* CCpur Distt. a govt school tuamtuam te ading Mid Day Meal ni 83 ading CCpur govt H/S ah hawmkhiat kipan.
* Secondary School, ah SSA tungtawn a free text book hawm in om hi.
* C.Hangshing, Excutive Director,DRDA,CCpur makaih in District Training Centre, Tuibuang ah DRDA toh kisai meeting neih in om.
* Bible Society of India, CCpur Branch in Manipur Presbyterian Church, Session Hall ah meeting nei.
* Bungmual a Lalpuithuai-i Foundation school ah Science Exhibition leh School programme kithuah nei ding
* BPL leh AAY antang April 2012 quota ding hun khop hong tung in FCS Godown, Headqurter ah koih in om lel.
* Ms. Jacintha Lazarus, IAS, Deputy Commissioner, Churachandpur makaih in BRGF Resource centre ah, District Level Monitoring Committee, meeting om ding
* District Training Centre, ah district E-Governance Society, DeGS toh kisai meeting om ding
* BRGF Resource Centre ah Calamity Relief tawh kisai ‘District Level Sub-Committee on Relief Assistance under Calamity Relief’meeting neih in om.
* Zogal Memorial Hall Complex, Zouveng ah Paupu lenlai film thak honna om ding
* Farmers' Awarness Programme. B.Vengnuom, Tuibuong ah om ding
* Zomi Council in Zomi MLAs leh MDC's te ki pahpih na leh socio-political discussion nei ding.

CCpur Dist a govt school tuamtuam te ading Mid Day Meal October 2011-March 2012 ni 83 ading zan apan in CCpur govt H/S ah hawmkhiat kipan hi. Zan leh tuni’n Henglep block leh CCpur block nuai a govt school te ading kihawmkhia a, April 12, 2012 in Samulamlan block te ading kihawmkhe ding hi’n kigen hi.Huai ban ah, Singngat block te a ding ahihleh a concern DI, Goukhomang in hongtung ding April 13, 2012 in a mun mun a va hawm ding ahihdan gen hi.

Apaisa April 9, 2012 apan in Secondary School, ah SSA tungtawn a free text book te hawm in om hi. April 9 leh zan in Tipaimukh leh Thanlon block te ading hawm ua, tuni in Singngat Block te a ding hawm nawn uhi. Singngat DI of School, Goukhomang apan thu kiza dan in, Singngat Block sung a Government leh Aided school ki gawm 25 apan student 1147 te a ding hawm uh hidan in gen hi.

Tuni sunnung dak 12:30 in C.Hangshing, Excutive Director,DRDA,CCpur makaih in District Training Centre, Tuibuang ah DRDA toh kisai meeting neih in om hi. meeting na hun ah, district sung a sub-division tuam tuam a SDO teng ban ah, a concern line department te tel in, NREGS toh kisai Social Audit thu, ban ah, village level a master roll a ki submit lou tungtang leh development work toh kisai gen khawm na nei uhi.

Bible Society of India(BSI)/CCpur Branch vaisai pawlin tuni sunnung dak 1.00 apan Manipur Presbyterian Church, Session Hall ah meeting nei uhi. Huai ah Annual Confertence,2012 tungtang, Collectors Meet, 2012 leh thu poimawh tuamtuam genkhawm na nei uhi.

Bungmual a Lalpuithuai-i Foundation school ah April 12, 2012 zinglam dak 10:30 apan in Science Exhibition leh School programme kithuah om ding a, huai hun ah school naupang nu-le-pa (parent) te’n uap chiat ding in Headmaster & Staff , Lalpuithuaii Foundation school te’n chial uhi.

Kha teng a government in BPL leh AAY antang a hawm sek uh dungzui in tukha April 2012 quota ding hun khop hong tung in FCS Godown, Headqurter ah koih in om lel hi. A concern department lam apan thu kimu dan in, Churachandpur district sung a ding avek a ki gawm a antang quintal 4350 hi a, huai teng lak ah quintal 2736 stock om lel ahihdan gen in, 1600 vel in sam lai chi in gen uhi. Tuni in Sangaipro apan antang gari 4 te hongtung in godown ah koih lel uhi.

A hongtung ding April 17, 2012 sunnung dak 2:00 in DC office BRGF Resource centre ah, District Level Monitoring Committee, meeting om ding hi. Huai hun ah, Ms. Jacintha Lazarus, IAS, Deputy Commissioner, Churachandpur in meeting makaih in, State Plan nuai a nna kisem te, NEC, NLCPR, Flagship Programme, leh Centrally sponsrored scheme tungtawn a nna kisem te gen khawm na nei ding uhi.

A hongtung ding April `16, 2012 zinglam dak 11:00 in District Training Centre, ah, district E-Governance Society, DeGS toh kisai meeting omding hi. Huai hun ah, DeGS a member teng ban ah, Village Level Entreprenueurs, VLEs te tel in, Common Service Centres, CSC a ki function dan leh, VLEs ten material tuamtuam a ngah te u toh kisai leh thupoimoh tuamtuam gen khawm na nei ding uhi.

Tuni sunnung dak 3:00 in DC office BRGF Resource Centre ah Calamity Relief tawh kisai ‘District Level Sub-Committee on Relief Assistance under Calamity Relief’meeting neih in om hi. Meeting na hun ah, SDO teng, District Agriculture Officer, DAO, DO(Hort& SC), District Fishery Officer, DFO, EE/PWD, EE/IFCD, EE/Electricity leh OC(Fire Brigadge) te tel in Calamity Relief tawh kisai case luite leh case thakte genkhawm na nei uhi.

A hongtung ding April 14, 2012 sunnung dak 2:00 in Zogal Memorial Hall Complex, Zouveng ah Paupu lenlai film thak honna om ding hi. Huai hun ah, Ginsuanhau @ GS Haupu, MLA, Singngat AC in chief guest hihna toh uap in Paupu lenlai film thak honna nei ding hi.

District Agriculture Officer a pan thuthuh ki mu dan in hongtung ding April 16 apan 20 tan daih ding Farmers' Awarness Programme. B/ Vengnuom, Tuibuong ah om ding a, April 16 in Inaugural Function pat hi ding hi, hiai hun ah Pu, Langkhanpau Guite, Chairman ADC, Churachandpur in Chief Guest hih na toh uap ding hi. Hiai Awarness programme hun sung a ding in E.O. Block teng in members 50 tel khia in District Agriculture Officer Churachandpur kiang a submit ding in leng theih sak na bawl hi.

Hongtung ding April 14, 2012 in Zomi Council in Zomi MLAs toh MDC's te ki pahpih na leh socio-political discussion Zomi Council Administrative Office Nehru Marg, Lamka ah nei ding.