UPDATES:

S5 Box

ZOGAM.COM Login

Tongdam Thum Leh Sakmel Thum

vzsiamSimlei a tongdam ka saan masak
Lungdeih ka tuun tongdam hi e
Tuun tongkhum chik a ngilhlouh ding aw
Simlei a sakmel ka muh masak
Lungdeih ka tuun sakmel hi e
Tuun sakmel maimit a thamden ding

Tang bang ka khan a dawn bang ka tuah
Sianmang sakmel ni bang luun e
Khapham nua laukha’ dot kumtuang ding
Tang in laukha’ benghem a ka saan
Sianmang’ tongdam an bang itna
Khapham nua gua bang hinna hi e

Tang in lungzuan laitak a ka tuah
Ngaihnou sakmel palluun sa’ng e
Sawl bang vul tangpa phawnna hi e
Tang in duangvul laitak a ka san
Ngaihnou tongdam ning bang khum sa’ng
Kumsawt tang bang damna’n lawm sa’ng

Simlei sakmel zatam lak a sakmel thum
Simlei tuanglam a sawnbaan hon kaai
Simlei tongdam zatam lak a tongdam thum
Touding tuanglam a zaitha hon guan
Simlei lungngaih meipi zing nuai a
Gawl bang puuk ding khuam bang dou hi e

---------------------------------------------

Leitung a aw ka zaak masakpen ka nu aw ahi, nute awging chihmah a mangngilh nawnlouhding ahi. Leitung a mel ka muh masakpen ka nu’ mel ahi. Nute mel mitkha a omden ding ahi.

Ka hong pichin leh ka tuahkhak Pathian mel avaak mahmah a, sihnung chiang a muhmuh ding ahi. Ka kha in azaak a itna awsuak, sihnung chiang a hinna ding ahi.

Ka lungzuan laitak a ka muh ka ngaihnou mel kilawm hinatel e, thazoi ngoihngoih hon hihhalh tu ahi. Ka thazoi ngoihngoih laitak a ka tuah ka ngaihnou’ awging zaaknop hina e. Sawtpi dam ahon utsak.

Leitung a mel tampi lak a mel thum, leitung khualzinna a hon baankaih, leitung a awging tampi lak a awging thum, lamtou a haatna honpia. Leitung lungkhamna a dim lak a puuk ding hon veng tu ahi uhi.

YOU NEED TO LOGIN TO COMMENT | COMMENT NA PIAK NOP LEH NA LOGIN NGAI DING