Ka zuih siam hilou tuanglam

User Rating: 0 / 5

Star InactiveStar InactiveStar InactiveStar InactiveStar Inactive
 

KA ZUIH SIAM HILOU TUANGLAM

By Upa N. Chinsum

 

"Ka zuihsiam hilou tuanglam ka zuih lai in,
Ka Toupa in Ahon sinsak hizaw" (T. Pumkhothang)

Innkuan a tuntupna, goal leh list of family values neih di, a kallak a innkuan a muntuam a hun, family time vazat khiak zel di... cih heutu cingkam khenkhat' gen lungsim a vomkawm in LTC-80 nuai ah innkuan milip aa di ticket la in May 23, 2016 in innlam vapha thei ung. Imphal vanlengphual bawh ni (May 23), nitak dak 6 tan Imphal-Lamka kikal bandh om ahi, cih thu in hon na vaidawn ngal. Eheu!

Hinkhua a tot nailouh lampi, hun leh ni te tawn di'a pianna gam mitsuan a kithawi lai in, mit a muh leh bil a zak te pansan a TOUPA'N hon sinsak nop om sek hive'n ah, tuate bangbang ahi de aw? Dam a Manipur pi tung a I omleh innkuan hun (hun nuam) vazang di, tua lama hun a tam theipen pe di AWLE ci in ka ji, Kim (CLK) tawh hanciam ung. Tua rualrual in innlam phak nanung lai (December 2013) leh tu (May 2016) kikal a thil piang, thil tung tuamtuamte lungsim ah honglang dandan uhi.

Imphal-Lamka kikal bandh om ziakin vanlengphual a hongla di'n U Gin (ka Nuphal, Pu V Valte) in mi honsawl hi. Tawldam hiuhiau in a' quarter Lamphel ah vakhawl ung. Lamphel a zan khat giak zou a zingciang (24/5) 'bandh bawl/ puang om' cih thu zak ahihlouh ziakin, sunnung lam in LAMKA zuan ung. A tom in, June 3, 2016 a dam leh bittak ciat a Delhi pitung a om. Hallelujah!

Hon pinate ka gel ciang in...

"Koi munpeuh a ka om zong in,
Hon pina khut a muanhuai hi;
Keimah hatna zaw muan ding a omlou e,
Amah hatna a muanhuaipen hi zaw!" (T. PKT)
- Upa Chinsum
@09.07.2016

cs01

cs02

cs03

cs04

cs05