UPDATES:

S5 Box

ZOGAM.COM Login

Zogam Thupuak | 18 June 2014

Behiang area apan Cl-X & XII zoute kipahpihna om
Lamka, June-17: Zou Sangnaupang Pawlpi(ZSP), Gen HQ leh ZSP Behiang Block saina in tuni zinglam in Behiang khua a St. Mary’s School ah Class-X leh XII zoute kipahpihna nprogramme zang uhi. Behiang khua apan Class-X zou mi 2 telin huai area akipan tukum in mi 13 in Class-X zou uh a, Class XII zou mi 10 tawh kigawm in mi 23 lawhching uhi. Tuni a programme zatna hun ah Chief Guest in P.K. Jha, IAS, DC/CCpur pang a, Guest of Honour in Mannuamching, MCS,CEO/ADC leh Chief Host in Father Biju pang uhi. Vanglai Zo Cultural Troupe, Myanmar te’n Guest tuamtuamte vaidawnna in namlam lahna nei uh a, lasiam hunkhop in avangkim in lasa uhi. Rev.Khamminlian, ZPCS/Behiang dist. in student lawhchingte adin vualzawlna ngetsakna thumna nei hi.

 

Chief Guest in singtang bial a school akai student-te hasuan kawm in a genna ah,Behiang area apan mi 23 lawhchingte in kipahpih mahmah hi’n gen a, student hihsung in midangte tawh kitaiteh(compete) hinkhua ahihman in Class-X leh XII zawh hun i chih hinkhua adia kibulphuhna hi’n gen hi. Class-X & XII a percent sangtak mute’n College hoih ngah uh a, student hoih(laisiam) te tawh kitaiteh thei dinga hamphatna ngah ahihman un, percent sangtak muh sawm a laisim dingin student-te hasuan hi. Aman International boundary a phak masakna ahihbanah, govt. akipan huai bial ading hamphatna tamtak om ahihdan gen a, DC akipan development fund kikhahkhia(release) te hausa leh akisaipih tuamtuamte’n mipi hamphatpih theih dinga sem dingin ngen hi. Huaibial a omte kikoih niamlou a hahtak a pang dingin hasuan a,gamsung hoihzawkna ding public concern omte amah kiang leh makaite kianga hilh ngam dingin
khawsung mite chial hi.

Behiang area a school hoihtak omlouh ziakin Behiang V/A leh mipite’n Singngat a Catholic Priest kiangah school ngen uh a, kum 1997 a school building kipat nungin 2001 in function thei dinga honkhiak hi a, kum 13 sungin student tamtakin siamsinna ngah uhi. Huai ah kum 2013 akipan Class-X tan om a, tukum in student 270 lakah Class-X zil 4 tel uhi.


VDF’ Barrack ding leh Kitchen kilam
Lamka, June-17: K.Kabib IPS in Feb 21,2014 in SP/CCpur hihna a let nungin Rs. 3 lakh bei in SP’s quarter repair sak a, SP office ban ah CCpur Police station leng puahthak in om hi. SP office campus ah feet 100 x 28 alian VDF-te’ barrack ding bawlsak a, tu’n tukvelh leh lupna ding bawllel uhi. SP office a kitchen leng segawpta a, SP in feet 26 x 16 alian a bawlthak in kalnawn sungin zangtheita ding uhi. SP/CCpur in office campus leng black topped in bawlsak sawm a, officer quarter bangzah hiam leng bawlsawm hi’n kigen hi.


No Due Certificate adin ID xerox
Lamka, June-17: Manipur govt employee tengin khalawh(pay/salary) lakna ding in kum 1 sungin Electricity deptt akipan ‘No Due Certificate’ lak ngai a, Treasury office ah baybill tawh submit khawm zel uhi. Huai thu ah L.K Hatzaw@ Khampu Hatzaw, Dy General Manager, Electricity deptt/ CCpur Divn. apan kizadan in govt employee te’n No Due Certificate lakna dingin electricity bill leh fee piakna receipt latest ban ah residential proof dingin Service Identity Card (xerox copy) tawichiat dingin theisak hi. Govt employee te’n kum 1 sunga No Due Certificate lak leh summit hun ding govt in bikhiah a, Home deptt te’n January & July; Education deptt te’n February & August; ADC deptt te’n May & November leh deptt dang te’n June & Dec kha hiding chi’n Dy Gen Manager, Electricity deptt/ CCpur Divn. in gen hi.


YMA Branch Diamond Jubilee lopna
Lamka, June-17: Young Mizo Assn (YMA) Thingkangphai Branch kiphuhkhiat nung kum 60 chinna (Diamond Jubilee) lopna tuni zinglam in Thingkangphai a Diamond Jubilee Hall ah om a, Mangcha Thangzom, President, GYMA(M) khuallian apang in Souvenir tablet leh Souvenir Magazine hong hi. Huai ah Branch makai hilou khawpua apan Diamond Jubilee grogram va uapte citation pia uh a, Jubilee dakpi 60 khen ging in nitaklam in Diamond Jubilee ankuang umkhawm uhi.


PM muding in Delhi zin
Lamka, June-17: Richard Tongminthang, MDC in Delhi ah BJP makai tuamtuam kimuhpih ding in June 15, 2014 in Delhi ah zin hi. Richard Tongminthang in June 18, 2014 in Prime Minister Modi muding a, ADC power devolution thu, kumnawn 2015 a MDC election om ding ah Manipur a BJP party hatsem theihna ding telin thu tuamtuam genpih ding hi’n kigen hi. Richard ahihleh Independent candidate in Sagang Constituency ah MDC ching a, BJP party zom hi.


Home Delivery Workshop kipan
Lamka, June-17: Dist Health Society/CCpur saina in June17- 28, 2014 sung daihding in CMO Mini Training Hall leh DFWO Conference Hall ah PHC tuamtuam a ASHA Worker-te leh Town area ASHA Worker te’n tuni’n Home Delivery Workshop of Contraceptive pan uhi. Workshop sung in Dr V.C.Pau Tonsing, DFWO/DNO(ASHA); Vung Mary, DCM/DHS, N.Panthoi,Immunization (Computer Operator), Biaklun, ANM leh T.Benjamin dist Superviser, DAPCU te’n sinsak ding uh a, June 27,2014 in PHC tuamtuam a MO i/c teng leh Block Program Manager tengin Workshop nei ding uhi.


Ni 13 sungin connection thak 122
Lamka, June-17: Electricity deptt/CCpur Divn. te’n phalna beia electric meivak la leh zang ban ah electric consumer omzah GPS zangin Veng/Khua tuamtuam ah data kaikhawm uh a, tunung in security tawh kithuah in phalna beia electric late suikhia a matkhiat sawm uhi. Mi tamtakin electric permit neih poimawhdan theih ziakin June 2-17, 2014 ni 13 sung in 122 in n Tuibuong a electricity office ah permit (new connection) la uhi.


Children with Special Needs
Lamka, June-17: State Mission Authority, SSA/Manipur in kum 6-18 kikal mi pianphung a vualphalou ‘Children with Special Needs ‘ te ading in surgical correction bawlsak sawm a, nu-le-pa te’n ZEO/CCpur a IED Co-ordinator kiang ah min piak theih ding hi. Huai adin criteria-Squint; Ptosis; Eco Deformaties; Orthopaedic-Clubbedfoot, bowleg limbs, hand deformities; Wry Neck leh Congenital Cataract & Post burn contractive hiding a, thuchian kimzaw ZEO office ah kantheih ding hi.


UCC Emergency meeting om ding
Lamka, June-17: United Chiefs’ Committee(UCC) pawlin June 18, 2014 zinglam dak 7.00 in Chiengkawnpang a UCC office ah emergency meeting nei ding uh a,huai ah Block tenga Chairman leh Secretary teng telchiat dingin theisak uhi. UCC thusuak in a gendan in zan in Ukhrul ah All Tribal Chiefs’ Forum Manipur makaihna in joint meeting om a,huai ah hill district tenga palaite leh Tangkhul Naga Long makaite’n singtangmi tengin Hausa’ gam humbit ding leh maban ah pangkhawm chiat dingin thukim uh chihthu om hi.


1st DAPCC meeting 2014-15 omding
Lamka, June-17: DC/Chairman Dist AIDS Prevention & Control Committee (DAPCC) makaih in DC’s office a BRGF Resource Centre ah June 19, 2014 zinglam dak 11:00 in 1st DAPCCC meeting 2014-15 omding hi. Huai ah 2013-14 a DAPCC nasep khiakte etkikna, International Day Against Drug Trafficking & Drugs Abuse zat ding thu leh DAPCC ah HIV/AIDS tawh kisai ICTC/TINGO representative guanding thu genkhawm ding uhi.


Mineral Water tungtang hilhchian
Lamka, June-17: ‘Marina Spring’ kichi Mineral water lakah thilniin kimu chih thusuah tungtang ah Reliable Hydro Tech(Marina Spring)Manager DK Singh in hilhchetna a bawl dan in Aoril 15, 2014 a kibawl Batch No. 654 laka Counter a sample kikoihte lakah thilniin bangmah muhkhiak omlou hi’n gen a,huaini a bottle 20,932 kibawlkhiate dealer 10 laka hawmkhiak hi a,amau leng huchibang thilniin muhkhiak neilou uh chi’n gen uh chi’n taklang hi. Huaiziakin mineral water(Marina spring) laka thilniin om kichi a zuakte’n a kepsiamlouh(mishandling) ziak leh thil lum(heast) tawh koihkhawm ziak ahihkei leleng nisa in a salhkhak dia a kikoih ziak hizaw ding dan in gen hi.


Imphal a omte biometric kilak theih
Lamka, June-17: SDO/CCpur office ah Biometric photo kilakna pailel a, CCpur dist a min (name) omkha lou hileleng Imphal khawpi sunga biometric tawh kisai a min (name) omkha te leng SDO/CCpur office ah biometric photo kilaktheih hi’nkigen hi.

zogam thupuak logo

YOU NEED TO LOGIN TO COMMENT | COMMENT NA PIAK NOP LEH NA LOGIN NGAI DING