Nisin Thuhiltu – 08 April 2018

User Rating: 0 / 5

Star InactiveStar InactiveStar InactiveStar InactiveStar Inactive
 

Governor in Kangpokpi ah HUN festival uap

Imphal, April 7 *(Nisin Thuhiltu)* : Keithelmanbi Military Colony, Kangpokpi District ah tuni’n Thadou Cultural Festival “HUN” kiti mat in a um hi. Zia hun chu Manipur Governor, Dr. Najma Heptulla, Agriculture Minister, V. Hangkhanlian leh Social Welfare Minister Nemcha Kipgen te’n Chief Guest, Guest of Honour, Functional President hina tawh a uap ui. Governor, Dr. Najma Heptulla in a thugenna a chun, zia gual Cultural Festival chu festival pawimaw mama, state sung ah kipumkhatna leh ki-unauna suhattu khat hiding in a gen hi. Chun, state khantona ding leh masawnna ding ah panlak chiat pawimaw a hidan gen in, Thadou community in State kipumkhatna ding ah panlakna thupi tak nei in a gen hi. India zalen galdona leh Anglo-Kuki War 1917 -1919 ah hangsan tak ah panlakna um te chu khangthu tepte thei leh gen leh sak ah pang zing hita hi’n a gen hi. Chuleh, ‘Hun festival 2018’ kimatna a pat chamna leh muanna, hihepina, communal harmony, ki-unauna hawizaw sem a pian ding a nawp thu a gen hi. Agriculture Minister,V. Hangkhanlian in a thugenna a chun, pu leh pa te’n Hun festival kiti thaichi tuhun ah a mat sek uh a hitawh kitawn ah tuhun ah le pu leh pa te gual ah sep gim ga muthei chiat ding ah panlakna nei ding pawimaw in a gen hi. Social Welfare Minister Nemcha Kipgen in a thugenna a chun, HUN festival kipumkhatna ding ah platform siamtu a hiding a nawpthu gen in, masang ah pu leh pa te kihepi gual leh kithutuak gual ah um chiat ding pawimaw a sak thu a gen hi.

HUN festival matna chu public leader, social worker, civil leh student leaders tamtak te’n le a uap ua, cultural show chi chuamchuam tawh festival mat in a um hi.

NPP State Unit in M'laya CM leh a cabinet te kipakpina nei

Lamka, April 6 *(Nisin Thuhiltu)* : National People's Party (NPP), Manipur State unit in Lamboi khongnangkhong Football Ground, Uripok-Kangchup Road, Imphal West ah tuni, 7th April 2018 nitaklam dak 3:00 in National People's Party (NPP) Chief leh Meghalaya Chief Minister Conrad K. Sangma banah a cabinet member - Prestone Tynsong, Minister PWD, James Sangma, Minister (home), Sniawbhalang Dhar, Minister 9Commerce & Industries) te leh Imnatiba, MLA( advisor industries & Commerce) Govt of Nagaland, L Khumo, MLa ( Advisor Fisheries) Govt of Nagaland te kipakpina ( felicitation) programme a siam hi.

Zia hun a chun President NPP Manipur State Unit Thangminlen Kipgen (ex-Minister) in vaidawn thugenna nei ding, Working President NPP Manipur State Unit, Ch. Ajang Khongsai, President NPP Women's Front Manipur State Unit G. Satyabati Devi te thugenna'n a zui a, Indigenous Cultural music (guru Rewben & Lahui Ensemble, Mangka) te a pat um in, L. Jayantakumar Singh, Minister Health & Family Welfare & Law) Govt. of Manipur, NPP Nagaland State Unit President Ato Yepthom, Dr Lalring, National General Secretary, NPP; Y Joy Kumar Singh, Deputy Chief Minister, Manipur leh NPP Chief banah Meghalaya Chief Minister Conrad K. Sangma te'n thugenna a nei ui.

Conrad K. Sangma in a thugenna a chun, mipi te’n muan-ngamna nei ah NPP support a bawlna chung in kipakthu a gen a, North East mite khantona ding ah NPP in panlakna nei zing ding hi’n a gen hi.

Hun mat sung in Cultural show bawlna leh a chiakhawm mipi 6000 tuam te’n “NPP for United Northeast” ti slogan sapna le a nei ui. Kipakpina hun matzaw in, Meghalaya Chief Minister Conrad K. Sangma banah a cabinet member te’n Manipur Governor leh Chief Minister te a kimupi ui.

Air Asia in Imphal-Delhi direct flights service pan
Imphal, April 7 *(Nisin Thuhiltu)* : Air Asia in Imphal leh Delhi kikal ah direct flights service tuni’n a pan hi. Nisin ah direct flights service um zing ta ding a hia, Imphal tun hun (arrival) 12.25 pm hiding leh Imphal a pat kipatdaw hun (departure) 12.55 pm hiding a hi. Zia direct flights service chu Imphal ah 21st - 22nd November 2017 sung ah North East Development Summit (NEDS) hun ah kinawptuana suai kai ah um te a pat piang hi’n a kigen hi. Hiatthei khat chu, January 4, 2018 a khan, N. Biren Singh in Air Asia leh Airports Authority of India in daily Imphal-Delhi direct flights, April tha apat pat ding ah lemsakna nei in a la taklang hi. Imphal leh Delhi kikal ah direct flights service a um thei takna chung a chun, Manipur State Government in Prime Minister’s Office leh Ministry of Civil Aviation, Government of India chung in kipakthu a puang hi.

Ascend Coaching hawnna nei
Lamka, April 7 *(Nisin Thuhiltu)* : Banking, Insurance leh SSC Exam chuam chuam ah foundation course zil theina ding, Ascend Coaching Centre kiti tuni sunnung dak 1:00 in Simveng ah Th. Lamkhohau inn ah M. Gouzamang Guite MDC (New Lamka East) in a hawnna a nei a, Pastor T. Chinkhangen, NTBC Simveng in Pathian kiang ah a latna a nei hi. M. Gouzamang Guite in a thugenna a chun, zillaite ngaikhawkna ziak ah Coaching Centre patdaw ahi chu kipakpi mama ahi dan puang in, thiamzilna lam ah thingtangmite’n Maths leh Science huphulna i neisek uh chu pai hunta ti’n a gen hi. India ah education leh competition sang mama ta ahi banah govt in lekha thiam 4% bep sepna pezo ahina ah thiamzilte’n entrepreneurship lam le ngaikhawk ngai hi’n gen a, mi nuai ah sep ding bep gel ding hilo in kei nuai ah mi bangzat a sem thei diam ti lunggel ah nei ngaita ti’n le a gen hi.

Sepna a pat kaisang

Lamka, April 7 *(Nisin Thuhiltu)* : Neitham Vanlalmuan Vaiphei tu leh tu Bengaluru kiangnai Tumkur ah Regional Provident Fund Commissioner Grade II (RC II) (GP 6600) ah sem chu Regional Provident Fund Commissioner Grade I (RC I) ( Grade Pay 7600) in a kaisang hi.

One Day Legal Awareness Campaign nei
Lamka, April 7 *(Nisin Thuhiltu)* : District Legal Services Authority (DLSA) kithuapina tawh Hope Charitable Trust in tuni'n Sim Veng ah um Simte Inn ah One Day legal awareness campaign a sai hi. Hun matna chu Lamka khawpi leh a kiang tuam mun chuam chuam a kipat mi hunkhawp te’n a uap in, Advocate - Helen Chingsiam leh Chinglun te’n dân tawh kisai ah hiat ding pawimaw chuam chuam te genna a nei u’i. u’i.

Video Album hawnna nei ding
Lamka, April 7 *(Nisin Thuhiltu)* : Kamkhanpau leh Niankhanchiin te’n a produce uh leh Esther Chingboi in a sak, ‘Sanggam it’ kiti Video Album chu zing, April 8, 2018 sunnung dak 2:00 leh MELC HQ Church, Zomi Colony ah Rev Thangliankham, Director of Mission, MELC ina hawnna leh latna neiding ahia, hun mat sung ah Esther Chingbawi, Elizabeth Hoinu leh Dousuankhai te’n special number present ding ahiu. Video Album hawnna hun chu Thangkhosuanmung Guite, MDC; G. Suanchinpau, MDC; Pumtulthang, MDC; Hausuanthang, MDC; Grace Zamnu, MDC; Mannuamching, IAS, Jt.Secretary (MOBC & SC); M. Ginzasuan, DSO/CCpur; Dominic Kapthang, Custom Officer; Suanlian, Social Worker; Khamlianlal, Social Worker leh T.Zamlunmang Zou, Block Mission Manager, MSRL (Dept of RD & PR) te’n Special Guest hina tawh uap ding ahiu.

Block 2 a ding textbook hawpdawna nei
Lamka, April 7 *(Nisin Thuhiltu)* : Pherzawl District sung ah ZEO nuai aum Tipaimukh leh Thanlon Block ah student te a ding in, tuni’n HAS Complex, Rengkai ah ZEO/ Pherzawl mapuna’n school tin ah headmaster te kiang in text book hawpdawna a um hi. Pherzawl District sung ah Govt High School, Aided School, Upper Primary leh JB school te a ding ah text book tuni’ kihawm dawk cheng ahileh Tipaimukh Block ah school 45 leh Thanlon block ah school 42 a ding ahi. Tipaimukh leh Thanlon block sung ah government school chuam chuam te lak in Pherzawl High school ah student tampen in, min kikhum zawt chu a kigawm ah 317 ahi zo a, school a ding in ZEO/ Pherzawl in Chalk cartoon Box khat a pia’i. Hawpdaw ah um text book te chu - Manipuri (Lairik Laisu), Manipuri (Nong-in), Mathematics, Modern English, English Suplimentary Reader, Science, EVS/Social Science, Hindi (Pushpa Mala) leh Hindi (Pustika) a hia, International Yoga Day a Yoga hi ding dan kiziltilna DVD ah kibawl, Common Yoga Protocol Disc leh Chalk bawm khat chiat le hawp in aum hi.

Trail cum Selection ah lawting
Lamka, April 7 *(Nisin Thuhiltu)* : Kerala state sung aum Donbosco Football Academy in Academy ah kai ding Manipur state sung ah khangthak football pekthiam hawlna trail a bawlna ua state pumpi ah mi 7 teldaw aum te lak in College Veng, New Lamka ah chêng, T Goumuansang Zou s/o Khupkhenpau le a pang kha’i. Donbosco Football academy, Kerala in a chiata March 11, 2018 a khan Chingmeirong, Imphal ah Trial Cum Selection a la sai uh ahia, ziana ah teldaw aum T Goumuansang Zou in a hung tung ding April 28, 2018 leh Lamka nusia in Kerala zuan ding ahi.

April 20 tiang judicial custody ah um ding ah thutankhum
Lamka, April 7 *(Nisin Thuhiltu)* : A chiata March 26, 2018 ni’ Special contractor M Dama nasemtu mi 2 - Nausawmlian of Lingsiphai leh Khupginlian of Tuili Leibul te puimang a hina ua kigawl kha hiding ah muanmaw ziak ah kiman, Jangkho-on (56) s/o (L) Paokam Haokip of V Lhangnom Village chu zani’n police in Chief Judicial Magistrate, CCPur mai ah a dingsak ua, CJM in le ni 15 sung, April 20, 2018 tiang judicial custody ah um ding in a thutan khum hi. Zia kipuimang na tawh kisai ah Henglep Police in FIR no. 1(3)2018 Henglep-PS u/s 400/346-A/34 IPC & 25(1-C) Arms Act a ziklut hi.

World Health Day 2018 mang
Lamka, April 7 *(Nisin Thuhiltu)* : District Health Society, CCpur saina in tuni zingkal lam dak 7 in Nute Bazar, New Bazar ah Healthy Attitude, Healthy Habit, Healthy Lifestyle ti thupi tawh World Health Day 2018 matna aum hi. Hun matna chu ADCC Chairman Khaipao Haokip in Chief Guest hina tawh a uap a, Functional President ah T Paukhanlian, EM/ADCC pang in Guest of Honour ah CCPur SP, Rakesh Balwal leh ADCC CEO, T Kammuanlal Simte a pang u’i. , CEO/ADCC pang ua, pang hi. Hun zatna ahihleh Dr Chingnunsiam, District Nodal Officer in makaih a, Dr Kimngaihching Simte, CMO/CCpur in keynote address gen in, khuallian-te apan thugenna om in, Healthy Life chih tawh kisai in damtheihna a ding a Exercise lak a poimoh dan lahna om in, Healthy life tawh kisai mah in presentation saulou om a, Swachhata Pledge a neih ban uah. Zenngaihlun, DPM, NHM Ccpur in kipahthu gen in hiai hun zatna zou uhi. Chief Guest a pang Khaipao Haokip in a gendan in, District Health Society in mundang teel tuanlou a Nute bazaar teel a huai hun a damtheihna tawh kisai a hun poimoh a zatna uah kipah huai a sakthu gen a, Nute Bazar pen kizou sianglou hilou in, thil tuamtuam zuak nupite’n a bang umbing ding leh, a van koihna ding uh konkhak bawlsak dia Minister V Hangkhanlian ngetna a neihziak ua, huai bawl thak a ngaihziak a luahlouh a om phot hi’n gen a, tutate bawl thakna zawh ahih hunhun in, Bazar sawngnuai leh sawngtung a tuding thil tuamtuam zuaktute kituh buai leh deihsak tuam omlouhna ding in, a tutna munding uh lottery in teel khiak hiding chi hi. Functional President T Paukhanlian in a genna ah, siangthouna kichi eimah mimal ah a kipat ngai a, a nung in ei’ apan midang tamsem in a zar a zawhna ding a pan ilak ding uh ahi a chih banah, siangthouna tawh kisai a panlak theihna tuamtuam omte zuivek le Doctor te tawh damlouhna ziak in kimu vang ding a, damtheitak a ki-omding ahi chi hi. Guest of Honour T Kammuanlal Simte in a genna ah, Siangthouna tawh kisai a panlatute I nungthuap uh ngai a, Damtheihna pen hauhsakna ahih bang in, eimah mimal ah siangthouna awlmoh in panla in, a nung in innkuan, khawtang leh Society ah siangthouna ngai poimoh le damtheihna hong omding ahi chi hi. SP/CCpur in a thugenna ah kumlui apan siangthouna awlmohna in Swatch Campaign tamveitak omta a, kumlui a ei district in siangthouna tawh kisai a khatna I lak theihleh tukum a leng khatna I laksawm a, khawsung sianthou sakding I mohpuak uh ahi chi hi. Dr Jamthianlal DFWO in a genna ah India in MR Vaccination campaign pan in 2020 tan a Measles leh Rubella hihbei sawm hi’n gen a, MR I kikap chiang in damlouhna luna, chisa chihte omthei zel mah hi a, himahleh tua MR dalna damdawi pen hoih mahmah ahihna ah kuamah a ding a side effect omlou ahi chih thei in, lauh mawk ding hilou hi’n gen a, khenkhatte’n Obama Health Care a Chip kithuahte tawh kibang a ngaihsun in, Modi in Christian-te thahna ding a a bawl hidan in ngaihdan neipawl om mahleh thuzuau ahihdan theician sem ding in mipite kiang ah ngetna nei hi.

World Health Day 2018 mang
Lamka, April 7 *(Nisin Thuhiltu)* : District Health Society, CCpur saina in tuni zingkal lam dak 7 in Nute Bazar, New Bazar ah Healthy Attitude, Healthy Habit, Healthy Lifestyle ti thupi tawh World Health Day 2018 matna aum hi. Hun matna chu ADCC Chairman Khaipao Haokip in Chief Guest hina tawh a uap a, Functional President ah T Paukhanlian, EM/ADCC pang in Guest of Honour ah CCPur SP, Rakesh Balwal leh ADCC CEO, T Kammuanlal Simte a pang u’i. Chief Guest in damtheina tawh kisai hun matna ding ah District Health Society in mundang hilo ah Nute Bazaar a têlna chung in kipak um mama a sak thu a puang a, bazaar kizo thianglo hilo in, thil chuam chuam zuak te’n bawl be ding ah Minister kiang ah dawtna a siam dungzui ua thil khenkhat bawl thak ah um hi’n a gen a, zia te chu zaw a hi tak leh a sawng nuai leh a chung lua ding chu dawisak chuam umlo ah lottery apat teldaw hiding ti’n a gen hi.
Hun mat sung in Healthy Life ti tawh kisai in damtheina a ding ah exercise lâk a pawimaw dan lakna um in, Healthy life tawh kisai ma ah presentation saulo aum banah Swachhata Pledge a nei u’i.

AR leh police in galvan ah kivei khat man
Lamka, April 7 *(Nisin Thuhiltu)* : Churachandpur Police apat thutut kimu dungzui in, zani April 6, 2018 sunma dak 11:30 in Assam Rifles leh Police kithua te’n K Salbung apat galvan zuak ah kivei leh thingnuaimi te kiang ah galvan pesawntu khat a man ua, mat ah um ahileh Thenmang Haokip (49) s/o Paosei Haokip of Changpikot Village, CCpur ahi. Police thusuak in a taklat dan in, Tuibong area ah galvan ah kivei um hi ah Assam Rifles Field Intelligent Unit (ARFIU) apat thutut a mu dungzui ua 25 AR leh CCPur in K. Salbung ah checkpost khat bawl in gari taitua lumlet te check bawl hi’n a taklang hi. Zia hun a chun Auto rickshaw ah chuang khat muanmaw ziak delzui in a man ua, thudawtna nei hun ah a taksa chung ah a puak Country made Pistol 1 leh Magazine 1, Chinese Hand Grenade 2, Nokia Handset 1, Airtel Simcard 1, Aadhaar Card 1 leh Rs 250 a mudawk ua, ama kipuanna apat galvan te chu Kwakta ah pawsal khat kiang ah a piak ding leh zia apat chu phaizang helpawl khat kiang ah piaksawn hiding in le a kipang hi. Police in zia tawh kisai ahin FIR No. 30(4)2018 CCP-PS u/s 25 (1-C) Arms Act & Explosive Substance Act a ziklut u’i.

Zou Gal Memorial Park a ding ah gam pedawk
Lamka, April 7 *(Nisin Thuhiltu)* : Upa Suankhanmang, Chief of Tangpijol in Zou Gal sat ah a la pang, apu (L) Lianlouthang @ Lianthang leh apa (L) Sonzathang te hiatzingna ding in tuni’n Zou Gal Centenary Commemoration Committee (ZGCCC) leh United Zou Organization (UZO) General Headquarter te khut in “Zou Gal Memorial Park” a ding in, 4 Acres vel a lian, gam official tak in piakdawna a nei hi. Zia hun a chun S. Chinsuanlian, Secretary, Zou Zumpi in a tuak, vawk khat that in a chiakhawm te’n annek khawmna a nei u’i.

UPF/ KNO Public Consultative Meeting um ding
Lamka, April 7 *(Nisin Thuhiltu)* : UPF leh KNO saina in a hung tung ding April 18, 2018 sunma dak 11 leh YPA Hall, Hiangtam Lamka ah India leh Manipur sawlkal tawh Tripartite talk a neina’u tawh kisai ah mipi ngaidan lak khawmna ding in Public Consultative Meeting um ding ahi. Zia hun chuleh Common Identity tawh kisai le genkhawm hiding ahi banah UPF leh KNO apat puitute’n topic chuam chuam ah presentation nei ding ahiu a, zia zaw chuleh Academics, Scholars, Intellectuals leh mi chuam chuam apat thugenna umding ahi. Hun matna ding tawh kisai ah Civil Society, Student Organisation, Phillantropic Organisation puitute banah nam chuam chuam apat lekha thiam leh kochuam puitute pang ding ah pawl 2 te’n chialna a bawl u’i.