Delhi KZP in Fresher -cum- Social Meet zang

New Delhi, 17th November 2018 | Indian Institute of Mass Communication Auditorium ah a 24veina Khangthah Freshers' cum Social Meet zat in om hi. Zinglam dak 11 akipan in auditorium mai ah Red Carpet Photo Session neih in om a, huai zoh in Auditorium sung ah program sunnung dak 12 vel in zat in om hi.

Hiai hun ah Delhi National Capital Region sung a om KZP members te paikhawm ua, program nuamtakin zang ua, nitaklam in ankuang leng sawk khawm uh hi. Pi Chingzakim in thumna toh program hong a, Pu James Tongkhanlian, President, KZP Jt. HQ Delhi in mipi vaidawnna nei hi. Program hun sungteng Pu Masang Leivang in Compere hihna la in, feltak leh nuamtak in program pi hi.

Freshers mi 15 telthei ua, amaute mellahna neih ahih zoh in Rev. B. Chinlal in thumsakna nei hi. Program kallak teng ah lasasiam tuamtuam L.Mawia Simte, Lalboy Ray, Lydia Mawi, Sawmkim, Grace Simte leh Hanga Naulak ten mipi zaila in awi ziahziah uh hi. Cokoih & Party ten le siamtakin namlam tulai mahmah lahna nei ua, mipi sutai mahmah uh hi. Tua banah KZP Cultural troupe akipan in Cultural Dance etlawmtak lahna zong neih in om hi.

Chief Host Pu T. Pauthianlal Simte, Manager, Interactive Development Sapient Consulting Limited leh Guest of Honour Pi Chingneikim, Asst Nursing Supt, RML Hospital leh SYO Delhi NCR te akipan thugenna ngaihkhiak in om hi.

Election Commissioners saina in KZP Jt. HQ Delhi vaipua thak dingte telna zong neih in om hi. Finance Dept akipan report ngaihkhiakna neih ahih zoh in Pu Mangpi Seldou, hiai program dia Event Manager in kipahthu genna nei a, Pi Ningneichiin in tawpna thumna toh program khakna bawl hi.

Program bei in member paikhawm teng in annekkhawmna nei ua, damtakin mangpha chi in program khelah takin inlam zuan chiat uh hi.

KZPsocial2018 01

KZPsocial2018 02

KZPsocial2018 04

KZPsocial2018 03b