Brief Report: Discussion on “Conservation and Sustainable Use of Our Own Natural Resources” with Senior Citizens

User Rating: 5 / 5

Star ActiveStar ActiveStar ActiveStar ActiveStar Active
 

Discussion on “Conservation and Sustainable Use of Our Own Natural Resources” with Senior Citizens Sponsored by Team CT Lian in association with Team ZOGAM.COM
Amun: Zoutuinuam Cage Culture Fish Farm Mun, Lamka
Ani: 09th February 2018, Sintawpni


Pu CT Lian, MDC, Social Worker leh amah ngaina tute malakna toh atunga thulu pansana kikupna hunah, Pu Chinkhenthang Hanghal IAS (Retd.), Pu V.Dongzathang IRS (Retd.), Pu V.Thangzasiam IAS (Retd.),  Pu Shyamlal Poonia, IAS DC-CCPur, Pu Khamsuanmung Tombing, IFS, DFO-CCPur, banah NERIWALM, Tezpur apan Director un a sawlna bangin Pi Victoria Chandam, RA leh a seppih mi bangzah hiam in hiai hun huap uhi.

Hun zatdan uh tomkim hiai bang ahi:

Pu Chinkhenthang in forest reserved le en Dan neithei di i hi hia chi in question bawlna nei a, hiai Dan khong tulai a thulak a om zaw i saptuamte toh pankhom a gen khom theidan omlou di hia, chi in gen hi.

Pu Thangzasiam in, Pu CT Lian in tua a thilhih hoih asak thu agen banah, building construction lamah labour market control bawl theih dan din om thei diam chiin ngetna bawl hi.

Pi Victoria in a genna ah thilhoih leh tui zang manpha a sak thu gen a, amau department in ahih theih tana panla a athon a training sak thei ding ahih dan le gen hi.

Pu Dongzathang in, hiai (nga khoi dingdan) ngaihtuahna (idea), Pu CT in a neih thupi a sakdan a gen banah, district administration in tutung Republic Day hun a Social Worker a recognise a bawl kipahpih etsakna in, a nupa un puandum silhsak na nei ua, amah mimal hihtheihna bangbanga a sep khiatte thupi a sak thugen hi.

Pu Khamsuanmung in, a gintaksanga nga khoina thupi a sak thu agen banah, demonstration a thil wastage alahte hoih asakdan leh zang phatuam theileng ei mipite a dia ahoih didan agen banah i gam ah Hausa, UG te om ziaka govt. dante tangtak a zat ahaksat dan thu gen a, mi chih in food change a poimoh dan thei a pan i lak chiat uh a solution hiin gen hi.

Pu Shyamlal Poonia in, i kikhek na di ua, ei mahmah i hahpan keileh i gam ah kikhekna omthei lou ding, eimah in pan i lak ngai ahi chi hi. Huai banah, DPR hon bawl unla, mitam zaw in a phatuam pih theihna di hon bawl un chi in gen hanthawn hi.

Kikupna hun manpha tak mai zat a a om banah Team CT thusiamna toh DAM NGA nek khawmna neih in leng om hi.

 ~ Team ZOGAM.COM