Tanchin laktom:
* District Hospital ah naupuakna (baby career) piak khiak ding hunkhop Imphal apan hong tung.
* CMO Conference Hall ah One Day Special Meeting neih in om
* DC office a BRGF Resource centre ah, District AIDS Prevention and Control Committee, (DAPCC) 4th Quarterly meeting om ding
* Molvaiphei Youth Centre, ah Youth Integration Camp om ding
* Inchagre a lak nunga, amasa pen ding C. Hangshing Excutive Director DRDA, CCpur in District Training Centre ah a staff te toh kimel theihna kawm in meeting nei.
* Pulse Polio Immunisation, IPPI, round 2 neih hun ding suan in om
TANCHIN KIMZAW:
District Hospital a nupi naunei te kiang a naupuakna (baby career) piak khiak ding tuni in hunkhop Imphal apan hong tunga, CMO/CCpur store room ah koih in om hi.
Churachandpur District sunga Primary Health Sub Centre (PHSC) a nurse semte a ding leh Primary Health Centre (PHC) a Lady Health Supervisor (LHS) te a ding in tuni sunma dak 10:30 in CMO Conference Hall ah One Day Special Meeting neih in om hi. Hiai meeting session nih in kikhen a, session masa Dr. HL Liensang CMO/CCpur in sub-centre leh PHC level tan provision tuamtuam om toh kisai ban ah nurse te thuhilhna nei a, session nihna ah District Blindness Control Society (DBSC), CCpur saina nuai ah Training of Nurse on Early Detection of cataract and prevention of blindness sinsakna Bubaneshore in nei hi. Hiai meeting ah ANM nurse 80 val tel uhi. CMO in a genna ah tuni meeting ah tellou ANM nurse te kha loh hen tang sak hi ding chi a, tua ban ah mahni sepna mun kha khat a 4 vei bek phak teitei ding nasem hoih tak bawl ding in thuhilna nei hi.
Zingchiang sunma dak11:00 in DC office a BRGF Resource centre ah, District AIDS Prevention and Control Committee, DAPCC 4th Quarterly meeting om ding hi. Huai hun ah, ms. Jacintha Lazarus, IAS, Deputy Commissioner in meeting makaih in, 2nd DAPCC resolution toh kisai et kiik na nei in, Last quarter meeting na toh kisai leng et kiik na nei ngal ding uhi. Huai ban ah, 2011-2012 overall performance leh NGO te pan laak dan ban ah, ART toh kisai leh, Free laboratory. Investigation leh People Living with AIDS leh People Leaving with HIV te job card ding toh kisai leh thupoimoh tuam tuam gen khawm na nei ding uhi.
District Youth Affairs & Sports Officer, saina in zingchiang apan April 15, 2012 kikal sung Molvaiphei Youth Centre, ah Youth Integration Camp om ding hi. Huai hun ah, state sung a pan teel tuam youth mi 300 tel ding ua, Camp hun sung in National Integration, Communal Harmony, anti-drug abuse, HIV/AIDS leh thu tuam tuam te ki kup khawm na nei in, sinsak tu siam tak tak in sinsak na nei ding uhi. Huai lou in, Youth Rally, Social Service ban ah, Games & Sports te leng nei ding uhi.
Excutive Director DRDA, CCpur, C. Hangshing in inchagre a lak nunga, amasa pen ding in tuni sunma dak 11:00 in DC Office khang a, District Training Centre ah a staff te toh kimel theihna kawm in meeting nei uhi.
Kumteng a Intensified Pulse Polio Immunisation, IPPI, round 2 vei a ki neih zel dungzui in, tukum in leng round 2 mah neih hi ding hi. Tukum 2012 a IPPI first round pen February 29, 2012 in neih in om a, 2nd Round pen April 1 a ding kichi himahleh, lemtan louhna aom ziak in a hun ding suan uhi. Hiai toh kisai a a concern department lam apan thu kiza dan in, 2012 IPPI 2nd round ahihleh, 1st April a nei lou a 15th April, 2012 a neih ding chi a, a hun suan in om hi.