Nisin Thuhiltu - 01 July 2017

User Rating: 0 / 5

Star InactiveStar InactiveStar InactiveStar InactiveStar Inactive
 

CM IN 100 DAYS PROGRAMME NUAI AH SEPDAW AH UM TE LEH PANLAKNA CHUAM CHUAM TE HAWNG

Imphal, June 30 (Nisin Thuhiltu): Manipur Chief Minister N. Biren Singh in tuni’n City Covention Centre, Palace Compound, Imphal ah Eminent Thinker, Author & Director, India Foundation Ram Madhav, Ministers Th. Biswajit Singh (IPR), Nemcha Kipgen (Social Welfare), Kayisii (Tribal Affairs and Hills), Chief Secretary Shri O. Nabakishore leh Commissioner IPR, K.Radhakumar Singh te uapna’n Manipur State Journalists Welfare Scheme hawnna a nei a, multi-coloured booklet - “DIPR in 100 Days” kiti, 50-Minute Documentary Film on 100 Days of New Government led by CM Biren, achievement on electrification of 63 villages under the 100 days programme of MSPDCL, achievement on construction of 150 km road under Pradhan Mantri Gram Sadak Yojana (PMGSY), Booklet on the Initiative of Department of Horticulture in 100 Days and achievement of Planning Department in 100 days ti te hawnna a nei hi. Chun, CM leh khuallian chuam chuam te’n Chandel ah Khuninglung Villager te leh Churachandpur ah Khummunom Villager te video conference ah live in le holimna a neipiu a, zia hun a chu CM in lampi leh kikawmtuana te a vaima theilam ah siam hawi hiding in thutiam a bawl hi.
Chief Minister N. Biren Singh in government next target chu hill area ah kikawmtuana (connectivity) leh kihomatna (communication) hiding in a gen a, infrastructure hawilo ziak ah hill area ah doctor, teacher keh official chuam chuam te posting thei nailo a hidan uh taklang in, government in apawimaw infrastructure te supitinna ding ah panlakna nei zing hin a gen hi. Manipur State Journalists Welfare Scheme tawh kisai N. Biren in a genna a chun, society a ding ah journalist te’n sepdaw tamtak nei a hidan uh genkawm in a panlakna hiatpina kawm ah scheme hawn ah um hin a gen a, damtheina lam thil ah Rs 50000 - 2 lakhs tiang damlona tuak te ki etkawlna ding ah piak hiding a hidan uh a gen hi. Scheme chuam chuam hawn ah um te chu a kisaipi department leh official te’n kituptak ah a etzui zing ding uh pawimaw a hidan gen in, DIPR MANIPUR APP chu kua hileh newspaper sim manlo te’n lemchan hun hun ah government thil tawh kisai ah information musing thei ding uh hin a gen a, government in tu ah a panlakna leh a dinmun thasuaklo ding leh khantona a umna ding ah panlakna sunzawm zing ding hin a gen hi. Government in tunung ah rural areas ah Rs 2300 crore seng ah tui thiang dawn ding piakna ding ah panlakna nei ding hin a gen a, ama government in health care system, education system leh khangthak te sepna muna theina ding ah panlakna chiapi zing ding hin a gen hi. Hun matna uap Ram Madhav in hunchawmcha sung ah state government panlakna pakcha kawm in sepdaw tamtak nei in a gen a, blockade leh Churachandpur issue a sukvenna chung ah valley leh hill mi te kal ah gap subei a hidan kilang in a gen hi. State government in Churachanpur ah chamna a tut bak ah Imphal-Jiribam lampi a siamhawi thak chu kipakpi mama in a gen hi. IPR Minister Th Biswajit in a thugenna a chun 100 days programme lawting mama in a gen a, inn neilo te’n inn a neitheina ding ua PMAY-G scheme hawn a hibak ah tha leh zung banah sum leh pai senna a tawmna ding ah Ujala Yojana scheme kihawng in a gen a, ni 100 sung ah khua 50 ah electric meivak tunsak ah um in a gen hi.

HUNTIAM UMLO GENERAL STRIKE
Lamka, June 30 (Nisin Thuhiltu): Haokip Student Organisation (HSO) President Palal Haokip kitha chung ah Kuki Students Organisation (KSO) General Headquarters in hun tiam a piak sung ah tualthattu te government in a matdawlona chung in KSO GHQ in 3rd July zan kim a pat state sung pumpi huap ah huntiam umlo general strike chiapi ding a hidan a puang hi. Chuleh, tualthattu te matdaw a hi masia thiluang le lak hilo ding in a taklang bawk hi.

AUTO CHUANMAN BITHIAT THAK
Lamka, June 29 (Nisin Thuhiltu): All Churachandpur District Diesel Auto Owners Association (ACDDAOA) in khawpi sung ah passenger pua a tai diesel auto chuan man bithiat thak in zia tawh kitawn a chun, khawpi sung K Salbung a pat Mata kikal diesel auto chuan man chu a rate ngai ma, Rs 10 hi ding leh K Salbung leh Mata pel a tai diesel auto chuan man Rs 20 a khang sak hi ding a hi. Student/naupang ti umlo ah seat lua zosia te kiang ah chuanman lak hita ding a hi banah rate thak kibawl July 4 a pat mat pat hi ding ti’n ACDDAOA a pat thutut a ki dawng a, zia tawh kisai ah Association haksatna hiatpi ah rate thak kibawl za ah zui chiat ding in chialna a bawl hi. Diesel auto a van puakman a hileh - Cement bag 1 puakman Rs 40, Battery Rs. 10, Dunlop Rs 40, Generator Rs 50, Syntex Rs 40, Meihawl Rs 30, Cylinder bûk hâwm Rs 10, Cylinder bûk dim Rs 20, washing Machine/Fridge Rs 100, Anchang, Maida, Chini, allu, chî leh a dang dang Kg 50 te Rs 30 hiding ah bithiat in a um a, a hinla zia rate chu khawpi sung, K Salbung a pat Mata kikal bep huap ding a hi.

DTC A MAT DING SMOKERLYZER HAWNNA NEI

Lamka, June 29 (Nisin Thuhiltu): District Tobacco Cell, District Hospital, Churachandpur a mat ding Smokerlyzer leh matchak dang dang te mat pat thei ding in tuni’n Churachandpur CMO, Dr. Kimngaihching Simte in a Office Chamber ah hawnna a nei a, chep leh muam chîng zawngsak ah haisan nuamte a ding ah panpitu ding ah chawkthak a um, Smokerlyzer/Smokelyzer leh matchak dang dang te chu District Tobacco Cell, District Hospital, Churachandpur ah mipi’n a phatchuampi ding uh dawina tawh hawng a hi dan a puang hi. Dr. Chingnunsiam, District Nodal Officer, NTCP, Churachandpur in a ki chaw thak matchak te mat ding dan tawh kisai demonstration a bawl hi. Smokelyzer a hileh chep leh muam chîng zawngsak ah haisan nuamte a ding ah panpitu ding a hia, taksa sung ah Carbonmonoxide Level digital ah kilang in zia a pat Chart umsa dungzui ah taksa kum leh Carbonmonoxide Level a pat counseling leh treatment patthei ding a hi. Treatment ah Chewing Gum gual ah thaithaw ding 2 mg leh 4 mg a um banah vun a bel ding 21 mg le um in zia chu Carbonmonoxide Level leh taksa kum dungzui ah mat hi ding a hi. Matchak chu dumzial chep, a muam thaw - Khaini, Talab, Sajan, Shikhar, Raja leh a dang dang chîng zawngsak ah haisan nuam te a ding ah matthei vek ding a hia, zia gual te chun, OPD Ticket la in Sepkitni, Ningani leh Kiginni sin leh District Tobacco Cell, District Hospital, Churachandpur ah vanai thei ding a hiu.

IED ATTACK AH AR JAWAN 1 THI, 2 LIAM

Lambui, June 30 (Nisin Thuhiltu): Lambui Junction, Ukhrul District ah 27 Assam Rifles, Permanent Vehicle Check Post ah tuni, 30 June 2017, zingkallam dak 7:20 in IED bomb a puakzak a, ziana a chun 27 Assam Rifles (F – Coy) personnel 1 in thina a tuak a, 2 in liamna a tuak ui. Thina tuak chu Rifleman Biju Sorupuwar of North Lakhimpur District, Assam a hia, liamna tuak te a hiu leh Kendra Para District, Orissa a pat Rifleman Niharanjan Das, (35) leh Udhampur District, Jammu & Kashmir a pat Havildar Yashpal (37) te a hiu a, Leimakhong Military Hospital ah etkawl a hiu. Chun, a dinmun uh lauthawn umlo hin Assam Rifles thsuuak in a gen hi. Thina tuak Biju ahileh a zi leh a cha te pani (2) nusia a hi.

HEALTH WORKER TE’N TRAINING NEI
Lamka, June 29 (Nisin Thuhiltu): National Tobacco Control Program (NTCP), Churachandpur saina’ tuni’n CMO Mini Conference Hall, CMO Complex ah One Day Training and Capacity Workshop of Health Staffs kiti nei in a um hi. Hun matna ah District CMO, Dr. Kimngaihching Simte in a thugenna a chun, NTCP in National Health Mission kithuapihna tawh zia gual programme a sai na chung ah kipakpi um a sak thu puangdawk kawm in programme uap Health Worker te zosia’n a phatchuampi chiat na ding un dawisak thu le a gen hi. Zia hun a chun, Dr. Premchandra Singh, District Nodal Officer, National Program for Prevention and Control of Cancer, Diabetes, Cardiovascular Disease and Stroke (NPCDCS), Churachandpur in “Tobacco Cessation Steps and Measures” ti thupi ah ziltilna a pia, Dev Shree Sharma, Food Safety Officer, Churachandpur in Food Safety and Standards Act 2016 leh Regulation 2011 ah pansa in “Tobacco-Is it a Safe Food” ti thupi mang in ziltilna a piai. Training hun ah PHC/CHC a MO in-charge, District Nodal Officers, ASHA Facilitators, Nursing Superintendent leh District Hospital Staff te a pang ui.

LAWTINNA CHANG TECHIE 13 TE KIPAKPI

Lamka, June 29 (Nisin Thuhiltu): Churachandpur Government College nuai ah Churachandpur Community College a pat sepna mu Automotive Technology student 13 te kipakpina hun tuni’n Community College Classroom ah nei a um in zia hun a chun, Pauchungnung Vaiphei, Nodal Officer, Churachandpur Community College; Ricky Vallalawm Guite, Principal, Churachandpur Government College; Dr Lalzagou, Head of Geography Department; SR Gangte, Head of Political Science Department banah community college student hunkhawp te a pang u’i. Ricky Vallalawm Guite in Pauchungnung Vaiphei, Nodal Officer panlakna leh etkawlna nuai ah Churachandpur Community College ah student 13 in sepna a mu chu kipakpi mama a hidan puang kawm in maban ah community college in lawtinna a chang to zel ah student tamzaw sem in a phatchuampi theina ding ua dawisak thu le a gen hi. Campus recruitment hun ah zia college a pat Automotive Technology student 13 in Eastern Motors, Imphal ah Technician, Fitting of accessories, Electrical Mechanics, Dentors leh Mechanics a ding in sepna a mu’ a, July 3, 2017 leh join ding a hiu.

DIAMOND JUBILEE THÎLLAWKNA SPORTS KHAK DI
Lamka, June 29 (Nisin Thuhiltu): Young Christian Organisation (YCO) saina nuai ah Leisang lentual ah chiatha zing Diamond Jubilee Thîllawkna Sports chu zing, July 1 nitaklam leh khak hi ding a hi. Zia hun chu H. Doungel, Coordinator, NYK/CCpur in Chief Guest hina tawh uap ding a hia, Upa Lalneikhai in Functional President banah Dr. Thangneu in Guest of Honour hina tawh uap ding a hiu. Chun, zing zingkal dak 6 leh marathon um ding a hia, zia hun ah pang te chu Hill Town a pat Leisang tiang tai ding a hiu. Sports a hileh a hung tung ding October tha ah um ding YCO leh WCO Diamond Jubilee thîllawkna ding ah sai a hia, a chiata June 28 a khan Pastor James Th. Minlun, Lamka Nuai Area Pastor in pauchapna tawh a la hawn a hi.

NAUPANG KHAWMPI UM

Lamka, June 29 (Nisin Thuhiltu): Baptist Children Department (BCD), Evangelical Baptist Convention, Lamka South Division in tuni’n EBC Centernary Hall, New Lamka ah tuni a pat July 2, 2017 tiang um ding Naupang Khawmpi a 2 veina a la pan hi. Khawmpi a hileh “Khrist adia Sehtuam” ti thupi tawh pat a hia, Upa S Lalngaihlian, Chairman Division working committee in a hawnna a nei a, Rev V Nenglian, DS, EBC Lamka South Division in Pathian thu genna a nei hi. Khawmpi a chun pawl dungzui ah competition chuam chuam um ding a hia, Senior te’n Quartet, Intermediate te’n Bible action, Junior ten Bible recitation leh Primary te’n action song kidemna nei ding a hi ban un la pawl kidemna le um ding a hi. Khawmpi a hileh a hung tung ding July 2 (Pathianni) leh Rev V Nenglian, DS, EBC Lamka South Division in a khakna nei ding a hi.

LAMKA AH TEKKIAK ZIAK AH VAN SIA UM
Lamka, June 29 (Nisin Thuhiltu): Lamka khawpi sung ah tuni nitaklam dak 4 tuam ah gua tamlo a zuk laitak in thakhat thu ah tekkia um ziak in Churachandpur Government College gate saklam pang a um Electric Post ah High-tension kingakna Insulator khat a tan a, College a Chowkidar te TV bulna Electric le a siat ban ah Set-top Box Adapter le a kâng hi. Tekkia in a sekhak hiding ah ginmaw College Compound a Vicks kung hawng a kikhaw banah a bul leitual lak le kuak hi’n muthei a hia, Insulator sia a hileh Department in nitaklam ma in a siam ngal hi.

TUIKHAM LEI SIAMPHA

Lamka, June 29 (Nisin Thuhiltu): Nghathal khawtaw’ Tuitha Lui chung ah kidaw, Tuikham Lei chu tuni’n Development Committee in a bawl hi. Tuikham Lei a hileh hun bangchan a hem a pat a tuang sia a hia, tuni’n Development Committee in thingpek ah a tuang a bawl hawi hi. Lei a hileh zia tuam ah khua 7 - Tuikham, Daijang, Tuikhamphai, Khuangnung, Thenmol, Sumtukphai leh Ngurte ti te a ding ah pawimaw mama a hia, 1986 kum ah a la kibawl a hi tai.

CM IN DIET BUILDING HAWNNA NEI
Imphal, June 30 (Nisin Thuhiltu): Chief Minister N. Biren Singh in tuni’n Keikol, Koirengei, Imphal East ah DIET building a hawng hi. Zia hun chu Eminent Thinker & Author, Director, India Foundation Ram Madhav in le a uap hi. Ram Madhav in a thugenna a chun, government thak chu Manipur siamhawi thak ding ah ki form in a gen a, India chu Manipur cultural heritage hausakna bei ah bukimlo a hidan gen in, State Government in ni 100 sung ah a sepdaw leh a panlakna te pakcha mama in a gen hi. Chief Minister Shri N Biren Singh in a thugenna a chun, ni 100 sung ah welfare schemes or programme chuam chuam puakdaw ah um te mipi te’n a phatchuampi ngei ding uh kinepna liantak nei a hidan gen in, BJP-led government in khantona ding ah 24X7 ah nasem zing a hidan a gen hi. Scheme implement ah um te department chuam chuam ah a kisaipi te’n kituptak ah a etzui ding uh pawimaw a hidan taklang kawm in Anti-Corruption Cell siamdaw ah a um tak nung ah CM Secretariat ah Grievance Cell le siamdaw pai hita ding in a gen hi. Zia hun chu Minister for PWD, Commerce and Industries Th. Biswajit, Minister for Education, Labour and Employment Th. Radheshyam Singh, Minister for Agriculture V. Hangkhanlian, Parliamentary Secretary (Education) K. Robindro Singh, Parliamentary Secretary (RD and PR) H. Dingo, Principal Secretary Vineet Joshi, DC Imphal East Th. Chitra Devi, Director Education(S) Th. Kirankumar te’n le a uap ui.

AGRICULTURE MINISTER IN POWER TILLER 90 LEH TRACTORS 45 PIAKDAWNA NEI

Imphal, June 30 (Nisin Thuhiltu): Sanjenthong, Imphal ah Directorate of Agriculture campus ah tuni’n Manipur Agriculture, Veterinary & Animal Husbandry Minister V. Hangkhanlian in Rashtriya Krishi Vikas Yojana nuai ah beneficiary te kiang in power tiller 90 leh tractors 45 piakdawna a nei hi. Agriculture Minister in a thugenna a chun, Department in lo-bawl mite masawnna ding leh double products banah income a nei theina ding ua policy leh guanggalna chuam chuam nei a hidan a gen a, Central Agricultural University experts leh ICAR scientist te tawh kithu hiat zing kawm in CM N. Biren Singh mapuina state government in lo bawl mi te ngaikhawkna liantak tawh panlakna nei zing hin a gen hi. Applicant machine mulo khenkhat te chu a kit leh mu ding a hidan uh le a gen a, state sung ah mi tamzaw te Agriculture ah kinga a hidan uh a gen hi. Zia hun matna chu Additional Chief Secretary Suhel Akhtar, IAS, Director, Agriculture Dr. Ph. Rajen Singh te’n le a uap ui.

IFCD MINISTER IN MACHI AH BANK BUILDING HAWNG

Machi, June 30 (Nisin Thuhiltu): IFCD & YAS Minister Letpao Haokip in tuni’n Tengnoupal District, Machi TD Block ah Bank of Baroda building hawnna a nei a, ama’n a thugenna a chun, hawn ah um bank chu area mipi tamtak in a phatchuampi ding uh kinepna nei a hidan gen kawm in tuhun ah government scheme ahiloleh benefit te mutheina ding ah mizosia’n bank account nei pawimaw a hitak dan gen in, local mi te bnak account hawng chiat ding in chialna a bawl hi. Zia hun chu D. Korungthang, MLA Tengnoupal AC; Lhukhosei Zou, Chairman, ADC, Chandel; Kh. Raghumani, DC, Tengnoupal; Dr. S. Ibomcha, SP, Tengnoupal leh Bimol Singh, Joint Manager, Bank of Baroda, Imphal te’n le a uap ui.

RAM MADHAV IN DIPR MANIPUR APP. HAWNG
Imphal, June 30 (Nisin Thuhiltu): City Convention Centre, Palace Gate, Imphal ah tuni’n Eminent Thinker & Author and Director of India Foundation Ram Madhav in Chief Minister N. Biren Singh, Information and Public Relations Minister Th. Biswajit Singh, Tribal Development Minister N. Kayasii, Social Welfare Minister Nemcha Kipgen, Manipur Chief Secretary O. Nabakishore Singh leh Commissioner (IPR) K. Radhakumar Singh te uapna tawh DIPR Manipur App hawnna a nei hi. DIPR Manipur App chu CubeTen Technologies Pvt. Ltd in DIPR Director (IPR) Meghachandra Kongbam supervise bawlna nuai ah develop a bawl a ahi. Zia App. chu mang ah remotest leh tanggam ah um te’n government information chuam chuam te mu leh hia zing thei ding uh hin a gen hi. Mobile App – “DIPR Manipur” kiti siamdaw ah a um chu thil thupi tak hin le a kigen a, Google Play Store ah muthei ding a hi.

RAM MADHAV IN SENDRA TOURIST RESORT HAWNG

Sendra, June 30 (Nisin Thuhiltu): Eminent Thinker, Author, India Foundation Director leh BJP National General Secretary Ram Madhav in tuni’n Sendra Hillock ah Chief Minister N. Biren Singh leh khuallian tamtak te uapna tawh Tourist Resort hawnna a nei hi. Hawn ah um Tourist Resort chu Rs 553.72 lakhs bei ah Union Tourism Ministry funding bawlna nuai ah kisiam a hia, Reception cum Administrative Block, Cottages, Security cum Drivers’ Room, Compound Fencing leh Gate, Restaurant, Approach Road leh Pathway te siam a hi. Tourist Resort hawnna hun chu - N. Biren Singh, Ram Madhav leh Works and Information and Public Relations Minister Th. Biswajit, Minister V. Hangkhanlian, Chief Whip and Advisor to CM (Economic Affairs and Human Resource) P. Saratchandra, Thanga AC MLA & PDA Chairman T. Robindro, Manipur Pollution Control Board chairman L Radhakishore,Parliamentary Secretaries AwangbowNewmai, K Robindro lehh Dr. S. Ranjan, S. Subhaschandra, Kumbi MLA S. Bira leh Manipur Infrastructure Development Agency (MIDA) Vice-Chairman M Asnikumar te’n le a uap ui.