Nisin Thuhiltu – 15 September 2018

RIMS ah vanmatchak te AIMS level tawh kituak ah upgrade bawl pawimaw: Governor

Imphal, Sept. 14: Regional Institute of Medical Sciences (RIMS), Imphal in tuni'n 47th Foundation Day amang hi. Zia hun chu Governor Dr. Najma Heptulla in Chief Guest hina tawh a uap a, Dr. K.Mani Singh, former Additional Professor of Surgery, RIMS leh Dr. RK. Sanajaoba Singh, Former Sr. Registrar of Anesthesiology, RIMS te'n Guests of Honour hina tawh a uap ui.
Governor Dr. Najma Heptulla in a thugenna a chun, RIMS ah vanmatchak te chu AIMS level tawh kituak ah upgrade bawl ding pawimaw a hidan gen in, kum 1972 ah Northeastern states leh Government of Manipur in ala phudaw RIMS foundation day mang ah a pan thei chu kipak mama a hidan gen in, RIMS in Assam tilo, North Eastern states te ding ah quality medical services nasatak ah chiapi hin a gen hi. Himaleh van matchak leh infrastructures lamthil ah taksapna um zing nalai in a gen a, health care bep hilo ah medical students tamtak te zilna mun, doctor title amu theina mun uh a hina chung ah RIMS kiti chu ki neisak leh ki-letsakpi mama ti'n a gen hi. Kum 2009 ah Nursing College le kihawng thak a hidan taklang in, Urology leh Plastic Surgery super specialty courses le kipanta hi'n a gen a, RIMS activity ah panlakna nei kithalawp mama in a gen hi.
Union Minister of Health kiang ah RIMS dinmun tutna neikawm ah van matchak leh infrastructures lam ah taksapna um sukven theina ding ah panlakna nei ding ah dawtna neizo ta ti'n le a gen hi. Hun matsung a chun, Governor in Outstanding Parliamentarian Award, 2018 piakdawna leh Post Graduate, BDS meritorious students te medal piakdawna nei hi.
Dr. A.Santa Singh, Director, RIMS in a thugenna a chun, RIMS chu Helicopter service station ah mat hiding leh state sung mun gamla leh tanggam ah damlo te puaklumletna mat hiding in a gen a, CT Scan, MRI , X- Ray lakman le sukniam ah um in a puang hi.
CMRF ding ah Rs. 3 lakh donate

Imphal, Sept. 14: Indian Veterinary Association, Manipur Branch in tuni'n Chief Minister's Relief Fund (CMRF) ding in Rs. 3 lakh donate a bawl hi. Zia sum chu Manipur Veterinary & Animal Husbandry Minister V. Hangkhanlian in Chief Minister N. Biren Singh khut in, Tamei AC MLA Awangbou Newmai leh Indian Veterinary Association, Manipur Branch lawiupa te uapna' tawh Chief Minister’s Secretariat in a piadawk hi. Chief Minister in panpi ngaite a ding ah Indian Veterinary Association in panlakna a nei chu kipakpi mama in a gen hi.
Teachers recruitment policy siamthak hizing: Radheshyam

Imphal, Sept. 14: Indoor Stadium, District Headquarters, Senapati ah tuni'n Mao Students' Union leh Mao Academy organised bawlna' Excellence Achievers Awards, 2018 function a um hi. Zia hun chu Education Minister Thokchom Radheshyam leh Minister PHED, Printing & Stationery, Losii Dikho te'n khuallian hina tawh a uap ui. Education Minister Thokchom Radheshyam in a thugenna chun, teacher recruitment a ding ah policy thak siam ah um a hidan gen in, a chiata kum tamtak sung ah SSA leh RMSA teacher ding tilo, teacher lakna a la um talo a hina chung ah teacher post awng hun tiang um in a gen hi. Education sector ah teacher te pawimaw dan taklatna nei kawm in, recruitment policy thak siamzaw a hitak leh retiring teachers te data tawh kituak ah teacher lakna um ding in a gen hi. Chun, Aided High School te full fledged Government High School ah dawpsan ding phutna chu sukpitin piak hiding in le a gen a, school lui te infrastructure hawilo ziak ah student te'n lemchanlona nasatak tuak zing un le a gen hi.

Manipur ah seat 2 panna BJP in 2019 Election ah seat 300 lua ding: Ram Madhav
Imphal, Sept. 14: National Secretary, Ram Madhav uapna tawh tuni'n BJP Manipur Pradesh in State Executive Meeting nei in, government’s welfare schemes chiapina tawh kisai panna' 2019 Parliamentary Elections ah panlak dingdan tawh kisai Imperial Hall of Classic Grande Hotel, Imphal in a genkhawm hi. National Secretary, Ram Madhav in a thugenna a chun, Prime Minister, Narendra Modi leadership nuai ah Government’s welfare schemes 130 val te family 22 crore val in phatchuampi a hidan uh gen in, mipi te dawisakna tawh 2019 Parliamentary Elections ah Manipur ah seat 2 huap ah BJP in seat 300 val ah gualzawna chang ding ah ki muang in a gen hi. Chief Minister of Manipur mapuina nuai ah Manipur ah BJP government in Hills leh Valley mipi te kal a siamhawina chung ua kipak mama in le a gen a, coalition government kiti chiapi haksatak himaleh Biren lawting tak ah tha 17 sung India gamsung ah state government hawipen hitheina ding ah mapui zing thei ti'n a gen hi. Naga Framework Agreement tawh kisai a genna a chun, Centre Government leh NSCN (IM) kinawptuana dungzui ah Manipur territorial integration sukkhak hilo ding in a gen a, Manipur gam inch le kiam chuamlo ding ti'n thutiam a bawl hi. BJP in a vaihawm sung sia Manipur State bittak ah um zing ding leh territory le kiamlo ding hin a gen hi.
Chief Minister of Manipur, N. Biren Singh in a thugenna a chun, BJP government in Prime Minister Narendra Modi leh BJP President Amit Shah mapuina nuai ah India gamsung ah kisanna (change) nasatak ah tunsak a hidan gen in, gamsung ah khangthak tamtak in innovative ideas leh entrepreneurships lam ah masawnna nei leh government schemes ‘Start Up’ ti te patdawna chung ah entrepreneurships kibelap nasa mama ti'n a gen a, BJP government in mipi te ding ah nasatak ah panlakna nei in a gen hi. State government’s schemes - ‘Go to Hills’, ‘Go to Village’ ti te le mipi'n nasatak ah phatchuampi in a gen a, party workers te chu grassroot levels ahiloleh booth level tiang ah party hatna ding leh government hatna ding ah panla chiat ding in chialna a bawl hi.

Goalkeeper Training pan ding
CCpur, Sept. 14: Churachandpur District Sports Academy (CDSAc) in Nehru Yuva Kendra (NYK) Churachandpur kithuapina September 29, 2018 zingkal dak 6:00 apat CDSA home ground Ganpimol ah The First International Standard Goalkeeper Training pan ding a hi. Training fee ahileh Rs. 1,500 hiding , training hunsung student-te I-Card piak hiding leh Certificate le piak hiding a hiu. Lunglutna nei te’n Registration fee Rs. 200 pia in Rayburn Book Store leh Emergency Pharmacy (Opposite District Hospital) ah Registration bawlthei ding, Football Tournament ding tawh kisai le Notice suadaw pai hita ding ti a hi.

Naunei te panpina sum kihawm
CCpur, Sept. 14: Janani Shidhu Suraksha Karyakaram JSSK/Jansankhya Sthirata Kosh JSK nuai ah numei naunei te panpina sum tuni zingkallam dak 10 in District Hospital, JSSK Cell ah hawpdaw in a um hi. Zia ah naunei te panpina sum kihawm chu, March leh April, 2018 sung ah naunei te a ding a hi. Panpina sum la ding te'n, Maternity ward ah Discharged lekha Original leh Xerox chawi ah, nauneidan tawh kituak ah panpina sum lathei ding a hiu. Panpina sum ahileh normal a naunei ten Rs 700 leh operation a naunei ten Rs 1, 600, Damdawi man ah Rs 350, transportation a gam latdan dungzui ah panpina sum piak hiding, zia chu layer 4 in a kikhen a, layer 1 ah Rs 400, Layer ah Rs 600, Layer 3 ah Rs 800 leh Layer 4 ah Rs 1, 000 a hi.

Cabinet Sub Committee phiat ah um
CCpur, Sept. 14: Anthem Muivah Secretary, TA & Hills, Government in Governor of Manipur min ah thusua a bawlna a chun, Autonomous District Council 3 enkawl ding ah August 23, 2018 ni ah Cabinet Sub Committee kisiamdawk chu phiat ah umkitta a hidan a taklanng hi. Cabinet Sub Committee ahileh Manipur state sung ah District Council pathum - Tamenglong, Senapati leh CCpur Autonomous District Council ADC sung buaina enzui ding ah guat ah um a hiu a, himaleh All Tribal Rights Protection Forum Manipur (ATFPFM) in ADC buaina chung ah a enzui ding Tribal Affairs & Hills a um banah Cabinet Sub Committee pawimawlo ah taklang kawm ah September 14 zingkal apat dakkal 48 sung Hill District zosia total shutdown bawl ding ah puan nung ah Cabinet Sub Committee phiat ah um a hi.

ZSF GHQ election nei ding
CCpur, Sept. 14: Zomi Students’ Federation (ZSF) General Headquarter ah kum 2018 - 2021 sung vaipaw ding telna September 15, 2018 leh Synod Hall, IB Road ah um ding a hi. Zia hun chu, Kham Cin Khup Hatzaw, Khamneithang Vaiphei leh Siamzading Valte te’n mapui ding a hiu a, President, General Secretary leh Finance Secretary telna um ding a hi. Federating Unit te’n vote 5 chiat nei ding, Block te’n vote 2 chiat neithei ding a hiu. President ding in Vanlallian Vaiphei (Zillai), Kapkhanmuan (TCSA) leh Kham Guite (SSPP) te’n nomination a file ua, General Secretary ding in Justin Simte (KZP) leh Finance Secretary ding in Ginsuanlal Thangeo (TSP) te’n nomination a file ui.

Microscopist piakdawna leh review meeting nei
CCpur, Sept. 14: Dr. Phirthanglien Buhril, District Malaria Officer (DMO) Churachandpur leh Pherzawl mapuina' tuni, September 14, 2018 nitaklam in amah office chamber ah district sung block chuamchuam ah Primary Health Centre (PHC) leh Community Health Centre (CHC) ah Microscopist-te ding in meeting a um hi. Zia hun a chun, DMO in State Malaria Officer (SMO) apat Microscope thak piakdawna nei in, Monthly slide collection tawh kisai genkhawmna a nei ua, slide collection tawh kisai ah ASHA incentive gina tak ah amu leh mulona chungchang uh genkhawmna nei in, Malaria department nuai ah ASHA te’n damlo thisan sample alaknau apat slide/sample khat ah incentive Rs. 15 a mu ban ua, Malaria positive mudaw a nei ua leh incentive Rs. 70 a mu ding uh Direct Benefit Transfer (DBT) ah a bank account ua piak hiding a hiu. Microscope piak ah um te ahiuleh - PHC Henglep, DMO Churachandpur, PHC Patpuihmun, PHC Senvon, PHC Saikot, CHC Parbung leh PHC Sagang te a hiu a, amatlui uh Microscope a piakdaw nung a thak piak ah um hin a kigen hi. Microscope CX23 piak ah um te chu Rs. 1,50,000 manzo hi’n a kigen hi.

Disability Certificate piakdawna chawlsak phawt
CCpur, Sept. 14: Dr. J Son Goukham Samte, Chief Medical Officer, Churachandpur in thusua a bawlna a chun, Parliament in Act a passed dungzui ah Disability Certificate up-to-date bawlna chiatha zing tawh kisai Application Form leh Disability Certificate piakdawna thuthak a um kit masang sia chawlsak phawt hiding in a taklang hi.

Electoral Roll Sumary Revision tawh kisai ah review meeting nei
CCpur, Sept. 14: Electoral Roll tawh kisai ah September 1, 2018 apat OCtober 31, 2018 sung Systematic Votes Education and Electoral Participation (SVEEP) Speical Sumary Revision chiatha zing in tuni, September 14, 2018 in DC Office Tuibong ah review meeting a um hi. Meeting ahileh BRGF Hall, DC Office Tuibong in a nei ua, Shyam Lal Poonia, IAS DC CCpur District Election Officer DEO CCpur in meeting mapui in, Booth Level Officer BLO banah Booth supervisor-te te panna' Systematic votes education and electoral participation SVEEP Speical sumary revision tawh kisai in thupawimaw chuamchuam genkhawmna a nei ui.

Sahnit-Ni Committee Convener in kipakthu gen
CCpur, Sept. 14: T. Lalkhohau Haokip @TL Haopu Haokip, Convener, Information and Publicity Department, Sahnit-Ni Committee in tuni, September 14, 2018 nitaklam dak 1:30 in KIC Office, Tuibuang ah thuthak lakhawm mite kimupi in, Sahnit Ni (Kuki Black Day) ni 3 sung lawting tak ah matzaw ah a um takna chung in, committee thasik in mipi te chung in kipakthu a gen hi. Chun, a biktak ah Sahnit Ni (Kuki Black Day) matna ding ah sum leh pai, tha leh zung, nei leh go ah panlakna nei te chung ah kipakna sang diak in a gen a, mipi te'n Committee te a kithuapina chung ua guanggalna lawting a hi ti'n a gen hi.

Mizoram state home minister, R Lalzirliana in haina lekha pia

Aizawl, Sept. 14: Northeast state chuamchuam te lak ah Congress government vaihawmna state umsun, Mizoram ah Congress sungthu buaina ziak in senior leader leh state home minister R Lalzirliana in Chief Minister Lal Thanhawla cabinet ah member (state home minister) hina apat in haina a siam hi. Disciplinary committee in a chiata ni 2 masang ah show-cause notice a piak nung ah R Lalzirliana in haina a siam a hi. Hiatthei khat chu, tu ah Mizoram Legislative Assembly term 15 December 2018 ah bei ding, zia masang ngei a chu Legislative Assembly election um ding a hi. Congress’ state unit vice-president le hi, R Lalzirliana in Chief Minister Lal Thanhawla cabinet ah member (state home minister) hina apat in haina a siamna ziak tawh kisai a genna a chun, cabinet member hina apat haina siam himaleh Congress member hina apat haina siam hilo in a gen a himaleh cabinet member hina apat haina a siamna ziak gendaw lemsalo in a gen hi. Congress Legislature Party (CLP) secretary Lalrinmawia Ralte in a genna a chun, kum 69 ah upa R Lalzirliana in haina lekha a piak masang ah Congress Bhawan ah haina siam ding tawh kisai mimal tak ah tut masa a hidan gen in, ama (R Lalzirliana) MLA seat, Tawi seat, Aizwal huapsung ah Saitual division district chuam ah kikawi lutthakna chung ah lung-awilona nei hiding ah muangmaw in a gen hi.
Guwahati ah Saipi attack ziak ah mi 4 in liamna tuak

Guwahati, Sept. 14: Guwahati’s Panjabari area ah ah tuni, 14th September 2018 zingkal in local mite attack a bawl a, ziana a chun local mi 4 in liamna a tuak ui. Local mite gendan ah Panjabari area ah Saipi a hawn ah vak lumlet zing sek himaleu hundang ah kuama attack bawl ngailo un a gen ua, himaleh tuzingkal ah Saipi khat in local mite attack a bawl hin a gen ui. Liamna tuak te chu Hari Das, Bobita Das, Rahul Das, Upen Das te a hiu a, Bagharbori leh Panjabari ah Saipi'n chenna in a suksiat banah gari khenkhat le susia hin a gen ui. A langkhatlam ah forest department officials te thil tunna mun tung in Saipi chu a naw mang thei ui. Hiatthei khat chu, kum 2016-17 sung ah Saipi leh local mite kal buaina ziak in chenna in 1,752 te Saipi'n a la susia'i. Chun, kum 2017-18 sung in Saipi'n chenna 1,794 leh families 2,194 te lo-gam (land) hectares 1246.1 in thaichi ala susia'i.

Meghalaya: DD Lapang in Congress member hina apat haina siam

Shillong, Sept. 14: Veteran Congress leader leh Meghalaya chief minister 5 vei a la hi, Donwa Dethwelson Lapang @ DD Lapang in kum 40 sung vingveng Congress ah a kibual nung in tuni, 14th September 2018 in Congress member hina apat haina a siam hi. AICC president Rahul Gandhi kiang ah a thawt a haina lekha' DD Lapang in a taklatna a chun, senior leh party leader kum upa lam te ngaisakna tawm mama ta a hina chung ah party a ding ah senior leh party leader lui te panlakna tuhun ah pawimaw talo suak in a gen a, zia gual dinmun a chu party umta a hina chung ah Congress a ding ah panlakna chawlsanta ding a hidan a taklang hi. DD Lapang ahileh Nongpoh Assembly constituency ah 1993 tilo, kum 1972 apat tukum 2018 tiang ah MLA ding ah teltin ah a la um zing a hia, Meghalaya Pradesh Congress Committee, President mawpuakna a la tuk leh Meghalaya Chief Minister ding ah 5 vei kitiamna a la nei a hi.

Chief Justice of India thak ding ah Justice Ranjan Gogoi guat ah um

New Delhi, Sept. 14: India President Ram Nath Kovind in Chief Justice of India thak ding in Justice Ranjan Gogoi appoint a bawl a, ama'n October 3, 2018 leh kitiamna (oath) nei ding leh Chief Justice of India lui Justice Deepak Mishra thasan ding a hi. Chief Justice of India (CJI) 46na ding Justice Ranjan Gogoi in October 3, 2018 apat November 17, 2019 tiang ah CJI mawpuakna tu ding a hi. Kum 63 ah upa Justice Gogoi ahileh Punjab & Haryana High Court ah Chief Justice ahi nung ah April 2012 a khan Supreme Court judge ding ah laklut in ala um a, ama hi Assam apat kipan ahi tawh kitawn in India mal-sua bial a pat Chief Justice of India (CJI) masapen hi ding a hi. Hiatthei khat chu, ama hi 1982 kum Indian National Congress hun lai ah Assam Chief Minister a la tu, Keshab Chandra Gogoi chapa a hi.