* MDC te'n ZYA General Headquaters tungtawn in ZYA Bangalore Region kithuahpihna pia.
* District Administration leh District Council makaih a MC Mary Kom Olympic Medalist vaidawnna ding tawh kisai in Programme bawlfel hita.
* Widows Welfare Association Asia saina in T Lajangphai khua ah Anngawl a thumna leh Ruth Blessed Home for Aged honna om ding.
* ZYA leh ZHRF General Headquater makaih in Cultural Exchange Programme kizang ding.
* Khangthah Zuun Pawl in Joint Freshers Meet zang ding.
* Ginsuanhau MLA in Gospel Music Video Album " Simlei Tul Kuon-Vol-I " kichi hong ding.
* School naupang te ading in Free Medical Assessment Camp om ding.
TANCHIN KIMZAW IN :
Bangalore a North-East mite vaulauna tawh kisai a Zomi Youth Association (ZYA) Bangalore Region in Sum-le-pai a kithuahpih ding a Zomi Youth Association General Headquater kiang ah ngetna a bawl dungzui in ZYA General Headquater in MDC te kiang ah panpihna ngen sawn in MDC te apan Sum Sing 2 ngah in, ZYA Bangalore Region kithuahpihna ding in Bank Account tungtawn in khak uhi.
District Administration leh Autonomous District Council Churachandpur makaih in August 26,2012 sunnung dak 1 in Lamka Public Ground ah "To God Be The Glory" chih thupi a nei in MC Mary Kom Olympic Medalist Home Coming Reception Cum-Thanksgiving Ceremony om ding hi. Hiai hun ah Public Ground lutna Gate ah G Thangkhosuanmung Chief of Hiangtam Lamka makaih in Gun Salute om ding a, Rayburn College NCC Senior Division makaih in MC Mary Kom in mipi te khutvuan ding hi.Rev.D Jangkholam in hun honna thumna neiding a, Jacintha Lazarus IAS DC Churachandpur in vaidawnna thugen ding a, JL Sawmi President Churachandpur Joint Women Organisation makaih in District min in Pakkhi ohsakna om ding a, Mannuamching Chief Executive Officer ADCC in District Council min in hunzang ding hi. Right Rev. Dr. Ginkhanmung Zou Bishop in "To God Be The Glory Through Mary Kom" chih pansan in thugen ding a, huaizawh in vualzawlna ngetsak ding hi. Churachandpur District sung apan MP, Minister leh MLA te'n minute 3 akipan minute 5 tan chiat thugenna hunzang ding ua, Security lam ah BS Khasana DIG STC/BSF, Brigadier VS Ranade Commander 27 Sector Assam Rifle leh L Mangkhogin Haokip IPS, SP Churachandpur in minute 2 leh minute 3 kikal chiat thugen ding uhi. Churachandpur District Private Schools' Association inleng hun sawtlou zang ding ua, Tribe Leader, Philantrophic Organisation, Church Leader, Chief Association, Churachandpur District Congress Committee, Lions Club of Churachandpur Greater, Lamka Traders and Self Employed Association leh District Level Officer te'n thilpiak peding ua, District sung a nam tuamtuam tengkhawmteng in khatvei thu in Multi Cultural Dance lakding uhi. Huaizawh in MC Mary Kom Olympic Medalist in thugen ding a, Langkhanpau Guite Chairman ADCC in Vote of Thanks gending a, Rev. Lalrosiem Songate in thumna in hunkhak ding hi. Hiai MC Mary Kom vaidawnna hun ah Manashe Cultural Troupe in nam lam lak ding ua, Maneithangja, C Thianngai, Lucy Lhinghoikim Kom leh Muana Hangzo in special number present ding uhi. Hiai ni a MC Mary Kom Olympic Medalist Churachandpur District honglut ding kuan in Kangvai khua ah sun dak 12 in Churachandpur District Sports Association leh Churachandpur District Students Union makaih in vaidawnna om masa ding a, huai apan lampi honzuihpih ding uhi.
Widows Welfare Association Aisa saina in zingchiang zinglam dak 7 akipan T Lajangphai khua ah Single Parents Fasting Prayer Day-Cum-Opening Home for Old Mothers and Fathers om ding hi. zinglam dak 7 akipan sunma dak 11 sung in Lhaikhuo President Widows Welfare Association Asia makaih in anngawl thumna om ding a, sunma dak 11 akipan sunnung dak 1:45 sung in Ruth Singson Niangpi Singson Founder Director Widows Welfare Association Asia leh Binod Zamboi makaih in Seminar omding hi. sunnung dak 2 in Pitek leh Putek omna dia kibawl Ruth Blessed Home for Aged honna om ding a, hiai hun VS Ranade Commander 27 Sector Assam Rifle in Chief Guest hihna tawh uap in Home hong ding hi. Guest of Honour in BS Khasana DIG, STC/BSF pang ding a, Grace Zamnu MDC Muallum in Special Mother hihna tawh uap ding hi. Programme zawh nung in kipah thugenna dan in annekhawm ding uhi.
Zomi Youth Association (ZYA) General Headquaters leh Zomi Human Rights Foundation saina in zingchiang nitak dak 5:30 in SYO Hall Sim Veng ah Cultural Exchange Programme om ding hi. Hiai Programme ahihleh Zomi Human Right Foundation leh Zomi Youth Association Myanmar te tawh kithuahkhawmna hun in kizang ding hi. T Goukhomang President ZYA General Headquaters in vaidawnna thugen ding a, Khamsianpau Vice-President ZYA Myanmar, K Guite Adviser ZRO, LB Sona Chairman Zomi Council leh Zomi Human Rights Foundation palai te apan thugen ngaihkhiakna om ding a, ZYA Myanmar in Sawngsik lam leh Saipi Khupsuk lam lakding ua, Young Vaiphei Association in Cultural Item present in ZYO Kapkhovung Unit in Choreography lakding uhi.
Khangthah Zuun Pawl (KZP) Rayburn College, Churachandpur College leh Don Bosco Higher Secondary School in zingchiang sunma dak 10 in SYO Hall Sim Veng ah Joint Freshers Meet 2012 zang ding uhi. Hiai hun ah Unit chih apan KZP member peuhmah telding in chialna bawl uhi.
Niengmuonching @ Boinu in Gospel Music Video Album a bawl "Simlei Tul Kuon-Vol-I" kichi zingchiang zinglam dak 8 in MGP Golden Jubilee Hall, ZPCS Office Zomi Colony ah a honna om ding hi. Hiai hun ah Ginsuanhau MLA 60 Singngat Assembly Constituency, Chief Guest apang in Music Video Album hong ding a Rev. Stephen Chinzathang Senior Executive Secretary Zou Presbyterian Church Synod in Pathian kiang ah landing hi. Guest of Honour in P Sianzadong Chairman Finance Committee ADCC pang ding a, Functional President in Tongkai Baite MDC Sangaikot pang ding a, Chief Host in Michael Ginzasuan District Supply Officer Churahandpur pang ding hi.
Sarva Shiksha Abhiyan SSA State Mission Authority saina in September 3,2012 sunma dak 10 in Synod Hall IB road ah One Day Free Medical Assessment Camp for Visual, Hearing, Speech, Orthophadic, Cerebral Palsy, Mental Retarded and Other Impairment for Churachandpur Block om ding hi. Hiai hun ah School naupang kum 4 apan kum 17 kikal te ki-etsak theih ding hi. Singngat Block ading in hiai bang Free Medical Assessment Camp September 4,2012 in Singngat Community Hall ah sunma dak 10 akipan neih hiding hi.
.