Lamka 29 September 2021 (zogamdotcom) | Nitaklam dak 6:45pm in YMA Hall, Hmuia Veng ah, a thumveina ding in Fashion designer Lian Suantak in Annual Fashion Show nei a, hiai hun ah Bridal Couture Collection, 'mou form' chi tuamtuam a design-te lahna nei hi.

A masa pen in mou thian, bridesmaid silh di a design-te model tuamtuamte in hon lak ua, a zom in puanten zang in moupuan tuamtuam hon lak nawn hi. A thumna ding in wedding gown a design-te hon lak nawn hi.

Hiai hun ah lasa siam tuamtuam Christina Shakum, Kennedy Vaiphei, Jenny Thomte leh Nancy ten a kal lak teng ah zaila siamtak in hon awi uhi.

Entu le tam mahmah a, YMA Hall sung dim mitmet hi. Pu Lian Suantak in ahih leh National Institute of Fashion Technology ah design lam toh kisai zou khia a, tun amah fashion design production kineih hi. Hiai event ahih leh Cindy Khuptong in a organised ahi a, etlawm leh fel mahmah a, gam dang le bang ahi tuan a hon chisak hi.