Lou neimi te’n training nei
Lamka, June-10:Autonomous Dist Council/CCpur nuaia Agriculture deptt saina in Tuibuong a Dist Council Hall ah tuni in ‘Human Resources Development Training of Farmers under Maize Development Program’ om a, Langkhanpau Guite, Chairman ADC/CCpur khuallian apang in hong hi. Aman a genna ah loubawlmite laka fel penpente training dia telkhiak hi'n gen a, loubawl mite'n vaimin kia chiinglou in, bekan leh haichi chi 3/4 chingkhawm lehang ateh hongkiate leihoih bawlkhetu hi'n gen hi. Loubawl mite'n gin-om leh kuhkal tak in pangtou lehang lawhchin ding hi'n gen a, training atelte'n inn kim leh kiang, vengsung ah mipi a tamtheipen in ahamphatpih theihna ding un hoihtaka training ding in hasuan hi.

Mannuamching, CEO/ADC in agenna tumalam a haichi i chiinte sangin tuhun a i chiin te'n gah tamzaw suahtheihna dia panlak ngai hi’n gen a, igam uh neu deuhdeuh ahihman in gam neuchik sungah a tamtheipen piansak poimawh chi hi. Haichi hongpou apan hoihtaka etkol poimawh a, training atelte'n midang atamtheipen hilhsawn ding in ngen hi. Tuni a training hun ah S.Romendro Singh, Agri Officer, ADC/CCpur in sinsak a, training zawh in vaimim (maize) kg.40, Urea kg.500; single super Phosphate kg.400; Murat of Potassium kg.240 leh Maize sheller(vaimim tawlkhiatna) 40 hawmkhia uhi.

Block 5 ah bank branch hon hiding
Lamka, June-10: CCpur dist sung a block 10 omlak a Bank omlouhnate ah Manipur govt in Bank honkhiak ding thiltup in nei a, bank te’ ut leh utlouh genlou a hon teitei ngai ding hi’n kigen hi. Block tuamtuam a Bank kihong dingte- Henglep block ah ICICI bank; Sangaikot block ah Axis bank; Vangai block ah HDFC bank; Samulamlan block ah Punjab National Bank (PNB) leh Tipaimukh block ah Axis bank hi’n kigen hi.

CHC, PHC leh PHSC enkhe ding
Lamka, June-10: Dr HL Liensang, CMO/CCpur in June 17-21, 2013 sung CCpur dist a Community Health Centre(CHC)/Primary Health Centre(PHC)/Primary Health Sub-Centre(PHSC) tuamtuam omte inspection bawl ding hi’n kigen a, staff- te' amau sepna mun chiat om dingin theisak hi. CMO in inspection bawlna ding munte -CHC Parung; Thanlon PHC; Sinzawl PHC; Singngat PHC; Senvon PHC te ban ah PHSC mun tuamtuam- Tuila; Santing; Sainoujang; Suangdoh; G.Bualzang; Lungthul; Mualnuam; Songtal; Sumtuh; Bukpi; Pheljawl leh Lungthulien hi’n kigen hi.

Health Care Providers

Lamka, June-10: CMAI-SHALOM Project leh ICCO Corporation pangkhawm in tuni zinglam dak 10:00 in CMO office campus a Mini Training Hall ah 'Improving Adolescent Sexual Health To Address HIV and AIDS in Manipur' chih thupi anei in “Health Care Providers training” om hi. Huai ah Dr Ronald; Glend Moore, (NP-USA); Among; Dr Baby te'n thupi tuamtuam pansan in sinsak uhi.

Speed breaker ah pilvan poimawh
Lamka, June 10: Central Road- Tipaimuh Road junction sakdeuh Tipaimukh Road ah gari accident tamziak in i/c DC thupiak dungzui in 80-RCC BRTF te’n speed breaker bawl uh a, nitak in kuapeuh pilvan poimawh hi. Tipaimukh Road a speed breaker kibawl zawh nung sawt nailou a, sunhun ban ah adiak in nitaka gari taite’ ading in pilvan poimawh mahmah hi’n kigen hi.

ZOLLS leh ZLS te houlim
Lamka, June-10: Zomi Language and Literature Society (ZOLLS) leh Zou Literature Society in tuni zingkal in Zouveng(Zenhang Lamka) a Zougal Hall ah meeting nei uh a, tua hun ah Zomi language tawh kisai genkhawm uhi. Huai hun ah thu poimawh tuamtuam tampi genkhawm in thupukna leng bawl uhi. Maban ah leng Tribe ) tuamtuamte tawh houlimna leh kikupkhawmna neihtouh zel sawm uh hi’n kigen hi.

SUUNNA
H.Suanzalal (48) s/o (late) H.Chinkholang of Vengnuam, New Lamka zan nitak in awmna in si a, tuni’n YPA Hanmual, New Lamka ah kivui hi. H.Suanzalal ahihleh Mahanaem Home neitu ahi.
Pumlalrem (31) s/o L.Kamzathang of Tangnuam tuzing baihtak dak 2:00 vel in TB in si a, tuni’n Tangnuam hanmual ah kivui hi.
Ning Za Dim (73) sister of N.Thang Za Khen (Zomi Home) of New Lamka (G) hunsawttak taksa hatlou tuni zing dak 5:00 vel in damlou in si a, CYA hanmual ah kivui hi.

House ah MLA-lui suunna om
Imphal, June-10:Tuni’n Manipur Assembly session ah Pre-merger hunma kum 1948-49 hunlaia CCpur Constituency apan MLA a ching Damzakhai Vaiphei suunna(obituary reference) om a, huai hun ah T. Manga Vaiphei, Th. Shyam Kumar, Chief Minister O. Ibobi leh Assembly Speaker Th. Lokeshwar in suunna thugen uhi.Huaizawh in Assembly Speaker makaihna in member paikhawmte’n Damzakhai Vaiphai,former MLA suunna in minute 2 sung dai dide in om uhi.

CM in sum tawh kisai Bill 2 luikhia
Imphal, June-10: Chief Minister O. Ibobi in tuni’n Assembly Session ah kum 2013-2014 ading Budget Estimates a luikhiak zawh in kum 2007-2008, 2008-2009 leh 2009-2010 ading Demands for Excess Grants luikhia hi.Chief Minister in huaima in House ah Business Advisory Committee, 2013 Report 5na leng luikhia hi.

Industrial Estate thak bawl hiding
Imphal, June-10: Govindas Konthoujam, Minister(Commerce & Indus) in Bishnupur leh Thoubal ah Industrial Estate thak bawlkhiak hiding chi’n gen a,huai ding in tunung sawtlou in nasep pat theihna ding in panlak touhzel hi’n gen hi. Huailou in Thoubal district sung Kakching Lamkhai ah Timber Park bawlna ding in process pailel a, gam poimawh dandan lak(acquire) theihna ding in panlak hilel chi’n leng Minister in gen hi

Lamphel ah IED mukhia
Imphal, June-10: Lamphel a CRPF camp leh Sub-registrar office kikal a lampi gei ah tuni nitaklam dak 3:30 velin lampi ah paite’n bomb hiding a gintak thilkhat om chih report a bawl dungzui un Police-te’n huaikim ah mi lutsaklou in checking a bawlna uah IED(bomb) mukhia uh a, Police bomb detection & disposal squad te’n nitaklam dak 5:00 vel in valakhia in Lamphel a dumping ground ah hihsia(defused) uh hi’n kigen hi.Thudang kizadan in Irom Kiran Devi of Mayang Imphal zan nitak dak 10:30 vel in a tenna inn ah ginlelh huaitak a sisa in muhkhiak hi’n kigen hi.

Thoubal ah Mass tree plantation

Imphal, June-10: Dr. A.K. Jhalajit, SP/Thoubal makaihna in Thoubal a Keranbichingmai mun ah ‘Green Revolutionary Thoubal’ leh ‘Thoubal Wang Mataba’ apan volunteer pai khawm mi 300 velte’n singnou 4000 vel ding suan uh hi’n kigen hi. SP/Thoubal in Global Warming ziak in khawlum nasa mahmah a, a lumdan a phattuam deuh khakleh chi a singnou suan uh hi’n gen hi.

Heroin leh a pawtu mankhia
Imphal, June-10: Kakching police te’n zan nitaklam dak 4:00 vel in Kakching area apan khamtheih pua a sumzong Md. Noor Ahamed @ Lambu (28) s/o Halim Ali of Moreh Ward No. 7 mankhia uh a, amah apan Herion powder gram 45 mukhia uh hi’n kigen hi.

NCP foundation day:office thak hong
Imphal, June-10: Keishamthong Elangbam Leikai ah tuni’n Nationalist Congress Party (NCP) pawlin 15th Foundation Day-cum-Inauguration of Keishamthong Assembly Constituency hun zang uh a, Chief Guest in L. Ibomcha Singh, MLA, NCP Manipur State President pang kigen hi. Chief Guest in a thugenna ah state thupi leh hausa Bihar in special status a ngah theih leh bangchidan a Manipur in special status ngah theilou tuan ding hiam chi’n gen hi. Huai ah C. Doungel, ex-Finance Minister; Shokholul Mate, ex- Gen. Secy, Hills TMC; Yurembam Iboiyaima, Ningboi Gangte telin mi poimawh 7 in NCP party zomthak uh hi’n kigen hi.