Sub-divnl level Dev Seminar
Lamka, Nov-24: Global Foundation for Eradication of Poverty & Social Evils pawlin Henglep Sub-divn Chiefs’ Assn pawl tawh kithuah in Munpi village(Henglep sub-divn) ah Nov 26 & 27, 2013 sungin Sub-divisional Level Development Saminar sai ding uhi. Nov 26, 2013 in T.Manga Vaiphei,MLA & Chairman,MTDC khuallian(Chief Guest) in pang ding a,Functional President in Demmang Haokip,Vice Chairman, ADCC pang ding hi. Huai ah Guest of Honour in Genneikhup Vaiphei,EM/ADCC pang ding a,Special Guests in Thangmang Haokip,MDC leh Paolal Haokip,MDC pang ding uh a, Special invitee in Kapbanyan, Director, Farming Divn,ZEPADA pang ding hi.

Nov 27, 2013 in Chief Guest in Lunminthang,IAS, Director of Tribal Affairs & Hills pang ding a, Functional President in Soiminlen Lengen,MCS, SDO/Henglep pang ding hi.Guest of Honour in Thenkhomang Haokip,Chairman, Henglep Sub-divn Chiefs’ Assn pang ding a,Special Invitees in Pauzakai, Chairman, Chongkhozo Area Chiefs Assn pang ding hi.

Annual Conference-cum-vaihawmna

Lamka, Nov-24: ESC saptuam a Synod Women Society te’n zan nitak in D. Phailian a Ebenezar Chapel ah ‘34thAnnual Conference-cum-vaihawmna 2013’ nei uh a, Upa LS Gangte, Chairman ESC in hong hi. Tuni a kikhopna ah Chiinbawi in thugen hi. Nov 25, 2013 in vaihawmna leh election om ding a, nitak kikhop tawp in Rev L.Sata, Executive Director ESC in Conference khak ding hi.

BSNL Broadband buai munlua
Lamka, Nov-20:Manipur adia service provider lianpen BSNL tungtawn in Lamka ah mi 1400 akipan 1,500 kikal in telephone(land line) la in, mi 320 velin Internet(Broadband) la uh a, hileleng Pathianni(Sunday) teng leh electric meivak pailouh chiang in Internet buaimun mahmah hi.BSNL kichi privatised ahihnung fee(alakman) lam ah strict mahmah uh a, hileleng a service uh a lungtun huailouh hun tam mahmah hi.Kha khat in a fee Rs. 1500-2000 kikal hi gige mahleh kha 1 sungin ni 5/6 tan buaisek a, a late adingin manna lianpi suaksek hi.

Competitive Scholarship examna om

Lamka, Nov-24:Tuni’n Manipur ah State Competitive Scholarship Examination 2013 om a, CCpur dist ah class VI leh class IX zil student 778 te’n Phungkhothang govt H/S leh Rengkai Hr Sec School ah exam uhi. Class VI zillel te’n Phungkhothang govt H/S ah exam uh a, Class IX zillel te’n Rengkai Hr Sec School ah exam uhi. State Competitive Scholarship examination 2013 a lawhching VI zilte’n khateng in scholarship Rs.300 ngah ding uh a, class IX zilte’n khateng in Rs.500/-ngah ding uhi.

Year of Faith hunkhakna om

Lamka, Nov-24: All Manipur Catholic Union/CCpur Branch pawlin Holy Father, Pope Benedict XVI (Emeritus) thupuan ‘Year of Faith’ kichi Oct 11,2012 akipan a zat uh tuni in hun khakna nei uhi. Amau Toupa Jesu Christ ah ginna taklatna leh amah adia muanhuaina lahna in tuni sunnung dak 1:00 in Good Shepherd Parish Church, Don Bosco Hr Sec School ah Father Jose in Good Shepherd Parish ah lampi zuiding te khahkhia a, Tedim road tawn in Tuibuong a St.Mary Church tan lampi zui uhi. Huai ah Thanlon Parish, Singngat Parish, Tuaitengphai Parish leh Tuibuong Mission Catholic Centre apan mipi 1000 val in lampi zui uhi.

Post 28 luah ding lakna din inteview
Lamka, Nov-24: Integrated Watershed Management Programme/CCpur nuai a Watershed Development team a post 28 a semding lakna ding in Nov 26, 2013 zinglam dak 11:00 in DC’s office a BRGF Resource Centre ah Sl. No. 71-152 kikal interview ding uh a, Nov 27, 2013 in Sl. No. 1-70 kikal ate interview ding uhi.

Triennial Conference-cum-Vicennial

Lamka, Nov-24: M.Songgel ah Nov 22, 2013 nitak akipan Kuki Christian Leaders’Fellowship (KCLF) Triennial Conference-cum- Vicennial Celebration om tuni’n zou uhi. Tuni zinglam in public leader-te tawh houlim uh a, huai zawh in MDC leh top officer-te tawh consultative meeting nei uhi. Kum 2014-16 sung KCLF makai dingte tuni nitak in Rev. Jangkholam, General Secy, KCLF in kichiamsak a, Rev. Dr. Hawlngam Haokip in Pathian kiang ah vualzawlna ngetsak hi. Khawmpi sung in Rev. Dr.H.M Songate, Executive Director, NEICORD in Pathian thugen a, Seminar ah Rev. Dr. J.Lamboi Haokip in ‘Envisioning Kukis future’chih thupi pansan in sinsak hi. Tunitak kikhop tawp in Rev Haojagin(Myanmar) in thumna in khawmpi khak hi.

Nurse leh LHS te training ding
Lamka, Nov-20: Dist Health Society/CCpur saina in Nov 25-27, 2013 sung CMO office campus a Mini Training Hall ah PHC, PHSC leh CHC a ANM leh Lady Health Supervisor (LHS) te' ading in ‘Adolecent Reproductive Sexual Health’ training om ding hi. Huai ah Dr Baby makaih in expert khenkhat in sinsak ding uhi.

ECCI Church Leaders’ Seminar
Lamka, Nov-24:Chiengkawnpang a Evangelical Synod HQ Church ah Nov 29- Dec 1, 2013 sung ‘2013 ECCI Church Leaders Seminar’om ding hi. Nov 29, 2013 nitaklam dak 5:00 in Elder LS Gangte, Chairman ECCI in Seminar hong ding a, huai hunsung in Rev Randy Sizemore, Executive Director, GMC, USA in thugen ding hi. Nov 30 & Dec 1, 2013 sunnung dak 12:30-2 sung Seminar om ding a, Rev. Dr. Kh Khaizakham, retd Principal ETC leh Elder J.Lhungdim, IDAS, Planning Adviser, NEC te’n sinsak ding uh a, Dec 1, 2013 nitak kikhop tawp in Elder K.Lienthang in thumna in hunkhak ding hi

SUUNNA
Nengkhanniang (87) m/o (late) H. Ginzathang of Vengnuam, New Lamka tuni nitaklam dak 5.00 velin cancer ziakin si a, Nov 25 in New Lamka YPA hanmual ah kivui ding hi.

HOT SPOT

All Manipur Catholic Union/CCpur Branch pawlin Holy Father, Pope Benedict XVI (Emeritus) thupuan ‘Year of Faith’ kichi Oct 11,2012 akipan a zat uh hun khakna in tuni’n lampi zui uhi.

IMPHAL NEWS
Myanmar akipan hongzinte kiknawn
Imphal, Nov-24: Sangai Tourism Festival 2013 uap ding a Myanmar apan hong zin Mandalay Region Chief Minister U Ye Myint, Sagaing Region Chief Minister U Tha Aye leh Minister 4te banah Myanmar apan delegate hong zinte tuni’n Myanmar ah kiknawn uhi. Tuni zinglam dak 8:10 velin Golden Myanmar Airlines in Imphal Airport bawh ding chih himahleh khua(weather) hoihlouh ziakin kiknawn in Mandalay airport bawh a,dakkal 4 nung sun dak 12:40 velin Imphal Airport bawh theipan hi. Huai ah Nov. 21, 2013 in Manipur mi Myanmar phate hongkik uh a, huai flight kiknawn pen ah Myanmar CM 2te banah Minister 4,official-te leh delegate hong zinte kiknawn uh a, hileleng Stall hongte leh Art Exhibition saite bel omlai uhi.

Mandalay Chief Minister in a genna ah India govt. leh Manipur govt in chial kei le uleng a ut hunhun a Manipur hong phathei ding ahihdan gen a, tutunga Manipur a hongphak uh kipak in nuamsa mahmah ahihdan leng gen hi. Huailou in Manipur khat Myanmar a kum tamtak ana khawsa khat in Manipur mukha dia a kinep nawnlouh nungin a hong zinkhak theih zenzen kipak petmah ahihdan genkawm in Govindaji temple a phak theih kipaklua ahihdan leng gen hi.

Kumthak in Prince William chial ding

Imphal, Nov-24:Sangai Festival a Sport event khat Manipur Horse Riding & Polo Assn(MHRPA) saina in Polo Ground a International Polo Tournament om ah Chairman banah Chief Minister O. Ibobi in a genna ah March 1868 in Kolkata ah Manipuri Polo teamte leh British teamte kimawl theihgigena dingin kum nawn a Manipur a International Polo Tournament ah England Kumpi Queen Elizabeth tupa Prince William chial hiding chi’n gen hi.
Tuni a 7th Manipur Polo International tournament a kimawlna match masa ah USA in Thailand 14-6 in zou a, match 2na ah India ‘B’ Manipur in India ‘A’ 11-3 in zou uhi. Nov 25, 2013 in Thailand leh Germany kimawl ding uhi.

Dy Chief Minister in hunkhakna uap
Imphal, Nov-24: Deputy Chief Minister Gaikhangam in sports leh culture lam ah Manipur a minthan ziakin leitung gam tuamtuam in theipha uh chi’n gen hi. Deputy Chief Minister in tuni’n Imphal a National Sport Academy Hall ah ‘35th State & Inter-District Table Tennis Championship’ hunkhakna ah Chief Guest a pang in uap a, leitung gam tuamtuam in sports leh culture ziakin Manipur theipha uh ahihdan state govt in leng kipahhuai sa in sport leh culture lam puahna dingin panla ding chi’n gen hi.

Art exhibition en nuam mi tam
Imphal, Nov-24: Manipur Sangai Festival,2013 zatna chikhat dan in Myanmar apan hongzin Mandalay Art Club-te saina in zan in Nupi Lal memorial complex ah ‘Mandalay Art Exhibition’ kipan a, Nov 27, 2-13 tan sutzop hiding hi. Huai exhibition kipat hun ah Mandalay leh Sagaing Region akipan Chief Minister 2te tel uh a,Myanmar akipan artiste mi 6 in enkol deuh uhi. Mandalay Art Exhibition ah lemgelh(painting) tuamtuam 200 vel lakkhiak(displayed) hi a, Nov 27, 2013 tan zinglam dak 9.00 akipan nitaklam dak 5.00 tan huai art exhibition kihong ding hi.

A/R ten Sewing machine hawmkhia

Imphal, Nov-24 : 9-Sector Assam Rifles HQ nuai Tamenglong a om 13-Assam Rifles te’n Tamenglong district HQ ah Military Civic Action Programme tungtawn in puankhui khawl (sewing machine) hawmkhia uhi. Huai puankhui khawlte Commandant, 13-A/R in hawmkhia hi. Aman a thugenna ah Tamenglong district a teng numeite amau leh amau kitoudelh ding deihna a hibang panpihna pia uh hi’n gen a, maban ah leng a poimawh banga panpih ding uh hi’n gen hi.

Cycle tour in khawpi sung fang
Imphal, Nov-24:Sangai Festival 2013 tawh kizopna nei in tuni’n cyclist 50 vel in Hotel Imphal mun ah kingakkhawm uh a, huai ah Valentina Arambam,Dy Director(Tourism) in sawlkhia(flag-off) hi. Amau Imphal khawpi sung a om War cemetery, Ima Keithel, RKCS Gallery, Hicham Yaicham Pat, Nupi Lal Memorial complex, Kangla leh Royal Palace telin khawpi sung mun tuamtuam pha uhi. Nov 27 & 30, 2013 in Cycle tour sutzop hinawn ding hi. Huailou in Manipur Cycle Club-te saina in Nov. 26 & 28, 2013 in Sangai omna mun Keibul Lamjao ah leng cycle tour neih hidin kigen hi.

Viva-voce test hun ding bikhiah
Imphal, Nov-24: Medical Directorate thusuak dungzui in UHC Thoubal ah Pharmacist, LDC leh Male Health Worker lakna dingin direct recruitment process paitou zel a, Nov 29, 2013(Friday) zinglam dak 10.00 akipan in Viva-voce test om ding chih ahi hi.