* Paite Literature Society (PLS) in Office Bearer ding telna nei.
* SSPP Complex, Bungmual ah, Siamsinpawlpi, General Headquarter in General Body meeting nei.
* Rashtriya Swashtha Bima Yojona nuai a min gellut a omte a ding BPL Card lak theih.
* Tunni Khongjom Day ziak Government Office te ki khak.
* Mission Workers' Welfare Society Ltd., Pass book mang ki mu.
Tuni April 23,2012 in Paite Literature Society (PLS) in Office Bearer ding telna nei uhi. Office Bearer ding in President, Vice President, Secretary, Assistant Secretary – cum – Finance Secretary leh Treasurer ding telna nei ua, tua ah President ding in John K. Ngaihte, Vice President ding in Dr. Tualchin Neihsial, Secretary ding in Pauzagin Tonsing, Assistant –cum- Finance Secretary ding in Upa S. Vungsing, Treasurer ding in Upa T. Hanglamthang te telching in om uhi. Tua ban ah nominate post 10 om a, huai ding in Tualkhanhau President Paite Tribe Council General Headquarter, S. Chinngaihpau Preisident Young Paite Association General Headquarter, Lianzapau Samte President Siamsinpawlpi General Headquarter, Rev K. Kamchinkhup Director of Ministry, Dimzangai Editor Ruth Messenger, L. Chinkhanlian Editor Manipur Express, Th. Thangzalian Editor Lamka Post, Vung D. Tombing, Tunglut Thuamkhopau leh JohnDeng te guan in om uhi.
Zan April 22, 2012 sunnung dak 1:30 in (SSPP) Complex, Bungmual ah, Siamsinpawlpi, General Headquarter in General Body meeting nei uhi. Meeting na hun ah, Siamsinpawlpi GHQ ah 80G toh kisai in Bukpi Government High School leh Suangdoh Govt High School tung tang gen khawm na nei ua, huai toh kisai in SSPP General Headquarter in High School 2 te apoimoh bang a enkai ding in thupukna bawl uhi. Tua ban ah SSPP General Headquarter President apan thutut kingah dan in, SSPP Imphal Branch in SSPP Headquarter a kum 2012-2013 a ding plan a bawlte uh approve dia ngetna a neih ahi bang in approved bawl sak ua, tua ban ah SSPP Gangpimual Branch Unit in Career & Guidance toh kisai a thusun a bawl uh leng ahi bang bang in approve bawl uhi. Tua ban ah SSPP General Headquarter in kha no'n May khasung ngei in SSPP Website leh SSPP Bulletine khakhiak sawm in panla lel ua, tua ban ah SSPP general Headquarter saina in hon g tung ding April 28,2012 sunnung dak 1:30 in SSPP
Comlex Bungmual ah Career Council on How to Crack SSC Combine Graduate Level Exammination 2012 kichi nei ding ua, hiai hun ah SSPP member SSC Combine Graduate Level Exammination 2012 pe ding te kia tel thei ding uhi. Hiai ding in April 27,2012 tan registration bawl theih dinga, Mawii dawr Lamlian Veng Bungmual, Kimboi Panshop Dorcas hall Opposite leh Songbul News Agency New Bazar ah registration bawl theih gige ding hi.
Manipur State Rashtriya Swashthya Bima Yojona ( National Health Insurance Scheme) nuai a Tuibuang leh Saikot Block nuai a khohausa teng in April 20,2012 apan in mahni khua chiat a, Rashtriya Swashtha Bima Yojona nuai a min gellut a omte a ding BPL
Card Lamka Public Ground kianga SSPP Tower ah zinglam dak 10:00 apan nitaklam dak 3:00 kikal sung lak theih gige hi’n NS Gukulmani, Excutive Director Manipur RSBY apan thutut kingah hi. Tua ban ah BPL card la dia kuan te’n BPL card toh kisai a lai poimoh omte tawi kim teitei ngai ding hi.
Tuni Manipur State a ding a ni poimoh Khongjom Day ahih ziak in Manipur Govt in General Holiday in puanga, tua toh kiton CCpur ah Govt. Office leh Siamsinna inn kikhak vek hi.
Mission Workers' Welfare Society Ltd., Pass Book A/C No. 410857 mang mutu khat in Hornbill Office ah hong koih a, Pass Book Account Holder ah Hoihlunching of New Lamka chih kigelh hi. A neitu in chik lai peuh in Hornbill office ah lak theih ding hi.