UPDATES:

New Book – Confession of a dying mind: The blind faith of Atheism

New Book – Confession of a dying mind: The blind faith of Atheism
Author: Haulianlal Guite, IAS
Jaipur, Rajasthan

PRESS NOTE

Pathian panpihna toh hun bangtan hiam gelh a om, hiai laibu "Confessions Of A Dying Mind: the Blind Faith of Atheism" suah theih in omta hi. Publish tudiing ahih leh Bloomsbury Publishing House te ahi. Bloomsbury ahihleh globally renowned, London-based publisher ahihna uah akipah huai kholdiak hi. Alaibu pen philosophy toh kisai ahi a, "Pathian om hia omlou" chih tungtang a contribution lian mahmah khat honghih akinep huai hi.

Tulai a philosophy ideas pai penpen te leh scientific theories muanhuai penpen te zang in arguments tuamtuam leh thukhitna (conclusion) bangzah hiam hiai laibu in a bawl hi. Dr. C.K Mathew, IAS (Retd.), Rajasthan Chief Secretary lui, tulel a visiting professor in English literature and Head of Public Research Centre hihna lenlel in a Foreword gelh hi.

Kuate adia gelh deuh ahia? Philosophy subject background neilou himahleh hiai thupoimoh theisau utte a ding gelna in hiai laibu peen "non-fiction novel" (thutak tangthubu) daan in akigelh hi. Taangthu paipi khat om a, ginna tasam kuahiam khat Mr. Dyers kichi in accident tuak in, vaan leh mun tuamtuam te pha in, angel chih diing hiam khat Mr. Walker toh kimu in, ataangthu pai hi. Technical terminologies te ahitheitan in kizangkei a, pawl XII tan Zomi leh sappau simthei chiangte a diing in, alunglut naakleh, theihhak omlou diing hi.

Tulai khovel a Pathian ginlelhna atam mahmah na ah hong phatuam khathei dinga, college student te, bible student te, academic professor te leh "Science leh Pathian" kikaal thei sau utte adiing in, sim teitei diingkhat ahi hi.

Hiai laibu Pathian toh kisai a philosophy tangthubu kigelh masapen hidiing in gintaak huai a, tribal telak a non-fiction novel gelh masakpen international publisher in abawl hilai maithei hi.

Alaibu peen tulel in Amazon.in link http://www.amazon.in/Confessions-Dying-Mind-Blind-Atheism/dp/938643220X/ref=sr_1_1?ie=UTF8&qid=1492158135&sr=8-1&keywords=Confessions+of+a+dying+mind ah pre-release order theihdiing hi. Laibu store te ah bel May 25 ni a Delhi khopi a ki launch zohchiang in ompan diingdan ahi.

confessionofadyingmind

YOU NEED TO LOGIN TO COMMENT | COMMENT NA PIAK NOP LEH NA LOGIN NGAI DING