UPDATES:

Lamzang kidnap toh kisai a mat a omte 20th March 2017 zoh chiah court a dinsak hi ding uh

Lamzang kidnap toh kisai a mat a omte 20th March 2017 zoh chiah court a dinsak hi ding uh.

Lamka 17th March 2017: Zogam.com admins ten Lamzang kidnap toh kisai a mat a omte dinmun Churachandpur SP Balwal houpihna nei uh hi. SP Balwal in a genna ah Lamzang kidnap toh kisai a mat a om te interrogation a neihna ua a crime uh confessed uh chi in gen a, tua akipan midang te leh a gari a zatte uh leng matkhiak hivekta ahi chi in gen hi. Mi 2 mat masak ten midangte min te gen khia ua, huai dungzui a mat a om uh ahih dan gen hi.

SP pa a gen zomna ah amau te 'attempt to murder, criminal intimidation leh kidnap' chih te ah chargesheet hi ua, 20th March 2017 zoh chiah court a dinsak hi ding uh chi hi. Tua banah a case uh saifel ahih ma June kha tan judicial custody a om ding uh ahih dan le gen hi.

Bangziak a Ccpur Police Station a koih hi lou a, Moirang Police Station ah koih uh hi hiam? chih dotna a dawnna ah Churachandpur a mob violence tungtawn a sihna omsek ahih ziaka Moirang ah ki koih ahi chi hi.

Zan nitak 16th March 2017 toh kisai a Lamzang khua a Policete maituam leh thau kap toh kisai in SP pan hichi in gen hi. Lampi leivui khutluak ziakin Police ten mask bulh ua, himahleh mipi toh kihou pen in mask lakhia in mipi houpih ahi chi a, thau kap gin toh kisai pen thau hi zaw lou in tear gas hi zaw ahi chi hi. Mipi khenkhat te hong sousang ziak a tear gas kap ahih dan Zogam.com admins te kiang ah gen hi.

https://scontent.fblr1-2.fna.fbcdn.net/v/t31.0-8/17016900_1693360094290507_2147456741935595876_o.jpg?oh=a1c75e73bf4b4236106d72ab613cf9d2&oe=596601BB

YOU NEED TO LOGIN TO COMMENT | COMMENT NA PIAK NOP LEH NA LOGIN NGAI DING