UPDATES:

S5 Box

ZOGAM.COM Login

Nam itna lemna itna

lealyanthawmteZogam.Com Facebook Group ah, tuma hun sawtlou kana daih dide leh bangmah ka gen louh hi, kisuanlah ziak, lauh ziak, ahih keh pilvang ziak ahi kei a. Heh luat sim ziak ahi. Tu ma a, Lamka a temta a ki sut lup nathu a, TCL muanmoh a mat a om, a limlak, FB group khenkhat ale ki post ze-zua, ken ZC FB group a ka post sawn a pat leh huai thu tawh kizom lawkhat - hiai ZC FB Group kipat di a, paidi dan a hoih kasak, kana gelh khak a ka theih 'beh leh nam bing' ahih louhdi chih ahi.

Ka theih lai leh a hoih zawdia katheih, kei kia hilou in, ZC FB Group a member sang 5 val te kiang kana hasawt sek chu- thuk ki gen leh gelh te sim leh en ni in, a gelh tu pa ahih keh nu en lou a, a thukup, i kup uut leh thutak a kup theih, Ahih keileh, chiamnuih a le laktheih kachih lai in, a theisiam lou tampi ana om ua. ZC FB Admin te ngei leh, ka theih luat mimal khat leh nih bang inle ana manghilh kha uh bang hi. Hiai ah 'to err is human' kachih lai in 'to forgive is divine' tan zaw kachi hial dah di. Ajiak chu a thei siam dia koih sa khenkhat bang in ka PAITE hihna hong dong uut om bang kasa in, ka a hehtha suak petmah hi.

Zogam leh Nam iit, i mii leh sa iit hi ZRA a na va pan ziak a, a iit leh a kipe zoupen hi lou nahi. Zogam leh Zomi thu ma a, PAITE te mi leh sa adia kipiak na nei lawsam a ki ngai khat ka hi. Gen tam ngailou in, 1997 buai lai in, kua a mi hangsan, gaal te ma a tailou, kipe zou te a thei na tam kei di uh. Kenle ka thei tam kei. Kei leh ka sungkuan te politics ah ki hel kei mah le ung, ka mii leh sa te ua dia ka hih theih louh tan uh hih ngam te kahi uh chih hon thei tam khollou di ahi. Kei bel, huai lai Delhi a om kahih ziakin, AK-47 ahih keh M-16 ahih keh Airgun bawltawm te khong na toi lai un - kahih theih sun pen, lehkha leh sum mai a kon kithuah pih theih ziak in poi kasa. Thautang nih leh thum hong kap sam hileng kasiam lou law kei din le ka ki ging ve.

Naupang chik chik, bangmah thei lou zaw hon chi kei ning. Ahihkeh, Upa leh ki pil leh thei lua le kon chi tuan sam keidi. Hilele tampi ten na ngaihdan leh muhdan uh dik khin lou a katheih na khat om. Kei muh leh ngaihdan a dik pen kachih na le hituan kei. Teh khin na ahih keh dotna khat hon dong zual leng : ZOMI leh ZOGAM na taangkou pih lai un, singtang gam pan hinna hoih zaw delh in Lamka zang ah na hong pem luut zung zung ua. ZOMI ahih keh na ZOGAM uh iit tak tak hile uchin, bangziak na omna ua omlou a, Lamka khua.. beh leh namteng ki tuak dial dial a kana omna lak ua hong pemluut a, nou nam leh beh bing lungsim na hon pawlut se uh?

Huai le inn leh loumun mundang a le lei ngam lou..NEW LAMKA lak a kiphu noinoi hi zomah lai? I mi i saa te kiang a, kei kahi kichi uut ngen. Bangziak a LAMKA khokhang leh sua, tum lam naih lou? Bang ziak a SAIKUL khua (teh khinna in) bang naih lou? Ahih keileh, kum tampi paisa a SSPPnet leh kihoulim na tuam a kana gen sek - a tawp chiah 'New Lamka ah i ki phu noinoi di ua ' chih hon tang tung sak dek nahi uh hia?. Katheisiam lua aka. I mi leh i khota sung khong a hangsan lelte i kei ua hia. Huai lak bang a chu a khut a khu ving veng mai di ihih chia maw. Lailam veng apan Ngathal tan nana chu ZOGAM Lamka minsa hidi eivoi. I lal na di gam uh naak let kasa ngei a.

Huai gam ah chu, pawlpi in vai a hawm dia, pawlpi a heutu leh makai te lal na tut phah ah a tu di ua. 'GUTA' dek.. limlak suah khiak dengdong poi isak hetlou lai in, beh ahih keh namdang - teh khinna in, Hmar/Lushei/Meitei/Vaai school naupang khat bang - hehpihna bei a tem a sut lup a om, EIMI muanmoh a, a om leh..tangtel sihtan bang mai in, a thil sual mohpaih lou in, bangziak a Hmar/Lushei/Meitei/Vaai ten Paite a that tu a hon ngawh uh hia chi in, i siam leh theih na kia lou, i siamlouh leh theih louhna te tan zang ia pang di eive ua mo? . A pang le pang ta ihi uh hia le? Kathei chiang chiah kei a.

Mi thulak louh kahi chih ka theih lai in, hon gelh maimai leng. Ken kon na gaal lauh sak penchu maw - tamtak zakdah ahi kha maithei, hi ilele mi khenkhat zakdah ziak a kei AW dai di hilou. Hiichi bangĀ“nam leh beh bing lungsim leh ngaihtuah na pawlut te hi, a koi a koi - FB Group a member hi in, mi nautang hitaleh uh, I khopi neih leh i kisaktheih pih. Kaki neihsak LAMKA adia, huatna leh kitheihsiamlouh na tuntu hizaw un kathei. Aleh lam a i nam/suan pih te en nawn le, EIMI tampi te banga, amau lak ale Paite, Vaipau, Meitei , Lushei, Hmar, Vaiphei, Kuki, Gangte pau leh adang dang thei mah mah lou leh - a bing a bing om lou hetlou hive uh aw.

Huai tan le thei lou, a sing a sim ki omta ahi chih thei ni in. Beh ahih keh nam dang, pau tuam zek zang te lak a, a bing i omlai un, amau ichih te lak a le sih ngam a bing omlua ahi uh bang le theih hi thil hai huai lua hilou ding in. Amau lak ale ei, amau te honchi te tawh khosa khawm leh, I tenna gam leh mun neu chik petmah ah ki kawp lou theilou - teng leh khosa khawm lou thei lou ihi chih thei a - kituah louh nate, kitheih siam louh na te pan - kituah na, kitheihsiam tuahna leh a lou thei lou a omkhawm di leh gam leh mun neukhah kikawp lou theilou chih a theisiam masa pen hi le houh.....

..a pil huai zaw diam?

.
COMMENT (24) PHA TA..  
  •  
  •  

#24#24 melmul » 2012-06-16 21:06

tutan thudik potnailou..?? :o

  •  
  •  

#23#23 b78k » 2012-06-16 01:17

Khemkhem....... .......agelhtu leh akinakpihte banah comment pete le...........th ulaklouh!

  •  
  •  

#22#22 blisteringbarnacles » 2012-06-15 22:13

:-* :-| mipi ten police deih lou, sepaih deih lou
helpawl lak ah officer kua om ngam di, sepaih, police venbitna lou ah??? :lol: :lol:

factor tuamtuam om thei zel aihchume :sad: :roll: :sigh: :cry: :o :-? ;-) :D 8) :-x :zzz

  •  
  •  

#21#21 akukengsailo » 2012-06-15 19:40

Thanlon SDO office bang ziak a Lamka a om???

  •  
  •  

#20#20 blisteringbarnacles » 2012-06-15 19:14

a moh khu ut omlou, ek a ki deng tuahtuah mai ding mo? :lol: :lol:

  •  
  •  

#19#19 zoson » 2012-06-15 18:27

hamham sih uau, singtang lamte development fund di khawng a khopi khosa tampi i om khamohna ..

  •  
  •  

#18#18 akukengsailo » 2012-06-15 16:19

Nekna lam na gen ua bel a khok vek hihang! Singtang lam a fund d teng lamka a hon delh/ngaksuk chenchen zel uh... lamka a a (singtanglam a a chethei teng) kihawm bei zel uh a mipi te'n loih san geih uh! hiai pemkhiakna ah lamka te moh ahi law tuankei... a bial sung a olmoh tu leh heutu te mohpuakna lian zaw ahi.

  •  
  •  

#17#17 el...en » 2012-06-15 15:28

Quote:
ZOMI leh ZOGAM na taangkou pih lai un, singtang gam pan hinna hoih zaw delh in Lamka zang ah na hong pem luut zung zung ua. ZOMI ahih keh na ZOGAM uh iit tak tak hile uchin, bangziak na omna ua omlou a, Lamka khua.. beh leh namteng ki tuak dial dial a kana omna lak ua hong pemluut a, nou nam leh beh bing lungsim na hon pawlut se uh?


"Singtang apan Lamka zang pemlut zungzung te kua ziak ahia? Hiai bulsut tuak kasa. Singtang a lut di teng Lamka zaang a na negai zel hive hang..nek di omlouhna a kua om2 zou di..."

Hiai line kha dik mahmah ei.... Kua nek ding om louh na a om ut tuan sam ding.... Kuan mi khateh nen doh doh ut tuan sam d...... :o :o :o :o :o

  •  
  •  

#16#16 akukengsailo » 2012-06-14 16:38

i kineihsak zoh phot leh responsibility nei ihi ichi dia, a zuun a kep bang le siam le maw. huchilou a, kei a ahi, kou gam ahi, bang chi lenlan a signboard teng dengsia, public gou teng ek suah...chih bang khong zaw huat huai tet tet mah uh e... nei na hih leh nei na hih na bang chin na taklang ale?? kingaihtuahni unaute..... gelh tupa lungtup ka haih kei. amah ka genna le ahikei bok! tulai FB a chiau chiau ki salpha sak mah mah te khong ip lah huai mah ahi... kei le hon ip lah na om law na dua... :lol:

  •  
  •  

#15#15 dam maw » 2012-06-14 05:43

New Lamka hia, Bungmual hia, Lanva lui bul hia, i afford zawhna mun chiat a lei houh i mai duam maw?? Ahitak a gen in Lamka kuate a a tuamse diam maw? Koimun hiam khong a pat pemkhawm, i pemlutna uh ana sawt kha deuh om mai thei chih thu hilel lou amaw le? Nidang a British ten vai ana hawmlai ua Lamka zang a tuilou bawl a nekmuhna di mun chia ua, Mission Compound lak a tengh dia hon na chiil uh chihte i gen veu, huchih ahihleh bel koimun hiam a pat tengkhawm, peemkhawm ngen mah hilou di i diam?

A nei zou masa sa in i zodawn taisan di, Lamka zang i tun chia Zodawn lam puah di bang gen henghang di, Ahitak a lah i zodawn a fund di teng phaizang a ina gaih, a pil masa, a siam masa teng gaih mah hilel lim lou hia????

  •  
  •  

#14#14 mm11000volts » 2012-06-13 00:32

Quote:
ZOMI leh ZOGAM na taangkou pih lai un, singtang gam pan hinna hoih zaw delh in Lamka zang ah na hong pem luut zung zung ua. ZOMI ahih keh na ZOGAM uh iit tak tak hile uchin, bangziak na omna ua omlou a, Lamka khua.. beh leh namteng ki tuak dial dial a kana omna lak ua hong pemluut a, nou nam leh beh bing lungsim na hon pawlut se uh?
Adangte dik kasak rual2 in hiai toh kisai kup nop ka nei -
1. Zomi-Zogam tangkou pihte singtang a kipante ahi ua hia? Singtang lamte human shield dia izat uh hizolou hia?
2. Singtang apan Lamka zang pemlut zungzung te kua ziak ahia? Hiai bulsut tuak kasa. Singtang a lut di teng Lamka zaang a na negai zel hive hang..nek di omlouhna a kua om2 zou di...
3. 1997 namkal buai ziak in singtang a teng bawng-ek dendalh bang in sak le khang kidenna uhi. Akhente Mizoram ah, adiak in Mizoram lutkha te kum 10 nung in PAITE pau in a paulai ding uam??? Lamka zaang a honglut te khawng i na welcome zawk di hilou hia???
4. Beh politics khawng Lamka zang a kipan hizaw hilou hia, Behkhawmpi/beh kuanglui etc lamka zaang a kipan mah hilim veh o...

  •  
  •  

#13#13 blisteringbarnacles » 2012-06-12 20:06

patriotism will kill us all, all we need is humanism :lol: :D

  •  
  •  

#12#12 munglangel25 » 2012-06-12 19:49

Ken ngaih dan khat hon gen zual leng! Ei loi i lungsim uh neu ka sa lua, FB khong a chiak2 te loi kha tei rol dek pan ki pil hun sak tawk, ma ban bang mah theih nai lou! Inn lum ah a om ziak ua nuam sa lel tak, buai na khat om leh ki sual d himai angaih na om lou, upa te na tom le vuak a om, state dang a te khong in upa te hoihtak a zah tak na pia uh hia, ei loi i sang a upa te le zah tak nawn lou.... KM bang zah hiam sung lel a ki pha sak mi ki hi hia! state khat khong nei le ei leh ei le ki that gam ngam ding hi hang!......
Thu khat a mi'n ei tual that a hon ngol theih ua leh bang ziak? a dik hia? a tak2 mah hiam?chih te khong sui phot leng hoih d hia maw, ei mi te loi le mihing khat ki hi sam a mi that thei ki om mah2 d ahi mi hi chi zah lai ah! Eimi chih ziak a pong heh zak gawp chih khong lung sim neu huai lua!
Tua FC khong a pau phan2 te loi bang mah pal kha nai lou ngen hi'n ka thei! District hi'n bang hi ta leh ei chouh a hing thei d kua mah om lou ahi.... Christian ngen ki hi ngal a i lung sim puak dan dik lou mah2 khat om ahi...

  •  
  •  

#11#11 10A/1 » 2012-06-12 18:49

Ei Paite te kha, nam piching dinmun a i din na ding uh gamla lai ei,ei leh ei cih phet louh i zomi pih,ei sang a zomi na pom masa te khong bng or adang i kiim i kiang nam te dem dia phelaw lawp gige, fb group khawng ah, a awkaih tuam deuh te group peuh ah mi dem d mawng mawng kitam a ki tam lai hivaw...zum huai thei lua, lamka ah i om khawmpih namdang te kua mah in (siang siang in genle) hon appreciate khollou uh hive aw..zogam.com group bng member tampi ten paite.com group sa mai mah uh.website na tan ah news kisuah or thil a tamzaw kha paite centric thei petmah...ka na muhtan ah admin te tan tan leng lungpi gel khollou uh ade aw ka na cih na ciang bng om hive aw..lamka sung a nam neu cik cik tam pi ki khosa lak a ei pen beek ina lungsim piching kei ua or iki ui ekbat vek uhleh, zomi zogam icih cih uh zuaugam suak petmah ding hiveh...i outlook uh neu law lai mah mah...square km bng zah hiam sung kia hitel hiveh.., manipur context ah ei paite te zomi torch bearer i hih louh theihlouh uh ahih ciang in... zogam.com admin hi in member te hitaleh zogam/zomi cih kammal pen a zatdan siam ni.......mi huai dan siam ni....ahuci ut lou vet te in zogam zomi ci ci nawn dah mai le..... :-* :-* :-* :-* :-* :-*

  •  
  •  

#10#10 akukengsailo » 2012-06-12 16:59

awl2 a ka ngaihtuah na ka taisak leh hiai bang le ka thei lawthak ka chi GUTA' dek.. limlak suah khiak dengdong poi isak hetlou lai in, :D

na gen a dik lawna a ka lamka va chih zezen nangle wang lodeuh lou hia?? lamka nei tu te bel a teng masa te hituan lou in a teng teng teng a himai lou hia??

thudang na hon gen te bel dik kasa FB a na panna leh dik konsak pih ei thu a thudik hon pot lou ding a bang maimah ta a poi kasa.. hilele na thumuh toh kei a a kidang kei. tangpi comment te kana en a hon huchih hehu na uh bel kei na theihna chiang ah thudik im a om ziak hi zaw in ka thei. nam feeling a hat a, huai pen hon posuah sak din thudik i im ua huai ahi..thil hon paidiklouhna pen... kei theihdan in :D gam it chihziak a dikna tellou a i it ahihlehbel khelhna it ki hi zaw kha ding eimah ve ..

banah, tulai khangnou gam it kichi te kha khutthank pan mawk unchin a comment uh bang lau a pawng lauh huai mawk bang om!! ha ha ha theihsiam na bawm ah khe zel ni huai te... a tak gam a hon gal et d te hi uh ei...

YOU NEED TO LOGIN TO COMMENT | COMMENT NA PIAK NOP LEH NA LOGIN NGAI DING