TISS a kai ding na hihleh

User Rating: 0 / 5

Star InactiveStar InactiveStar InactiveStar InactiveStar Inactive
 

Suanlyan-TungnungTata Institute of Social Sciences (TISS) a kai ding na hihleh
Amasapen in TISS a kai ei singtangmite apat in Chibai! Academic session 2013-1014 ading admission advertisement ahing suoh jelta a, mi bangjate khat in na hing apply ding uh ka kinem hi. Hinanleh tam article khu TISS ading a sangnaupangsuinadan a kagielahisih a, admission process theilou, lahkai-ut, doh ding theiloute ading deu a ka hinggiel ahi hi. A tangpi khenkhat website a simtheite tupmawng a genlou zong a um hi.


Sir Dorabji Tata Graduate School of Social Work chia 1936 kum a kiphutkhie ahia, 1944 kum in Tata Institute of Social Sciences in amin heng lamdang ahi ban ah 1964 kum in UGC nuoi ah Deemed to be a University dan a recognized ahita hi. Tualeh NACC in TISS khu ‘A’ grade University (scoring grade point of 3.88 out of 4.00) anapia a, tutan in score sangpen pawl a chiemteahinalai hi. Adangte a website www.tiss.edu a zong simthei van in, admission a poimaw diehte hing gen vang.


Form fill-up ding dantangpi:
Tulai in form fill-up sa post a thot chivel apai seng nonsih a, ONLINE chidan deu a thang mama ta hi. Amasapen in TISS website www.tiss.edu ah lut lechin admission notification ana umding hi. Khum link a na lutleh Log in register ana um van in, Click here to register chi na mun ah lut in. Registration link a na lutjou chieng in na e-mail id ahing ngen ding hi. Na e-mail id giel inla Register chi khuh meeh in. Khum jouchieng in na e-mail check lechin link khat ahing pe ding uhi. Khum link apat in lut inla, na min, email id, password fill-up in. Tam mun a na mail id leh password mangngil mawngmawng lou ding ahi. Khum teng na zawchieng in Congratulations!!! You have been registered. Hing kichi van in, na mail id leh password toh admission website ah na luttheita ding hi. Eg. https://appln-admissions.tiss.edu/home/. Khum window or page ah silpoimawatam mama hi.


Form fill up nading a step tuomtuom 5 umteenvai:
Step 1na:
Nang toh kisai sil zousie fill up ngai. Tualeh exam centre eilam ading a naipen khu Imphal (Nidang in Guwahati ah NE pumpi akikuon hi) ahi hi. Online a exam pieh tukum in ahing umsah tha ua, eilam a network hoilou toh, light hoilou toh feasible tahtah ding in ka gingta sih hi. Tualeh mistake bawltheina bailam pen ahileh SAVE AND CONFIRM chikhuh ahi. A hitheitan in SAVE option pen mang/zang inla, na personal details, choice of  centre etc. teng dih mama, tamkhel a giel ding thei sing na chi chiengleh aban na sawntheina ding in SAVE AND CONFIRM meeh pan in. Huh ahilouleh next step  ah nalut theisih ding hi. Dihkholloua SAVE AND CONFIRM option na meehlehna form fill-up sa tengteng naheng thei nonsih ding hi.


Eg. Family member detail na fill up chieng in, anuai a table ah ahingkilang ding hi. Na family member teng in sep le bawl, income chivel anei teitei ding apoimaw sih hi. Na family member teng income na neisah leh na income ahing tamseng ding hi.


Step 1na a chalak mama khat ahileh ORIENTATION ahi hi. Orientation khuh FREE (Bus tuonman, um man leh breakfast, lunch, dinner) ahi a, SC/ST leh OBC te ading liulieu a kibawl ahi hi. Option 2 a kipie a YES chi pen a na salect ulechin hoi kasa hi. Tam orientation na panleh SAMPLE QUESTION hing hah va un, amun ah interview dan, written exam paidan, group discussion a topic tuamtuamum theite practical tah in ahinghil ding uhi. Ei singtang mite ading in a phatuom mama hi.

 

Thei ding a poimaw: Ahitheilehna income certificate lah uh Rupees One Lakh Fifty Thousand per annum tunglam hing hisah sih ulechin. Ken ka bawllai in ka income Rupees Two Lakhs ka valsahleh admission form fill up man zong ka pieh, Travel re-imbursement zong kimulou thamlou in Fee chikim ka piehlaw hi. Tam hun a dihtat ding leh dihtatlou ding noutung a kinga ahita hi. Adieh in ei Schedule Tribete ading in bangkim a free ding ahina lai hi (Government Scholarship muthei ding na hina laileh). Ahilouleh fee chikim na pieh hingngai van in, Hostel zong na musih ding hi.


Tualeh Campus tuomtuom um nanleh (adieh in Mental Health specialization) Mumbai Campus ma hoipen ding in ka gingta hi.


Step 2:
Class X, XII, Graduate a na mark (total marks), grades or division, percentage etc fill-up ngai. Tammun ah na graduation level a maimai a poimaw ding hi.


Step 3:
Program atam mama a, bangpen na lunglut ei chi tam mun a na teelthei ding hi. Mumbai Campus a kai na utleh atampen in program 3 select thei ahia, campus dangte ah 5 tan salect thei ahi. Tam program te toh kisai in exam chi 2 a um hi. Khatna khu common written exam ahi a, candidate tengteng ading a compulsory ahi hi. Khum jouchieng in Essay a umkia hi. Specialisation 3 bang na teelleh essay 3 giel ding china bang ahi.


Step 4na:
Fee khu, ka gensa bang in na income atam leh na pieh angai ding hi. Tamkhu admission fee hilou, examination fee ahi nalai hi. Na income atawmleh tam option ahing umsih ding hi.


Step 5na:
Na passport photo (recent), na certificatete, income certificate, tribe certificate, signature etc., scan inla, soft copy upload in. Na passport ahi theileh ahoideu khat hileh duthusam ahi (melhoi teitei ding china chuh hilou!). A um penpenna upload leh school na hingkaichieng in na id card ah ahing kimang ding hi.


Thukhitna:
Sum neilou zieh in lungke malmal sin, Bank te amun na hingtunchieng in Student Load pe-ut ahing um liailuai ding ua, school azong FINANCIAL AID muthei ahinalai hi. Tualeh adieh in Government of Indsia scholarship muthei nalai ding (study break kum 4 sang a tamzaw loute) na hileh bangma lungkham a huoisih hi.


Advantage dang khat ahileh tam entrance a nazaw a atoptan a mark tampi khat namuleh SC/ST/OBC lah ah top 3 tan tungjoute ading in Government in Laptop 1 leh scholarship tuomtuom abawl pieh nalai hi. Tanu khattang na hileh Scholarship for Single Girl Child chizonga um nalai hi.


TISS a course nazaw a, na siemthei nalaileh nang ading in maban avang ahimaita hi. Placement na mulou lezong TISS project tuomtuom ah sepna ahing pe ding ua, Fellowship zong bawl tou thei ahi nalai hi.


Form fill-upjou a communication tuomtuomna mail a ahinglut louleh www.admissions.tiss.edu ah lut inla, na email id leh password (form fill-up laiapen) toh sign in lechin nang toh kisai sil bangkim a um ding hi. Common Entrance exam na hing zaw chieng un aban kihil kiavai.


Kei nasan in entrance process teng ka zawleh nang bangding a joulou ding la?

 

Suanlyan Tungnung
Tata Institute of Social Sciences

~~29012012~~