SBI in govt transaction asai theihna dingin panla
Lamka, July-24:Thanlon A/C akipan MLA ching tulela Parliamentary Secretary(Hort,SC & CADA) Vungzagin Valte in SBI/CCpur Branch leng Reserve Bank of India(RBI) in lem asak dungzui in RBI sik-le-tanga sum kemthei ding ‘Currency Chest Branch’ ahih tawh kiton SBI in govt transaction alet poimawhsa in Manipur Chief Minister tawh a genkhawm khit in Addl Chief Secretary(Finance) RR Rashmi,IAS tawh genkhawm uh a,tuni’n Lamka hongpha in DC/CCpur a omlouh ziakin Addl DC/CCpur Mani Ram Shamr,IAS tawh thil omdan gnekhaswm uh chihthu om hi.Valte in SBI/CCpur branch leng pha in SBI/CCpur Branch a Chief Manager S.Kaikhanthang tawh thil omdan a genkhawm ban uah Shillong a om Dy General Manager(DGM),SBI tawh leng thil omdan phone tungtawn in genkhawm uhi.
Vungzagin Valte in telephone tungtawn in Deepak Kumar Lalla,Dy General Manager/SBI tawh a kihouna uah DGM in akul leh poimawh bangin aman leng panla ding hi’n gen a, SBI/CCpur Branch in govt transaction baihlam taka a handle theihna ding un kha 2 sungin officer leh staff poimawhzah koih behlap hiding chi’n gen hi. Valte in SBI/CCpur in govt transaction handle dia a lunglutna ziak thildang hilou in SBI/CCpur branch tungtawn in mipi tamzaw in loan leh hamphatna tuamtuam ngahthei ding uh hi’n gen a,mipi in a phattuampih ding uh deihna a panla hizaw chi’n Manipur Express saite kiangah gen hi.
Addl DC makaih in 1st Quaterly Meeting
Lamka, July-24: Maniram Sharma, IAS, Addl DC/CCpur makaih in tuni’n DC’s office a Conference Hall ah Distric AIDS Prevention and Control Committee (DAPCC), CONGO leh DCC (HIV-TB) 1st quarterly meeting om hi. Huai ah meeting nanungpen a thupuknate ngaihkhiatna leh 1st quarterly report ngaihkhiatna om hi. Rehab centre a omte (inmates) free a medical examination bawlding thu leh Rehab Centre a zatding Indoor leh outdoor materials thu ah Committee on NGO (CONGO) meeting hun a genkhawm dingin thupuk uhi. Huai ban ah World AIDS Day kichi Dec 1 zat ding thu telin thu tuamtuam leng genkhawm uhi.
JE leh Hepatitis ‘B’damdoi
Lamka, July-24: Dist.Immunisation office ah naupang kum 1-10 kikalte ading in Japanese Encephalities (JE) kichi khuak a khawsik lutding dalna damdoi manbei in kapsak theih ding in hi. Kumlui 2012 a kikapkhinte tukum in kikap ngailou ding a, dose 1 ah mi 5 kap ngai a,a kikap dingte naupang damsiang,TB damdoi nelou a hih uh ngai hi’n kigen hi. JE dalna damdoi Sepnawnni(Tuesday), Ningani (Thursday) leh Kiginni (Saturday) tengin zinglam dak 10:00 apan sunnung dak 1:00 tan in kikap theih ding hi. Kumlui 2012 inleng naupang tamtak JE dalna in kikap uh a, tukum in leng khawpi sungah JE natna omthei din patauhhuai chihthu om hi.
BADP 2013-14 final ding hun kisuan
Lamka, July-24: Langkhanpau Guite, Chairman, ADC & DRDA makaih in ama’office chamber ah tuni in ‘Dist Level Screening Committee on Border Area Development Programme (BADP)’ review meeting leh ‘BADP annual action plan 2013-14’ genkhawm in finalised ding uh chih himahleh lemtanlouhna om ziakin hunchiam omlou in postponed in om hi.
e-Dist Manager lakna din written test
Lamka, July-24: DC’s office a Conference Hall ah tuni sunnung in contract basis a semding e-District Manager 1 lakna ding in written test om a, applicant 11 omlak ah 10 tel uhi. DC/CCpur omlouh ziakin tuni in personal interview om theilou a, tunung a hun lemtang masapen ah neih hidin kigen hi.
Khamtheih leh chindan hoihlou doudal
Lamka, July-24: Hmarveng Welfare Defence Committee in July 25, 2013 akipan in Hmarveng khawsung ah khamtheih –Zu, No. 4,nganja, dendrite leh hamdawi khamtheih himhim zuak leh puaklut kham bikbek hi’n puang uh a, sum a kimawlna gambling chi tuamtuam leng phal hinawnlou chi’n puang uhi.Huailou in numei tawh thanghuai taka om leng phal hinawnlou a, thusuak kalh a gamtang a om leh Hmarvenf Welfare Defence Committee in dan a bawl bangin action lakkhum hiding chihthu om hi.
CCpur H/S ah Headmistress thak in join
Lamka, July-24: Mrs L.Tocheiyang Kom in tuni’n CCpur govt H/S ah Headmistress leh DDO lenkhawm ding in ZEO/CCpur kiang ah joining report pia hi. Mrs L.Tocheiyang Kom ahihleh Kangvai H/S ah Sr Graduate teacher apan Headmistress in promotion mu a, Kangvai H/S a Headmistress lenlai CCpur H/S a hong kisuan hi’n kigen hi.
Student 8 in document submit ngai
Lamka, July-24: National Foundation for Communal Harmomy (NFCH) te’n CCpur district a namkal buaina ziaka tagahte laizilna dia panpihna sum a piak uh student 62 in lakhin uh a, hileleng mi 8 in document kimlouh ziakin la nailou uh a, July 29, 2013 tan in tukum a current study certificate a submit uh ngai ding hi.
Student 8 te- Thongsianmung d/o or guardian of (g/o) Niangkhodim of Dorcas Road, New Lamka; Niangzokim d/o (late) Thangkhosei of Suongpi; Chinglunkim d/o (late) Chinkhantuang of Dorcas Road, New Lamka; Lallianmang s/o (late) Henpau of Lingsiphai; Khamthienlal g/o Lalneikim of Zoar Veng, Bungmual; Niangbiaklian d/o (late) Thangkhansuan of Bible Hill, Rengkai; Sailianjohn g/o Nemhoihniang of T.Singtam leh Thangminlal s/o (late) Seikholun of Sangaikot hi uhi.
Pastor Quarter honna om ding
Lamka, July-24:Khominthang(New Lamka) a EBC Pastor’ quarter ding pucca building kibawl July 28, 2013(Pathianni) zinglam dak 10.00 in biakinn compound ah honna om ding hi. Huai tawh kiton in biakinn ah haithak latna programme leng om ding a, huai ah Rev Vungminthang, General Secretary,EBC in thugen ding hi.
Airtel fee peloute action lak hiding
Lamka, July-24: Mid-day Meal scheme function hoihsem ding ngimna in ZEO leh ADC/CCpur nuai a govt Aided School a Headmaster/Headmistress teng kiangah July 2011 in Airtel post paid connection piak hi uh a, due omlai teng akintheipen in DI of schools/CCpur kiang ah piak ngai ding a, a ngaihsakloute tung ah a kituahpih bang action lak hiding chi’n ZEO/CCpur in thusuah bawl hi.
&&&&&&&&&&&&&&&&&&&&&&&&&&&&&&&&&&&
IMPHAL NEWS
National Sports 7th Foundation
Imphal, July-24: Khuman Lampak Sports complex sunga National Sports Academy patkhiak nung kum 7 chinna ‘7th Foundation day’ tuni’n indoor hall ah zang uhi. Huai ah Chief Guest in Chief Minister O. Ibobi pang a, aman mipite kiangah Academy phuhkhiak nasan theikawm a kuapeuh in kithuahpih dingin ngen hi. Chief Minsiter in agenzelna ah huai Academy bel tuailaite kithununna dinga bawlkhiak hi a, omdan kilawm leh damtheihna bulpantu ahihding leng lam-et huai hi’n gen hi. National Sports Academy ahihleh DoNER huhna tawh July 24, 2007 in honkhiak in om hi.
Myanmar a India Ambassador
Imphal, July-24: Myanmar a India Ambassador Gautam Mukhopadhaya in ni 3 sung Manipur a om ding in July 29, 2013 in Imphal hongpha ding a, huai hun ah India leh Myanmar kalthu tawh kisai thu poimawh tuamtuam omte Manipur Chief Secretary DS Poonia,IAS tawh meeting ah genkhawm ding uhi. Top official 2te meeting na ah Additional Chief Secretary (Planning), Principal Secretary (Commerce & Industires ) leh Principal Secretary (Home) leng tel ding uhi.
Petrol in kalkhat daih ding
Imphal, July-24: Tuni zingsang in NH-37 tawn thautui pua Oil Tanker 100 phial hongtung uh a, huai ziakin July 13 akipan Dimapur lampi siatna liahkhuh thei dingin kilang a,Manipur ah kalkhat sung daih ding thautui om hi’n kigen hi. Indian Oil Corporation, Imphal thusuakin a gendan in Manipur ah tulelin petrol kilolitre 634, diesel kilolitre 2771 leh cooking gas kilolitre 167 om a, khonvaktui ahihleh kilolitre 1,750 om a, nikhat a kilolitre 100 vel poimawh ahihman in sawt daihlou ding chi uhi.
Myanmar army kiangah pekhia
Imphal, July-24: Leimakhong a Army HQ ah zan akipan in Indian army leh Myanmar army –te’n ni 3 sung om ding ‘3rd Indo-Myanmar Regional Border Committee Meet’nei uh a, huai ah Lt Gen AK Sahni, SM, VSM, General Officer Commanding, Spears Corps in Myanmar army-te khut ah ‘Bailey Bridges(lei)’ 7 bawlna ding van poimawhte pekhia hi. Red Shield Division saina a meeting ah Myanmar army lam apan North West Command, Maj Gen Soe Lwin makaih in delegation teamte leh Indian army-te kimu uh a, gam 2te kal ah kipanpihtuah ding leh helpawl doukhawm ding thu tawh kisai telin thu tuamtuam genkhawm uh chihthu om hi.
Railway nasepna atel 3 pimang in om
Imphal, July-24: Helpawl hidia gintak galvantawi te’n Nungba sub-divn a Nungkao mun ah Jiribam-Tupul railway line a nasem Coastal Project Limited company official 3 pimang uh hi’n kigen hi.Pimang a omte Alok Kumar Roy(mechanical engineer), Narshima Patra (foreman) leh Basant Gohain (supervisor) hi uh a, July 18, 2013 nitak dak 11.50 velin “JDF group” hi a kigente’n a pimang uh hi a, tatkhiakna ding in sum tamtak ngen uhi. (UNA)
Brojeshori luang hongtung
Imphal, July-24: Olympian Judoka chih a om Lourembam Brojeshori Devi zanhal nitak in Coimbatore Hospital ah natna tuamtuam ziakin si a, aluang tuni’n Imphal Tulihal Airport puaktung in om hi. Auang Airport hongtun in amah dawn mipite kap leh mittui nul in pumdim uhi. World Boxing Champion hihna 5vei latu Mary Kom telin CRPF top officer tamtakin siluang dawn uhi.Brajeshori Devi luang a pianna khua Khagempalli puaktung in om a, huaimun apan Toubungkhok puak hinawn in hun nanung zatpih uhi.
School ah bomb mukhia
Imphal, July-24: Little Master English Hr. Sec. School, Samurou ah tuni zinglam dak 9.00 velin Hand Grenade khat mukhia uhi. School thuneite gendanin KCP-MC Lamyanba Khuman group apan Rs. 50 lacs ngetna lehkha (demand letter) ngah uh a, tuni in student-te’n lungkimlouh latsakna in protest nei uhi.
Imphal Flyover ah tawmkhia
Imphal, July-24: Tuni zingsang dak 7.00 velin BT Road a Bir Tikendrajit flyover (BT road) ah pasal khat tawmkhia a, RIMS Hospital tut himahleh etkol manlouh in si hi. Thusuakin a gen danin flyover apan pasal pa a tawmkhiak zawh in sipah hi dingin gintak hi a, RIMS morgue ah ahihna chet dingin koih in om hi.
Army Colonel gawt deih student-te kiphin
Imphal, July-24: Army colonel, Ajay Chaudhuri leh akizoppih khamtheih zuak ziaka matkhiaka omte gawtna sangtak peding a nawhna in Students League Manipur in tuni’n statewide agitation nei uh a, educational institutions tuamtuamte’n leng support uhi. Student pawlpite’n Home Minister leh Investigation Officer kiangah army colonel tunga gawtna piak ahih masiah kiphin ding uh hi’n theisak uhi.
Police te’n Mantripukhri ah hawlzak
Imphal, July-24: Police te’n tuni’n Mantripukhri’ Municipality toll tax kianga Manipur Mall mai ah numei pawl kiphinte hawlzak uhi. Thusuakin a gendan in tuni zing dak 7.00 velin numei tamkhop kipunkhawm in govt. kianga huai area piakkhiak deihlou in kiphin uh a, zinglam dak 11.00 velin police te’n tear gas zangin hawldalh uhi. Mantripukhri a gam lakna ding mun ahihleh inn 500 vel apan innkuan tamtak khawsakna hi’n kigen hi.
Thautui pua pawl lungkimlou
Imphal, July-24: Imphal-Jiribam lamlian(NH No. 37) bang dinmun hihiam chi’n All Manipur Petroleum Products Transporter’s Association pawlin tuni’n enkha uh a, Nungba leh Nungdolan kikal BRO in a nasepna uh muh ding a omlouh ziakin All Manipur Petroleum Products Transporter’s Association pawlin Nungba-Nungdolan kikal Manipur govt in akinlama a bawl kei ua leh Imphal-Jiribam lamlian tawn in thautui pawlut tuanlou ding uh chi’n govt vau uhi. Imphal-Dimapur lamlian(NH No. 20) a Kohima kianga Heritage mun ah menchim sautak om ziakin Oil Tanker leh vanpua Gari himhim tuni tan in leng paisuak thei vuallou hi.Huaiziakin security venbitna nuai ah vanpua leh Oil tanker-te Imphal-Jiribam lamlian zui phot ding uh chih ahi hi.Tuni zingsang in Jiribam akipan Oil tanker 55 leh Gas Bullet Tanker 39 vel Imphal hongtung uh a, tuni mah in Oil tanker 98 leh Gas Bullet Tanker 36 in security escort tawh kithuah in Imphal akipan Jiribam lam zuan uhi.