* Simte Tribe Council General Headquater President ding in B Dongzalian telching in om.
* Muallum MDC Grace Zamnu in Natural Calamity Awareness leh Blood Donation Awareness Seminar ban ah MDC Tournament saisawm.
* Integrated Watershed Management Programme sepsuahna tawh kisai in Workshop neih in om.
* Dr.Buddhadeb Ghosh Principal Investigator ISI Kolkata in BADP nasepna hong enkhia.
* Synod Hall IB Road ah Handloom tawh kisai in Workshop om ding.
* Lamka Public Ground ah District Level Athletics Meet om ding.
* Phungzathang Tonsing Health and Family Welfare Minister in Shija Hospital ah Machine thak hong ding.
Tuni zinglam dak 10:00 in SYO Hall, Simveng ah, Simte Tribe Council, STC in General Assembly cum Election, 2012 nei uhi. Huai hun ah, STC block tuam tuam apan palai 297 paikhawm in vote khia uhi. STC, General Headquarter a President ding in mi 3, B.Dongzalian,T.Dongchinkham leh Tualkap te kituh ua, amau teng lak ah,B Dongzalian in vote 186 mu in President ding in teel ching in om a, General Secretary a ding in leng mi 3 mah, Th.Doukhanmang, S.Douzakam leh Th.Thangkhanlian te kituh in, huai ah, Th.Doukhanmang in vote 164 mu in Secretary ding in teel ching in om hi. Teel ching thak a om te, Election commission in kichiamsak na a neih zoh in Rev. H.Thangliankham in thumsak hi.
Muallum MDC Grace Zamnu in Muallum ADC Constituency sung a khaw tuamtuam a youth club makaite samkhawm in a tenna inn Lailam Veng ah tuni sunma dak 11:00 in meeting neihpih hi. Hiai hun ah Muallum ADC Constituency sung a khaw tuamtuam apan palai 20 vel paikhawm in maban a Natural Calamity Awareness Campaign leh Blood Donation Awareness Seminar neih dingdan toh kisai ban ah MDC Tournament neih dingdan genkhawm uhi. Hiai hun ah, youth club palaite deihna bang in hongtung ding May 9, 2012 a Natural Calamity Awareness Campaign leh Blood Donation Awareness Seminar neih hiding a, khaw chih apan mi 5 sang a tawmzaw lou telchiat ding in bialtu MDC Grace Zamnu in theisak hi.Huaiban ah, MDC Tournament neihna ding toh kisai in June kha sung a hiai tournament sai ding in thupukna bawl uhi.
Tuni zinglam dak 10:30 in District Training Centre ah DRDA saina in Integrated Watershed Management Program (IWMP) sepsuahna toh kisai in Watershed Committee in workshop nei uhi. Tuni'n Project I (Henglep, Samulamlan leh Tuibuong Block) leh Project III (Vangai leh Tipaimukh Block) ten workshop nei masa ua, Zingchiang in Project II (Singngat Block) leh Project IV (Thanlon Block) ten nei nawn ding uhi. Tuni a workshop neih na hun ah, IWMP toh kisai a Chairman leh Secretary teng tel in, IWMP sep suah ding dan toh kisai leh thupoimoh tuam tuam kisinsakna nei uhi.
Ministry of Home Affairs nuai a Border Area Development Programme (BADP) tawh kisai enkhe ding in Dr Buddhadeb Ghosh, Principal Investigator, ISI Kolkatta in tuni in Lamka hongpha hi. Tuni a hong hoh, Dr. Buddhadeb Ghosh ahihleh official dang 1 in hong zui a, DC office chamber ah, DC/CCpur, Executive Director DRDA leh DRDA official te tawh meeting nei uhi. Meeting zoh in, Behiang (V) Hiangtam (K) leh Pakmual khua a BADP nasepna te enkhe ding in kuan uhi.
H.Thangliankham in thumsak hi.
Project Manager, District Handlooms and Textiles, Churachandpur Manipur saina in zingchiang, zinglam dak 11:00 in Synod Hall, IB Road ah, Awareness campaign on welfare schemes (HIS and MGBBY), Comprehensive Package(WCC and YPB) and Revival and Restructuring Package for Handloom sectors om ding hi. Huai hun ah, V.Tualthang, Director, Commerce and industries, Manipur in chief guest hihna toh uap ding a, M.Meghachandra Singh, Project Manager(Handloom) Churachandpur leh Kommu Ravindra, Assistant Director and Officer-in-charge, Weavers Service Centre, Imphal, Manipur ten, Functional President leh Guest of Honour hihna toh uap ding uhi. Awareness programme hun sung in resource person 6 in thupi tuam chiat pansan in sinsak ding uhi.
SSA leh RMSA saina in a hong tung ding, May 9-11, 2012 kikal sung in lamka Public Ground ah, school te a ding in District Level Athletics Meet om ding hi. Hiai ding toh kisai in tunitak lam in Jacintha Lazarus, IAS, Chairperson, DBE/SSA-RTE, Churachandpur makaih in DC office Chamber ah Churachandpur district sung a block tuam tuam a DI of School leh District Youth Affairs and Sports Officer in meeting nei uhi. Hiai hun ah, sports ding toh kisai a, a hithei tan a, block chih a school te lak a naupang a haat pen leh a siampen te telsak theih dingdan genkhawm uhi.
Manipur a masapen ding in zingchiang sunnung dak 2:30 in Shija Hospital Langol Imphal ah Zunbu a suang om aat ngailou a hih damtheihna khawl thak Holmium Laser honna leh Live Workshop on Retrograde Intra Renal Surgery om ding hi.Hiai hun ah Phungzathang Tonsing Health and Family Welfare Minister Chief guest apang in machine thak hong ding hi.