* Army Uniform silh mi 7 vel ding in Lamka College a BA IInd Year simlel soisa in Damkam Bazar ah nusia.
* District Blindness Control Society in 13th World Sight Day zang.
* MDC te'n One Day Sensitization Programme nei.
* Churachandpur Police in C Hangshing Executive Director DRDA tenna inn a Bomb paihpuak mi 2 mankhia.
* ZYA General headquater Central Executive Committee in Meeting neiding.
TUN TANCHIN KIM ZAW IN:
Zan nitak dak 6:30 vel in army uniform silh mi 7 vel in Lamka College a BA IInd year simlel Thangkhohao @ Haopu Guite (32) s/o Sonkhopau of D Leikot a omna Lamka College Hostel apan pikhia in soisa uhi. A kigen dan in Gypsy ngou zang in army unifrom silh mi 7 vel ding in in Haupu pikhia in soisa ua, nitak dak 8 vel in damkam Bazar ah nusia uhi. Phatuamngai mi bangzah hiam in district Hospital pawtung in tun damdawi inn ah etkol in om lel hi.
District Blindness Control society Churachandpur saina in tuni sunma dak 11:00 in Churachandpur College ah "Eye testing for all" chih thupi anei in 13th World Sight Day 2012 kizang hi. Hiai hun ah S.Kamsuanlun, Executive member ADCC Chief Guest in pang a, aman a thugenna ah khawvak mulou te adia a haksat dingdan leh mit kepbit a poimoh dan gen in, mitmial te mitbulh tamsem piaktheihna dia NRHM tungtawn a panla ding in Chief Medical Officer kiang ah ngen hi. Functional President in Dr H.L Liensang, Chief Medical Officer pang a, Guest of Honour in Ricky L.Guite, Principal Churachandpur College pang a, Dr VC Pau Tonsing District Programme manager District Blindness Control Society in report tomkim pia hi. Hiai hun Centre for Community Initiative, Bethesda School of Nursing leh Female Health Worker Training School a student te'n uap uhi.
District Water and Sanitation Mission, Churachandpur District saina in tuni zinglam dak 10;30 in Tuibuong a District Training Centre ah MDC te'n "One Day Sensitization on Nirmal Bharat Abhiyan (NBA) and Operation and Mainatenance (O and M) of NRDWP Sheme" kichi nei uhi.Hiai hun ah L.Swamikanta Singh, Director. CCDU/Manipur; L.IbomchA Singh, SE/R-I PHED/Manipur; Ph Yaima Singh, SE, Planning and Monitoring PHED in thupi tuamtuam pansan in sinsak uhi.
Apaisa August 25, 2012 nitak dak 7:0 vel a, a DRDA Excttive Directgr hihna len C. Hangshing MCS Additional DC Churachandpur tenna in a bomb paipuaktu mi 2 tuni sunnung dak 2:00 vel in Churachandpur police te'n mankhia uhi. Police apan thutut kingah dan in mat A omte ahihleh Thanghao Haokip (37) s/o (Late) Thangmang of Soungphal Village, tulel a Laijon Veng Tuibuang a om leh Lunminthang Kipgen (32) s/o (Late) of Ngampao of T. Champhai te hi uhi. Amat a om te kipuang dan in KNLF makaite'n Rs.10,000 leh Diesel Auto piak ding a bomb paihpuak dia a sawl uh hidan in kipuang ua, Sum Rs.10,000 bel muta in Diesel Auto bel hon penaikei uh chi'n kipuang uhi. Hiai mi 2 te ahihleh a tenna inn ua pan matkhiak hidan in Police thusuak in gen hi.
Zomi Youth Association (ZYA) General Headquaters a President T Goukhomang deihna bang in ZYA General headquater Central Executive Committee in zingchiang sunnung dak 2 in Zomi Council Office Nehru Marg ah Meeting neiding uhi. Hiai hun ah ZYA Rengkai (Bethlehem, Bible Hill leh Zion Veng) laklutna tawh kisai leh Grace Zamnu MDC in Khuado Pawi leh ZYA Block honsak ding a ngetna tawh kisai a detail programme bawl ding tungtang genkhawm ding ua, huaiban ah ZYA tour report ngaihkhiakna leng om ding hi.