Nisin Thuhiltu – 30 April 2018

User Rating: 4 / 5

Star ActiveStar ActiveStar ActiveStar ActiveStar Inactive
 

Deadline masang ah khua zosia electric meivak tunsak hita: PM Modi

New Delhi, April 29 *(Nisin Thuhiltu)* : Government data, all India's 597, 464 census villages ah electric meivak tunsak vek hita a hidan Prime Minister Narendra Modi in tuni’n Twitter in a puang hi. Zia chu government in census villages zosia electric meivak tunsakna ding ah deadline a siam ni 12 masang ah a sukpitin hi’n a gen hi.

Manipur's Senapati district ah um Leisang village ah April 28, 2018 ni ah electric meivak tunsak ah um chu census villages zosia ah electric meivak a ki tunsakna hita a hidan gen in, April 28, 2018 chu India khangthu tepte thei in a gen hi.
A langkhatlam ah Prime Minister Narendra Modi in Census villages 597,464 te electric meivak tunsak vek hita ah puang maleh khenkhat in Twitter ah a khua’u ah electric meivak tunsak hinailo a hidan a taklang ua, Twitter user Dilip Gupta kiti khat in Uttar Pradesh ah amau chenna khua chu electric meivak tunsak hinailo in a gen hi. Hiatthei khat chu, PM Modi in Independence Day 2015 ah a thugenna, India gamsung ah khua zosia chu ni 1000 sung ah electric meivak tunsak vek hiding ah a puan a hia, zia chu tawh kitawn in power infrastructure leh connectivity siamhawina ding in Central government in BJP ideologue Deen Dayal Upadhyaya - Deendayal Upadhyay Gram Jyoti Yojana scheme a chiapi a, kum 2017 a pat scheme thak Pradhan Mantri Sahaj Bijli Har Ghar Yojana ahiloleh Saubhagya kiti scheme a pandawk kit hi.

CM in Imphal lui (river) sukthianna nasep entha

Imphal, April 29 *(Nisin Thuhiltu)* : Chief Minister N. Biren Singh in Manipur Legislative Assembly Speaker Yumnam Khemchand, Water Resources Minister Letpao Haokip tawh tuni’n Singjamei, Thongju leh Yaiskul Assembly Constituency huapsung ah Singjamei Oinam Thingel, Waikhom Leikai, Mongkhang Lambi, Torban Kshetri Leikai, Singjamei Chirom Leikai, Thokchom Leikai, Loklaobung etc ah Imphal lui (river) sukthianna nasep etthakna a nei hi. Hiatthei khat chu, Imphal lui (river) sukthianna nasep chiapi a hitawh kitawn in, phalna bei ah lui (river) tawh kinai ah um chenna inn leh dukan/dawr te khetsiat piak in a um a, chuuk (reainy season) ah tuilet (flood) a umlo theina ding ah State Government in Imphal lui (river) sukthianna nasep a chiapi a hi.

Diesel auto, Tata magic passenger service assn. in kiphinna nei ding ah vauna bawl

Imphal, April 29 *(Nisin Thuhiltu)* : Imphal khawpi sung ah diesel auto leh tata magic passenger gari te lutsaklo ding ah Chief Minister in a genkhakna chung in Joint Administration Council, All Manipur Under Five Tome Pasenger Service association in state government chu vauna bawl in, diesel auto leh tata magic passenger gari, Imphal area ah khap (ban) ding ah thupukna zukkit (withdrawn) ding ah phutna bawl pum in chiapi teitei ahileh kiphinna nasatak nei ding uh hi’n a taklang ui. Manipur Press Club Imphal, ah JAC convenor in thuthak lakhawm mite kiang ah a genna a chun, government in diesel auto leh tata magic passenger gari te Imphal city lutsaklo ding ah thupukna a siam a zukkitlo ahileh JAC in 30 April 2018 a pat kiphinna pan ding hi’n a gen hi. Chuleh, state government in e-Rickshaw patdaw ding ah guanggalna a nei sang ah tuhun tawh kituak thei ding passenger transport gari dang a ngaitua zawk ding pawimaw in a gen hi.

Manipur ah agri-entrepreneurs 2 in Vasundhara Award sâng
Imphal, April 29 *(Nisin Thuhiltu)* : Manipur ah khangthak agrientrepreneurs pani - Geetashori Yumnam leh Dr. Asem Sundari Devi te chu “Vasundhara NE Women Entrepreneur of the Year for Manipur for the year 2016-17” piak in a um ui.
Mi 2 te ahiuleh organic input manufacturing company - Green Biotech Ecosolutions Private Limited kiti neitu a hiu a, Lamsang Laingamkhul, Imphal West pansa a hiu. Award piakdawna ahileh a chiata Ningani a khah PHD Chamber, New Delhi ah nei a hi.

Manipur ah Bodoland Territorial Council model umtheilo ding: UCM outgoing president

Imphal, April 29 *(Nisin Thuhiltu)* : United Committee Manipur (UCM) president lui Elangbam Johnson term a beitak tawh kitawn ah UCM in President thak telna a nei a, kum 2018 – 2021 sung ah President ding in Sunil Karam a telting hi. Chun, IPSA palai Kh. Athouba chu General Secretary ding ah teltin in a um a, Ngangom Deva Meitei chu Organisation Secretary ding ah teltin a hi. Zialo a chun, UCM executive member ding ah mi 25 teldaw in a um ua, United Committee Manipur office, Lamphel ah tuni’n teltin thak ah um te kitiamsakna a um hi.
UCM outgoing president Johnson Elangbam in kikhutsanna a nei hun ua a thugenna a chun,Manipur kipumkhatna ding ah UCM panlakna support zing ding ah mipi te chialna bawl in, government of India in state mipi te lungtup a hiatpi ding pawimaw a hidan genkawm in, Manipur state sung ah community khenkhat a ding a chuam ah territorial council umtheilo ding, Bodoland Territorial Council model kiti le Manipur ah umtheilo ding hi’n a gen hi. UCM President thak Sunil Karam in a thugenna a chun, amasapen ah state sung ah community chuamchuam te tawh kipumkhatna a um theina ding ah panlakna nei ding a hidan gen in, state kipumkhatna suksiatna ding ah panlakna a um leh UCM in nasatak ah dodal zing ding hi’n a gen hi.

Khongshang market ah dukan/dawr 6 mei in kangtum
Imphal, April 29 *(Nisin Thuhiltu)* : Noney Police Station huapsung ah um Khongshang market T-Point ah zani ( 28 April) nitak dak 8:00 vel a khan dukan/dawr 6 mei in a kang a, a kiangnai ah um, CRPF rescue team of D/143 Battalion in Awaadhesh Kumar , Secondin-command leh Inspector Chauhan te puihuaina dukan/dawr meikang chu phelmitna ding ah panlakna nasatak a nei nung un, D/23 Assam Rifles troops leh local mite kithuapina’n meikang chu a phel mit thei ui. Zia dukan/dawr mei in a katna chung a chu, liamna tuak leh thina tuak umlo in a kigen a, himaleh dukan/dawr van hunkhawp kangtum in a kigen hi.

“Go to Village” mission in Thoubal ah khua 61 cover ding
Thoubal April 29 *(Nisin Thuhiltu)* : Deputy Commissioner, Thoubal H. Rosita Devi in tuni ah thusua a bawlna a chun, “Go to Village” mission chu Thoubal District, Assembly constituency 6 ah 1st May 2018 leh a ni kibang ah a hawnna nei hiding in a gen a, zingkal lam dak 8:00 a pat nitaklam dak 4:00 kikal ah Nganglou Loukon Bazar, Haoreibi village (30-Lilong AC), Leishangthem (31-Thoubal ac) Wangkhem Bazar Community Hall (32- Wangkhem AC), Leirongthel Ningel G.P. Mayai Keithel leh Manjangkhong (33-Heirok AC), Langathel (34-Wangjing Tentha AC) leh Sangaiyumpham Pt.1 (35-Khangabok AC) ah hawn hiding in a gen hi. Zia ding a chu a kisaikhakpi te panlakna nei chiat ding ah hiatsakn bawl in, Thoubal District ah “ Go to Village” mission in khua 61 cover ding hi’n a gen hi.

Siamsin Sports &Literary Meet 2018 mangzou

Lamka, April 29 *(Nisin Thuhiltu)* : Siamsinpawlpi (SSPP) Joint Headquarter, Lamka leh a nuai a branch te’n Siamsin Sports and Literary Meet 2018 a mat uh za’ni khan SSPP Residential School, Nghathal ah Battle of the Band leh Solo Grand Finale nei in Meet a mangzo ui. Solo Final Round kidemna ah endiktu in Paite Zai-awi Pawl a pang ua, Rev. Dr. Khen P. Tombing, Advisor, SSPP Jt. HQ, Lamka in kipakman piakdawna a nei hi. Meet hunsung in VK Tawna College branch in Best Discipline Award a dawng ua, Churachandpur College branch in Over All Champion hina a dawng ui.

ZYO GHQ mapuina "Wushu’ Gold Medalist Khaiminlian vaidawn

Lamka, April 29 *(Nisin Thuhiltu)* : Zou Youth Organization (ZYO), General Headquarter mapuina’n tuni, April 29, 2018 in Khaiminlian vaidawnna a nei ui. Khaiminlian Zou s/o (L) Haukhanpiang Zou of Awnchinkap Khua ahileh April 17-21, 2018 sung ah IG Stadium, New Delhi ah 2nd All India Police Judo Cluster nuai a ‘Wushu’ kidemna ah 56 kg category ah Gold Medal dawng ahia, Imphal airport ah mipi’n vaidawnna nei in, ZYO GHQ mapui na’n a In tiang ua vazui in, nitaklam ah vaidawnna hun mat ah um hi’n a kigen hi. Zia hun achun, Pastor Lamsuanthang, bialtu Pastor in Pathian kiang ah pauchappiakna a nei hi. Khaiminlian in 2010 kum in class X a zo a, class XII a zawnung 2014 in Assam Rifle ah a lut hi. Training a zaw in 2016 34 Bn. Assam Rifle, Aina Battalion ah a um a, selection a mu dungzui in January 3-7, 2017 in SAI Complex, Kolkata ah First All India Police Judo Cluster Championship ah Bronze Medal a dawng a, January 25-30, 2017 ah Jharkhand mun ah 25th Senior National Championship inle Bronze Medal ala dawng hi.

Zillai GHQ leh TRI, Manipur saina Career Counselling Prog. um ding
Lamka, April 29 *(Nisin Thuhiltu)* : Ministry of Tribal Affairs, Government of India sponsored bawlna nuai ah Tribal Research Institution (TRI), Manipur leh Zillai (Vaiphei Students’ Association) General Headquarter saina’ leh Zillai Chandel District host bawlna 1st May, 2018 zingkallam dak 11:00 a pat Standard English High School, Sugnu (T), Chandel District, Manipur ah “Career Guidance - cum- Counselling Programme” um ding a hi. Zia hun chu L.M.Khaute, IPS, Director General of Police (DGP) Manipur in Chief Guest hina tawh uap ding, John Gaidingam D, Administrative Officer cum Reasearch officer, Tribal Research Institution (TRI), Manipur in Functional President hina tawh uap ding a hi. Zia hun matna chu S. Kaimunlun Vaiphei Secretary Education & Career Development Zillai GHQ in mapui ding a hia, Sugnu Pastor Bial Choir, Mizoram, Synod, Manipur Area in opning song sakna nei ding,Pro Pastor Eric Lianlalmuan in programme hawnna nei ding, Dr Hauminthang Vaiphei President Zillai General Headquarter in vaidawn thugenna nei ah, presentation mapui ding a hi. Zia chu khuallian te thugenna’n zui ding a hi.

Career Guidance - cum- Counselling hun sung a chu, Dr. Ng. Seanboi Vaiphei, Surgeon MHS-III (Career in Medical Profession); MS Lupho- Advocate ( Career in law) Chinhawikim Vaiphei, Sebior Manager Bangk of Baroda; Lianzalal Vaiphei, CEO, NESEED Foundation, (Career in Business Management & Enterpreneurship); Thanglalsam, Mangaer MSPDCL (Career in Engineering Service) David Soineithang Lengen, Asst Prof. (Career in Higher Education); Dr Seiminlien Vaiphei, 2iC CMO, Assam Rifles (Career in Army and Paramilitary Service) te’n Resource Person hina tawh student te ziltilna nei ding a hiu.
Chun, Louis Jamkhomang Baite President Zillai Chandel District in kipakthu genna nei ding, Rev Mangkhosei Baite in pauchapna tawh hunkhakna nei ding a hi.

Vaiphei Holy Bible thak hawnna nei ding
Lamka, April 29 *(Nisin Thuhiltu)* : Khuga Sadar Presbytery, Manipur Presbyterian Church Synod (MPCS) intekna April 30, 2018 sunma dak 11:00 ah VPC Community Hall, Bethel Veng, New Lamka ah Vaiphei Holy Bible thak hawnna um ding a hi. Zia hun matna chu Rev. Thanglianmang, Moderator KSP in mapui ding, UPa S. Bella Capvung in hun hawn pauchapna nei ding, Rev. Siama Phaltuak, Executive Secretary KSP in vaidawn thugenna nei ding, Rev. S.T Kaia Vaiphei in Holy Bible thak tawh kisai genlatna nei ding, Tuithanak District KKP Choir te a pat laa-pawl sakna um ding a hi. Chun, Rev. Haulalven in Holy Bible thak hawnna leh latna nei ding a hi. Chuleh, Vaiphei Holy Bible Thak ziktu/letdawktu famta Upa Kaihau Vaiphei, IDAS (Retd.), former Accountant General, Manipur insungmi te a pat thugenna um ding, VPC GHQ President leh VCA Chairman Secretary te’n le thugenna hun nei ding a hiu a, Upa Tualzakap Secretary Sr. (KSP) in kipakthugenna nei ah, Rev B. Lala in hunkhakna siam ding a hi.

School chapang sawisakna chung ah kiholem
Lamka, April 29 *(Nisin Thuhiltu)* : Koite khua a um, Kumbipukhri Govt Jr High School ah mi thasang ah kuan teacher pakhat in, a chiata April 26, 2018 ni ah, class 1 student khat textbook puaklo ziak ah nasatak ah a sawisakna tawh kisai chu Koitelui Area Chiefs' Association (KACA) panlakna pu-pa chawndan tawh kituak ah kihona neifel ah umta a hidan Thangboi Baite, Chairman, KACA leh Hemthong Guite, Secretary, KACA suai kaina press release kimu’n a taklang hi. KACA thusua in a taklatna a chun, KACA in Government leh private school hitaleh a zui dung ua dan a siam kal ah thiltung a hina chung ah school naupang Lalgauhau s/o Seimang Kipgen of Khengjang Koite Junior High School a Class-I simlai sawisatu teacher Demkhomang s/o Letkhohao of K. Salbung chu Vawkchal tuk 5 gap ah um, Khupthang Headmaster Koite Junior High School in sawisak ah um school naupang ki etkawlna ding ah Rs 30,000 a piak ding ah kiholemna nei uh hi’n a taklang a, zia kihona chu Kuki Women Organisation for Human Rights, TKSU, KSO-CCpur, KAYA leh Khengjang V/A lawiupa te len uap ah hiatpi suai kai ua taklat in a um hi.