah 22,985 in pass uh a, pass zah 68% tung hi. Huaite lakah 1st divn a pass 8,786 hi a, 2nd divn a pass 12,896 leh 3rd divn a pass 1,303 om uhi. Kum 4 sung akizom a pass percentage suitouh in tukum a niampen hi’n kigen hi.
Principal Secretary (Education-S) Dr J. Suresh Babu in tuni nitaklam dak 5.00 velin result puangkhia kawmin a genna ah Nirmalabas School akipan Sarangthem Sharliza Annoly (Roll No. 31604) S. Manihar Meitei of Huidrombi,Mongsangei Boroi Makhong,Imphal in marks 500 lak ah 474 a muh banah e,E,M,Sc,S.Sc subject a letter marks mu in Manipur pumpi ah 1na in pang a, Nirmalabas School akipan mah Linthoibi Sorom(Roll No. 31571) d/o Soram Ingocha Singh of Uripok Haorungbam Leikai Kombirei Keithel(near RIMS gate) in marks 500 laka 471 amuh banah e,E,M,Sc,s.Sc subject ah letter marks mu in 2na in pang a, Nirmalabus school akai mah Luhiya Ngangbam(Roll no. 31574) d/oNgangbam Kamal Kumar of Thangmeiband Kabrabam Leikai in marks 500 lakah 469 mu a, e, E. M.Sc, S.Sc subject ah letter marks mu in 3na in pang hi.
Tukum a regular candidate a passe-te lak ah numei sangin pasal tamzaw a, male regular candidate 15,976 lak ah 11,624 pass uh a, pass zah 73% tung hi. Female regular candidate 15,451 lakah 10,342 pass uh a, a pass zah 67% tung hi. Manipur phaijang bial ah kumdang banglou takin govt school akipan candidate 2 in Manipur pumpi ah position 17na leh position 20na la uhi.
Th.Shayaluxmi Devi(Roll No. 29210) of Wangkhei High School,Imphal in marks 500 laka 452 a muh banah e,E.M.Sc, S.Sc subject a letter marks mu in position 17na in pang a, Katherine Yumnam(Roll No. 29199) of Wangkhei High School,Imphal in marks 500 lakah 449 a mun banah e, E,M,Sc, S.Sc subject ah letter marks mu a position 20na in pang hi.
Singtangmite laka eimi kichi Highest Marks with letter mute anuai abang hi uhi:-
TOP 12: Obed Letlensang Haokip (Roll No. 8216) of St Mary’s HS, CCpur Manipur pumpi ah position 12na la hi.
PAITE: Lamsonthang Guite (Roll No. 8361) of Vimala Raina H/S,Ccpur in marks 100 lakah 95 mu.
PAITE: Niangthianching (Roll No.9566) of Hope Baptist Academy, Bible Hills,Rengkai in marks 100 lakah 95 mu
PAITE: Thanglian Valte (Roll No. 9073) of Young Learners’ School,Ccpur in marks 100 laka 95 mu
PAITE: Zamminthang Guite(Roll No. 907) of Young Learners’ School, Ccpur in marks 100 laka 95 mu
HMAR: Christina Roneikim (Roll No.8106) of Sielmat Christian High School,CCpur in marks 100 lak ah 94 mu.
MIZO: Alex Vanlalmuanpuia (Roll No. 7279) of Don Bosco High School,CCpur in marks 100 lakah 87 mu.
ZOU: Daniel Haugoulian (Roll No. 8608) of Grace Academy, CCpur in marks 100 lakah 92 mu
VAIPHEI: Paominthang Vaiphei (Roll No. 12406) of John Calvin Academy, Champhai village in Marks 100 lakah 88 mu
COMMERCE: Mercy Nianglunmang(Roll No. 8825) of Rayburn High School,CCpur in marks 100 lakah 88 mu
THADOU KUKI: Ngamgoumang Khongsai(Roll No. 13014) of Kangpokpi Mission High School, Kangpokpi in marks 100 lak ah 99 mu
KOM: S. Seilenthang Kom (Roll No. 15632) of Manipur Boarding School, Moirang in marks 100 lakah 94 mu
ELEMENTARY MANIPURI: Mangvung Tongsat Haokip (Roll No. 19306) of Eureka Academy, Thounaojam in marks 100 lakah 88 mu
Lok Sabha seat 543 ading election ah candidate 8,000 val om
Indian gam pumpi tuni’n vote sim hiding
New Delhi, May-15: Lok Sabha seat 543 adingin April 7, 2014 akipan May 12,2014 tan phase 9 a kikhen in election om a, huai ah candidate 8,000 val om hi. May 16, 2014 zinglam dak 8.00 akipan in vote sim kipan ding a, nitaklam in India gama govt thak bawl ding party kitheichian ding hi’n thusuak in gen hi. Thu kizadan in 16, 2014 zingsang dak 7.00 in EVM koihna strong room tuamtuam hon hiding a, zingsang dak 8.00 in India gam pumpi a counting centre 989 vel ah vote sim hi ding a, nitaklam dak 5 tan in vote simna zawhsiang hiding a gintak ahi hi. Manipur ah leng Outer Manipur Lok Sabha bial ah April 9, 2014 a election leh Inner Manipur Lok Sabha adibn April 17, 2014 a election om vote sim hiding hi.State Election deptt thusuak in a gendan in District HQ tuamtuam 9 leh Kangpokpi banah Jiribam telin Counting Centre 12 a Counting Hall 18 ah vote sim hiding hi.Counting Hall Election Commission akipan Observer 1 chiat om ding uh a,counting process pai hunsung CCTV in telecast bawl hiding chihthu om hi.
Observer in Counting Centre enkhia
Lamka, May-15: Dr Buddha Prakash, IAS, General Counting Observer/CCpur in tuni sunnung in Tuibuong a DTC ah May 16, 2014 zinglam apan vote counting centre ding enkhia a, huai ah DC/CCpur, SP/CCpur leh SDO te’n leng tel uhi.
Bungmual ah Market Shed hong ding
Lamka, May-15: Bungmual a Colony Veng ah E. Daizathang Market Shed kibawl May 17, 2014 zinglam dak 11:00 in Health Minister Phungzathang Tonsing khuallian apang in hong ding a, Pastor M.Ginzatun, Local Pastor, EBCC Bungmual in thumna in lan ding hi. N.Nengzasuan, Chairman, E.Daizathang Bazar Committee in vaidawnna thugen ding a, Chief Guest, Bungmual Hausa leh President, YPA Bungmual te’n thugen ding uhi.
DC in Press/Media-te kimuhpih
Lamka, May-15: DC/CCpur in tuni in May 16, 2014 a vote counting ding tawh kisai in Media-te mu in thil omdan mipi theihdin taklang hi. Aman a gendan in Dist HQ teng ah zing dak 8:00 apan vote sim kipan ding hi. CCpur dist ah A/C wise in vote sim kipan din gen a, Web Telecast bawl hiding a, vote kisim zah akal laklak in mipi theihding a puan zel hiding hi. Table 14 ah vote sim hiding a,. Vote counting centre apan km 1 kimkot sung ah tuni nitaklam dak 3:00 apan vote sim zawh masiah Cr PC 144 kipuang hi’n DC in gen hi.
ADC Chairman in laibu thak hong
Lamka, May-15: Upa Khamzagin Guite of Sahei road, New Lamka in a bawl ‘Zogam Gou Manpha’ kichi laibu May 14, 2014 zinglam in Langkhanpau Guite, Chairman ADC/CCpur in hong hi.
Pol. party Agent-te tawh meeting
Lamka, May-15: DC/CCpur leh Election Observer in tuni sunnung in DC office ah Political Party tuamtuam a Agent-te meeting neihpih uh a, May 16, 2014 zinglam dak 8:00 apan vote counting kipan ding tungtang genpih uhi. Political party tuamtuam a agent teng zing dak 7:00 ma a DC office tungkim ding a theihsak hi uhi. Huai hun ah Election Observer telin EVM koihna Strong room g hon hiding a, EVM te’ bittaka oma hina hiam chih etkhiak masak hi ding hi.
BRTF te’n lampi siatna munte bawl
Lamka, May-15: 80-RCC BRTF te’n tuni zinglam akipan Bungmual a Forest Gate lak Tipaimukh road siatna bawl uh a, tuni akipan lampi kisiatna diakte adiakin Chiengkawnpang leh Hiangtam Lamka munte puahphatna(repairing) sunzom ding uh hi’n gen uhi. Zan in OC 80-RCC BRTF kiangah CT Lian Guite, Social Activist in lampi bawl dingin ngen hi.
ADC makaih in Trophy lop hiding
Lamka, May-15: Lamka ah April 21-26, 2014 sung Hill Dist Sports Assn, Manipur saina in Ist Hill District Premiere League 2014 om ah Dist Sports Assn./CCpur in champion hihna la uh a, Trophy a lak uh April 29 in Dist Council khut ah pekhia uhi. May 20, 2014 sunnung dak 1:00 in Council Conference Hall ah Trophy lop hiding a, Rev Dr.Lalhmuoklien, EAC, ECCI in DSA/CCpur player-te adin thumsak ding hi. Huai hun ah DC, SP, DYASO, MDCte, Tribe tuamtuam, Philantrophic orgn, Church leader-te leh Sports person te tel ding uhi.
Player-te’ kiangah Uniform hawmkhia
Lamka, May-15: Indira Gandhi Institute of Post Graduate Edn & Research Centre min a Football team kibawlkhia a players-te’ kiangah tuni’n Mary Tawmbing in uniform hawmkhia a, New Bazar a Axis Bank building ah huai hun zatna om hi. Ngathal Youth Club saina a tournament kibawl ah amau pawl tel uh hi’n leng kigen hi.
Solar deposit hunkhop lungkimlou
Lamka, May-15: New Lamka a Manipur Rural Bank tungtawna Solar deposit hunkhop te’n sum deposit nung kha 2 bang paita mahleh tunitan solar muhlouh ziak in ahunkhop lungkimlou uhi. Sum deposit nung kha 2 val nung in leng Solar agent Manggal te’n a piaklouh ziak un lungkimlouh ban ah sum deposit teng lak kik poimawh sakthu gen uhi.
Car accident asi Khaizakap kivui
Lamka, May-15: Moirang kiangah zan nitaklam in i20 car accident a, driver Khaizakap @ Kakap (41) s/o Upa Henkholam Neihsial of Neihsial Veng amun ah si in tuni’n Ccpur Dist Hospital ah post-mortem kibawl a, huaizawh in a innkuante’n la in Neihsial Veng Hanmual ah kivui hi. Misi tawh kisai ah gari neitu Mahajon-te’n sigalna in Neihsial puan in tuam ua, si Rs.1 lakh in sigal uhi.May 17 in Mahajon-te’n gan gou in a innkuante khamuan ding uh chihthu kiza hi. Khaizakap in azi tawh tapa 4 nei a, atapa upapen in JNV ah Class-X result ngaklel hi’n kigen hi.
Governor in Shirui Lily lopna hong
Imphal, May-25: Manipur Governor VK Duggal in tuni’n Uhkrul district HQ apan km. 13 a om Shirui village ah kal 1(one week) sung om ding Shirui Lily celebration hong hi. Aman a thugenna ah leitung gam tuamtuam a Manipur minthangsaktu leh State Flower minvuah a om Shirui Lily lopna hun om thei ding a panla Shirui khaw mite leh programme saite tungah kipahthu gen hi. Tuni a programme zat lai in vuahzu a, Governor in huai vualzawlna vuah hi’n gen hi. Tuni a Shirui Lily lopna kipatna hun ah Principl Secretary(Works) R. Muivah, Secretary to the Governor RK Nimai leh Hrishikesh Modak Alvind,DC/Ukhrul leng tel uhi. Tuni a programme kipan pen May 21, 2014 tan sutzop hiding a, huaini in Flower Mela leng om ding hi.
Manipur state a BJP President in Delhi pha ding a chial in om
Imphal, May-15: Tulai in Lok Sabha election tawh kisai exit poll leh opinion poll ah BJP makaihna NDA in seat tamzaw tham luah ding a taklat ahih ziakin Central a BJP leader-te’n govt thak bawl ding in kimuang mahmah uh a,BJP National President Rajnath Singh in BJP Manipur Pradesh President Th. Chaoba in Delhi pha ding in chial a,BJP in Centre ah govt a bawl leh Manipur tawh kisai deuh in sep masak dinga hoih bangbang om hiam chih genkhawm ding uh hi’n thusuak in taklang hi. Th. Chaoba in a gendan in National Highway No. 37(Imphal-Jiribam road) bawlhoih kin a poimawhdan banah helpawlin National Highway No. 2 ah demand bawl in sum tamtak a laksak tungtang uh ngai poimawh masapen ding hi’n gen hi.
Tuni’n Sit-in-protest om
Impha, May -15 : Meltheihlouhte’n zan in Governor Bungalow nung lamlian a jula Transformer kiang ah IED bomb a koih uh mawhpaihna in Governor Road Women Welfare Orgn leh Paona Bazar Women Welfare Orgn ten tuni’n Governor Road ah sit-in-protest nei uhi. Amau huai IED bomb puakzak hileh van tuamtuam a crore a sim man(value)mangthang ding a, mihing bangzah hiam leng si ding hi’n gen uhi. Hibang thilhihte kuapeuh in mawhpaih ding a ngenkawm in maban ah kuaman hibang thilhih nawnlou ding in ngen uhi. Huhamtak a gamtat sawmte terrorist hi uh chi’n leng puang uhi.
Internet tungtawn in et-theih ding
Imphal, May-15: Manipur akipan Lok Sabha member ding 2 telna dia election om May 16, 2014 zinglam dak 8.00 akipan in Manipur a district HQ 9 banah Kangpokpi leh Jiribam telin Counting Hall 18 ah vote sim kipan ding a, Polling station tuamtuam a election result-te internet tungtawn in www.ceomanipur.nic.in leh www.x-tremewave.com.in. ah et-theih ding hi’n thusuak in gen hi. Outer Manipur biala candidate 10 omte laka khat telching hiding chih hi a, Inner Manipur biala candidate 8 lak ah leng mi 1 telching hita ding chihthu om hi. Counting Hall 18 ah Election Commission in a guan Observer 1 chiat om ding hi.
Helpawlten IED bomb hihpuak uh
Imphal, May-15 : Ukhrul district sung Kamjong area a Nambisha mun ah tuni nitaklam dak 5:30 velin meltheihlouh helpawlin 41-Assam Rifles post kiangnai ah IED bomb khat va hihpuak uhi. Thu kizadan in IED bomb puakzak mahleh mihing asi leh liam omlou a, helpawl leng akipuang omlou chih ahi hi.
Dakkal 12 sung bandh puang uh
Imphal, May-15: JAC of HIPILKKL pawlin tuni’n press-te kimuhpih uh a,zan in ‘Pakhangba Chenhongba’ kichi programme a zatlai un pawl khatin va hihbuai hi a genkawm in huaite mawhpaihna in May 16, 2014 zingdak 6:00 apan dakkal 12 sung Manipur bandh puang uhi. HIPILKKL Convenor N (o) Sorojini in Hannanaching mun a programme a zatlai un mi khenkhat va pai in va hihbuai ua, Heingang OC inleng bangmah lawhlou a, a thil hihsiatte uh khenkhat in lim alak sawm ualeh dalzawh a om hi’n gen hi. Huaiziakin, Heingang Police Station a OC leng mawhpaih kawm in May 16, 2014 zingkal dak 6:00 apan Manipur bandh puang uhi. Programme hihbuaite matkhiak ahih kei ualeh kiphinna khauh sem pat hidingin gen uhi.
