Nisin Thuhiltu

User Rating: 0 / 5

Star InactiveStar InactiveStar InactiveStar InactiveStar Inactive

PMUY nuai ah LPG connection piakdawna nei

Lamka, Jan. 19 *(Nisin Thuhiltu)*   : Pradhan Mantri Ujjwala Yojana (PMUY) LPG connection scheme nuai ah tuni’n M/S Kim-Joe Agency,Nehru Marg, Central Lamka, Churachandpur in beneficiary 38 te kiang in LPG free connection piakdawna tuni,19th January 2018 in a nei hi. Zia hun a chu Joel G. Haokip, MCS, SDO/BDO, Kangvai Sub-Division in khuallian hina tawh uap in, beneficiary te kiang in LPG Cylinders, stoves/burner leh item chuamchuam te piakdawna a nei hi. Chun, beneficiary te chu Safety tips leh amatd ding dan tawh kisai ziltil in a um ui.

6th Biennial Conference -cum- Golden Jubilee lawpna kipan  

Saipum, Jan. 19 *(Nisin Thuhiltu)*   : Khuga Sadar Presbyterian (KSP) nuai ah Presbyterian Women Fellowship in 18th - 21th January 2018 sung ah “ Lalpa Thagau ziak bep in a hi” (Zach. 4:6) ti thupi nei ah Saipum Presbyterian Church ah “6th Biennial Conference -cum- Golden Jubilee (1968-2018)” a mat ding uh chu, 18th January 2018 nitak in a kipan hi. Zia hun a chun, Khawmpi hawnna leh malzin lawplutna Rev. Thanglianmang, Moderator, Khuga Sadar Presbyterian (KSP) in a nei a, Saipum KKP te a pat lapawl sakna um in, District tin ah Secretary te leh Fraternal Delegates ten report piakna a nei ui. Chun, Jubilee Magazine hawnna, Rev. S.T Kaia Vaiphei in Executive Secretary, Manipur Synod in a nei a, Mrs Rochhungi in Pathian thutak genna a nei hi. Zia hun matna chu chiazawm in tuni, 19th January 2018 in Kitelna leh Vaihawmna a nei ui.

Khawmpi hunsung a chu, Rev. Thanglianmang, Moderator, Khuga Sadar Presbyterian (KSP) in   Golden Jubilee (1968-2018) suangphu hawnna nei ding leh telchuam ah um ten Jubilee dak khetna nei ding a hiu a, Mrs Rochhungi, Tuibong, HQ Church, Mrs Tingnu, Full Time Secretary, PWF (KSP), Mrs. Thianhoi, Imphal, Mrs. Deem Melody, outgoing Chairperson leh Rev. Siama Phaltual, Executive Secretary i/c PWF te Speaker ah pang ding a hiu. Saipum KKP; Sadar District PWF, Khuga District Choir, KKP; Tuithanak District Choir, KKP, Miss Hatshi & Miss Siami of Leilon, Miss Chinneikim, Miss Tinghoithiam, Miss Tinghoilal & Mr Thangliankhom of Saipum te leh Miss Mami of Ngathal ten Pathian chawihawina laa sa ding a hiu. Chuleh, Devotion puitu’n Pastor Khaithiandam pang ding a hi.

CDVDFWA kiphinna haisanta ding

Lamka, Jan. 19 *(Nisin Thuhiltu)* : Laltingen, President, Churachandpur District Village Defense Force Welfare Association (CDVDFWA) in tuni, January 16, 2018 sunnung dak 3:30 in Mini Secretariat Complex, Tuibuang ah thuthak lakhawm mite kimupi in, November apat thalaw a mulo ziak ua January 16, 2018 apat kiphinna a nei uh, zing Janaury 20 apat chawlsanta ding ahidan uh a gen hi. Zia tawh kisai a chu tuni January 19, 2018 ah Village Defense Force Welfare Association puitute’n Imphal a Police Headquarter ah Dr. S Ibocha Singh, Inspector General of Police Administration a kimupi hun ua, Dr. S Ibocha Singh in CPIS chiazing ahidan taklang kawm ah, kiphinna haisan ding ah dawtna a bawl dungzui ah All Manipur Village Defense Force Welfare Association in kiphinna haisan ding a hi thu a gen hi. Zing January 20, 2018 apat ngaina gual ah VDF personnel te’n duty pankitta ding ahiu. All Manipur Village Defense Force in January 16, 2018 apat kiphinna a nei hun sung ua, VDF te haksakna hiatpi ah kithuapina pia District tin ah Superintendent of Police leh Police Officer-te chung ah kipakthu a gen ban ah, mipi leh Press/Media-te chung in kipakthu le a gen hi.

OPD Case leh Blood Collection enkawl ding

Lamka, Jan. 19 *(Nisin Thuhiltu)*   : State Mission Director, State Health Society, Manipur thupiak dungzui in a hung tung ding January 20, 2018 apat District Hospital, Churachandpur a Out Patient Department (OPD) Case leh Blood Collection tawh kisai Imphal a pat Krisnaa Diagnostic Private Limited in enkawlta ding ahidân Dr. Vumchinpau Tonsing, Medical Superintendent, District Hospital, Churachandpur in thusua a bawlna a chun a taklang hi.

 

Zomi Namni matna ding tawh kisai genkhawm

Lamka, Jan. 19 *(Nisin Thuhiltu)*   : A 70-veina Zomi Namni Organizing Committee mapuina in tuni, January 19, 2018 sunma dak 11:00 in ZOLLS Office, Gouchinkhup Veng, New Lamka ah Sub-Committee chuamchuam tawh meeting a um hi. Meeting hun in Khatkhotong Baite, Chairman, Organizing Committee leh H. Pauzalal, Secretary, Organizing Committee te’n a mapui ua, meeting hun ah Sub-Committee chuamchuam apat Report piakna a um ban ah, panmun hawpna le a um ngal hi. Meeting hun ah Zomi Council nuai a Frontal Organization chuamchuam, Zomi Youth Association (ZYA) General Headquarter, Zomi Mothers’ Association (ZMA) General Headquarter, Zomi Students’ Federation (ZSF) General Headquarter, Zogam Artists Association (ZAA) General Headquarter leh Zomi Football Club (ZFC) apat palaite a pan ban un, ZYA Bengaluru apat palai pani le a pang ua, a 70-veina Zomi Namni 2018 lawting tak ah mat ding dan a genkhawm ui. Zomi Namni mat ding ah thupukna siam ahi dungzui ah, January 25, 2018 tiang ah Namni Wish leh Chibai bawlna feet 4 a lian, feet 10 a sau Banner takdawk chiat ding ah thupukna a lak uh tawh kitawn in, Frontal Organization chuamchuam lak ah sem buting ding in dawtna a bawl ui. Main Banner, Roadside/Electric Post a ding poster/banner, Namni Flag leh Badge bawlna ding tawh kisai ZSF leh a nuai ah Unit umte’n mawpaw ding ahiu. Chun, Main Gate leh Khawpi sung mun pani ah Welcome Gate bawlna ding tawh kisai ZYA in mawpua in, Sound System, Artist Selection leh Public Campaign tawh kisai ZAA in mawpaw ding ahiu. A 70-veina Zomi Namni ahileh ZYA Bengaluru mapuina in Bengaluru ale hun mat hiding in a kigen hi.

AIDS chungchang ah performance review meeting nei

Lamka, Jan. 19 *(Nisin Thuhiltu)*   : District AIDS Prevention & Control Unit (DAPCU), Churachandpur in tuni, January 19, 2018 sunnung dak 1:00 apat DACO Office Chamber, CMO Complex, IB Road ah Performance Review Meeting a nei ui. Meeting ahileh Dr. Romeo Sanate, DACO, Churachandpur in a mapui a, zia hun a chun, December 2017 ah nasepdawsate etkitna leh AIDS tawh kisai, Folk Performance tawh kisai ah Second Phase ban ah thu pawimaw chuamchuam a genkhawm ui. Meeting hun ah MSF, DSRC, ICTC-te, Partner TI-NGO-te, ART Centre, LWS leh F-ICTC apat palaite chiakhawm in, zia hun a chun District TB Office a CB Net a siat ziak ah HIV-TB referral bawl theilo ah hun sawttak umta tawh kisai, a kin theilam ah bawl pawimaw ahidan ART leh ICTC chuamchuam apat palai te’n thu a pawlut ui. Meeting hun ah Folk Performance tawh kisai Churachandpur District sung Block chuamchuam mun 18 a nei ding ah lemsa in, zia dungzui a chun Sangaikot Block, Thanlon Block, Singngat Block leh Saikot Block ah mun ni chiat ah nei ding, chuleh, Tuibuang Block leh Lamka Block a mun 4 chiat ah nei hiding in a thupuk ui.

Children’s Retreat zothiang ta

Lamka, Jan. 19 *(Nisin Thuhiltu)*   : For One Life, Asia saina ah Children’s Retreat, Churachandpur kiti HSA Campus, Rengkai Road ah um chu tuni January 19, 2018 in a zawthiang ui. Children’s Retreat ahileh a achiata January 15, 2018 a pat kipan in, zia hun sung a chun, Bible ah mi chuamchuam chanchin thaw-kawm etsakna, Pathian chawihawina’ lasakkhawmna leh Game chi chuamchuam ban ah thu-le-laa kiziltilna a um hi. Children’s Retreat mang ding in For One Life, Asia in bus 6 mangcha in khawpi sung mun chuamchuam apat naupang a puikhawm ua, Thenmuol, Muolbem, Sielmat, Khawmawi, Saidan, New Lamka, Khapuibung, Saikot te ah bus a kidaw hi. US apat leh Local Volunteer kigawm mi 35 vel in hun matna a enzui ui.

Sunday School inn leh kochuam office hawnna nei

Lamka, Jan. 19 *(Nisin Thuhiltu)* : New Lamka, Vengnuam South a um Jordan EBCC in amau Biakinn huangsung ah Sunday school inn leh kochuam office ding sakzaw ahi dungzui in, tuzingkal dak 7:30 ah Upa B Ginzathang, Local Chairman, Jordan EBCC mapuina’n, Pastor K Pumsuanthang, Local Pastor in Pathian kiang ah latna a nei hi. Jordan EBCC nuai ah ziltiltu 13 leh Sunday school naupang 600 a um hi.

1st DPMF Tournament hawnna nei

Pengjang, Jan. 19 *(Nisin Thuhiltu)* : Young Pengjang Association (YPA) saina nuai ah 1st Dyna Pauminthang Memorial Football Tournament – 2018 chu tuni’n a hawnna nei in a um a, hun matna chu P. Kamkholal, EM, ADC/ CCPur in Chief Guest hina tawh a uap a, Holkhomang, Chief Functionary (RAS) in Functional President leh Paukholal, Chief of Pengjang in Chief Host hina tawp a uap hi. Chief Guest in puanlap kaipalna nei zaw ah Young Pengjang Association (YPA) Anthem sakna um in hun matna a kipan a, Chief Guest in a thugenna a chun, kihel-gualsiak nasatak ah chiapi ding leh khamthei a pat kikawi kang ding in khangthak te a tîlkho a, sports a pat nek hawl thei a hi dan le a genlang hi. Functional President in le sports chung chang leh maban ah khawmite tawh project chuam chuam tawh kisai ah pankhawm ding dan genlatna a nei hi. Hun matna zaw ah Chief Guest in kick-off a bawl a, referee mapuina’n (L) Dyna Pauminthang hiatzingna’n ‘1 minute silent’ nei ah um in kihelna pat a hi. Tournament ah a kigawm in team 16 a pang ua, zia te chu pool 4 ah khen ah um in Winner te’n kipakman Rs. 10,000 leh trophy banah runners-up te’n kipakman Rs. 5,000 dawng ding a hiu.

YMA Manipur in Annual Sports 2018 nei

Lamka, Jan. 19 *(Nisin Thuhiltu)*   : Group YMA Manipur in Nghathal Playground ah Annual Sports 2018 a mat uh tuni, January 19, 2018 sunnung in Closing Ceremony leh Final kihelna a nei ui. Zia hun chu Darsangluaia @ Tetea, Mahajon in Chief Guest hina tawh uap in, James Lalthlengliana, Mahajon in Guest of Honor leh Albert Colney, Mahajon in Functional President hina tawh a uap ui. Chuleh, CV Duhawma, President, Group YMA Manipur in Chief Host hina tawh a uap hi. Tlanmawia Colney, Member, Sports Sub-Committee in hunmatna a mapui a, Roberta in hunhawna pauchapna nei in, Khaiminlala, Secretary, Sports Sub-Committee in vaidawnna thu a gen hi. Guest-te apat thugenna a um a, Lallawmthanga, Chairman, Sports Sub-Committee in kipakthu genna nei in, football final kihelna pat in a um hi.

State Level Workshop nei di

Imphal, Jan. 19 *(Nisin Thuhiltu)*   : Manipur Family Welfare Servicers Conference Hall ah zing, January 20, 2018 sunma dak 10:00 leh State level Workshop on Intensified Pulse Polio Immunization (IPPI)/ National Immunization Days (NIDs), 2018 um ding a hia, zia hun chu Chief Medical Officers (CMOs), District Family Welfare Officers leh District Immunization Officers (DIOs) tin in uap chiat ding in Dr. K. Rajo SIngh, Director, Family Welfare Services, Manipur in hiatsakna thusua a bawl hi.

 

Moreh – Nanphalong ah Joint Cleanliness Drive nei

Moreh, Jan. 20 *(Nisin Thuhiltu)*   : 26 Sector Assam Rifles ah 11 AR te’n Myanmar Army leh gam 2 te ah Civil Administration te tawh kithua in tuni’n Indo-Myanmar Border ah Border Pillar 78 leh Gate number 2 kikal a chun Joint Indo-Myanmar Cleanliness Drive a nei ua, ziana’ chun, India a pat civilian 156 leh Myanmar a pat 114 a pang u’i. Drive hun a chun, India leh Myanamr in JCB khat gel tuak dawk in thakuan te’n dakkal 3 val na a sem u’i. Joint Cleanliness Drive hun ah Moreh leh Namphalong a pat Scoiety Organisation chuam chuam member te banah, 11 AR ah Commandant, 89 LIR Myanmar Army ah Commanding Officer, General Staff officer, DC Tamu, SP Tamu, SP Tengnoupal, chuleh Moreh ah SDPO leh ADC te le a pang ua, thianthona leh gam 2 te kal ah kihiat thiam tuana a pawimaw dan suklat in a um hi.

Late Rajeshori in National Bravery Award mu ding

Imphal, Jan. 19 *(Nisin Thuhiltu)*   : Nupi khat leh a chanu hukdawna ding ah a hinna a la chân, phamta Loukrakpam Rajeshwori Chanu kiang ah National Bravery Award piak hi ding ahia, award dawng ding ah teldaw aum numei 7 lak ah ama min le chuansak in a um hi. Bravery Award a hileh a hung tung ding January 24 ni leh Prime Minister Narendra Modi in New Delhi ah piakdawna nei ding a hia, award dawng te chu Rajpath ah Republic Parade 2018 hun ah pang ding a hiu. Zia award dawng ding a chun a kigawm ah mi 18 teldaw in a um u’i. A chiata November 10, 2016 ni a khan Ongbi Kebisana chu a chanu Inunganbi (3) leh Rajeshwori Chanu (14) te Imphal river chung ah thing ah kisiam lei (bridge) khat a lawn lai ua Inunganbi chun tawpel in lui in a khetha, zia chu a mu phat ah a nu Ongbi Kebisana chun le tui zap theilo himaleh lui sung ah chawmtha in a chanu hukdaw na ding a ngaitua hi. A hinla, ama chu tui zaptheilo a hi ziak ah buaisiat gua a hi dan Rajeshwori in a mu in lui sung a chun a chawmtha, theitawp sua ah nuchan te chu luipang lam in a pui hi. Luipang a tung kuan ah a tui zana chu lel talua a hina ah panpi tu ding a ko a, a kiang tuam ah te’n a thawm git a hiat phat ua del ngal in nuchan te chu tui a pat a kaidawk man ua, a hinla Rajeshwori Chanu chu tui in tawk man in a luang chu ni 3 zaw ah mudaw a la hi pan hi.

Chandel a ding NFSA annchang te diklo tak ah kibawl:NCAC

Imphal, Jan. 19 *(Nisin Thuhiltu)*   : Chandel District ah National Food Security Act (NFSA) nuai ah October leh December ah hawp daw ding annchang te chu contractor, transporter leh agent te’n diklo tak ah bawl ah hawm dawklo uh hi’n Naga Chiefs Association, Chandel (NCAC) in tuni’n ngawna a siam hi. NCAC in zia gual ah District sung ah cheng, chaga te a ding sîk gu tute chung ah gawtna a sang thei pen piak ding dawi thu a puang hi. October leh December, 2017 a ding, NFSA nuai ah annchang chu district mipi te’n mulo uh a hi dan taklang kawm in, association in Chandel DC kiang ah complaint lekha a la pelut ta ti’n thusua a bawlna a chun NCAC in a puang hi. NFSA dungzui ah agent ding guatna ah political lam ah kigawlna bangma umlo ding ti a la himaleh agent te lak ah 99% chu political appointment a pat guat ah um uh ahina ah zia gual nekgukna ah politician thunei mama kigawl hi tei ding in ginchat thu le a taklang hi.

Kohima ah 'Naga Day' kimang

Kohima (Nagaland), Jan.18 *(Nisin Thuhiltu)*   : Forum for Nagas Reconciliation saina’n tuni’n Nagaland capital Kohima huapsung ah um, Khuochiezie, local ground ah 'Nagas Without Borders' ti thupi ah nei in "Naga Day" mat in a um a, Reverend Dr. Wati Aier, Convener, Forum for Nagas Reconciliation in a thugenna a chun, “Tuni hi Ni lopi tak a hi” ti kawm in a 1000 ah sim Naga te Nagas reconciliation ziak ah chiakhawm thei ah a um chu a thu mai ah a la kigen sek a taksuana a hidan a gen hi. Naga Day mat ah a umna ziak ah Naga mipi te kipumkhat ding dawina ziak a hidan gen in, Naga mipi te lak ah socio-culture lam thil ah chamna leh kituakna a um ding a nawp thu a gen hi. Zia hun mat chu, Konyak tribe a pat Tribal warriors ten 'dakpi' khen in, meithal kapna tawh hun a mang ua, Naga choir ten laa sakna nei in, Nagaland Chamber Choir leh laa thiam chuamchuam ten le laa sakna a nei ui.

Mizoram in kum 10 sung ah Long Agriculture Link Roads 1591 km siam

Aizawl, Jan. 19 *(Nisin Thuhiltu)* : Mizoram government in kum 10 sung ah 1591 km ah sau agriculture link roads siamdawk a hidan Minister of State (MoS) for agriculture KS Thanga in tuni’n agriculture link roads construction programme hawnna nei hun in thuthak lakhawm mite kiang in a gen hi. KS Thanga in family 2,6147 te chu state flagship programme New Land Use Policy (NLUP) nuai ah agriculture department in kithuapina pia a hidan le taklang in, beneficiary ten NLUP project ziak ah Rashtriya Krishi Vikas Yojana (RKVY) le phatchuampi uh hin a gen hi. Minister KS Thanga in a genbelapna a chun, central government in 2012-2013 sung ah agriculture links roads siamna ding ah RKVY nuai ah Rs 462 crore sanctioned bawl in a gen a, zia fund chu mang ah 773 km ah sau, agriculture links roads siam a um, gam 2,680 hectare te chu wet rice cultivation sua ah um, lobawl mite kiang ah 888 power tiller hawpdaw ah um hin a gen hi. Chuleh, NLUP project nuai ah custom hiring center 72 hawn ah um a hidan taklang kawm in, Mizoram state government in centre 30 hawnbe ding ah guanggalna nei in a gen a, NLUP project a ding ah fiscal 2016-2017 ah Rs 4,340 lakh bithiat ah um, New Economic Development Policy nuai ah tu fiscal year a ding ah Rs 9,855 bithiat ah um in a gen hi.

Tripura in Kolkata via Dhaka bus service neibe

Agartala (Tripura), Jan.19 *(Nisin Thuhiltu)* : Kolkata via Dhaka, second passenger bus chu tuni’n Agartala, Tripura ah flag-off bawl in a um hi. Zia bus tai pani te chu India leh Bangladesh in gamgi tuam ah trans-border relationship siamhawi ding ah kinawptuana a neina chung ah service sak ah um a hiu a, Maitre-2 ti ah kihia a hi. Tripura Road Transport Corporation Chairman Rajendra Reang leh MLA Ratan Das ten zia bus thak chu Agartala ah flag-off bawlna a nei ui. Hiatthei khat chu, Kolkata leh Agartala kikal 1,650 km a hia, himaleh Bangladesh gamsung chuan ah Kolkata leh Agartala kawmtuana 515 km a hi. Prime Minister Narendra Modi leh a hina kibatppi Bangladeshi PM Sheikh Hasina in Dhaka-Shillong-Guwahati leh Kolkata-Dhaka-Agartala bus services chu Modi in Bangladesh a phak hun flag-off a la bawl uh hita a hi.

National Security Guard, DG thak ding Lakhtakia

New Delhi, Jan 19 *(Nisin Thuhiltu)* : Senior IPS officer Sudeep Lakhtakia chu Director General (DG), 'black cats' commando force NSG ding ah guat in a um hi. Prime Minister Narendra Modi mapui Appointments Committee of the Cabinet (ACC) in Telangana cadre, 1984-batch Indian Police Service (IPS) officer Sudeep Lakhtakia appointments order chu tuni ah a suadaw a hia, Sudeep Lakhtakia ahileh tu leh tu Special DG in the Central Reserve Police Force (CRPF) headquarter ah sem a hi. Ama’n zia mawpuakna chu January 31, 2018 leh NSG DG panmun nusiata ding S P Singh thasan ding, July 2019 tiang ah zia mawpuakna chu tu ding a hi. National Security Guard (NSG) ahileh 1984 ah federal contingency force dan ah counter terrorists leh hijack thil te maitua ding ah a la kiphutdawk a hi. Chun, high-profile VVIPs - Home Minister Rajnath Singh leh chief minister khenkhat te body guard ah kimang a hi.

Arunachal ah WW II ah lenna tuaksia hiding khat kimudawk

Itanagar, Jan. 19 *(Nisin Thuhiltu)*   : Arunachal Pradesh, Kimin Papum Pare district a pat khangthak hawn khat in, Arunachal Pradesh leh Assam gamgi zul, Bogi Nodi kiangnai ah um gammang lak in, World War II (WW II) lai ah lenna tuaksia hiding ah ginchat, lenna themhal a mudawk ua, zia lenna chu World War II lai ah US Air Force te lenna ketha hiding ah muanmaw hin a kigen hi. Kimin Papum Pare a pat khangthak hawn khat mapuitu (team leader) Taba Nobin in a genna a chun, lenna themhal a mudaw teu chu ‘hump’ ti ah kihia US Air Force te lenna hiding ah muangmaw a hidan uh gen in, a umna mun, engine model te a pat US Air Force te lenna hiding ah ginchat um hin a gen a, himaleh expert ten verification a bawl uh pawimaw ding in a gen hi. Khutmat kituptak a neilo ziak ua, lenna themhal te chu kituptak ah ladawk theilo a hidan le gen in, lenna themhal khenkhat leh lenna umna mun tuam chu GPS device mang ah marked bawl uh leh limlak (photographs) kawi a hidan uh le a gen hi.

Achiata kum 3 sung a sapen (hottest) hi ah record

UN, Jan. 19 *(Nisin Thuhiltu)*   : United Nations weather agency in a chiata kum 3 sung chu a sat pen kum (hottest year) ah record a hidan a taklang hi. World Meteorological Organization in, international weather agency 5 te a pat data chawmkhawm dungzui ua, 2015, 2016 leh 2017 chu "warmest years" ah record hin a taklang hi. Kum 2016 rEl Nino ziak ah "hottest year" ah record leh kum 2017 chu non-El Nino, "hottest year" ah record in a taklang bawk hi.

User Rating: 0 / 5

Star InactiveStar InactiveStar InactiveStar InactiveStar Inactive

DC/CCpur in Hospital ah van mat chuamchuam hawnna nei

Lamka, Jan. 17 *(Nisin Thuhiltu)* : District Hospital Churachandpur ah tuni, 17th January 2018 in hospital a ki-etsak ding, hospital ah ki-enkawl ding ah admit ah um te a ding leh district mipi phat chuampi ding in National health mission NHM/ Rogi Kalyan Samiti RKS fund 2017-2018 nuai ah van chi chuamchuam tung te Shyam Lal Poonia, IAS DC/CCpur in a hawndawna a nei a, zia hun chu Rakesh Balwal, IPS SP CCpur in le a uap hi. Zialo a chun, District Hospital ah Dr. VC Pau Tonsing, Medical Superintendent MS, Dr. Kim Simte, CMO, Dr Thangchinkhup Guite, District Hospital Consultant, Zenngaihlun, DPM te leh hospital ah sem Doctor leh nurse ten le a uap ua, Shyam Lal Poonia, IAS DC Ccpur in District hospital, casual building, observation room ah National health mission NHM/ Rogi Kalyan Samiti RKS fund 2017-2018 nuai ah chutna (bench) 20 tung thak te a hawnna a nei hi. Zia ah bench kihawng thak te chu bench 1 ah mi pathum tiang chutna thei a hia, District Hospital ah OPD ticket la ding te chutna ding ah bench 15 kawi in a um a, OPD First Floor ah doctor ki-etsak te chutna ding ah Bench 5 kawi in a um hi.

Shyam Lal Poonia, IAS DC/CCpur in bench hawnna a neizaw in, Casualty Room ah Doctor leh nurse-te mat ding, Electro Cardio Graphy ECG Machine a hawng a, EGC machine ahileh Casualty a ki-etsak, emergency thil ah kimang ding a hi. EGC machine khawi ding technician umlo himaleh casualty room a duty ding nurse-te kiang ah EGC machine mat dingdan ziltil hiding in a kigen hi. Casualty Room ah EGC machine hawnna neizaw in, Shyam Lal Poonia, IAS DC CCpur leh Rakesh Balwal, IPS SP CCpur ten hospital compound dinmun fangkual in, Surgical Ward a Doctor room kiang ah Post Operative Ward hawnna a nei kit ua,   Post Operative Ward a chun damlo a gim diak te etkawlna ding ah Patient Monitor Machine khat kawi a hi.

Shyam Lal Poonia, IAS DC CCpur leh Rakesh Balwal, IPS SP CCpur in zia zaw a chun, Surgical Ward, Children Ward leh New Born Care Unit ding kisiamna mun te leh Ward chuamchuam etthakna a nei ua, OPD Counter ah RSK nuai ah OPD ticket la te dawn ding tui thiang kawina- RO tanky le etthakna a nei ui.

Tuni ah National health mission NHM/ Rogi Kalyan Samiti RKS fund 2017-2018 nuai ah van chi chuamchuam hawndaw ah um te lak ah bench 20 chu Rs 86, 995, ECG Machine Rs 14000, Patient Monitor Machine Rs 89000 man hin a kigen hi.

National Immunization Days a ding ah training pan

Lamka, Jan. 17 *(Nisin Thuhiltu)* : Tu January tha ah India gamsung pumpi ah nausen kum 5 nuailamte kiang ah tukum a ding ah a khatveina ding in zengdalna damdawi Polio dawnsakna, Intensified Pulse Immunization IPPI/ National Immunization Days NIDS 2018 lawting tak ah neiding dawina ziak in District Task Force-I, DFWO/DIO CCpur panlakna in DFWO Conference Hall, District Hospital ah nithum sung Training of Divisional Supervisors and Sectoral Supervisors on Intensified Pulse Immunization IPPI/NIDs 2018 a nei ding uh tuni in a kipan hi. Training ahileh batch thum in a kikhen a, tuni sunma dak 11 apat in First Batch te’n a nei ua, zia hun a chun Dr Kim Simte, Chief Medical Officer CMO CCpur, Zenngaihlun, District Program Manager, DPM, CCpur te’n uap in thugenna a nei ui. First batch training hun ah Divisional Supervisors 6, Sectoral Supervisor 29 leh Tunnu nursing home apat ANM student 6 a pang ui. Training of Divisional Supervisors and Sectoral Supervisors on Intensified Pulse Immunization IPPS/NIDs 2018 nei hun sung in Dr. Jamthianlal, DFWO, CCpur, S Chinkhanzam, DE & MO, L Vanlalven, DCM leh Panthoi Devi, CA te ziltiltu ah pang ding ahiu. Intensified Pulse Immunization IPPS/NIDs 2018 first round ah polio booth 448 in naupang kum 5 nuailam mi 21,365-te kiang ah zengdalna damdawi, polio dawnsak hiding a hi.

 

Refresher In-Service Teachers Training pan

Lamka, Jan. 17 *(Nisin Thuhiltu)* : Vimala Raina High School, IB Road Headquarter veng ah Zonal Education office ZEO CCpur nuai a Sarva Shiksah Abjiyan SSA Right to Education RTE, CCpur district leh Pherzawl nuai a Government school chuamchuam ah subject teacher te’n January 17 apat January 22, 2018 sung Refresher In-Service Teachers Training BRC Level for Class VI-VIII on Learning Outcome a nei ding uh tuni’n a kipan hi. Training ahileh Batch 3 in a kikhen a, batch khat ah teacher 50 zel um in, tuni leh zing ah government school chuamchuam apat telchuam Social Science teacher 50 in training nei ding a hiu. Training hun ah Education First apat Resource Person, Preeti Hans Khurana, in social science subject tawh kisai zilsakna pia ding ahi. January 19 leh January 20 in Language Teacher 50 in training neikit ding ahiu, zia hun a chun Education First apat resource person, Adit Pujari in language subject tawh kisai zilsakna pia in, January 21 apat Janaury 22 sung in Mathematics teacher 50 in training a nei hun ua, Education First apat resource person Vivek Chandra in Mathematics subject tawh kisai zilsakna pia ding hi. Training hun ah a pang dingte a panlo uleh a chung ua action kilading ahi ti’n N. Chingkei Singh, ZEO, District Project Officer, SSA RTE, CCpur in thusua a bawl hi.

1st Dyna Pauminthang Memorial Football Tournament kipan di

Pengjang, Jan. 17 *(Nisin Thuhiltu)* : Young Pengjang Association (YPA) saina nuai ah a hung tung ding January 19, 2018 leh Pengjang lentual ah 1st Dyna Pauminthang Memorial Football Tournament – 2018 hawnna um ding a hi. Zia hun chu P. Kamkholal, EM, ADC/CCpur in Chief Guest hina tawh uap ding a hia, Functional President ah Holkhomang, Chief Functionary (RAS), Guest of Honour ah Seipu, Social Worker leh Chief Host ah Paukholal, Chief of Pengjang te pang ding a hiu a, SN John, Hony. Secretary, CDSA in le hun matna chu uap in thugenna le nei ding a hia, tournament hawnna hun chu mipi a tam theipen in uap ding in, organising committee in chialna a bawl hi. Thudang khat ah, tournament vaisaitu, Young Pengjang Association in phudaw a hi nung kum 60 tinna Diamond Jubilee chu tukum lawm ding a hina ah kisak lawkna nasatak ah nei zing uh hi’n thutut a ki dawng hi.

EC, SSPP GHQ in re-poll ding cancel

Lamka, Jan. 17 *(Nisin Thuhiltu)* : Election Commission, Siamsinpawlpi GHQ in election notification pathumna a suadawna a chun, SSPP GHQ Presidential election tawh kisai a SSPP Mizoram Headquarter ah election re-poll ding cancel uh ahidan a taklang ui. Thusuak in a taklatna ah Election commission SSPP GHQ in January 14, 2018 ni ah Siamsinpawlpi Headquarter, Aizawl nuai ah Champhai branch, Hiangmun branch, Kawlbem branch, Selam branch, Vaikhawtlang branch, Sialkal block leh Headquarter Aizawl ah patron leh life member te’n January 20, 2018 ni ah re-poll ding ah thupukna a lak uh himaleh SSPP GHQ Presidential candidate panite lak ah Benjamin V Jamkhanpau in January 15, 2018 ah kizukkikna lekha a piak Election commission SSPP GHQ in a pawm piak tawh kitawn ah re-poll notice phiat ah um ahidan taklat in a um hi.

Zomi Nam Ni Football Tournament kipan ding

Lamka, Jan. 17 *(Nisin Thuhiltu)* : Organizing Cummittee, 70th Zomi Nam Ni 2018 leh Churachandpur District Sports Association (CDSA) saina, Lamka Football Ground ah zing, January 18, 2018 sun dak 12:00 leh 70th Zomi Nam Ni 2018 Football Tournament, Opening Ceremony um ding a hi. Zia hun chu, S. Ginmuan Ngaihte, MCS, AC to Deputy Cummissioner, Churachandpur in Chief Guest hina tawh uap ding a hia, B. Dongzalian Simte, Chairman, Zomi Council in Functional President hina tawh uap ding, G. Thangkhosuanmung, Chief of Hiangtam Lamka in Chief Host hina tawh uap ding a hi. Mang Taithul in hun matna mapui ding a hia, Pastor Letzathang Guite, Local Pastor, EBCC Central Lamka in Pauchapna tawh Tournament hawng ding leh khuallian a pat thugenna um ding a hi. Guest leh Official te’n a kihel ding te chibai bukna nei ding a hiu a, zia zaw chuleh tournament kipan ding a hi. Opening Match sunnung dak 1:00 ah Lamka Sports Club leh Lenlai Club te kihel ding a hiu. 70th Zomi Namni Football Tournament ah Football Club 16 pang ding a hiu a, zia te chu Pool A, B, C leh D ah khen in a um ua, Champion in Rs. 1,50,000 sang ding, Runners-up in Rs. 80,000, Semi Final kai Club/team te’n Rs. 10,000 chiat sang ding leh Quarter Final kai Club/team te’n Rs. 5,000 chiat sang ding a hiu.

AISOWAM member ten Home vena nei

Lamka, Jan. 17 *(Nisin Thuhiltu)* : All India Services Officer & Wife Association, Manipur (AISOWAM) President mapuina’n tuni, January 17, 2018 in member 3 ten Churachandpur a hung phau a, District sung ah Hume chuamchuam te vena nei in hun a mang ui. Sunma dak 11:30 in Pangzawl a um Happiness Home vena a nei ua, zia nung a chun, Bungmual a um Amazing Grace, Pearsonmun ah The Malsawm Initiative vena nei in Imphal in a kile suk ui. AISOWAM lawiupa 3 te a hiu le - President, Neeraja Rashmi w/o RR Rashmi, Chief Secretary, Government of Manipur, Rubina Akhtar w/o Suhel Akhtar, IAS, Additional Chief Secretary, Government of Manipur leh H. Khumi Gangte w/o L. Kakher, IAS, Principal Secretary, Government of Manipur te a hiu a, amau chu Churachandpur ah um Suman Poonia w/o Shyam Lal Poonia, IAS, DC Churachandpur, Seepa Soni w/o Rakesh Balwal, IPS, SP Churachandpur leh Runa Arora w/o Ajay Arora, IAS, AC to DC, Churachandpur te banah Dr. Chingnunsiam leh Dr. Jire Pudaite te’n a kithuapi ui.

Home vena a nei hun un Home ah um te holimpi in, Dr. Chingnunsiam leh Dr. Jire te’n naupangte’ Hand Washing Technique tawh kisai in ziltilna a nei ua, Happiness Home thuneitu te khut in kithuapina’n AISOWAM min in Annchang bag 3, Dal chi chuamchuam kigawm Kg 4, Aloo Kig 30, Eatable Oil (fortune) liter 5, Bawngnoi Box packet 1, Rajgulla box 2, Noodles (Mimi) Box 2, Biscuit box 1 leh Study Material box 1 piakna a nei ua, Amazing Grace Home kithuapina’n – Annchang Bag 1, Bawgnoi Vui box khat leh chini Kg 3 a piau hi.

All India Services Officer & Wife Association, Manipur a pat tuni ah Home vena nei ten, Home umdan chu amu masang ua a thu a hiat zing uh hitamleh a mun tak ah thil umdan a muna chung ua zildaw thei tamtak neibe in a gen ui. AISOWAM ahileh Manipur ah Top ranking Officer zi te kikhaikhawmna a hia, September 2017 ah kiphutdawk, November 2017 ah function pan a hi.

Nupan Seminar program nei

Lamka, Jan. 17 *(Nisin Thuhiltu)* : Ministerial Committee, EBCC Central Lamka in amau biakinn ah kochuam member kum 50 apat a nuailamte a ding in Nupan Seminar program a nei ui. Zia hun chu Pastor Letzathang Guite, Local Pastor EBCC Central Lamka in mapui in, Seminar hun ah Resource person, Rev S Vungminthang, General Secretary, EBC in Pathian innkuan dindawna ding ah thupi chuamchuam; zite mawpuakna, pawsalte mawpuakna, naupangte mawpuakna leh pate mawpuakna tite mang in ziltilna a nei hi.

Literature leh theatre in society dinmun sulang: Governor

Imphal, Jan. 17 *(Nisin Thuhiltu)* : Maharaj Chandrakirti Auditorium, Palace Compound, Imphal ah tuni’n Sangeet Natak Akademi, New Delhi, Department of Art & Culture, Government of Manipur leh Jawaharlal Nehru Manipur Dance Academy te support bawlna Kalakshetra Manipur in organised a bawl, playwright, director & actor, Padma Bhushan awardee Heisnam Kanhailal, birth anniversary matna a kipan a, zia chu ni 3 sung,17th – 19th January, 2018 ah um ding a hi. Governor, Dr. Najma Heptulla in inaugural function chu Chief Guest hina tawh a uap a, ama’n a thugenna a chun, literature leh theatre te chu society dinmun sulangtu a hidan gen in, cultural leh tradition lam bep hiatna hizawlo ah society dinmun sunggil tak ah sulangtu hin a gen hi. Zia hun matna chu Health Minister L. Jayentakumar in le a uap a, ama’n a thugenna a chun, state sung ah Nat Sanskirtan dawpsan ding lunggul a hidan taklang kawm in, famta Late H. Kanhailal a pat zildaw thei thil tamtak um in a gen hi. Professor N. Tombi Singh in le zia hun matna chu uap in thugenna a nei a, famta H. Kanhailal panlakdan sutna nei in ettawn tak a sakthu a gen hi.

MP team in CM Biren Singh kimupi

Imphal, Jan. 17 *(Nisin Thuhiltu)* : Department Related Parliamentary Standing Committee on Health and Family Welfare (sub-committee-1) convenor Dr Manoj Rajoria mapui, 15-member MP delegation ten ten tuni’n Manipur Chief Minister Nongthombam Biren Singh chu a office chamber in a kimupiu a, issue chuamchuam tawh kisai in holimna a neipi ui.

 

Lampi keklianna ding ah Auction bawl ding

Imphal, Jan. 17 *(Nisin Thuhiltu)* : PWD, Manipur in 12 m (39.3701 feet) ah NH 150 lamlian keklian ding ah lemsakna a nei tawh kitawn ah Km. 451.00 (Utlou) a pat Km. 412.00 (Torbung) kikal, changlam pang ah thingkung zat chuamchuam, a neu a lian a kigawm ah 1634 te phukthak ding a ngai ziak in state government in zia ah phukthak ding thingkung te chu 24th January, 2018 , 11.30 am leh Division Forest Officer, Bishnupur ah lilam (Auction) bawl ding a hi. Zia lilam ding tawh kisai ah thuchian kimzaw chu Divisional Forest Officer, Bishnupur Forest Division ah office kai hun sung ah kan thei hiding a hidan Member Secretary, Acution Sale Committee, Divisional Forest Officer, Bishnupur Forest Division in Auction Notice a suana a chun a taklang hi.

Imphal ah security sukhau ah um

Imphal, Jan. 17 *(Nisin Thuhiltu)* : 69th Republic Day matna ding ah kisingsakna nasatak a chiathak zing bak ah High Security Zone, Imphal Raj Bhavan kiangnai, PRO Defence Wing Office M Sector sung leh Johnstone Higher Secondary School kiangnai ah bomb 2 sukpuak ah umna chung in Imphal sung ah security sukkhau in a um hi. Zia chu tawh kitawn in Imphal city kim leh kiang ah police ten cordoned leh search operations, frisking leh checking ti te nasatak in a bawl ua, Nagamapal SSS hotel area leh Checkon area ah tuni’n cordoned leh search operations a bawl ui. Ziagualma a chun, Singjamei police leh 6th Assam rifles unit ten le Yaiskul -Singjamei Supermarket tuam in cordoned leh search operations a bawl ua, Inspector N. Ingocha in a genna a chun, thil dawi umlo a tun khak ding venna ah ziagual panlakna chu nei a hidan uh taklang in mipi ten lampi pam ah nin pai a chiin uh chu thil dawi umlo a hina chung ah bomb thaang kamna kimang nuam mama in a gen hi.

Assam ah Oil Tanker 9 kihal

Guwahati, Jan. 17 *(Nisin Thuhiltu)* : Assam’s Tinsukia district ah Sepkitni nitak lam dak 4:30 tuam a khan, Assam-Arunachal border - Namphai Reserve Forest kiangnai ah thingnuaimi pawl khat in oil tanker 9 a hal ua, himaleh zia liamna tuak leh thina tuak umlo a hidan Assam DGP Mukesh Sahay in a gen hi. Assam DGP Mukesh Sahay in ziagual thil bawl chu NSCN-K militants te hiding ah muanmaw a hidan a gen a, Army, ten Assam Rifles leh Assam Police te kithuapina tawh thil tunna mun tuam a chu search operation bawl un a gen hi.

Midday Meal Worker ten kiphin lamzawtna nei

Imphal, Jan. 17 *(Nisin Thuhiltu)* : All Manipur Midday Meal Workers ‘Union mapuina’n tuni’n Manipur ah Midday Meal scheme worker ten a nasep man uh thasin ah a tawmpen ah Rs 18,000 piak ding phutna nei in, Directorate of Education (S) , Lamphelpat, Imphal in rally a bawl ui. Kiphinna a nei uh tawh kitawn in education (S) department ah director Kiran in workers union tea ma office chamber ah kimupi in, Union member 5 - Maisnam Loitang Devi (President), M . Jamuna Devi(Vice- President), H. Tekendra Sharma (General Secretary), K. Gaijanglung leh Serajan Begum te tawh a demand chungchang un a kihona a nei ua, chief minister kiang tung ding memorandum piakna le a nei ui. Memorandum in a taklat dungzui ah All Manipur Midday Meal Workers ‘Union deamand lak ah Worker te thuneina hiatpi ding, coverage EPF & ESI, monthly pension Rs. 3000 sang ah tawm hilo umsak ding, thasin ah a law uh Rs, 18,000 sang ah tawmzaw a hilo ding; scheme privateize bawllo ding; Union Budget 2018-19 ah financial allocation kituptak a um ding ti te a pang hi.

 

Supreme Court in Manipur fake encounter thu ah CBI deadline pia

New Delhi, Jan. 17 *(Nisin Thuhiltu)* : Supreme Court in Sepkitni a khan CBI chu Manipur ah fake encounter cases 42 um ah kigen te chung ah case registered a bawllona chung in demna a bawl a, January 2018 chu deadline in a siam piak hi. Justices Madan B Lokur lehU U Lali mapui bench in kum 2017 a khah CBI chu Special Investigation Team (SIT) siamdawk ding leh fake encounter cases zosia khualna nei ding ah hiatsakna a la bawl a hi. A langkhatlam ah court ah CBI thasik ah ding, additional solicitor general Maninder Singh, in fake encounter case tawh kisai ah CBI in case 12 chung ah FIR ziklut a hidan a gen hi. Ziana chung a chun, Supreme Court bench in January 31, 2018 masang ngei ah case dang 30 te chung ah FIRs registered bawl ding in thupiak a nei hi.

User Rating: 0 / 5

Star InactiveStar InactiveStar InactiveStar InactiveStar Inactive

Defence Acquisition Council in Rs. 3,547 Crore ah Assault Rifles, Carbines chawk ding lemsa

New Delhi, Jan. 16 *(Nisin Thuhiltu)* : Defence Minister Nirmala Sitharaman mapui, top government panel- Defence Acquisition Council in tuni’n fast-track basis ah India armed forces - Army, Air Force, Navy leh Coast Guard te mat ding Assault Rifles leh Battle Carbines 1,66,000 chawk ding ah guanggal chu lemsakpina a siam hi. Zia ah meithal chawkna ding tawh kisai hi kum tamtak buaipi ah a la um hita a hia, defence ministry highest decision-making body Defence Acquisition Council in sepai te thil dawt chu tuktan taklo ding leh a vaima theipen ah chawk ding ah thupukna a siam a hi. Thupukna dungzui a chu, armed forces ten Defence Research and Development Organisation, or DRDO te panna, khawvel ah meithal siam (gun manufacturer ) chuamchuam te khutsuak meithal etthakna nei ding a hiu a, a lungtun dan zil ua contract suai kaipi ding leh carbines 93,895 leh assault rifles 72,400 chawk ngal hiding ti a hi.

India sepai te ahiuleh tu ah India khutsuak - AK-47 leh INSAS ahiloleh Indian Small Arms System rifles, te matsak/chawisak a hiu a, tukum sung ah a meithal mat/chawi uh chu meithal hawizaw ah san (replace) hiding, meithal chawkthak ah um ding te chu border tuam leh counter-insurgency operations ah mat hi chuam bik ding a hi.

A langkhatlam ah Indian Army ten kum 2017 a khan, Ordnance Factory Board in a siam 7.62mm assault rifles chu reject a la bawl a, kum 2016 in le 5.56 mm INSAS rifle thasang ah mat ding ti ah kigen indigenously made gun – Excaliburte le reject a la bawl bawk hi. Zialo a chun, 2015-16 ah meithal siam (gun manufacturer ) 4 te shortlist a la bawl a, etthakna a nei hun ua, Israel Weapons Industries khutsuak bep chu chawk tâk in a la kawi ui.

Research bawlna ding ah Infrastructure leh khutmat hawi pawimaw: Najma Heptulla

Imphal, Jan. 16 *(Nisin Thuhiltu)*   : Manipur Governor Dr. Najma Heptulla in tuni’n research work chiapina ding ah infrastructure leh equipments a hawi ding pawimaw a hidan Jubilee Hall, RIMS, Imphal ah Department of Radio Diagnosis, Regional Institute of Medical Sciences (RIMS) a ding "Digital Radiography & High End Ultrasonography Machines" hawnna a nei hun in a gen hi.

RIMS chu 1972 ah phudaw hitamaleh tu ah Regional Institute dinmun ah um thei pan a hidan gen in, RIMS in North Eastern States te Medical, Dental, Nursing Education, etc. thil ah puaihuai theita hin a gen hi. RIMS in infrastructure lam ah taksapna liantak tuak zing himaleh tu kum 1/ 2 sung ah talent nei hawi taktak teachers, Doctors, etc te panlakna ziak ah khangto mama in a gen hi.

Manipur chu hill area liantak nei a hina chung ah communication leh medical aid lam thil ah mun gamla um te kithuapi ding thil haksa mama a hina chung ah Flying Dispensary, um theina ding ah panla zing hin a gen a, Central Government Scheme nuai ah remote rural leh hill areas ah damlo te panpi theina ding ah panla ding hin a gen hi. Chun, damlo te panpi theina ding ah donate machine donate Samsung Electronics Pvt. Ltd te pakchatthu gen in, state sung ah mipi te chu damlo leh panpi ngai te panpina ding ah kalsuan chiat ding in chialna a bawl hi.

Hun matna uap, Dr. Manoj Rajoria, Convenor, Parliamentary Standing Committee on Health and Family Welfare, Government of India in a thugenna a chun, RIMS ah infrastructure siamhawina ding leh intake capacity tu ah 100 seat sukpunna ding ah government in panlakna nei a hidan a gen hi.

"Digital Radiography & High End Ultrasonography Machines" hawnna hun chu, Parliamentary Committee on Health and Family Welfare member - K. Somaprasad, MP, Rajya Sabha; Ashok Siddarth, MP, Rajya Sabha; K. Kamaraj, MP, Lok Sabha; Thangso Baite, MP, Lok Sabha; J.J.T. Natterjee, MP, Lok Sabha; Arjun Lal Meena, MP, Lok Sabha leh Gayatri Mishra Jt. Secretary, MoHFW; Prof. A. Santa Singh, Director, RIMS ten le a uap ua, senior citizens te ding ah Blue Card leh RIMS khangthu amasapen ding ah RIMS Calender, 2018 le hawn in a um hi.

 

CMO mapuina’ Performance Review Meeting nei

Lamka, Jan. 16 *(Nisin Thuhiltu)*   : Dr. Kimngaihching, Chief Medical Officer (CMO), Churachandpur malatna in tuni, January 16, 2018 sunma dak 11:00 in a office chamber ah HMIS/MCTS tawh kisai District nasepna, Performance Review Meeting a um hi. Meeting hun ah Health Management Information System (HMIS)/Mother & Child Tracking System (MCTS) tawh kisai panlaknate genkhawm ahiban ah maban panlak ding dan genkhawm in a um hi. Zia hun ah Numei nauvawp hawldawna leh Antenatal Care (ANC) Check-Up tawh kisai ah ASHA-te mawpuak ahi dan leh, record ziklut dingdan tawh kisai gen tangpi in a um a, ASHA worker te’n numei in nau a vawp apat nau a nei chan ban ah, nausen a hunbi a damdawi piak leh kap ding tite ah mawpuakna liantak a nei ua, zia ding chun Record le hawitak ah a kawl ua, Report a piak zel uh ngai ahi dan gen in a um hi. Meeting hun ah District Health Society, Churachandpur nuai a District Program Manager (DPM), District Data Manager (DDM), Block chuamchuam a Program Manager-te leh Block Data Manager, Block HMIS Assistant leh ASHA Facilitator-te Meeting hun in a pang ui.

SSPP Presidential candidate Benjamin V Jamkhanpau ki withdraw

Lamka, Jan. 16 *(Nisin Thuhiltu)*   : Siamsinpawlpi General Headquarters ah Presidential Election (2018-202) ah Candidate panite lak ah Benjamin V Jamkhanpau in Election Commission, SSPP-GHQ kiang ah zani, January 15, 2018 in SSPP-GHQ Presidential Candidate 2018-2021 a hina apat kizukkikna (withdrawal) lekha a pia’i. Presidential candidate, Benjamin V Jamkhanpau, in kizukkikna lekha ah a taklatna ah Siamsinpawlpi hepina leh zillaite maban ding khualna leh nam damna leh kipumkhatna ding dawina ah SSPP-GHQ Presidential Candidate 2018-2021 term sung vaipaw ding ah dawtna a bawl pawmpiak ahi ziak in kipakthu a gen a, lemsakna gual ah zia kitelna hi January 13, 2018 in SSPP Foundation Day matna hun ah Election Commission vaisaina nuai ah nei in a um a, zia hun ah mi tamzawte dawisakna leh muanna a chan ziak in dawisaktu leh ngainatute chung ah zana tawh kipakthu gen ahidan taklat in a um hi. Election Commission saina nuai ah Presidential Candidate-te vote mu zat sim ahi dingkuan ah, SSPP Aizawl Headquarters nuai a Block, Branch, Life Member leh Patron Member-te vote sim ding leh simlo ding tawh kisai Presidential Candidate-te sik-le-chang a ding, Reference Person Biaklal leh Gousonlian-te’ lemsakpina tawh Election Commission in Aizawl HQ nuai a Block, Branch, Life Member leh Patron Member-te vote simlo ding a thupuk uh ahidan taklang a, zia thupukna, Election Procedures & Conduct Rules a Point number 5(v) dungzui in, “Election tawh kisai a thubuai a um leh Election Commission thukhenna pen thutawp ahi ding” ti himaleh Election Commission in zia thuneina pen kembit theilo ding khawp a boruak a um ziak a khawksa mama ahi dan Presidential Candidate Benjamin V Jamkhanpau in kizukkikna lekha in a taklang hi. Ziahaw ziak hin Bejamin in pawlpi dawithaw leh hawmthaw mama sung ah zillai hawilopi hunglut ding dawilona leh nam sung damna ding dawizawkna leh Pathian dawilam le a hizawk ding kinepna lianpi tawh zan January 15, 2018 in SSPP-GHQ Presidential Candidate a hina apat kizukkit ahidan a taklang hi. Hotute’n hepina tawh pawlpi a ding ah a nasepnate uh zana pekawm in pawlpi leh nam damna ding a kalsuan zawmzel ding in a dawisak thu a taklang a, mipi leh nautang in namsung damna leh kituakna ma pawimaw sa ahina ah, candidate a hina a pat a kizukkikna pen pawlpi leh nam itna ziak liauliau ahi ti pawmpi ding in Election commission kiang ah dawn in, maban a le zillaite a ding ah Pathian in hiatna leh thiamna a piakte mang ah semto zel ding ahidan Benjamin V Jamkhanpau in election commission SSPP-GHQ kiang a kizukkikna lekha a piakna ah taklat in a um hi. SSPP GHQ a presidential candidate tawh kisai in presidential candidate panite apat zani leh tuni ah cable news ah suadaw ahi tawh kitawn in, SSPP GHQ presidential candidate thu tawh kisai genveng, saifel ahima chan news ah hung kisualo phawt ding ahi.

Puankhui dan ziltil

Lamka, Jan. 16 *(Nisin Thuhiltu)*   : Dorcas Central Sub Committe (DCSC) in DORCED project nuai a innsungkuan khawsakna haksa diakte kiang ah panpina leh a nekhawlna ding un puankhui dan a zilsak ui. DORCED project nuai a puankhui zilna ahileh ningkum 2017 June tha apat a zil ua, puankhui a zilzaw utawh kitawn in practical a DORCED naupangte uniform khuina ding in tuni January 16, 2018 in Dorcas Hall Compund, New Lamka ah Rev Ginmalsawm, Director of Social Development in Dorcas Central Sub Committe DCSC leh puankhuitu ding mi-3 te Pathian kiang ah latna a nei hi.

Malaria Deptt. in gari thak nei

Lamka, Jan. 16 *(Nisin Thuhiltu)*   : Government of India nuai a Intensified Malaria Elimination Project, National Vector Borne Disease Control Program (NVBDCP) Malaria Department, Churachandpur District in a mat ding in government apat gari thak Bolero LX piak in a um ui. Gari thak Bolero LX ahileh Imphal a hung tung tawh kitawn in Malaria Department, Churachandpur in a chiasa January 12, 2018 in SMO, Regional Health & Family Welfare, Imphal leh Director, Health Services, Government of Manipur hiatpi in zani, January 15, 2018 in Malaria Office, CMO Campus ah Department gari thak matpatna ding in Malaria Department Staff, Pa Hau, in Pathian kiang ah a kawlsakna leh a latna nei in, gari thak a mang pan ngal ui. Gari thak Bolero LX body ah malaria apat kiveng dingdan tawh kisai thu kizik leh lim chichuamchuam kitak a um hi.

 

Measles-Rubella Campaign bawlna enthak

Lamka, Jan. 16 *(Nisin Thuhiltu)*   : Measles-Rubella Campaign Core Committee in tuni, January 16, 2018 sunnung dak 2:30 in CMO Office Chamber ah Meeting a nei ui. Measles-Rubella Campaign ding Central Government in a ngai pawimaw mama ziak in pan halak sem ding ah hiatsak a hi dungzui ua maban panlak dingdan a genkhawm ua, tuni tiang ah Centre Team in etthakna a nei dungzui ua zia campaign tawh kisai a chu Manipur a sepdaw umlo gual ah ngaidan a nei uh, District in hapitak ah panla ah, lawting tak ah nesep ahitheina ding a Educational Institution lam habawl ding in a genkhawm ui. Meeting hun ah Dr. Kimngaihching, CMO, Churachandpur, Dr. Liankhawzam Guite, CMO Pherzawl, Dr. Jam Thianlal, DFWO, Churachandpur, Zenngaihlun, DPM, Churachandpur, Seiboi Mate, DDM, Churachandpur, K. Lalsanglian, DPM incharge, Pherzawl, Nengkhanlal, DI of School, ZEO Churachandpur leh Robin S. Pukhram, Secretary, CDPSA tite a pang ui.

 

CCpur VDF Association in kiphinna nei

Lamka, Jan. 16   *(Nisin Thuhiltu)*   : Laltingen, President, Churachandpur District Village Defense Force Welfare Association (CDVDFWA) in tuni, January 16, 2018 sunnung dak 3:00 in Mini Secretariat Complex, Tuibuang ah thuthak saite kimupi in thalaw a mulo ziak ua kiphinna pan a hidan uh a gen hi. Laltingen in zia hun ah All Manipur VDF Welfare Association mapuina’ zani, January 15, 2018 ni ah General Body Meeting thupukna dungzui a Government in VDF-te thalaw, November 2017 apat a piaklo uh lungkimlo taklatna ding ah tuni, January 16, 2018 apat Cease Work Strike pan uh ahi dan gen in, thalaw piak a hi masia kiphinna sunzawm ding ahidan uh gen in, zia tawh kisai ah SP, RO/RI te’n a haksatna tuak uh hethiam a thagum a duty ding ah a sawllona chung ua kipakthu a gen ban a, VDF personnel te’n le hawitak ah a kiphinnau a zathuapna chung un kipakthu a gen hi. President mapuina tuni ah Secretariat a kihona nei in a um a, naupangte school admission bawl a, textbook, uniform leh a pawimaw dangdang chawk hunta banah Christmas hun a le thalaw mulo a hidan uh gen in, duty peilo ziak hilo a, a mu dingdawl uh a mulo ziak ua kiphinna a nei uh a hidan uh mipi zosia’n hiatpi ding in a taklang ui.

LAGSA Golden Jubilee lawpna kipan

Lamka, Jan,17 *(Nisin Thuhiltu)*   : LAGSA ti ah kihia, Lonpi Area Games and Sports Association, Golden Jubilee Celebration chu Khopijang khua ah tuni, 16th January 2018 in a kipan hi. Zia hun chu YAS & WR Minister Letpao Haokip in Chief Guest hina tawh a uap a, Ginsuanhau Zou, Chairman, MANIREDA leh K. Ranjit Singh, MLA le former Minister ten Guests of Honour hina tawh uap in, Sheithang Haokip MDC leh Khupsei Haokip, Chief of Lonpi ten Function President leh Chief Host hina tawh a uap ui. LAGSA President leh Golden Jubilee Management Committee Chairman Ngamkholal Baite in LAGSA kum 50 tin dan leh LAGSA chanchin genna a nei a, Thiengnu Haokip, Jenny Touthang, Kamboi Baite, T. Sianpiahthang Zou, Marina, James Arjun Suantak ten laa’n mipi te a chawk lim mama ui. Chun, Lonpi Area Games and Sports Association kum 50 tin hiatzingna chung ah suangphu hawnna a um a, YAS & WR Minister Letpao Haokip in a hawnna a nei hi. LAGSA Golden Jubilee Champion kichuna ahileh Team/Club 32 ten nei ding a hiu a, zia chu 17th January 2018 ah kipan ding a hi.

CDSA in Physical Fitness Test ah pang te vaidawnna nei

Lamka, Jan. 16 *(Nisin Thuhiltu)*   : All Manipur Football Association (AMFA) saina a Football Referee ding Physical Fitness Test ah pang te tuni, January 16, 2018 sunma dak 9:00 in Churachandpur District Sports Assocation (CDSA) in vaidawnna amau office mun, Hiangtam Lamka ah a nei ui. Fitness Test a ding in CDSA min in Churachandpur District apat mi 9 Imphal ah kuan in, a chiasa January 7, 2018 ni in Khuman Lampak Main Stadium mun ah Test a nei ua, zia hun ah CDSA min a kuan mi 9-te a leng un lawtinna a chang ui. Zia dungzui a chun James Vanlalhluna, Mansonmuan leh Chinsonlian te’n Grade IV in lawtinna chang ua, Jangkhochon, Lalsonmung, Thenmang, TS Thangzangam, Benjamin leh Lalramhlun te’n Grade V in lawtinna a chang ui. Hun kimat sung in Thiauthianmung Guite, President, CDSA in vaidawnna thu gen in, Churachandpur District sung a sports lam a khantona khat hiding a Imphal a Fitness Test neina ah pang District apat referees-te kipakpi mama ahidan gen a, amau apat a sports leh games lam a khantona thupitak a hung tun ding a dawi thu gen in, Fitness test nei hun a pang referees-te apat report chawmkim le ngaithak a hi. Vaidawn a umte apat James Vanlalhluna in fitness test tawh kisai report piakna nei a, Imphal mun ah fitness test nei ding ah Manipur district chuamchuam apat Pawsal 108 leh numei 12 kigawm in, mi 120 chiakhawm in, kumdang sang a fitness test lawting pen leh referee kihel tampen hun ahidan a gen hi. Hun mat ahi sung ma in District sung a Tournament chuamchuam a um hun ah, vaisai dingdan leh thupawimaw chuamchuam a genkhawm ui. Pastor D. Kamchinmang, Local Pastor, EBCC Hiangtam Lamka in lawtinna changte a ding ah tilkhona thu gen in, pauchappiakna le nei in hun matzaw ahi.

CCTV kawibe hiding: MAHUD Minister

Imphal, Jan,17 *(Nisin Thuhiltu)*   : High Security Zone, Imphal Raj Bhavan kiangnai, PRO Defence Wing Office M Sector sung leh Johnstone Higher Secondary School kiangnai ah zani bomb 2 sukpuak ah um chu Municipal Administration, Housing and Urban Development (MAHUD) leh Town Planning Minister Thounaojam Shyamkumar in nasatak in demna a bawl a, Imphal khawpi sung bitna ding ah CCTV kawibe hiding in a taklang hi.

North East a ding ah Centre in Rs. 10,000 cr val sanctions: Manoj Sinha

Guwahati, Jan. 16 *(Nisin Thuhiltu)*   : Union Telecommunication minister Manoj Sinha in Guwahati ah tuni thuthak lakhawm mite kiang ah a genna a chun, North East ah network connectivity siamhawina ding ah Centre in Rs. 10,000 cr val sanctioned bawl in a gen a, tukum 2018 sung ah zia project chu zaw (complete) hiding in a gen hi. Assam leh Arunachal Pardesh panna North East pumpi huap ah project chiapina ding ah MoU suai 2 kai ah um hin le a gen a, border areas ah network connection upgrade hiding in a gen hi. Assam IT minister Keshab Mahanta in a genna a chun, Centre in zia ah nasepna enzui ding a chu nodal officer 2 sawl ding hin a gen a, Assam ah Optical Fibre Cable vuina tukum 2018 sung ah zawthian a hiding a kinep thu a gen hi.

Page 1 of 18