Vigilance & Monitoring leh DRDA Governing Body Meeting.
Lamka, Oct-30: Thangso Baite, MP & Chairman, Dist Level Vigilance & Monitoring Committee makaih in tuni zinglam dak 11:00 in DC/CCpur office a BRGF Resource Centre ah Dist Level Vigilance & Monitoring Committee meeting om a, huai ah Heath Minister Phungzathang Tonsing; Dr Chaltonlien Amo, Chairman ,HAC; Vungzagin Valte, Parliamentary Secy; T.Manga Vaiphei, Chairman, MTDC; Langkhanpau Guite, Chairman ADC/CCpur; DC/CCpur, MDC-te, DRDA staff-te ban ah member-te tel uhi.

Meeting ah MGNREGS, IAY, IWMP, MSAP, PMEGP, PHED, SGSY(Special Project MTDC) te ban ah development scheme tuamtuam genkhawm uh a, state govt in fund a release louhziak in fund lapsed a, MLA te'n fund release theihna dingin state govt ah panla ding in thupuk uhi. PMGSY tawh kisai Cabinet in deptt tuamtuam apan Engineer-te Monitoring & Implementation adia sawlding in thupuk mahleh tunitan a sawllouh ziak in CCpur district in nawngkaina tuak hi'n gen uhi.PHED tawh kisai EE/PHED in detail report kimtak a submit louh ziakin village status buai a, detail kimtak report bawlding in thupuk uhi. DRDA staff tawh kisai Central govt in hihbei( deptt danga absorb) ding in thupiak bawl mah leh State govt in ahihbeilouh(absorb) ziakin DRDA staff-te pay revision leng enkhawm theilou uh hi'n gen uhi.

Dist Level Vigilance & Monitoring Committee meeting zawh in member teng mah in Langkhanpau Guite, Chairman DRDA & ADC/CCpur makaih in DRDA Governing Body meeting neizom uhi. Huai hun ah kum 2012-13 sungin CCpur district ah Rural Development scheme tuamtuam kisemkhiate DC in power point presentation bawl a, ahi bangin member-te’n pom uhi. MGNREGS leh BRGF tawh kisai Dist in state matching share muhlouh ziak leh Central apan fund hongpai omte state govt in a release pahpah louhziak in progress hoihtak om theilou a, DRDA Governing Body member-Minister & MLA te’n state govt ah panla dingin mawhpuakna pia uhi.

Kum 2013-14 a IAY tawh kisai new construction ding IAY waiting list basis tungtawna beneficiary selection hiding a, Village Authority/Hausa te’n verified bawl phot ding, huai zawh a SDO/BDO khut a piaklut ding, SDO/BDO te’n DRDA khut a piakding banah cash payment hilou in chegue a piak dingin thupuk uhi. DRDA Adminstration staff tawh kisai staff-te khalawh (pay/salary) khansak dingin state govt ah nget himahleh state govt in Dist tenga DRDA staff teng pay akibang dia bawlding chih ngak lel uh hi’n thusuak kingah hi. 

Health Minister in State Illness fund hawmkhia.
Lamka, Oct-30:Health Minister Phungzathang Tonsing in tuni zinglam dak 10:00 in Hebron Veng, New Lamka a a tenna inn ah BPF famity-atel damloute ading Manipur State Illness Financial Assistance Fund hawmkhia a, DC/CCpur, SDO/CCpur; CMO i/c ban ah Med Suptd, Dist Hospital-te tel uhi.

Health Minister in agenna ah govt employee-te a damlouh chiang un govt ah re-imburse omthei a, hileleng govt a sepna neiloute govt in panpihna a piaklouh ziakin aman Health deptt a let akipan govt ah panla in Manipur Cabinet in ‘Manipur State Illness Financial Assitance Fund’ passed hi’n gen hi. Manipur State Illness Financial Assistance Fund pen Dist teng a DC-te Chairman hi uh a, Dist teng ah fund kihawmzak in DC tungtawna kihawmkhia hi’n gen hi. CCpur dist ah 1st phase in mi 31 kiang ah piak hi uh a, damlou teng govt in pe senglou a, a ngah khanailoute leng kuamah khaselou dinga genkawm in 2nd phase ban ah leng govt in petou zelding hi’n gen hi. Tuni a damloute panpihna kihawmkhia Manipur adia masa pen leh mundanga om nailou hi’n leng gen hi. Aman tuni a panpihna sum mute’n damna a nei ding in deihsakthu gen hi.

DC in agenna ah CCpur dist apan BPL family atel damlou mi 31 in panpihna mu uh a, applicant teng Dist Level a screeing kibawl vekin 1st phase ah mi 31te ading in Rs 12 lakh kihawmkhia a, panpihna sum(chegue) ngah tengin HDFC Bank ah asum draw theih ding hi’n leng gen hi. Tuni a panpihna ngahte’n Rs. 10,000/- sanga tamzaw ngen mu uh hi’n kigen hi. 

Regional Director in Lamka hongpha.
Lamka, Oct-30:Regional Office for Health & FW, Govt of India nuaia Mizoram, Nagaland leh Manipur enkol Dr K.Lamneithang Vaiphei, Regional Director (Entomology) in ni 3 sung omdingin zan in Lamka hongpha hi. Aman zan in Dengue leh Malaria tawh kisai data enkhia a, tuni’n Lailam Veng, Salem Veng leh Chiengkonpang pha in Dengue leh Malaria omdan survey bawl hi. Nov 1, 3013 in Larva survey bawl ding a, Malaria leh Dengue natna pua thoukangte bangchileh hihkiam theihding hiam chih enkhe ding hi’n kigen hi. Dr Lamneithang in kha 3 hal zelin hongpha ding hi’n kigen a,aman Lamka apan Senapati phading a, huai zawh in Mizoram leh Nagaland phading hi. 

MLA in puankhui khol hawmkhia.
Lamka, Oct-30:Takyelpat,Imphal ah Social Welfare deptt nuaia 3-months Tailoring course zouthak Thanlon bial apan mi 4te adin tuni sunnung dak 2.30 in bialtu MLA Vungzagin Valte, Parl Secy in New Lamka, Dorcas Veng a a tenna inn ah puankhui khol ‘Sewing Machine(USHA)’ hawmkhia hi.3-months Tailoring course zil dsing 1st batch mi 150 lakah Thanlon A/C apan vatel a course zousiang mi 4te 1) Kimbuang d/o Kaikholun of Bukpi, 2) Puineilim d/o Langneilal of Leizangphai,3)Niangngaihrual d/o Pauzasuan of Phaitong leh 4)Manzamawi d/o Ngulzalian of Sinzawl hi uhi. 

Electric khuam(post) phutkhin.
Lamka, Oct-30: District Hospital in nitenga dakkal 24sung electric meivak a ngahna dingin ‘Dedicated feeder’piaksawm in electric post(khuam) 60 omsa teng Hluna,AE makaihna in phuhzawh hi a, agui khun ding nget himahleh piak ahihlouh ziakin huai nasepna October 2013 khasung a zawh ngaihna omlou in Nov 15, 2013 tana zawh teitei theihna ding lampi ngaihtuah a om hi’n thutut kigah hi. 

SSA tungtawn in vanzat tamtak hongtung.
Lamka, Oct-30: SSA tungtawn in ZEO office leh Block tuamtuam a zatding Almirah 10; chair 30 leh revolving chair 4 zan in ZEO/CCpur office hongtung a, tuni’n steel rack 10, working table 30 leh office table 4 mah hongtung nawn hi. 

Platinum Jubilee & biakinn huang kekletna lopna om ding.
Lamka, Oct-30: Khuga Sadar Presbytery nuaia om Lingsiphai Presbyterian Church kiphuhkhiak kum 75 chinna ‘Platinum Jubilee’ leh biakinn huang kekletna lopna kithuah Nov 2, 2013 zinglam dak 10.30 in Rev B. Lala in Platinum Jubilee suang honna leh latna nei ding hi.Huai zawh in biakna kikhopna om ding a,Rev Siama Phaltual in Jubilee message gen ding a,thugenna tuamtuam leh programme ah item tuamtuam leng zang ding uhi.Kikhop zawh in mipi ankuang luina om ding hi. 

Rayburn College Governing body.
Lamka, Oct-30: Rayburn College a Governing Body pawlin tuni zingsang dak 6.30 in Principal’ office ah meeting nei uh a, Governing Body a Chairman hilai tuma lama si (late) Vung D. Tombing suunna hun zang uh a, huaizawh in Chairman mun awng ahihman in Chairman thak fingin Lasngkhanpau Guite guang uh a, Governing Body member mun 1 awng adin Rev Suanzalam guang uh chihthu om hi. 

BYF Division Khawmpi omding.
Lamka, Oct-30: BYF Lamka South Division khawmpi 7veina Nov 1-3, 2013 sung EBCC Dorcas Veng, New Lamka ah om ding a, Nov 1, 2013 zinglam dak 10:00 in Rev Dr Sonna Langzakham, DS, Lamka South Divn in khawmpi hong ding hi. Khawmpi sung in kidemna tuamtuam- Solo (numei, pasal) short play, lapawlpi group A, B, C; male quartette leh Bible action kidemna omding a, Rev Dr Sonna Langzakham thu gen ding a, Nov 3, 2013 nitak kikhop tawp in Upa T.Lamenthang, Chairman DWC, LSD in thumna in khawmpi khak ding hi. 

Nov 10 in SSC nuaia exam om ding.
Lamka, Oct-30: SSC saina in Nov 10, 2013 in LDC leh Data Entry Operator (DEO) semding lakna ding Combined Higher Secondary Level (10+2) Examination 2013 om ding a, Lamka leng exam centre hiding hi. Lamka ah exam centre 3 zat hiding a, huaite CCpur govt college, Lamka college leh Rayburn H/S kizang ding a, CCpur Dist ah candidate 1813 om hi. Exam shift 2 in kikhen a, morning shift 10:00 am- 12:00 noon hiding a, evening shift 2:00 pm-4:00 pm hiding hi. 

Malaria positive 2 mukhia.
Lamka, Oct-30: Dist Malaria deptt te’n October 2013 sung in damlou tuamtuam mi 898 sisan test uh a, huailak ah malaria positive 2 mukhia in huaiteng Malaria PF ngen hi’n gen uh a, huchih sungin Malaria ziaka misi official record omlou hi’n gen uhi. 

Dist Level Sc Exhibition zawh in om.
Lamka, Oct-30: ZEOoffice a Science Unit saina in tuni’n Thengra Leirak a Gandhi Centenary govt Aided Jr H/S ah ‘34th Dist Level Science Exhibition for school children’ om a, huaizawh sunnung in ZEO/CCpur in kipahmante hawmkhia hi. Science written Quiz ah school 5 apan student 14 tel uh a, 1st ah Seikhosat Mate (class IX) of Dr S.Radhakrishnan Foundation; 2nd ah Obed Letlensang Haokip (class X) of St Mary School leh 3rd in Henkholen Khongsai (class XI) of Don Bosco Hr Sec School pang uh a, kipahman in Rs 300 + certificate, Rs 200 + certificcate leh Rs 200 + certificate ngah uhi.
Exhibition (Model) ah school 6 apan student 12 tel uh a, 1st in Hatzalhai (class IX) of St Mary’s school; 2nd in Rajesh Sen (class XII) of Don Bosco Hr Sec School; 3rd in Nengboithem (class IX) of St Mary’s school; 4th in Papi Das (class XII) of Don Bosco Hr Sec School; 5th in Calvin Ngamgin (class IX) of Dr S.Radhakrishnan Foundation school; 6th in Soiminthang Haokip (class X) of JNV leh 7th in Mercy Kimmalsom (class IX) of Bunglon H/S hi uh a, 1st in Rs 600 + cetificate, 2nd in Rs 500 + certificate ban ah 3rd- 7th te’n kipahman Rs 300 +certificate ngah uhi. Written quiz a mi 3 teng ban ah exhibition (model) a mi 7 te Nov 2nd week in Imphal a State Level Science Exhibition ah CCpur ai-oh in kuan ding hi.
*****************************************************
 IMPHAL NEWS:

Moirangkhom ah bomb puak:mi 2 si, 6 liam.

Imphal, Oct-30 : Imphal West dist sung Hicham Yaicham Pat kianga Moirangkhom ah tuni zingkal dak 6:2 vel in IED bomb hattak khat puakzak a, huai ah mi 2 si in midang 6 liam uhi. Thusuak kingah danin huai bomb helpawlte hihpuak hidin kigen a, amau Moirangkhom bus stand mun a akam uh hi’n kigen hi. Bomb puahzawh phet in amun ah mikhat si a, a liam mi 8 om a, huaite Hospital tut nungin aliam 1 si hi. Aliam mi 6te RIMS leh Shija Hospital a emergency deptt ah om uhi. Bomb puahna kimlak sisan in pumdim a, akiang nai a om Maruti Van (MN01X/5102) glass teng bomb hal neng in hihse vek a, tua banah a kiang a om milk booth leng kisia hi. Bomb puahna mun bel CM bungalow leh Police Hq akipan km. 1 a gamla hi’n kigen hi.

Bomb puahzawh phetin police ten search operation nei ua, himahleh matkhiak neilou uhi.Misi 2te bel L. Brojen (35) s/o Siton of Andro tulel a Palace Compound a om leh Hollung Touthang(40) s/o Tonkhothang of Sugnu Bijang tulela Palace gate a om hi uhi. Amau Imphal-Moreh kikal a tai Maruti Van driver tuak hi ua, passengers ngak a omlai bomb in a puahkhum hi’n kigen hi. Aliamte akah L Rajen (48) s/o Jatra of Kakwa Naorem leikai gimsim hi’n kigen hi. Aliam dangte Y. Ovidia (36) s/o (late) Bijoy of Thounaojam Mayai Leikai, Samom Naoba @ Bikram (28), s/o Shyamkanhai, Janmasthan Yaiskul, Robert Baite (31) s/o Jangkholun of Terakhong CCpur leh Shujuin Baite (66) of Moreh ward No. 1 uhi. 

CLP meetng in security dinmun enzui. 
Imphal, Oct-30:Imphal khawpi sung ah tulai a bomb puakzak tawh kisai in tuni’n CM Secretariat ah Congress Legislature Party(CLP) meeting in security dinmun enzui uh a,
tuni a IED bomb puakzak ziaka mi 2 si a, midang hunkhop liamsakte thilhih leng mawhpaih uhi. Govt thupuangtu M. Okendro in tulai a bomb puakzaksaktute’n security personnel-te target sangin poi khoihlou mipi vantang target uh hizaw in gen hi. Imphal khawpi sunga bomb puahzakna munte mipi tamna mun hideuh ahihman in Imphal khawpi sung ah security omzah behlap ding banah khawpi sung security tawh kisai Police a DIG hiam Inspector General mawhpuakna nuaia koih ding thu genkhawm uhi. 

Ningol Chakkouba ding ziakin bus service om ding.
Imphal, Oct-30 : State govt in Nov 5, 2013 a Ningol Chakouba ding tawh kisai in Imphal khawpi sung mun 5 ah JNNURM bus service sak ding hi. A route-te Chingmeirong-Sangakpham crossing-North AOC-LIC Junction-MG Avenue Crossing-GM Hall-BT, Lilong-MU-Nityaipat-Kangla Rotary-BT Road, Heirangoithong-Pishum-Mayai Lambi-Keishampat-Waheng Leikai-Maharani Thong-BT Road-Kangla Rotary, Tera Lukram Leirak-Waheng Leikai-Nagamapal-Khuyathong Thangmeiband-Khangnang Ani Karak-North AOC-Minuthong-Hatta-Palace Compound-Sanjenthong-Nityaipat-BT Road-Maharani Thong-Sagolband-Tera Lukram Leirak leh Uripok Naoremthong-Fly Overbridge-BT Road-Kangla Rotary-Nityaipat-Sanjenthong-Lamlong-Hatta-Palace Compound-Sanjenthong-Nityaipat-Kangla Rotary-BT Road-Fly Over-Uripok Naoremthong Route hiding hi. 

Nov 9 in MR Manipur Contest om ding.
Imphal, Oct-30:All Manipur Body Building & Fitness Assn te saina in 47th Mr. Manipur Contest, 41st Junior Mr. Manipur Contest, 23rd Master, 12th Physically Challenged Body Building Contest leh 5th Women Fitness Championship kichi Nov. 9 & 10, 2013 in North AOC a Asha Hall ah om ding hi. Huai tawh kisai in tuni’n AMBBA General Secretary I. Bipin in theihsakna a bawl dan in a telnuamte’n AMBBA office ah Nov. 2 tan in form muhtheih ding a, Nov. 7, 2013 in submit ngai ding hi’n gen hi. 

40-A/R ten IED bomb khat mukhia.
Imphal, Oct-30: Imphal khawpi sung Moirangkhom bazaar a IED bomb khat a puah zawh nung sawtlou in 40-Assam Rifles patrolling paite’n Imphal-Jiribam lampi a Moidangpok Lamkhai mun ah IED bomb khat mukhia uhi. Huai bomb muhkhiak phet in A/R te’n lampi khaktan uh a, bangtanhiam sung gari taisak lou uh a, bomb expert te’n bomb pen alakkhiak zawh un lampi hong nawn uhi. 

RIMS a Dental College adin suangphum.
Imphal, Oct-30 :RIMS Director Prof. S, Sekharjit in tuni in RIMS complex ah Dental College students-te’ ading hostel 3 bawlns ding a nasep patna ding in foundation stone (suangphum) hongkhia hi.Aman s gemdsm om hostel nihte h kum nawn 2014 April kha a zawhsiang hidin gen a, kum 5 nungin RIMS hostel ah students 150 tan om theita ding hidan in leng gen hi. Huai hun ah RIMS a faculty staffs leh College Nursing leh Dental College students tamtak tel uhi. 

Transfer & Posting. ( Police Officers).

1. RK Tejbir Singh, OC/City Police as OC/Reserved Line, Imphal West.
2. M.Sudhir Kumar Meitei,OC/Thoubal Police Commando as OC/City Police.
3. Ch. Anand Kumar, OC/ Imphal West Police Commando as OC/Thoubal Police Commando.
4. BL Vaiphei, OC/Imphal West Police Commando as OC/Commando Moreh.
5. G. Thaingampou, OC/Commando Wangoi Police Station as Inspector Imphal West Commando
6. N. Ingocha Singh, OC/ Lamphel PS as OC/Bishnupur PS
7. B. Rishikesh Sharma, OC/Bishnupur PS as OC/Lamphal PS
8. N.Sadananda Singh, OC/Commando Moreh as OC/Commando Wangoi PS