Pasalte sangin numeite’n hihhoihzaw uh
Higher Secondary Examination,2014 a result suak
Imphal, May-13: Council of Higher Secondary Education, Manipur (COHSEM) saina in February 12, 2014 akipan March 15, 2014 sung Class XII/Hr Secondary Examination,2014 om tuni sunnung dak 1.30 in a result puankhiak hi a,examna a appeared candidate 22,522 lakah 17,318 pass uh a, pass zah 76.89% tung hi. Arts stream a candidate 5,564 lakah 4,147 pass in pass zah 74.53% hi a, Science stream a candidate 16,470 lakah 12,844 pass in pass zah 77.98% tung hi. Commerce stream a candidate 488 lak ah 327 pass uh a, pass zah 67.01% tung hi. COHSEM website www.manresults.nic.in or www.cohsem.nic.in. tungtawn in result et-theih ding hi.
Arts leh Sciebnce stream ah pasal te’n numeite sangin hih hoihzaw uh a, himahleh Commerce stream ah pasalte sangin numeite’n hih hoihzaw uhi. District wise dana etin Ukhrul district in district dangte sangin hih hoihzaw uh a, overall pass percentage 92. 17% tung hi. CCpur district akipan candidate 1965 appeared-te lakah 1484 pass uh a, pass zah 75.52% tung hi.
Tuni’n COHSEM office a result puankhiakna hun ah Hamom Nabachandra, Chairman,COHSEM; Sarangajit Khundrakpam, Secretary, COHSEM leh RKYaiskul, Additional Director of Education (U) tel uhi. COHSEM Secretary Sarangajit in Media-te kianga a gendan in Council in examna a siangthoutheipen a sai deihna ziakin unfair means tuamtuam copy leh midang adia exam sak chihte dalna dingin Flying Squad 42 bawlkhia a, centre tuamtuam phakual in exam zawh tan hahtakin panla mahle uh midang adia exam 49 leh a en-gu(copy) ziaka matkhiak 34 hawlkhiak(expelled) a om uh hi’n gen hi. COHSEM Chairman Nabachandra in a gendan in kum 5 paisa hunlai tawh teh in tutung a examna azia om zawtham hi’n gen a, Council in ahithei tan in June khatawp lam in compartmental exam(old course) leh improvement exam(new course) conduct sawm ding hi’n gen hi.
HIGHER SECONDARY EXAMINATION, 2014
Pass Percentage of Institutions in CCPur Districts of Manipur
Churachandpur District
BETHANY CHRISTIAN HR. SEC. SCHOOL, CHURACHANDPUR
Stream Appeared QUAL I II III Passed Total Passed PC
Arts 40 27 0 0 0 0 27 67.50
Science 23 1 0 0 0 0 1 4.35
Total 63 28 0 0 0 0 28 44.44
CHURACHANDPUR COLLEGE, CHURACHANDPUR
Arts 2 0 0 1 1 0 2 100.00
Total 2 0 0 1 1 0 2 00.00
DON BOSCO HR. SEC. SCHOOL, CHURACHANDPUR
Arts 156 146 0 0 0 0 146 93.59
Science 241 213 0 1 0 0 214 88.80
Total 397 359 0 1 0 0 360 90.68
EBENEZER ACADEMY,CHURACHANDPUR
Arts 2 1 0 0 0 0 1 50.00
Science 8 4 0 0 0 0 4 50.00
Total 10 5 0 0 0 0 5 50.00
LAMKA COLLEGE,CHURACHANDPUR
Arts 30 4 0 0 0 0 4 13.33
Total 30 4 0 0 0 0 4 13.33
RAYBURN COLLEGE,CHURACHANDPUR.
Arts 307 266 0 1 0 0 267 86.97
Commerce 63 32 0 2 0 0 34 53.97
Science 243 84 0 0 0 0 84 34.57
Total 613 382 0 3 0 0 385 62.81
RENGKAI GOVT. HR. SEC. SCHOOL, CHURACHANDPUR
Arts 80 49 0 0 0 0 49 61.25
Science 48 32 0 0 0 0 32 66.67
Total 128 81 0 0 0 0 81 63.28
SIELMAT CHRISTIAN HR. SEC. SCHOOL,CHURACHANDPUR.
Arts 82 80 0 0 0 0 80 97.56
Science 167 152 0 0 0 1 153 91.62
Total 249 232 0 0 0 1 233 93.57
V.K. TAWNA COLLEGE ,LAMKA CHURACHANDPUR
Arts 137 122 0 0 0 0 122 89.05
Science 126 83 0 1 0 0 84 66.67
Total 263 205 0 1 0 0 206 78.33
VISION ACADEMY, RENGKAI, CHURACHANDPUR
Arts 48 44 0 0 0 0 44 91.67
Science 34 27 0 0 0 0 27 79.41
Total 82 71 0 0 0 0 71 86.59
YOUNG PILLARS COLLEGE, CHURACHANPUR
Arts 83 70 0 0 0 0 70 84.34
Science 45 39 0 0 0 0 39 86.67
Total 128 109 0 0 0 0 109 85.16
District - Total 1965 1476 0 6 1 1 1484 75.52
Tuivai Hydro Electric Power mun ding enkhia
Lamka, May-13: Lamka akipan mal-sim (north-south) km 160 vel a om Dialkhai khawtaw a Tuivai lui mun ah Tuivai Hydro-Electric Power project bawlkhiakna ding tawh kisai in zan in Shillong a NEEPCO office apanin Senior Manager (Civil) Ashim Deb makaihin official hunkhop in amun (spot) enkhia uhi. Manipur State Power Corporation Ltd apan in leng Dy General Manager K Rai Krishna banah Ph Bormani Singh retd. Executive Engineer (Civil) Jhaljit Singh leh official tuamtuam gari 2 in zui uhi. Thanlon MLA banah Parliamentary Secretary (Horti. & CADA) Vungzagin Valte in amaute kithuahpih a, tualou in Paite Tribe Council (PTC) Gen HQ President L Tualkhanhau, Simte Tribe Council (STC) Vice President Ginlallian banah khaw hausa hunkhop leng tel uhi. NEEPCO banah MSPCL official-te Tuivai HE Power project tawh kisai lunglut mahmah in amun leh amual lungtunhuai asak ban uah, tui kiningching piangding ahihdan leh tui in atupkhak(submerged) ding gamte pammaih sak-huai lou ahihthu gen uhi. Tualou in suangtaak pipi om a, huai project sepsuah hileh mipite’n phattuampih mahmah ding chi uhi.
NEEPCO leh MSPCL official te’n a thil muhte uh Ministry of Power nuaia om Central Electricity Authority (CEA) ah sumbit ding uh a, huai apan technical leh commercial tawh kisai survey hong pai ding a, forest clearance leh adangdang zawh ahih chiangin Detail Project Report (DPR) in zui ding hi. Nawngkaina bangmahn omlou a project lamzang tak a paitheih leh tu apan kum 2 sung ngei a nasep patzawh kinephuai chi’n kigen hi.
Tuni’n vote counting training om
Lamka, May-13: PK Jha, IAS, DC/CCpur makaih in tuni sunnung in DC’s office a BRGF Resource Centre ah Vote Counting tawh kisai training om hi.
Huai ah Counting Officer 20, Counting Assistant 20 leh Addl Counting staff/ Micro observer 20 tel uhi. May16, 2014 zinglam dak 8:00 akipan CCpur dist sunga A/C 6 a vote kikhia teng Tuibuong a Dist Training Centre ah sim hiding hi.
May 25 in SSC Exam om ding
Lamka, May-13: SSC saina in May 25, 2014 in Junior Engineer (Civil & Electrical) examination 2014 a paper –I examna zinglam dak 10:00-12:00 sung CCpur govt college ah om ding a, huai ah CCpur dist apan candidate 36 vel telding uhi.
Dorothy Lalneizo in Ph.D. ngah
Lamka, May-13: Miss Dorothy Lalneizo d/o D.Neithang of Rengkai in JN University, New Delhi apan Doctorate degree ngah hi. Ph.D ngahna dinga a thesis “Child Health and Child Welfare Programmes: A study of North Eastern States with special reference to CCpur District, Manipur” hi’n kigen hi. Aman Delhi University apan BA zou in JNU ah MA (Sociology) a, Social Medicine and Community Health, JNU ah M Phill zil in Ph.D leng Social Medicine and Community Health, JNU ah zil in zou hi.
Teacher absent-te tung ah action
Lamka, May-13: Director of Education (S) in sepna mun a omlou teacher adiak in singtang gam a posting-te tung ah action lak hidin thusuah hi. Hill dist teng a ZEO leh Headmaster/Headmistress te’n teacher-te attendance la a enkai ding in theisak a,aziak diktak omlou a absent teacher-te’ kha lawh DDO in hentang sak ding in leng theisak hi.
DC in Assessement camp hong ding
Lamka, May-13: CCpur Dist Disabled Union; Jan Vikas, Samity, Liliane Foundation; FFC Sisters Imphal province/Catholic Church leh Mobility India-Kolkata saina in May14, 2014 in IB Road a Synod Hall ah kum 30 nuailamte adin Orthotic Assessment camp om ding a, DC/CCpur in huai camp hong ding a, zinglam dak 10:30 in Assessement kipan ding hi. Assessment camp ah wheelchair, Tri-Cycle, Special Chair, Crutch(chiangkhun), Artificial limb/hand leh adangdang ngah theih ding hi.
CMO in meeting neihpih
Lamka, May-13: Dr Thangchinkhup Guite, CMOCCpur in tuni in CMO Mini Training Hall ah Malaria deptt staff te meeting neihpih a, huai ah Male Health Superviser, Malaria Technical Superviser, Male Health Worker, Multi-Purpose Worker, Field Worker ban ah Vector Borne Diseases Control Program consultant-te tel uhi. Huai hun ah Malaria deptt a staff te nasep dan, Blood Slide Collecton hoihsem nang, report bawlte submit ding dan leh Malaria deptt in mipi phattuam nang nasep dingdan kikum uhi. Huaiban ah May 16, 2014 in MHS, MTS, MPW leh FW te’n malaria test dan leh damdoi treatment ding thu ah training neiding uh a, akisaipih teng telding in CMO in theisak hi.
Library ading laibu laktheih
Lamka, May-13: Directorate of Education (S) ah May 25, 2014 tan in school a library a ding laibu laktheih ding hi. ZEO/CCpur nuai a laibu lathei ding school te- Tualkhohau govt H/S, Tuaitengphai govt H/S, Vimala Raina H/S, Vungzagen Hr Sec school leh Rengkai Hr Sec school hiding hi.
Pu-pa’ tawndan in kihoulem
Lamka, May-13: Outer Manipur Lok Sabha seat a AAP candidate M. Khamchinpau Zou @ K.Zou panlakna ziakin Muallum a om1/11-Gurkha Rifles te’n May 9, 2014 in HDFC a Security Guard sem Assam Regt (retd) Chinzapau (48) s/o Tongzakham of Zo Veng, Singngat, tulela Kamdou Veng a om a soisakna thu uah tuni in Chinzapau’ tenna inn ah Pu-pa tawndan (tribal customary laws) in kihoulem uhi. 1/11-Gurkha Rifles a Commanding Officer Askhay leh Chinzapau’ behpa’ makaih in kihoulem uh a, Army te’n vok(pig) tuuk 5 alian sik in Rs.10,000/- luikhia uh chih hi. K.Zou in agendan in mihingte’n tawndan kineivek a, state leh Delhi tanpha a, AAP makaite, mimal a awlmawh leh Press- te tawh pankhawm ziaka, Army te’n pu-pa tawndan zuia a lut ziakun kilemna omthei hi a gen in kipahthu leng puang hi.
DHS Executive meeting omding
Lamka, May-13: CMO Mini Training Hall ah May 15, 2014 in NRHM/Dist Health Society Executive meeting om ding a, NRHM/DHS in kum 2013-14 sung a Physical & Financial achievement neihte etthakna om ding hi. Huai ah Block MO i/c teng, PHC a MO i/c teng, Block Program Management Unit-te leh Committee member te telding uhi.
Suunna
Khamminthang (38) s/o Langkhanmang of Singngat zan nitak dak 11.00 in district hospital ah sungna ziakin si a, tuni’n Singngat hanmual ah kivui hi.
H.B. Betham (52) s/o Mushul of Chakpikarong zan nitak dak 10.25 in District Hospital ah nak haksatna(orthopnoea) ziakin si a, tuni’n a khua ua vui dingin kipua hi.
Tamenglong dist a bandh khawlsak
Imphal, May-23: Joint Forum for Transport Welfare, Tamenglong pawlin Tamenglong-Khongsang Road tulai hun tawh kituak a bawlhoih ahih phutna ziakin May 6-7,2014 zankim akipan National Highway No. 37(Imphal-Jiribam Rd) ah hunchiam omlou ding Bandh a bawl tungtang uah tuni’n Manipur Chief Secretary leh Principal Secretary(Works) tawh kihouna nei uh a, a kihoulem theih ziakun Joint Forum for Transport Welfare pawlin tuni zankim akipan in bandh khawlsak uhi. Tuni a kihoulemna dungzui in kal 2 sungin Tamenglong-Khongsang Road nasepna pat ding chih hi’n kigen hi.
Proper ID omloute nawhkh4 deih
Non-Manipuri tam deuhdeuh chi’n patau
Imphal, May-13: Manipur ah Non-Manipuri pung deuhdeuh uh chi a patau in Federation of Regional Indigenous Societies (FREINDS) pawlin Manipur mipite’n pawlam a kipan honglut Non-Manipuri kuapeuh proper proof of identity omloute himhim Manipur a om saklou dingin ngetna bawl uhi. FREINDS thusuak in a gendan in kum 2001 a census dungzui in Manipur a mihing omzah 23 lakhs vel lakah Non-Manipuri 7,04,488 vel om uh a, huai patauhhuai thamching hi’n gen uhi. Kum 2020 a railway line hong lut hunchiang in Non-Manipuri mite a aleh 2/3 a tamzaw thei ding uh hi a patauhthu puang kawmin Manipur mipite pilvang ding leh identity chetna omlou Non-Manipuri himhim Manipur a kuama’n om saklou dinga panla chiat ding in chial uhi.
AMPTA te’n Minister mawhpaih
Imphal, May-13 : The All Manipur Parent-Teachers’ Assn(AMPTA) ten Thoubal district a Right to Education tawh kisai in Agri Minister Md. Nasir mawhpaih uhi. Amau a ataklatna uah SMDC a Chairman din Minister koih ziakin bangkim lawhsam hi’n taklang ua, tua tawh kiton in Thoubal district ah RTE lawhsam hi’n gen uhi. Amau a gendan un SMDC Chairman kichi school headmaster khat in alet ding hi a, huai ding in Ministry of Human Resource guidelines ah leng om hi’n taklang uhi. Huaiziakin, Thoubal district ah thil paidan diklou himhim hi’n puang uhi.
Oil Tanker drivers ten steering lenlou din vau
Imphal, May-13 : Lamphel Police ten tuni in Oil Tanker 5 a hentang(detained) ziakun All Manipur Petrol Tankers Drivers Union pawlin Officer- Incharge mawhpaih uh a, akituahpih bang action lak ahih kei aleh Oil Tanker Drivers te’n steering lenlou ding uh hi’n thusuah uhi. Huai thu Transport Drivers’ Forum, NH-53 Truck Owners Assn leh Civil society orgn tuamtuam in leng support uhi. Thu kizadan in tuni zingsang dak 6:00 velin Lamphel Police te’n Chingmeirong area ah search operation nei in verification bawl ding in Oil tanker 5 hentang uh a, All Manipur Petrol Tanker’s Drivers Union makaiten huai thu ah Lamphel Police station vapha uh a, huai hun ah hentang a om driver leh handyman-te Lamphel Police compound hahsiang saka omlai va mukha uhi. Oil Tanker makaiten emergency meeting sam in OC tunga action lak ahih keileh steering lenlou ding uh hi’n puang uhi. Mat a omte bel, Tanker truck number NL08A/2355 driver Bijoy , Tanker truck number MN01/6929 driver Suresh Chettry, Tanker No. AS-01FC 0037 driver Sahadev Singh, Tanker truck No. MN-01- 9207 driver Sagar Singh leh tanker truck number MN01-9224 a 2nd driver hi uhi.
