* Zogal Memorial Hall Complex ah 2 Days State Level Seminar kipan.(include Vdo clip)
* IWMP tawh kisai in District Watershed Development Committee in Meeting nei.(include Vdo clip)
* Drugs Abuse and Alcoholism tawh kisai in NYK Churachandpur in Village Level Awareness Programme zang.(include Vdo clip)
* C Hangshing Executive Director DRDA makaih in MGNREGS tawh kisai in Meeting om.(include Vdo clip)
* T Pachuau IPS,DGP Zone-II in Lamka hongpha.
* Grand in Aid teacher lakna ding in Interview neih in om.
* Malaria Department in Primary Health Centre 6 ah DDT kap masa ding.
* PTC Central Working Committee in Meeting 4 veina tawh kithuah in MLA chingthak te kipahpihna neiding.
Tanchin Kimzaw:
All Colleges Tribal Students Organisation, Manipur, ACTSOM saina leh Zou Sangnaupang pawlpi, ZSP, Churachandpur Government college unit zintunna nuai ah tuni zinglam dak 11:00 in Zogal Memorial Hall Complex, Zouveng ah, "The Present Scenerio of Education Policies and its Impact in the Hill district of Manipur" toh kisai in 2-days state level Seminar neih in om hi. Hiai hun ah, Jacinta Lazarus, IAS, Deputy Commissioner, Churachandpur in chief guest hihna toh uap in, L.Pangamte, Vice Principal, Churachandpur Government College leh Thathang Vaiphei, Assistant Professor, Manipur University in Functional President leh Guest of Honour hihna toh uap uhi. Hiai hun a chief guest in a thugenna ah, mundang tawh teh in churachandpur district ah college tawm mahleh, student te khualna a, hiai bang seminar saitute tung ah kipah thugen a,student te'n leng a hamphatpih ngei uh lam-en ahihdan gen hi.
Tuni zinglam dak 11:30 in Langkhanpau Guite, Chairman ADC/CCpur makaih in amah office chamber ah IWMP tawh kisai in District Watershed Development Committee meeting neih in om hi. Huai hun ah IWMP 2010-2011 project nasepna pailel tungtang genkhawmna, leh IWMP 2011-2012 project sepsuah dingdan,genkhawm uhi. Official lam apan thu kiza dan in, meeting hun ah, IWMP 2010-11 sung a project 4 a nnasep pailel toh kisai genkhawm ua, huai ah nnasep te a hoih thei bang pen sepsuah a hihtheihna dia akisaipih BDO te'n panlak ding a chih ban uah, IWMP 2011-12 a ding a State Level Nodal Agency (SLNA) in approved a bawl project 7 te,project nnasep pailel sang a hoih zaw a.sepsuah dingdan leng genkhawm ngal uhi. IWMP project hong pai te, ei lam adia a masapen ahih dungzui a, hoihtak a sepsuah a hihkei leh maban ah hiai scheme hong pailou ding hidan in gen uhi. Project te hoihtak a sepsuah na ding tawh kisai in Block level ah training programme neih hiding a, huai ding
in akisaipih MDC te theihpih in, BDO leh Watershed Development Team ten training sai ding uhi.
Ministry of Social Justice and Empowerment, Government of India nuai a scheme, Awareness and education for Prevention of Drugs Abuse and Alcoholism kichi toh kisai in nikum,June 26,2012 in, NYK, Churachandpur saina in, B Vengnuam community hall ah District level awareness programme kipan hi. NYK churachandpur in district level leh block level ah hiai awareness programme neikhinta a, tuni'n Khawlmun ECA Biakinn ah Village level awareness kipan hi.Hiai hun ah Khaikhohau Gangte District Programme Officer NYK Churachandpur in sinsak hi.NYK Churachandpur in hiai bang Awareness programme neihna ding in churachandpur district sung a block 10 om lak ah block 5 telkhia in block 1 sung ah awareness programme 3 vei neizel uhi.Block 1 sung ah khaw 30 om zel a,maban ah Village level ah awareness programme neihzawh ahihchiang in ni 15 sung de-addiction camp neihsawm uhi.Hiai Village level awareness hihleh October 2012 in zohsiang sawm in panla uhi.
Tuni sunnung dak 2:00 in C.Hangshing, Executive Director DRDA, Churachandpur makaih in DC office BRGF Resource centre ah MGNREGS toh kisai in meeting neih in om hi. Meeting hun ah, BDO teng ban ah, Programme officer, SO leh a kisaipih official teng tel in, MGNREGS a hoih theipen a sepsuah ding leh etkai dingdan genkhawm uhi.
T.Pachuau, IPS, Director of General Police, Zone-II in tuni sunma dak 11:00 vel in Lamka hongpha a, SP office ah SP, SDPO ban ah Police officer teng tawh CCpur District sung a law and order, numei tung a tatsiatna tawh kisai apanlak dingdan tel in thu poimawh tuamtuam genkhawm uh hi’n kigen a, nitaklam in Imphal ah kiknawn hi.
DC/CCpur makaih in May 23, 2012 sunnung dak 1:00 in DC office a BRGF Resource Centre ah District Disaster Management Authority (DDMAs) Committee meeting omding hi. Huai hun ah Disaster management tawh kisai a case thak te genkhawmna leh etkhawmna ban ah govt apan case hong kilehkikte genkhawm ding uhi. Huai meeting ah SDO teng, SP, CMO, District Supply Officer, DAO (Agriculture), DO (Horticulture and soil conservation), District Fishery Officer, EE/PWD, EE/IFCD, EE/Electricity ban ah OC (Fire Brigade) te telding uhi.
Joseph Lalrothang, ZEO/CCpur office chamber ah tuni zinglam akipan in CCpur District a block tuamtuam a Grand in Aids teacher lakna ding in interview neih in om hi. Singngat block ah post 2, CCpur block ah post 4, Thanlon ah 3, Tipaimukh ah 2 leh Samulamlan block ah post 1 ading interview neih in om hi. Grand in aid teacher interview na toh kisai ahihleh school committee te mohpuak na hideuh hi'n kigen hi.
Churachandpur District sung a Malaria positive tamna diakte ah Malaria Department in DDT Spray hun ah Primary Health Centre 6 nuai a khua 79, tenna inn sang 3 za 7 leh 70, room sang 11 leh 77, a mihing sing 2 za 1 leh 28 omna ah DDT 1st round kap sawm uhi. Huai ding tawh kisai tuni’n Imphal apan DDT bag 60 hongtung a, CMO office ah koih in om hi.
Paite tribe council general headquater a central working committee, in May 21,2012 sunma dak 10:30 in PTC Head Office conference hall hiangtam lamka ah meeting 4 veina leh paite mi leh sa MLA dia chingthak te kipahpihna leh annkuang umpihna om ding hi.First session sunma dak 10:30 in aphamsa V Hausawm Central working committee member ban ahh PTC Tuivai block president suunna leh Vungzagin Valte MLA in central working committee member ding a ngetna a piaklut tungtang ban ah, 54th PTC General assembly thupukna etzuina,constitution amendment leh paite customary law etthakna, paite man khawmpi 2 veina review leh sum dinmun etkhawmna leh sub-committee progress report ngaihkhiakna ban ah PTC Raising day June 27,2012 a zatding tungtang genkhawm ding uhi.sunnung dak 1 in MLA chingthak te kipahpihna om ding a,huai ah Health and family welfare minister Phungzathang Tonsing leh Vungzagin Valte MLA in thugenna hunzang ding ua,nitaklam in annekhawm ding uhi.