* IFCD Minister Ngamthang Haokip in Khuga Dam hong enkhia.(include vdo clip)

* Singngat leh Sangaikot Community Hall a Pass lopna Ginsuanhau MLA in Chief Guest hihna tawh uap.(include vdo clip)

* Ginsuanhau MLA in Singngat Constituency sung a Development Work tuamtuam enkhia.(include vdo clip)

* District Hospital ah Nupi naunei panpihna sum kihawm ding.

* District Level Co-ordination Committee Meeting om ding.

TUN TANCHIN KIMZAW IN :

Churachandpur district mipi ten, hoih tak a apai theih leh hoih tak a zat kal a ngak lah mah mah uh, Khuga dam, official tak in hon khiak himahleh, tuni tan in mipi lam in hamphat na khat leng muh hinailou hi. Multi Purpose project ding chih himahleh mipi in hamphat na khat mahleng a muh louh ziak un, official tuamtuam in, bang dinmun a om hiam chih hong enkhe gige uhi. Zan, May 27, 2012 in IFCD minister thak, Ngamthang Haokip in leng Lamka hongpha in, Khuga dam et khiak na hong nei hi. Huai hun ah, AE bangzah hiam in a zuih ban uah, Khuga Dam toh kisai a Joint Action Committee, JAC pawl in leng zui in thil om dan hilhchen uhi.

Board of Secondary Education,Manipur, BSEM leh Council of Higher Seconday Education, Manipur CoHSEM nuai a Class X leh Class XII result puankhiak ahih nung in, school tuamtuam leh college tuam tuam in pass a lop sek mahbang un, zan, May 27, 2012 sunnung dak 2:00 in Zomi Students Federation, Singngat Block saina in Singngat Community Hall ah, Singngat Block sung a Class X leh Class XII a lohchinna ngah te kipah pih na programme leh, khalui a, District Level Athletics meet a Singngat Block in lohchinna a ngah uh kipahthu genna programme neih in om hi. Huai hun ah, Ginsuanhau MLA, Singngat AC in chief Guest hihna toh uap in, Rachel Guite, SDO/Singngat, in Functional President hihna toh uap in, Suanchinpau MDC, Tongkai Baite, MDC leh P.Sianzadong, chairman, Finance Committee, ADCC ten Guest of Honour hihna toh uap uhi. Tutung in Singngat Block sung a Class X leh Class XII ah mi 142 in lohchinna nei ua, amau te lak ah Class X ah mi 26 in 1st in pass ua, 2nd ah mi 74 in pass uhi. Class XII ah mi 19 ten 1st in pass ua, 23 in 2nd in zou uhi. Amau te kiang ah, Singngat MLA, Ginsuanhau in sang 1 leh za 5 chiat piak na nei in, a concern SDO in leng amau te kiang ah kipah etsak na in torch lamp pia hi. Tongkai baite, MDC, Sangaikot Block in a thugenna ah, exam hun chiang a, exam pass ut, himahleh lai sim peih lou mi tampi om uh ahi chi ingen a, amau te khovel a mi hehpih huai te ahi uh chi a gen in, laisim lai i hih leh, romantic lamtoh kisai a pilvan mah mah ding ahi chi in leng gen ngal hi. P. Suanchinpau in ahihleh, i lohchinna te uh, Picnic na te a zat lou a, i loh chin a i lohsap le leng,Pathian phawk kawm leh mangngilh louhding ahi chi ingen hi. P.Sianzadong, Chairman Finance Committee, ADCC inahihleh, Student ten hiaibang a lohchinna angah pen uh, amau te sang a a nu le pa te uh kipak zaw ua, nu le pa te sang mah a, bial tu MDC leh MLA te kipak zaw uh ahi chi a gen in, maban a leng hoih tak a apan touh zel uh a deih thu gen in, Athletics Meet a Singngat block apan a kimawl na tuam tuam a 1st la te kiang ah a sum in za 5 chiat piak na nei hi. Functional President, Rachel N.Guite, SDO/Singngat in ahihleh, mi lohching ten, thil a tuam a hih lou ua, a thil hih uh chi tuam deuh ahih uh ahi chi a genin, a lohching te kipahpih thu gen in,a lohsam ten, a lohsap na pen uh, lungkiat na a la lou a, failure is the piller of success chih thei a pan a laak touh zel uh a deih thu gen ngal hi. Chief Guest, Ginsuanhau MLA, 60-Singnat AC in ahihelh, tutung a Class X leh Class XII ban ah, Athletics meet a lohchinna a ngah pen uh, MDC, MLA leh SDO te a ding a kipah na lian tak ahi chi a gen in, lohchinna nngah ten, maban a leng hiai sang asang zaw sem a tun thiehna ding ua pan a laak uh a deih thu gen hi. Huaiban ah, tu MLA term hun sung ngei a, Singnat AC sung a Class XII tan zil theih nading Higher Secondary school khat koih tei tei ding apan la ding ahihdan gen in, naupang telohchinna, nule pa te ahih dungzui ua, maban aleng nu le pa ten, hoih tak a ta te et kol touh zel a deih thu gen ngalhi. Programme hun sung in, ZMA, Singnat Block te kiang ah sum sing 3 leng pengal hi. Huai lou in tuni in Kuki Students Organisation, KSO,Sangaikot Block saina in Sangaikot khua ah, Class X leh Class XII a lohchinna ngah te kipahpih na prgramme zat in om hi.Kuki Students Organisation(KSO) Sangaikot block in tuni'n Felicitation programme cum Education Reformation campaign – 2012 BSEM saina ah HSLC 1st Division a pass mi 45 leh 2nd Division a pass mi 48 om uh a, 3rd Division omlouh hidan in KSO/Sangaikot a Education secretary in gen hi. COHSEM saina a HSE 1st Division a pass mi 21 leh 2nd Division a pass mi 23 hi uhi. Amaute pahtawina latsakna in memento piak ua, Sangaikot bial ah HSLC leh HSE pass mi 159 pha hi. Bialtu MLA in first divisioner te sang 1 leh second divisioner te za 5 chiat pia hi.Aman a thugenna ah,tutung a pass loute kingaihsiat louh di, hihna sang a sangzaw a kikoih louh ding, I gam I nam adia nu leh pate hi ding na hi ua, Sangaikot bial apan IAS om nailou ahihman in huai tan tungpha ding a pan nasatak a lakding ahi chi’n hasuan a, Cl XII zoh nung a leng line hoihtak zuih a, huai pansan a maban hoihzaw leh nu leh pa ten hon chawmna uh dinkik zou dinga pan nasatak a lak ding chi’n gen hi. Aman a genzelna ah, nu leh pa ten hon chawmchawm napi a, party bawlna dinga sum leh pai tamtak nu leh pate kiang a ngen gige tu hilou ding in hasuan hi. Nu leh pate musit lou a amaute leitung pathian ahih uh bang a ginom tak a pang ding, IAS I chihte leng midang ading hituam lou in a hahpan zouzou ading ahi chi hi. Lawhchinna banghiam I ngah chiang in leng hun masate mangngilh mailou in, I hun paisate enkik zel ni chi a, I maban leh hun paisate leng etluat ding ahi chi’n lawhchinna ngah students te hasuan hi. Nu leh pate it a, I mi leh sate I it chiangin eimah adingin leng vangphatna hongtung ding chi hi. I piannna mangngilh lou in kuamah a tuam omlou I hihdan te phawk thakni chi’n mipi hasuan hi. Singngat MLA Ginsuanhau in Sangaikot bial apan students tamtakin lawhchinna thupitak a ngah uh kipahpih mahmah ahihdan gen a, Cl X zou taten leng lawmngaih ding kia sawm mailou a, maban hoihtak ngaihtuah zaw dingin ngen hi. IAS, IPS, IRS ngen ding nahi uh chi a, ei constituency sunga sangpen te kipahman sang theipen, kumnawn apan piak hiding chi’n MLA in chiam hi. Tup kichaintak neih a poimawh dan gen in, maban a lawhchinna sangzaw I neihtheihna dingin tup leh ngim kichiantak neite mah in lawhchinna sangzaw nei thei uh ahi chi’n gen hi. Vuahzuk ma ngei a azat theih ding ua abiahthei pen a 26 km sung ballu single sung hiding a, fund om chiahkei mahleh kum nawn tan a pucca road a bawl hiding chi’n gen a, bank leng koih sawm ahihthu gen in, bialtu MLA in Sangaikot biala govt. office omteng function sak sawm ahihdan gen hi. 33KV Power Sub-Station kibawl leng zawh ahihtheihna ding a panlak ahihdan leng MLA in gen hi.Huaiban ah Sangaikot Community hall leng a lianzaw a bawl hiding chi hi. Hiai hun Paukai Haokip President KSO/Ccpur, MDC Suanchinpau Guite, MDC Lungthul, Tongkai Baite, MDC/Sangaikot, Ngamhao Touthang MDC Tuibuong, Rachel N Guite SDO Singngat, Nengkhanpau EE/PWD. Khudrakpa AE division 2, SDPO/churachandpur David Piaklian,leh mi poimoh tamtak in uap uhi.

Singngat Assembly COnstituency sung a mipi sikle taang dinga teel ching thak a om, Ginsuanhau in zan leh tuni ina bial sung mun tuam tuam pha kual in, development work tuam tuam leh, scheme tuamtuam a nna kisem te et khiak na nei hi. Zan, May 27, 2012 in Singngat khua, Model village ding a bawl ding a chih dungzui in, bazaar buuk thak lam na ding et khiak na nei in, huai ah, bazaar buuk lam na ding mun a phalna nei lou a government quarter luah sungkuan 7 ten a inn uh apawt san theih na ding ua a concern SDO in thu apiak ding chi in gen hi. Hiai Bazaar buuk ding ahihleh Singngat SDO office sak a government gam mun a bawl hi ding a, a kinthei bang pen a SDO in sungkuan 7 te kiang ah order pia a, a inn uh phel a a pawt san pah na ding uh chi in thupia hi. Hiai huna MLA pun a gen danin, government quarter a teng sungkuan 7 ten ahihleh Singngat kho hausa kiang ah ngetna a bawl ua, Singngat hausa in leng amau te inn lam na ding mun apiak ding chi a gen in, amau om na inn a van teng, a mau a ki tang vek ding uh chi in leng gen ngal hi. Ginsuanhau MLA 60 Singngat Assembly Constituency makaih in tuni zinglam dak 9:00 in Rachel N Guite SDO/Singngat, Khadrakpam Assistant Engineer PWD, Nengkhanpau, EE/PWD, bialtu MDC Tongkai Baite telin mi poimawh tamtak in Singngat A/C sung Sangaikot bial ah worksite khenkhat, T. Phaizawl a water intake point, Hengken khua a community hall kibawl lel, Serou leh Phaimual kikawmtuahna ding suspension bridge hun sawttak apan nasep pat himahleh zawhlouh a om leng enkhia uh a, suspension bridge pen nasepna kintak a pat hiding in bialtu MLA in gen hi. Huaizawh in kum masalam a huihpi mutsiat nung a building thak kibawl Saiboh Junior High School bawlna leng enkhia in, lungtun huai a sakthu MLA in gen hi.

District Hospital a November 1, 2010 apan July 31, 2011 sung leh August 1, 20211 apan January 31, 2012 sung a Nupi, ta khatna leh nihna nei te a ding in, May 29 leh May 30 zinglam dak 10:00 apan, District Hospital OPD ah, Discharge certificate tawi in JSY(Naunei te panpihna) sum laak theih ding.

District level Co-ordination committee DLCC Meeting June 1,2012 sunma dak 11 in DC Lamka Office a BRGF resource centre ah om ding hi.Hiai hun ah SDO/BDO leh district level officer te telding uhi.

Zan may 27, 2012 sunnung dak 2:00 in Zomi Laizom kichi music video album honna neih in omhi. Huaihun ah, Vungzagin Valte, MLA, Thanlon in chief guest hihna toh uap in album honna nei hi. Programme hun sung mah in, Minboi Vaiphei, MDC, haupi range, M.Gouzamang Guite, MDC, New Lamka East leh Kamsuanlun MDC, Hiangtam Lamka ten Guest of honour hihna toh uap pin, Nu Mangnu, SOcial Worker in Functional President hihna toh uap hi.

Siamsinpawlpi SSPP General Headquarter, saina in zan sunnung dak 1:00 in SSPP Complex Bungmual ah SSPP Annual magazine honna neih in om hi. T.Roumuan, IRS, in a honna nei hi. Programme hun sung mah in, T.Roumuan IRS, home recieption leng nei ngal uhi.