Singtang Bus

User Rating: 0 / 5

Star InactiveStar InactiveStar InactiveStar InactiveStar Inactive
 

singtangbus


Singtang Bus i chih bus hilou in truck ahi. Bus service a omlouh ziakin Truck te'n passenger pua mai uh hi. Nidang lai in MSRTC ki chi Manipur State Road Transport Corporation, MST chia ki gensek ana om ngei hi. Huai hun lai in Lamka akipan Parbung tan hoihtak in service ua mi tampi ten phattuam pih mahmah uh hi. Himahleh a ziak theihlouh in hiai MSRTC bus service hong khawl mawk a, tutan muh ding om nawn lou hi.

Huchi in private bus khenkhat in singtanglam khuate ah service sek mah le uh sawt hih zoulou uhi. A ziak hidia gintak ahih leh lampi siat luat ziak ahi. Lampi siatluat ziakin Truck/Shaktiman te kia tai muh ding in om hi. Hiai Shaktiman/Truck te van puakna a zat dia ki bawl himahleh, Bus service a ginat louh ziakin passenger pua in tai maimah uhi. Passenger puakna gari ahih louhman in mihing a dia safe lou a, tuahsia tampi leng zak ding om deuh gige hi.

Zodawn/Singtang khua lam a i mi i sa te lah khopi a poimoh van leh buaipih di a neih chiang ua ahong zin louh theihlouh uh la hizel ahih manin, bial MLA ten singtang lam a transportation poimohna pe deuh le ut chih huai mahmah hi. Gari lampi bawlhoih leh government bus service bek paisak hoih mahmah ding ahi.

Private gari man tam pipi a election lai khong a va zin zual hunsung in zaw lampi noplouhdan phawkpha lou le ahimaithei uh. Ahia bial MLA ahih na un, development tuamtuam a hih ut kei uh leleng kikawmtuahna dia poimoh lampi bek bawl hoih ding in poimoh mahmah sak in om hi.

Photo by: Malsawm Tunglut