UPDATES:

Lamtui Lianu

LAMTUI LIANU
Paulian newZiin simthu hiam aw sianmang simthu,
Lamtui lun liannu ngai a huibang mauna;
Sun a sunmang,zan a zan zalmang lungdeih,
Heina peuh a zuan zeutui bang zawlna.

Tang ka khan a ka ngaih lungdeih hi ,
Lamtui lia lungdeih pampaih ka phallouh hi.
Sunni chin hi,a vang ngai a mimbang thum na,
Kitawi lianu laizom bang ngaina veng e.

Asiang ka mun hi e,keimun ama a,
A vaang tongdam baan na, hei nunkho nopna;
A tongsuak nemnou niing zukhum bang,
A siang ah sawlbang ka vul ngieingei hi e.

Lianu siang ngai ing,a heina ngai ing,
Nichin ngaih heina pahtang galkhua'n don ing;
Sawtlua sang e,ngaih gimsi lah theng theilou,
Tomkal melmulou in sawlbang ka vul ding bang e.

Ngaih toh tong kisang leng e mual zapi kal ah,
Simlei mualpi kal ah pahluat mel zilsak nuam ing;
Kha kiak mawhna omleh pawh thangvan nuai ah,
Lamtui ngaih liannu sihkhum bang zotpih leng e.

YOU NEED TO LOGIN TO COMMENT | COMMENT NA PIAK NOP LEH NA LOGIN NGAI DING