Twilight Zone

Ommuan mun ah ngaingai ing e
Zolei simthu na sangsang ing
Sian in mang bang hon paizou hiam
Nunnop simthu ka sang moh e

Zolei khim in zing zouta e
Nunnop sunni’n lenkawl peel moh
Nichin khimkhua zing semsem e
Al bang i mangta ding hiam chi’ng

Seinou zata tuanglam khialzou e
Seisang zata al bang mangzou e
Lam bang pii ding tun-le-zua aw
Koikuam sawl bang i hei hiam aw

Lanu zatam zu bang peengzou
Tangpaal zata simsal taangzou
Nuachiang khangsawn seiniam zata
Kuata’n lam bang apii ding hiam

Chiin lianu aw chiin lungdeih aw
Selung khuam bang gelthak dih ve
Paalchih kawi’ di’n na ki-awi na’m
Kianglou toh peeng ding na awi na’m

Ka chiin aw, tangvual lungdeih aw
Selung mawl a i hei kaal in
Gamlei paal kuan namchi’n paal kuan
Nahsawl bang heu khinzou hang e

Tutkhawl in khuam bang geel ni e
Tou lungdeih in sal hon suah nua’n
Zinleng’ henkol i khai nuam lai hiam
Zinleng’ simsal i nuam hiam aw

Singta’n i saan, sen a i saan
Sianmang sawl bang i paih ngam hiam
Sawl bang i paih ngamlouh leh aw
A simthu tuu bang chiing ni e

Tu in ma bang panta ni e
Koi a pat in om hiam na chihleh
Siangsung chiat ah ma bang pan ni e
Seinoute’n dawngia bang zom hen aw
---------------------------------------------
Omna mun apan innlam thu ka na zaza a, Pathian in hon taisanta hia thu kipahhuai zaak ding a om mahmahkei. Zogam a mialgawpta a, kipahna ni a hong suak ngeikei. Niteng in amial deuhdeuh a, mangthangta ding ihi ua hia?? Khangnoute a lamkhial zouta ua, alian zawdeuhte a mangthang khinta uh. A pitu ding nu-le-pate koi a om i hi ua?

Nungakte aw, ka sanggamte aw, kingaihsun thak mah dih ve ua, miteng sawkthang ding in na kiphal tel ua hia? Pasal nei nailou pi a zattai dimdem khit a om ding na ki-awi ua hia?

Tangvalte aw, ka sanggamte aw, haina a i bual sung un i gam leh nam paallun dinga kisa lai aheu khinta hi. Kingaihsun thak ni hang, Toupa’n setan’ sal apan ahon hotkhiat nung a setan kol bulh a om lailai ding i ut ua hiam?

Kuapeuh in i zil, i neulai a (Sunday skul a) i theih Pathian leh athu i paikhe ngam taktak ua hia? I paihkhiat ngamkei uleh athu zui ni. Tu in panthak lata ni. Koi a pat ding hiam i chihleh i innsung chiat uah pan ni. Khangsawnte’n hon zomtou zel uhen.

Libretto: D.J. Haokip

1. I Pasian thuphate hang' in

Chikimz-te kipana nikhuo

Chhak tiang kawl-a ni-eng mawitak rawn chhuak hi

Inpumkhatna Chikimz Kut lo ni rawhse

Chikimz Kut kaliem-uve

Chikimz insungmite'n luongdiel' in

Kingailutna leh kipumkhatna

Umjing tahen Chikimz insung ah

2. Nundan tuam tuam kinei chiat mah le

Ham le pao kibang hihjong leh

Banga bang-e bangmo bang ahi-ei iim anih eng-e haimo

Hetmo ding umdehlou

Chikimz Kut liamchiat hitiu

Kipak le thanuom in vaidawn ni

Inhmangaihna le tanrualna

Om reng rawhse Chikimz inchhung-a

3. Pu le pa nunda'n milpo hitiu

Tulai khangthakte eihon

Zaila ngeih le simthu oini lungkhat in

Li-Li-Li-Li-....Ha-Ha-Ha-Ha-Ha-Ha..........

Chikimz Kut liem-u hite

Inpak le ratharuok in ralhang ri

Kingailutna leh kipumkhatna'n

Vaihom tahen Chikimz insung-ah

Nang si-al leh solkha tutkhawlna
Sunni zatam limnga bang bualna
Sial bang lian ve chia
Singta' suutmoh hi chia
Zata'n mim bang piang hon chi e
Na suah simthu khau bang suut uh
Zata'n sianmang banzal hon chi e
Zata'n sianmang heina hon chi
Lungzai zatam heina hon chi
Singta'n lah lungzai sial bang hau e
Zatam lungtuak in ahei na'm chi'ng
Zata'n ma chiang khankhua ding
Ngou bang latna chi'n na huai
Si-al zatam khau bang suut uh
Zata'n vangla na siang ah
Va bang pilna a om chi e
Chim bang chiimna sevau in pal chi
Zata'n khapham kulsin zal nua
Kumtuang laukha hei na'ng chi e
Luah ding vangkhua pallun chi
Zata'n sesum leh langlam a
Singta siamthei thangvan hon chi
Thangvan! Aw thangvan!
Nang simlei mim bang pian mel mu
Nang si-al zatam luainau bang khim
Simlei singta na siamtheih peet leh
Ke'n lah ma chiang khankhua ding
Galsial bang don ka nuamlou a
Chim bang chim ding ngaike'ng e
Sesum leh langlam ka ngailou a
Simlei a ngaihnou toh laitawiton di'n
Tang kei hon siam ve aw
Simlei tuangnungsiah nung chia'n
Na vangkhua tualnuam a heikhawm di'n
Tang kei hon siam lechin chi ngawn ing e


---------------------------------

Hilhchetna:

Thangvan, nang kha leh aksite omna, ni (sun) tampite omna, na lianlua a, kuama'n ahon sui zoukei uh. Khente'n apian thoh na hi achi ua, na piandan a sui uh. Khente'n pathian hon bawl na hi a chi ua, pathian' omna ahon chi uh.  Mihingte'n lah pathian ahau ngal ua, pathian tampite van ah kituaktak in a omkhawm na ding uam ka chi. Khenkhatte'n maban kilatna ahon chi ua, nang a om aksite a sui uh. Khente'n pilna na nei achi ua, khente'n sum-le-pai a mi vualzawlthei na hi achi uh. Thangvan, nang khovel pian mukha, aksi tampite ana khim ihmu, mi vualzawlthei takpi na hihleh, ke'n zaw maban ding theih ka utkei, pilna leh hauhsakna le ka deihkei, himahleh khovel a ka ngaih toh kiteng ding in hon vualzawl inla, sihnung a na khua a omden ding in hon vualzawl leteh ka chipen!!!!!

Ngaih aw na sinsim hon leel dih ve
Lung na deih nihthum hon leel dih ve
Tang in tui bang tungsak ning e
Tung si-al lah sangkei ve'n chin
Keptui lumsuang lah thuuklou ding aw
Ngaih in na sinsim hon leel dih ve

Zolei gam bang na phang nuam hiam ngaih
Kenliang a sokngei na don nuam hiam
Tullel heisa'n vangkhua'n nei e
Zotui vangkho malneu ah ngaih
Sialzin bang na taam nuam hiam
Pupa nun na zilkiik nuam hiam ngaih

Zangtui gam bang na phang nuam hiam ngaih
Vualgen minthang zangdontualpi a
An bang itna lumsuang bang gil
saulim a pou na munuam hiam
A pahtang ah ke'n hon nou nuam ing
Lumsuang sa'n k'on itna gilzaw e

Ngoutui piau gual gen minthang ah
Sunni tumkuan na don nuam hiam ngaih
Limnga bang na bualnuam hiam aw
Zata'n sihsial bang zuan hi e
Ngoutui chiau ah ke'n hon nou nuam ing
Ngoutui sa'n k'on itna chingzaw e

Gual gen minthang melmak mual kitawi
Ngaih in mel in na mu nuam hiam
Gialtui in mang bang bawm hi e
Gal in don leng sinlai hon lawng
Mual kitawi ah ke'n hon nou nuam ing
A mual sa'n k'on itna kipzaw e

Ngaih aw na sinsim hon leel dih ve
Mu bang na ngaih hon leel dih ve aw
Silhpuan phabel nang a ding hi
Lumsuang etlawm nang a ding hi
Simlei a lia in mu bang na ngaih
Tang in na siang hon tun ding hi'ng e
Ngaih in na sinsim hon leel ve aw

-----------------------------------

Ngaih in na ut hon hilh in, na thildeih hon hilh in, ka hon pe ding. Aksi lah asang in agamla lokei dia, tuikepsuang (pearl, tuipi taw a om) lah athuuk lokei ding hi. ngaih in na lunggulh hon hilh in.

Zolei na phang nuam hiam, kawlkeen a sokngei paak na gal-et nuam hiam, saheite'n singkung a bawm liiliau uh. Zodawn khoneu ah na nituang nuam hiam, pupate ana khosakdan uh na munuam hiam.

Vaigam na phang nuam hiam, mi gen minthang vaigam khopi a itna suang bang a tou, itna inn a pou (taj mahal) na munuam hiam, a innka (varandah) ah ke'n ka hon thohnuam. Ka hon itna lah suang saang in a touzaw ngal a.

Tuipi piau ah nitumkuan na en nuam hiam, tuipi ah na kibual nuam hiam, mi tampite'n azuan zungzung uh. Tuipiau ah ke'n ka hon thoh nuam, ka hon itna lah tuipi sang in a kiching zaw ngal a.

Mi gen minthang mual etlawm na munuam hiam, vuuk in a tuam phiiphia a, lung ahon khoih mahmah. Mual etlawm tung ah ke'n ka hon thoh nuam. Ka hon itna lah mual saang in akipzaw ngal a.

Ngaih aw na lungsim hon hilh in, na thildeih hon hilh in. Puan kilawmpen nang a ding ahi a, suang hoihpen (diamond) nang ading ahi. Simlei a na deih peuhmah ka hon pe ding, na lunggulh hon hilh in.

Naupang' Thumna
By Vz Siam

Seinou lungmawl ka hi zong
Sian aw ka thumna hon dawng in
Zanchiang zalkhun tung ah
Sian aw na minlou in
Lungmawl mim bang hong thum ing

Ka nam uh, ka gam uh
Sian aw nang ma'n hon huai in
Hon huai in, hon keem in
Kil bang khang seisan chia'n
Pilna-siamna hon pia'n
Gamlei huai di'n hon siam aw
Seinou lungmawl hong thum ing

Phungpi huaite nang keem in
Lamdik-lamtang zuan thei ding in
Huaihamna, deihgawlna
Thangtatnate apa'n
Nang ma'n keem in ching gige'n

Singdang gam paallun lai a
Seinou kil bang khangte bang in
Nelhsiah tuam omlou in
Simmoh tuam omlou in
Kei zong kil bang khang nuam ing

Namdang' nelhsiah-nuaisiah a
Hiai nuai simlei khankhua zat ding
Sian aw ka nuamlou e
Sian aw ngaihkhua hon tua'n
Ka henkol uh hon sut in

https://www.youtube.com/watch?v=RcKOIkjMldI

WE ARE ONE
(A call for Unity)
- Muanniang Tunglut

Awake, my people while time waits
Now is the time for one mindset
Now is the time to stand as one
Now is the time to live as one.

One ancestor, descendants of one
We are one nation, one people
One mind and one body in Christ
We are one in all, all in one.

Arise, my people build up unity
Strive for oneness, yield to equality
One goal, one demand, one voice
One land to claim as our own.

Beware! The enemy woo with sweet lies
Lend not thy ears, be wise
Fall not to enticement and deception
Heed not seeds of division.

Root out selfishness and greed
Shun enmity and hatred
Rise above petty issues, look above
Love one another, our God is love.

Together we shall overcome
Together conquerors we shall become
Divided we shall fail
Divided we shall fall.

Phamsa Ngalliamte' Tung Ah: Lakawi La
By VzSiam

Ka lai naa e, ka lai naa sa'ng e
Momnou gawl bang puukna aw
Kei ka laidiip nalua sa'ng e.

I lam kangthal zatam lai ah
Momnoute siallum sung ding
Omlou hiam aw thuaklel ve'ng aw!

Tuanglam kaite' khotsa i Zolei
Sal bang tatna sansi luang
Kua'n buan bang a nuul diam chi'ng e!

Phungpi huaite'n sesum a khawng dia
Momnou vahkhuai bang hangte'n
Laukha a sal bang tan ding maw!

Tuai aw chi'ng e, von aw chi'ng e
Nuai simlei na khenta maw!
Daidam in na zaalta maw e!

Lengvan dawngkot na hongta na maw!
Nuai simlei ngaihsial melma'n
Nunkhonuam na tangta na maw!

Tuai aw laukha zu bang selou aw
Nang na phamna sakmin ngaih
Zolei lumsuang a pou ding aw!

Thang aw chi'ng e, Mang aw, Lal aw chi'ng
Na tong gam bang daita maw!
Sinlai lumsuang a pouta ding maw!

Gawl bang na puuk ni'n tuai lungdeih aw
Phungpi huaite hong pau e
Simthu lei bang leel ve uh e.

Kum zatam tongheem a kibiak nua'n
Tu a tak a san ding aw
Ka lai neem e sang ngam la'ng e!

Phungpi huaite'n sesum guizou e
Zolei lung in ngilhta e
Tuai teng kulsin ah zaalloh e!

Phungpi huaite tem bang dual tah e
Laltang kei bang a gin hiam
Chiim bang a chiim hiam geel ngam la'ng!

Tem bang dualte al bang mang hen aw
Vangkhua seinou zatamte
Vahkhuai bang haang nalai hi e!

Vahkhuai bang haang seinou zatamte'n
Miza' selung phawng hi e
Sinlai gial bang khing neem tuam e!

Tuun siang n'ong heikiik nuam ei mah e
Tomte houlung kuppih di'n
Vangkhua n'ong zong nuam ei mah e!

Sialsial ta leng tuai ngalliamte aw
Lungsitlou kha na phamna
Gamthei bang huut ding bang e!

Simthu leel phungpi huai zata'n
Teitui' tongneem a gui hiam
Sansi leh sesum tan bang teh!

Lunglai khau bang ka hualhual chiang in
Pham masa puantuam tang a
Kulsin zaal ding na hiam chi'ng e!

Na nuachiang a gamgua bang hingte
Machiang khankhua khim bang ziing
Laidiip gial bang khingzou ung e!

Lunglaulou aw ngalliam khakia aw
Sulzui ding seinou zata
Thuktung suanbeel bang souta e!

Simthu leelte'n hon leel uhen aw
Simthu leel gia bang tang in
Na huai Zolei hong paal hen aw!

Tuun ang a menglou ding ngalliam aw
Laizom khau bang hualkhawmna
Na sansi ni bang luun sa'ng e!

Lengvan ah tut in na khawl ta'n aw
Ma bang na pat seinoute'n
Gia bang zom khualmual suah hen aw!

I Phung Puuk Ding Don Ni : Kah La

Written by VzSiam

Pupa luahsa gamzang nunnuam
Tuan a pupa kei bang a gialna
Gamsing bang manna gamzang nuam
Siahtang kaihna dohtam a nuamnou
Dohtam nuamnou ah khangsawnte
Singta’n siahtang hon kaizou e

Va bang pil ding seinou zata
Va bang pilmoh bilh bang thoumoh e
Al bang manna tuanglam mial ah
Seinou zata kaihmin luang bang e
Mal bang kou leng tong hon dawnglou
Baanzaal khaakmoh tuaite aw chi’ng e

Paam in hon neh, neen in hon niil
I kungtung ah simthu leelzou uh
Singta’n laam bang hon kheng zouta
Hanlung chiam ding a mi omlou e
Hanlung chiamlou zaitha suuklou
Singta sul ah zuita ding maw

I paam a mi bilh bang thouta
Hanlung chiam in siamsil khau bang suut
Lal leh mang in kibawlta uh
Heina peuh sum bang biak di’n lengta
Ei aw a mang ding mi zata
Koi kuam a vai bang tham i hiam aw

Ei aw khangthei a lou masa
Chik a saam bang zaal kiik i hiam aw
Ei aw a lal leh mang masa
Koi a tutkhawl vaitham i hiam aw
Seinoute aw zuangthoukei leng
I phung luunlai puuk ding hi e

Gawl bang puuk ding i ngaingam diam
Singta nuihchiam i ngaingam diam aw
Va bang pil in zuangthou ni e
I phung gawl bang puuk ding don ni e
Tanglou bang phong gia bang zuun in
Singta lai ah paak bang tawi ni e

https://www.youtube.com/watch?v=hEflI_DFF3A

THIS MUSIC IS INTENDED FOR FUN ONLY

Loutual Patneem’ Phunna
by VzSiam

Buh kung sumte tung a huih muut in
A langlang a awn diamdiam in
A niteng hun uh a zang uhi.
Amau pat ahi ua, tua bang hinkhua nuam asa uh.
Himahleh nikhat vaang in a taisanta.
Ahihkaleh vaang in naih hizaw hia!
A kung ua pan malkhiat in a om ua,
Kawlzaalpi sung a guan in a om uhi.
‘Bang hon loh na hi ua?
Hon koihkiik in. Hon khah in.
A miallua. Ka lau. Vaak ka ut.
Ka pouna ka kung mah ka ut,’
Chi in pat in sakhaupi a ngen nguutnguut a.
‘Dai dih. Hiai bang bangmah ahi kei.
Mailam a na tuah ding na thei hetkei,’
Chi in kawlzaal in a sal hi.
Hakvang a zalh in a om a, nisa a phou in a om hi.
‘A vaaklua, a vaaklua. Ka mutheikei. A salua.
Ka omna kawlzaal sung mah ka ut,
Hon thun kiik un,’ chi’n a kikou a.
‘Dai dih. Hiai bang bangmah ahikei.
Mailam a na tuah ding na thei hetkei,’
Chi in hakvang in a sal hi.
‘Ut ut, ut e ut, nang na ut leh kei ka ut,
Ut, ut, ut e ut,’ chi sunkam lai dai zikzik nuai ah,
Helhhawt in tua pat tuh a heekta a.
‘A na lua. Bang ding a ka tang toh hon khen?
Ka chii omlou in kei kia bang ka hia?
Ka kizalhna hakvang mah ka ut.’
Chi in helhhawt a hankhum a.
‘Dai dih. Hiai bang bangmah ahikei.
Tu a mansuah na kisak, na pun na’ng ahi.
Mailam a na tuah ding na thei hetkei,’
Chi in helhhawt in a sal hi.
A nitak in thal in a kaap ekek a,
‘Bang dia hon hichih tel na hi ua.
Hon hehpih ding kuamah omlou na hi umaw?’
Chi in pat tuh a kap huphup a.
‘Dai khemkhem dih, hiai bang mah ahikei.
Denchia na tuah ding na thei hetkei.’
Chi in thal in a sal leuleu hi.
‘Ka naak theikei, hon khah un.
Bang dia hon hichi chiip hual na hi ua?’
Chi in a kikou sawksawk a.
‘Dai tanla. Hiai bang bangmah ahi hetkei.
Denchia na tuah ding na thei hetkei.’
Chi in mui in a sal hi.
‘Bangtan vei thuaklai ding ka hia?
Ka guh ka taang zaangawp ding hilou amaw?
Bang dia hon hichi tahgawp na hi ua?’
Chi in chiampeek tahna naa sa in a hawk a.
‘Khatvei k’on tatlai dia, huai a tawpna ahi di.
Zingchia bang hong om ding hiam na thei hetkei.’
Chiampeek in a chi a.
A zingchiang in puan ze kilawmtak a suak a,
Nungak khat kawng a kivial a a omlai in,
Ahi, khosung a nungak melhoihpen’ kawng ngei a;
Miteng in a kilawmdan a phat ua,
A en ua, a zuut ua, ‘A naak hoih e maw,’ a chi uh.
Huchihlai in tua pat in tuma khawng a
A phun a akahnate hai a kisa phiing a;
A kung a pan alohlouh khaak di uh a lau a,
A phou ua, a heek ua, akaap ua,
A khuuk ua a gatlouh khaak ding uh alau peetpeet hi.
Ahi, huai mah tuh i hinkhua chiat uh ahi!

Life Loves Naught!
-Mercy K. Khaute

On the table, by her bedside
A candle dimly flickers and burns.
Anytime now her tears would melt
Frozen in time by memories ago.

Motionless and cold she lays on the bed-
None to admire her feminity and grace
Naked and bare- the flesh now pale,
Her bosom and curves once many had loved!

Her shadow on the wall is all for a friend
And guide that stays along,
Lonely bitter winter wind
Gushes aloud outside her door.

The beat of her heart- heavy and raw.
The room that once echoed with giggles and chuckles,
Picture perfect had hanged in the wooden frames on the wall.
Now all is empty, colorless, dusty and old.

Motionless and still she lays on the bed
Her emotions and thoughts no longer haggle.
Nor, sweat upon the brows that age had wrinkled.
She has indeed been a fighter on her own- all alone.

The winter’s presence is deafeningly loud.
Brooding over her pain at night.
For, in the cold dark night the itching starts;
To scratch her wounds that bleeds afresh.

Motionless and still she really is quite.
The Owls, all in their shelter secured.
The night slips and dawn descends
The candle burns out and so does her soul.

The end did come by- swiftly…daintily…silently… and lonely!!

Silence creep across the golden plate

As the evening stars begin to climb.

And the weary world reluctant to bade the sun goodbye;

Would unhurriedly gather the strength to face the night.

With seemingly a sad and a cheerless tune,

I hear your voice again, RADIO MAN..

O'RADIO MAN, so far away..

Why is your tone so low tonight?

We both know such aid to our alarming distress is no where near!

Yes, it is destruction you address now,

And of wars and clash and the aftermaths..

A threat to existence, massive outbreaks of sufferings.

Is this how we repay? or should we still sit and comply?

RADIO MAN wouldn't you heed our calling?

There are much to request, an endless queries that bothers the mind.

We badly need to rest our exhausted thoughts.

For we stood all the pricks of fears over the ages.

RADIO MAN, let it be for the night.Won't you now play us some songs?

Or tell us of the soldiers coming home??

For all of us have waited, eachone worn-out.

We need an assurance that peace and serenity reign once more.

RADIO MAN, O' Dear Old Man..

When will your utterance promise the cease of doubts?

For when fears subsides, only then we can face the uncertainty of our tomorrows.

Won't you bring some heavenly chimes to guide us to our dreams?

So our minds be eased of the ugly realism.

Even if just for a while, Dear RADIO MAN..

Can we now dance with the tune you bring?

Help us bring forth a new era; the dawn of sweet peace.

For the world has been too long enduring..

Unity and brotherhood long awaiting....

Kituahlouhna Man Kua’n Apezou Dia!

Tangdung saupi a akikhun ngenngonna
Kawl sangpi a adin heekhawkna,
Huai mun ah zodawn khua khat a om.
Huai khua a innkuan tampite lak ah
Innkuan khat atanchin gentaak a om.
Kituahlouhna’ haihuaidan hon sinsak ding in.
Innkuan tawmchik ahi uh. Piching ngen.
Nu, pa, tanu khat, tapa khat, huai teng lel.
Kumte hong paizel in, ahi ding mah bang in,
Zankhat tapa in zi ahon pita hi.
‘Nu ei, Pa ei,’ Mounu’n achi tiautiau a,
Sep ding aseem a, taak ding ataa hi.
‘En zaw mou hoih i nei ngei maw,’akichi uh.
A kipahna un bangtan adaih dia?
Mou tuh ahong maingalta a, anaak ngal tel!
Innsung ahon lokta a, athazoh ngial ve!
Khatte lah neemlou, khat lah neem tuanlou,
A lampi omsun zaw baanglai apou mai ding hi’n teh!
Inn kiphelkhap in atuam tenta uh.
Inntuan ding in lah azawnna uh aphalkei a.
Thuknih ahong kuulta. Thil dang tengteng leng nih chiat.
Athak tawmzou tuan samlou in,
Tuzat-heizat, um leh beel, aneih sunsun uh,
Ahong kikimkhen ua, ahong khosata uhi.
Thuk khat a huankhawm lai abawn kidaihlou,
Bangchi’n thuk nih ading in akidaih mahmah dia?
Inn khat ading abawn kiching zoulou,
Bangchi’n inn nih ah akiching mahmah dia?
Mi khat in ann huan a tha apaih nangawn a
Kham ding a sepkhiat zohlouhlai ua,
Ann huan in mi nih thapai tale uh,
A zawng lai zawn beh deuhdeuhlou ding uh hia?
Thuk khat a singchih ding bawn ngah zoulou,
Thuk nih ading bang achi suktuah ding ua?
Kituahlouhna zaw aman atamtel mai maw!
Leiba zen in kituahlouhna alei ua,
Chik chiang in aman apesiangzou ding ua?
Saptuamte aw, hiai innkuante nou neive ua!
Zodawn khua kituak diamdiam ding lai,
Na khetphim hiamtak uh na khetkhum ua,
Na heipi hiamtak un na ekkham uhi.
A tate uh etkolna na zaalbawl sak ua,
Siamsinna buuk neuchik leng dimzouloupi in,
Bang ding a buukthum-buukli khoh na set ua?
Ginatak a lah kemzou ngal tuanlou in.
Atung akeh a, abaang ah huih vot aluut hi.
Thuk khat a baihlam tak a huankhawm thei,
Banghang a thukthum-thukli kisuah na hi ua?
En dih, nou mau thuk chiat buaipih a
Singchih ding tom a na dianmang sung un
Na naupangte uh gilkial in a puksi khinta uh.
Pindan tuam chiat a teen kuan ahon daal a?
Thuk khat kikop bel thilhoih ahikei maw?
Kituahlouhna zaw aman atam tel mai maw!
Chikchiang in aman i pesiangzou ding ua?
Singleek a sisan luangkhia in leng pezou ke’n teh!