UPDATES:

Zogam.com DOTNA 5 Dawnna - Thangbiaklian

thangbiakliandawnna

58 - Churachandpur A/C  pen miteng bildohpen ahih manin, mipite decision bawlna panpihtu ding leh candidate te adia platform hi ding in Zogam.com in candidate teng DOTNA 5 kibang ana ki bawl a, a nuai a bang in dawnna Pu Thangbiaklian Hangzo akipan ki mu hi.
Zogam.com in Pu Thangbiaklian Hangzo lohchinna leh deihsakna lianpen ki pia hi.

 

Zogam.com Dotna 5te:

 

1.Bangziak a hon vote ding ka hi ua? Candidate dangte sang a na hoih zawkna bang a?

Dawnna: Mipite'n khantouhna a poimoh ua, lemna leh muanna leng a poimoh mahmah uh hi. Ahi a khantouhna, lemna leh muanna i chihte pen gamsung a nekguk-takgukna uangtak a om chiang in ahi
ding bang in om theilou hi. I gamsung a i buaina tamzaw Corruption ziak a i tuah uh ahi a, Corruption omlou in transparent-tak a mipi palai na seem a, Manifesto a ka taklat taak mipite poimohte mah focus a nei a, huai apan lampial lou ding leh mipite lamet tan a kalsuan ding ka hihman in mipite'n hon vote ding lametna liantak ka nei hi.

Candidate dangte sang a ka hoihzawkna i chi hiam, Candidate dangte toh ka kibatlouhna ahihleh ka manifesto ua ka gen taaksa bang in, I taksap leh poimoh haihvuallouh Salphate tungtang genveng ding thukin ahi. 6th Schedule muhna dia naktak a pang ding, nna kisem ding peuhmah ah truth and justice a kibulphuh leh vaihawmna siangthou tundingna ding a anti-corruption focus ahi pen ding, tomchik a gen in.

 

2.Telching in om le teh na bial ah bang development nna nasem masa pen dia?

Dawnna: Telching in om hileng kei utthu a, keimah hoih sakdan a kalsuan mailou in ka bial mipite poimoh kin bang hi hiam chihte Vengchih a Development Committee ka set-up dingte toh kithuzaak in ka seem masapen ding hi. Tulel in ahihleh mipite a neupen apan a lianpen tan tuni tan a tumuang theilou a om sak i Salphate tungtang thu ahi a, huaimah mipite poimoh kin issue ahi a, solution omsak ding in tumuang lou in kal suan ding chih ka tup ahi. Tua Salphate tungtang ka genna san ahihleh gamsung a lemna leh muanna dengdeltak a om address na masa leng chih theih ding hi. Salphate luang zahtakna lianpen toh khakkhaik ding chih pichin loupi in lemna leh muanna om sak ding chihpen taksanhuai lou hi. I Gamsung a Lampite leh tuinek bangleng ngaihpoimoh huai mahmah issue ngen hi'n ka thei hi.

 

3. Na bial a muanna leh bitna bang chi'n na bawlhoih in na kembit dia?

Dawnna: Muanna leh bitna bawlhoih a kepbitna kichi India Government in leng a ngaih poimoh mahmah thil ahi. Dan-le-thupiak enkol ding in i Solkar in Security forces tuamtuam tampi nei hi. Muanna leh bitna ahi ding bang a a-om theihna ding in i Administration system naktak a puahphat poimoh ka sa masapen hi. Mipite mahle issue neu chikchikte ah i thil etdan communal leh ethnicity chihte ah kibawlphat na ding om tham ding hi.

 

4. Election siangthou tak a om theihna ding in bang chi'n pan na la dia?

Dawnna: Election siangthoutak a om theihna ding in Election Commission of India (ECI) Election Model Code of Conduct michih in i zuih chiat ding uh thil poimoh mahmah hi. Tuamah i saptuam tuamtuamte deihdan leng ahi. Election a sianthou louh chiang in i gamsung ah mimal khat-le-khat kaal liamsak in thil hoihlou, i deihlouh thil tantan tung thei hi. Tutung election bang leng gam-le-leitang hum a daikaih ding tupna ziak a hong ding ka hi a, a sung a teeng mipite kaal a kitheih siamlouhna om hetlouh ka deihpen ahi. Tuaziak in mimal chihte'n midangte sentiment theisiam kawm in ECI in Election toh kisai a Model Code of Conduct zuih chiat ding leh kepbit ding chih ka tangkoupih tampente lak a khat ahi.

 

5. Na gam leh na mite rights bang chi'n na kembit in na enkol dia?

Dawnna: Hiaipen ka ngaih poimoh mahmah leh Election a ka hong dinna sante lak a khat leng ahi. Ei Tribal-te rights kepbit kichi en i phawkma tham in Indian Constitution bawltute'n ana ngai poimoh mahmah in Indian Constitution bang ahle provisions hunkhoptak ana koihsak uhi. I dinna Party RPI (A) phutkhetu Pu B.R. Ambedkar mahmah inle hiai Tribal-te right a ngaih poimoh a, priority a akoih ziak mah a hiai Party kila leng ahi. Hiai i rights hum a Legislative Assembly a naktak a pang ding kitaksapna liantak I neih un hon tumuangsak theilou hipen hi. A poimoh bangbang a naktak a aw suah ding, ei interest against a Bills hong kiluikhete chin-le-ha suang a nan ding ka mohpuakna in ka koih hi. Anti-Tribal Bills hong suakzel dingte naktak a nang ding banah ei adia hoih, a poimoh bangbang Bills puaklut a Tribal Rights humbit ka tup ahi.

Article 371(C) tungtawn a kibawl Hill Areas Committee, ADC Act 1972, MLR & LR Act 1960 te tungtawn a singtangmite rights pilkheltak a laksuh a omte etkai a bawldikna a chin-leha suang a pang ka poimoh ngaih mah mah hi.

YOU NEED TO LOGIN TO COMMENT | COMMENT NA PIAK NOP LEH NA LOGIN NGAI DING