* Bungmual Diesel Auto Service Association (BUDASA) in Pearsonmun ah station bawl thak
* SSA nuai a, Goverment school naupangte a dia laibu a thawn a hawmna neih in om.
* L. Semol khua ah ak noute khat in khe 4 nei
* Lady Health Supervisor (LHS) te a ding in CMO Conference Hall ah One Day Special Meeting neih in om ding
* Imphal akipan W. Rajen, Director Education (S) leh Iboyaima Joint Director Education (S) te’n Lamka hong pha.
Bungmual Diesel Auto Service Association (BUDASA) pawl in veng tuamtuam Bungmual – Bijang, Buangmual – Laijon Veng, Buangmual – Kipgen Veng, Bungmual – Zoumunnuam te a passenger pua a, atai nung un mipi te khualna ziak in tuni a kipan in Pearsonmun hausa phalna ziak in Pearsonmun khua ah station thak khat bawl khe nawn uhi. Pearson a kipan Zoumunnuam leh Bijang ah tai ding ua, Kipgen veng leh Laijon veng a tai dingte ahih leh Bungmual apan in tai thou ding uhi.
SSA nuai a, Goverment school naupangte a dia laibu a thawn a hawmna tuni in CCpur Govt High School ah neih in om hi. Tuni in Tipaimukh Block a ding laibu class I-VIII te a ding hawmkhiakna DI Tipaimuhk makaih in hawm khiakna nei uhi. Zingchiang in Thanlon Block a ding hawm khe nawn ding ua, zinghal April 11 in Singngat Block a ding hawm khiakna nei nawn ding uhi.
L. Semol khua ah Thiengin @ Thiena in kalpaisa a, aknou a luah leh a ak noute lak ah khat in khe 4 nei hi. Aknou ahih 10 val pha in dam vek ua, khe 4 nei pen ahih leh a khe 2 a taw bul ah pou a, apai chiang in a khe 2 khai kang in pai hi.
Churachandpur District sunga Primary Health Sub Centre (PHSC) a nurse semte a ding leh Primary Health Centre (PHC) a Lady Health Supervisor (LHS) te a ding in hong tung ding April 10,2012 sunma dak 10:30 in CMO Conference Hall ah One Day Special Meeting neih in om ding hi. Hiai meeting session nih in kikhen dinga, session masa Dr. HL Liensang CMO/CCpur in sub-centre leh PHC level tan provision tuamtuam om toh kisai genna nei dinga, session nihna ah District Blindness Control Society (DBSC), CCpur saina in Training of Nurse on Early Detection of cataract and prevention of Blindness toh kisai sinsakna om nawn ding hi. Hiai ding toh kisai in nurse leh Lady health Service teng tel kim ngai ding hi.
Tuni sunma dak 10 in Imphal akipan W. Rajen, Director Education (S) leh Iboyaima Joint Director Education (S) te’n Lamka hong pha ua, amau Gandhi Memorial High School leh Vungzagen High School Mata etkhiatna nei ua, huai zoh in Ms Jacintha Lazarus IAS DC/CCpur kimuh pihna nei ua, bang thu gen uh hiam chih bel theih hi nai lou hi.
Post : David R.Tonsing
.