* State Medical Board leh People Advance in Social Service saina in Disability Assessment Camp neih in om. (include visual)
* Genzamung in Nupi (kum 18) Ta khat neipan, Sual sawm. (include visual)
* Tualnuam khua a FCI Godown lamna ding in nasep kipan. (inClude visual)
* Dr.Chaltonlien Amo Chairman Hill Area Committee in Hmar Martyrs Day Trophy Closing Ceremony Khuallian hihna tawh uap. (inClude visual)
* Churachandpur District Farmers Research Association in 21st Anniversary zang.
* Ladies Prayer Fellowship leh Churachandpur Christian Women Fellowship in thumkhawmna saiding.
* KSO Henglep in Exam a lohchinna ngah te kipahpihna programme zatsawm.
* National Assessment and Accreditation Council,Bangalore nuai ah Lamka College Accredited hita.
* NLYC saina in New-Lamka League omlel.
Tanchin Kimzaw:
State medical board leh People advance in social service saina in tuni sunma dak 11 in synod hall IB road ah disability assessment camp nei uhi.Hiai hun ah Dr.N Ajit singh PM and R Assistant Professor JNIMS,Dr.Y Tomba Singh ENT Specialist JINMS,Dr.L Robi Singh opthamologist,senior consultant for Eye,L Dhaneshwor Singh Psychologist Social welfare department leh Dr.Gyneshwor Psychriatrist in khanvual phalou te enchian uhi.Hiai hun ah khanvual phalou,hunkhop tak paikhawm in registration bawl ua,maban ah khanvual phalou te identity card leh pass book bawlsak ding uhi.
Tuni sunnung dak 12:30 vel in New-lamka Vengnuam ah Genzamung (43) S/o Vungzatun of Zogam road New-Lamka in innsung a nupi kum 18 a upa ta khat neipan sualsawm a,nupi nu pasal in tuakkha in vengsung mipi'n mankhia uhi.A kigen dan in Genzamung in nupi nu pasal, electric fit ding in sam a,himahleh amah inn a omlou in pasal pa omlouh kal in a zi sual sawm in valut a,nupi nu leng common room ah bohpuk man hi.Nupi nu, a khe a hoihlouh ziak in taikhe theilou in kap a,huchih laitak in a pasal in,thawmging za in va tuakkha hi.Genzamung ahihleh kum 2007 in Assam Regiment apan pension hi.Aman zi thum neita a,tua a zi nanung pen tawh ta 1 nei uhi.
Tualnuam khua a Chief Minister O Ibobi Singh in April 13,2010 a,FCI godown lamna munding a ,foundation stone a hong nung in,Civil society a diak in ZEPADA,CDSU leh MLA, Minister te hahpanna ziak in tuni'n nasep kipan hi.contractor Biakson in JCB leh Bull dozar zang in tuni'n ground levelling bawl a,FCI Godown huangsung ah security barrack,Office building,weigh bridge,godown 2500 metric tonne tat theihna ding leng barrack type quater,compound fencing,drain,gate,internal compound fencing,toilet,type-II quater leh security tower kibawl ding a,hiai ding in sum 5.39 crore lutding hi.FCI Godown munding ahihleh 23808 square metre in lian hi.
Tuni sunnung dak 2:30 in Rengkai Playground ah Hmar Martyrs Day Football Trophy Closing ceremony nei uhi.Hiai hun Dr.Chaltonlien Amo Chairman Hill Area Committee in Chief guest hihna tawh uap hi.Final match kipatma in Hmar pasal hangsan sisa te sunna in minute khat dai dide in hunzang ua,huaizoh in kimawlna kipan hi.Final match ah Langza leh muolbem HYA te kimawl ua,champion team in cash prize sing 5 leh trophy sang ua,runner up team in cash prize sing 3 leh trophy sang uhi.Hiai tournament sung in HYA team 15 kimawl uhi.
Churachandpur District Farmers Research Association in tuni'n Rengkai a Lalthonawk Hmar President Churachandpur District Farmers Research Association tenna inn ah 21st Anniversary zang uhi.Hiai hun ah Member tamtak paikhawm in,Agriculture lam tawh kisai kha,Sericulture,horticulture,fishery,vetenary,forest,agriculture leh floriculture deparment te gina tawk a office kaiding in ngetna bawl uhi.
Ladies Prayer Fellowship leh Churachandpur Christian Women Fellowship saina in May 19,2012 zinglam dak 7 akipan sunnung dak 2:30 in Chhim Presbyterian Biakinn Lailam veng ah Lamka khopi sung a christian pawl tuamtuam te'n thumkhawmna programme a 3 veina zang ding uhi.Hiai hun ah Chingngaihlun CBA New-Lamka, Pastor Retired Genlal EOC Lingsiphai leh Upa L Tualthang Adviser Priscilla Home in thugenna hunzang ding uhi.
Kuki Student Organisation Henglep Sub-Division in tutung pawl 10 leh pawl 12 exam na a lohchinna ngah te kipahpih thupuang in,KSO Henglep in hun lemtang masapen ah first divisioner te adia felicitation programme a 6 veina Henglep Sub-Division sung a saiding ahihdan thusuahna ah taklang uhi.Hiai ding in lohchinna ngah first divisioner te'n marksheet leh admit card xerox copy leh passport size photograph copy 2 leh sum 50 May 28,2012 tan in piaklut ngai ding hi.
Dr.M Lokendra Singh Principal Lamka College in thusuah a bawlna ah National Assessment and Accreditation Council Bangalore nuai a Lamka College Accredited hita ahihdan taklang hi.Huaiban ah 2012-2013 academic session a,class 11,class 12 leh BA 1st semister ading in May 17,2012 akipan admission bawl theih ding a,Admission form leh prospectus deih te'n Examination section ah laktheih ding a,student khawsak haksa deuh te ading in free room accomodation piak hiding chi'n thusuahna ah taklang hi.
New-Lamka Youth Club NLYC saina in may 9,2012 akipan PT Sport Complex ah New-lamka League kipan hi.Hiai tournament ah new-lamka khaw sung a football team 16 tel ua,champion team te'n cash prize sang 3 ngah in CDSA, 2nd Division ah NLYC min in kimawl ding ua,runner-up team te'n cash prize sang 2 ngah in CDSA, 3rd division ah CDSA min in kimawl ding uhi.