UPDATES:

S5 Box

ZOGAM.COM Login

David leh BathSheba

davidson newKumpite galdou a kuan hunlai un David bel  a leeng inn Jerusalem ah sun ihmut hithiat hi. Huchin  ihmut zoh inntung a pan hong dakkhiak leh numei kisil a muta hi. Kumpi ahihna suang ahingei dia, numeinu samsak a, mi zi ahihdan thei gegu in luppih hi. A khelhna selna ding khelhna dang ngaisawn a,mohna neilou Uriah in a hinna tan loh hilhel hi.

 

David in a hihding tak galdou a kuan ahi. Huai mohpuakna Pathian in a piak ahi. Galdou in kuan leh huai nupi kisil va etlahna ding hun mu hetlou ding a, khelhna ah puk hetlou ding hi. Eimah hinkhua ah ki enchiat leng mohpuakna got a omte sem chitchit chiat leng khemna ah pukna ding hun kinei man khollou ding hi. Khopi khawng a laisim ding a nulepa’n hon sawl khiat uh leh, i mohpuakna laisim kia hiphot ding. Innlam thiltung , politics vai  galvei luat hiam, va awlmoh luat phattuamna om khollou hi. Laisimna mohpuakna i neihpen ah gin om phot leng i gam politics ah  mohpuakna Pathian in hon pethei lawding ahi. Nulepate’n teng tate etkolna i mohpuakna masa ahi a, tate’n leng i mohpuak masa leh thupipen  nulepa thuman ana hihdan Bible in a gen hi. Huaiziak a khemna ah puk louhna ding in mohpuakna theihsiam a zuih kiphamoh hi.

 

Kumpi David in Uriah a thahzoh in BathSheba kitenpih a, zawlta uh hong piangta hi. Mihingte mitmuh in Kumpi David in khelhna neilou in lang a, meithai kitenpih chin minhoihna bang muzaw maithei hi. Himahleh van a om Pathian in mi diktat sisan  mangngilh zenzen lou hi.David angkawmna sawtpi hita, ta bang piang zezen ta i chihchiang in Kha 9 bang val thamta chih na ahi. Kha 9 sung hehpihna hunpia a, kisikding a lam en himaithei hi. Huai hunsung Pathian in bangmah genlou , bangmah lohlou in dai dide hi. A hunta e a chihchiang in  Jawlnei Nathan tungtawn in Pathian lungkimlou ahihdan theihsak in om hi.

 

Khovel ah Pathian thu toh kituaklou a huham deuh a vaihawmte  nuamsa bang in i mu uh hi. Mite mittui luan ngoihngoihna   ding a  gamtangte bang mavang mahmah dan in kimusek hi. Diktatna hoih sak thoh chiat himahleh  i gam a  mun neilou bang sim hi. Huchibang hunchiang in Pathian in bang ziak a vaihawmlou a de aw chih ngaihsutna omthei hi.Himahleh tangtawn Pathian in vaihawm ahi chih theihchet hoih mahmah hi. Endih, Kumpi David khelhna Pathian in kha 9 nung in thukpan a, kisik ngoihngoih in ann ngawlzen thumna in ngen mahleh a ta piang hinna laksak thouthou hi. Khelhna man tuh gawtna in zui gepgep mai hi. Pathian in bangmah lohlou i chihte hehpihna hun a koihlai himaithei ding ahi. Huaiziak in Pathian vaihawm hun chiang in gawtna om teitei a, kuaman a thangpaihna nangzou lou uhi. Khang sawm tan a leng phuba lathei Pathian ahi.Ei hunbi tehna toh Pathian hunbi nasepdan  kibang chetlou ahihziak lel ahi.

 

Kumpi David a kisik chiang in Pathian ngaidam a, a zi nanung pen BathSheba tungtawn in Solomon piak in om hi. Hinkhua ah bang chituk a khial hi in, bangchik tuk in vakvai lechin  leng  Jesu Khebul a na kitut ngeingei leh damna na muding hi.Khelhna ngaihdam zohlouh Jesu Kris in a neikei hi. Belam mang khat zong ding a belam 99 te nuse ngam Jesu Kris ahi. Kros a sisan luang  nang le kei khelhna, nitna, chitlouhnate sawpsiangna ding in  kidaih in kiningching law mahmah ahi . Kisik a amah kiang  na naihleh Jesu Kris sisan ziak in siam tansak na hidia, Pathian ta a hong suak ding hi.  Leitung etdan in hithei ding in bang kei mahleh nang hoihna,pilna ziak hilou in A ta na hihziak in vualzawlna lam chituamtuam  na hinkhua ah na mu ding hi.

  

Simtute Missionary Day zatnuam!

COMMENT (1) PHA TA..  
  •  
  •  

#1#1 thang_samte » 2014-05-08 17:18

David khelhnate:
1. Mi zi eng. Exodus 20:17, Ngaihtuahna gilou ngaihtuah lungtang. Pau.6:18
2. Aangkawm.Exodus 20:14, siatna hih dinga kintai khette. Pau 6:18
3. Khelna Selmang sawm. Proverbs 28:13
3.Tualthat. Exodus 20:13, mihoih sisan suah khutte. Pau.6:17
4. Pathian Ngaineu. 2 Sam.12:10
5. Pathian gensiatna lemtang tak Toupa melmate adia bawl. 2 sam.12:14

Khelhna man tuh sihna:Ezekiel 18:20,Romte 6:23- Pathian in David A-ngaihdam ziak a silou hamham.-2 Sam. 12:13 BUT forgiveness never seems to take away the consequences of his sin-(Galatians 6:7-8-Do not be deceived: God cannot be mocked. A man reaps what he sows. Whoever sows to please their flesh, from the flesh will reap destruction..)

Consequences of his sin though forgiven :
1.the sword will never depart from your house.
2.Out of your own household I am going to bring calamity on you.Before your very eyes I will take your wives and give them to one who is close to you, and he will sleep with your wives in broad daylight. You did it in secret, but I will do this thing in broad daylight before all Israel.-(2 Samuel 16:22: So they pitched a tent for Absalom on the roof, and he slept with his father’s concubines in the sight of all Israel)
3.But because by doing this you have shown utter contempt for the Lord, the son born to you will die.
4. Death of Ammon, Absalom, Adonijah
**David burned with anger against the man and said to Nathan, “As surely as the Lord lives, the man who did this must die! He must pay for that lamb four times over, because he did such a thing and had no pity.”-(Death of his infant son, Ammon, Absalom, Adonijah).

**Khemin omkei un;Pathian zaw zekhema mawkbawl vual ahi kei; min atuh peuh uh huaimah a at nawn ngei ding ahih ziakin. Amah SALAM-A tuhin SA-A om SIATNA a at ding, KHALAM-A tuhin bel KHA-A kipan KHANTAWN hinna a aat ding.- Gal 6:7-8**

YOU NEED TO LOGIN TO COMMENT | COMMENT NA PIAK NOP LEH NA LOGIN NGAI DING