Laisiangthou Sunga Thumal Sutkhelhte Etkikna

User Rating: 0 / 5

Star InactiveStar InactiveStar InactiveStar InactiveStar Inactive
 

laisiangthouthumalsutkhelhte poster
“LAISIANGTHOU SUNGA THUMAL SUTKHELHTE ETKIKNA” (Paunakte 30:5)
 
1.PHATHUAI KA SAKNA: Tua ka Laisiangthou gen pen kha ei Paite kampau sunga dia akilet masapen lamte laka khat hidingin ka uma, ka pianthak( chih tuh1979 January) apan a ka tawi tunitana ka tawi vul niang niang mai, lah ka khalam honhalhsak mah mah a ka neih“LAISIANGTHOU THUKHUN LUI LEH THUKHUN THAK KIGAWM(THE HOLY BIBLE PAITE) chih 1974 kum a kisun 1.500 copies—83.CPYRIGHT THE BIBLE SOCIETY 0F INDIA, 20 Mahatma Ghandhi Road Bangalore a isutpen uh,I Paite kampau sunga pau kaihdan tuamtuam a sim theih,ka chihna in bel, Lamzang pau a sim a lah dik, Bukpi pau a sim a lah dik, Val pau a sim a lah dik, Lousau pau a sima la dik,Dapzal pau a lah dik kual thei vek himahleh akisutkhelhna muntak isimkhakchianga gentuampi nei ahihmanin a kisaipih leh Pathian vualjawlna tang a bawlpha nuamte a din kei kiang ah achiang jaw /ka pan lakna dan, na kan nop uleh a kan theih ding.

2.PAN KA LAKDAN:
Hiai toh kisai a hun piak ngai mah mah ahihmanin, ken leng atuama hun piatuanlouin, M.Div kum thum sung P.T.S. (Pastor Training Seminary 2010 – 2013)Asagao Goa a ka sin sung a ka bul pat, (2010,june 10) a kapat, athumal mal a ke et touh chiat chiat pen tuin Toupa ompihna toh zoh siang ahita (zohni 3 January 2014 sunnung 2:25pm ).Toupa min phatin omta hen.

3.ASIM BUAIHUAI SIM MAHLEH ANGAIHSIAM HUAINA KHAT:
Hiai ka chihna san bel ahang om hi. I Paite Laisianghou hon sut/tah sakten ei pau mal khat le thei hil hel lou ahihna san uah a ngaihsiam huai uhi, Hilele a tunga ka gensa mah bangin isim chiangin gentuam leh kawktuam neia ahong pai chiangin agelhtupa tupna leh eikawksakdan hongtuam vilvel a atangthu paidan kizom kha theilou ahihmanin Pathian thu kaikawi bang a kingaihtheihin om mawk hi.Huchi ahihjiakin, abuaihuainate tamlou itaklang ding uhi.
Genesis sung kia ah leng 37 bang akisun khial/tat khial om thei mawk hi.Tua ahihmanin pilvangtaka a bul a pan a atawptan(Kilakna)tan inam pumpi’n lunglutna nei a ibawlthak sawm ualeh limtaka I etkai thak thak uh deihhuai sain ka hon ngen thakthak ahi.

Etsaknate: Thukhun Lui apan.

Genesis 5:30 a Lamek kum nga leh kum sawm kua leh kum nga chihpen kum 595(five hundred and ninety five) di a hi.
Genesis15:10 a chaita chih pen chiata(each) chih di ahi.
Isai 53:2, mel kilawmna him him a hei keia, chih kha mel kilawmna him him anei keia chih di ahi.
Huai tang mah ah muh theihin a om nawna, Amah I hum un chih pen Amah I muh un chih di ahi.
(When we shall see him KJV)  in achi hi.

Etsaknate: Thukhun thak a pan.
Matthew 26:60 a theihpih juau tampi hong mahleuh chih pen juau tampi jong mahleuh chih di ahi.
Nasepte 15:9 a amau khentuam neilouin ginin a lungsim uh ahihsiangthou hi, chih pen ginnain (by faith) a lungsim uh ahihsiangthou hi chih ding ahi.
Kilakna 17:17 a  huai laltutphat laka om tuh chih pen, laltutphah laia (center) om tuh chih di ahi.
 
# Hiai teng apanin le tampi imuhkhiak chiat uh ka lamena, gelh dik akul dan leng akilang mah mah hiin ka thei hi.Adang teng PDF in aki koiha, a dikloute pen italic(taklama awna laimal kigelh) a diklampen  laimal vompha(bold) chia akisun khial or tat khial muhsuah teng teng Genesis apan Kilakna tawp dong a et ahihbanah, a bung sung a sut khelhna omna omloute omlou chih thumal toh thuah a kikoih ahihmanin, akim sipsip a  athei utten ka kiang ah non kan thei gige ding uhi.
# Mihing hihna hangin hih khelh leh bawlkhelh a omlou thei keia, hihkhelhte a pana kimok soisel mailouin ahoihzaw gel na a, adik atang nahon theihsak ban uah, asimtute tengteng tungah na ngaihdamnauh leng kon ngen lai hi.
 
ABAWLTUPA APAN NGETNA: Hiai thil hongpiankhiak nading toh kisai a hun tampi luta, tha tampi seng a ahoih thei pen dinga gel ahihmanin,kuapeuh Pathian vualjawlna tanga bawlpha nuam mimal hi in Saptuam pawlpi hitaleh  kipahpih ahia, hileleng a bawltu phalna telloua hih hikei hen. Mipi ading chia Zogam.com a suah himahleh, theihsakna pe masa a bawl hileh chih deihthusam ahi.
 
ZOGAM.COM TE TUNGA KIPAHTHUGENNA: Hiai I LAISIANGTHOU uh THUKHUNLUI leh THUKHUNKHUNTHAK kigawm kum 1974 a Bangalore a kisun pen asung a laimal kisunkhial/tat khial te etkikna toh kisai mitengteng muh dia athawna phaltaka hon na thohkhiaksak Unaupa Ginza Vualzong leh ateamte tungah kipahthu gensenglouh ka baa, huanah, na nasepna chiat uah leh na in na lou uh Toupa’n gahtampi suangin avual jawlna kiningching takin hon vuk chiat ta hen. Nasep gimna uh Toupa ah athon kei ding hi.  (1 Korinth 15:58).
 
Kris a noute a.
 
Pastor Khai khan pau
#56,2ndFloor,3rd Cross
Rajanna Layout, Horamavu Agra,
Bengaluru 560043.
Tel: +91 8197235127.
Email: This email address is being protected from spambots. You need JavaScript enabled to view it.


 

About the Author:
pastorpau

Kei Pastor Khaikhanpau  kum 1958 March kha ni 10 ni in Kaihlam khua Thanlon Sub-division ah ka piang hi. Ka pa  (L) Nengkai ahia, Ka nu (L) Ningkhovung ahi. Unau sagih ka hi ua, pasal 5 leh numei 2 ka hi uhi. Ka sangamte pasal 2 leh numei khat in honsihsan ta uhi. Tun sangam pasal 2 leh numei khat Toupa ompihna in dam le uhi.Inkuan sungah ken pianthakna ka nei masa pen hi. Ka khua uah mission skul ah pawl guk  tan ka na zoua, huaibanah, Mission compound ah pawl sagih leh pawl giat heutupa (L) T. Jamkhothang Headmaster na nuai ah NEIGMission  chawmin 1973 -74  ka om hi.Insung buaina leh haksatna tuam tuam  ziakin  lai sinna maban sun zom zou nawn lou in ka khawl ta hi.

Toupan hon deih mah ahi dia 1979 January kha in Jesu toh kituahna Hotdamna diktak /chiangtak ka nei hi.Hun hongpai toujel in Lutheran te nuai ah skulpu na kum 9 sung Lungthul (T). ah kasem a, huai hunsungin ka ji Chingluan toh 1987 Dec,12 in Dan siangthou a kiteenna Kaihlam Evangelical Lutheran Church ah Pastor Kawlkhum khut ah ka nei uhi. Huai nung kum 2 Lutheran saptuam sung ah Evangelist na kasem nawn hi,a kum nawn in Missionary Promote chiin a hon kaisang sak ua, I zogam ah Chialpi nasem in heutupa Thawnkhansuante upa Tualzapau te leh mi tuamtuam te toh kijui in Pathianna sepna ah kana pang tei hi.Huai kum nawn in ah Pro-Pastor na kum khat sem a, a kum nawn mahin Pastor Piching in EELC nuai ah Ordained in ka om hi.(1985-1994).

Kum 1994 September kha in Karnataka ah (Green Valley Bible Centre) ah Discipleship Training in kum nih ka om a,kum 2 zoh in ka inkuante (family) kapii suk hi. Tanu 4 leh tapa khat ka nei uhi.Kum 14 sung Pastor na leh Lecturer leh Accountant hikawm in Toupa na sep theih dandan in inkuan in kasem uhi.Green Valley Bible Centre a ka om sungin College Principal leh faculty te thupukna dungzuiin lecturer khat  hihna toh deihsakna in Bachelor of Divinity (BD) hon pia uhi. Tua hun sung mahin Chenai a IICM te correspondence kum 3 course ah Master of Ministry (M.Min) 2006 April in Toupa ompihna in ka ngah nawn hi.Toupa min phatin omta hen.


 


PAITE BIBLEA LAIMAL SUTKHELHTE ETDIKNA.
THUKHUN LUI LAIBUTE A PAN.

Genesis.

Genesis 1:21 di pen tang 23 a kigelh kha ahia, tang sawmnih le thumna ah le 23 mah akigelh hi.
Genesis 2:21 a huchiin a ihumtaa chih pen kha a ihmutaa chih jawk ding ahi,
Genesis bung 3 leh 4 a omlou hi.
Genesis 5:30 a kum nga kichi pen kha Noa pa Lamek dam kum ahia, kum za  nga leh kum sawm kua leh kum nga (595) chih ahi.
Genesis 6:14 a long ah dantante na bael ding ahi, achih pen na bawl ding ahi chih ahi.
Genesis bung 7 leh 8 a omlou hi.
Genesis 9:12 a …… ka thukhun khihkip chih peh hihkip ding chih ahi.
Genesis 10:24 a ……huan Selahin tapa Ever aneia, chih pen Eber di ahi zaw.
Genesis 11:4 a huchilouvin jaw chih pen huchilouin jaw chih ding ahi.
Genesis 11:18. Huan, Pelegin kum 30 ahihin tapa Teu aneia achih pen Reu anei a chih ahi jaw.
Genesis 12:8 a huailaiha chih pen huailaiah chih di ahi.
Genesis 12:18 ah Ka tunga na thil hih bangchidan anmaia, chih  pen amaia ahi jaw.
Genesis 13:7. Peizte huai gam ah a om uh chih pen Perizte chih ding ahi.
Genesis 14:6 a akual khum sunga gamdei achih pen (gamdai jula om ahi) chi jawk ding ahi.
Genesis 14:10 Huan, Siddim guam longnai khukin a di ma chih pen a dima chih ding ahi.
Genesis 15:10 a …… alai takah aphelkhap chaita, a chih pen a phelkhap chiata chih ahi.
Genesis bung 16, 17 leh 18 te a omlou hi.
Genesis bung 19 na a omlou hi.
Genesis 20:7 a ……na si ngei ding chih theimaiin, ang leng chih pen Nang leng chih ding ahi.
Genesis bung 21, 22, 23, 24,25,leh 26 sung ah kimulou hi.
Genesis 27:19 na tap achih pen na tapa Esau ka hi,
Genesis 28:13 tawp ah  na suante  kiangah ka kon pe ding chih pen ka hon pe ding chih di ahi.
Genesis 29:25 Rakil toh kiteng dingin na na ka sem ka nia ? pen hia? Chih jawk ding ahi.
Genesis 30:13  a  huahiin chih pen huchiin a min dingin Aser a sa hi.
Genesis bung 31 na a omlou hi.
Genesis 32:10 a …… a neupen leng mu tuak ka hi kei hi chih pen mu tak ka hi kei hi chih di ahi.
Genesis bung 33 leh 34 na a omlou hi.
Genesis 35:29 a Huan Isaakin a kha a khana, chih pen Isaakin a kha akhah a chih di ahi.
Genesis 36:8 a Huchii chih pen huchiin Esau tangah a omtaa.
Genesis 36:17 a heut chih nih vei kigen pen heutu chih di ahi
Genesis 37:16 a Ka uta zong ka hi, chih pen, ka ute zong chih ding ahi,
Genesis 37:21 a…… a khut ua kipanin a hongkhetaa, chih pen a honkhetaa chih ahi.
Genesis 38:7 a Er Toupa mitmuh in gi gilou a hia, chih kha  gilou (evil) chih ahi.
Genesis bung 39 sunga omlou hi.
Genesis 40:13 huchiin a uain pepa na nahin laia, achih pen na nahih laia chih di ahi.
Genesis 40:21 a apangsak nawha pen a pangsak nawn a chih di ahi.
Genesis 41:12 aman ka mangte uh a hilhchiante hi, chih pen ahilhchianta hi chih ahi.
Genesis 42:33 a ka kiangh ua chih pen ka kiang ua chih di ahi.
Genesis 42:38 a a u asitaa, umah kia lah a hita ngala, chih amah kia lah ahita ngala chih ahi.
Genesis 43:15…. Dangka leng a mun hih a tawi ua, chih pen a mun nih a tawi ua chi di ahi.
Genesis 44:26 ka nautumpen un chih hilouin ka nautumpen uh chih ahi.
Genesis bung 45 na a omlou ahi.
Genesis 46:34 Nou na sikhate honsungte chih pen honsuangte chih a hi jaw.
Genesis bung 47 leh 48 a omlou hi.
Genesis 49:26. Na pa vualjawlate chih pen na pa vualjawlnate chih di ahi.
Genesis 50:21 a na ta na nau chikchikte chih pen na ta neu chikchikte chih ding ahi.

(Kal nawn chiah Exodus a te i suah ding uh)


 

 

Related Article: Laisiangthou Sunga Thumal Sutkhelhte Etkikna - Exsodas