UPDATES:

S5 Box

ZOGAM.COM Login

JAC Makaihna In Numiten Silent Rally Nei

JAC Makaihna In Numiten Silent Rally Nei. Half Day Total Shutdown buaina omlou in beinonta.

ZNN| Joint Action Committee (JAC) makiahna nuai ah kiphinna paizom touzel in, tuni 29th August, 2016 in numeite'n silent rally thupitak nei uhi. Hiai rally a telte CCpur Govt College campus ah kingak khawm in, rally pai dingte thumsakna neih ahih zoh in rally kipan khia uhi.

Salphate' sungkuan ten makaih in mipi'n vualnih in a nung uah zui uhi. Hiai silent rally CCpur Govt College ah kipan in, Tipaimukh road zuitou ua, Phailian, Compound Veng a pai suk in, Tedim road ah paisuk ua, Police Station sak a Tipaimukh road a luttou in Salphate Pumbuk, Hiangtam Lamka ah program zatna nei uhi. Hiai hun ah, Pu Manchinkhup, Convenor, JAC- AATB in thugenna nei a, aman a genna ah, kumkhat bang salphate vuilouh a om ding hitamahleh, tuni
tan ngaihsak a omlou leh Justice I muhma uh ihih theih dandan a kiphinna sunzom touzel ding ihi uh chi a, tuni a hong telle tung a kipahthu gen in zingciang a mass rally a leng hong tel ding in chialna bawl hi. Hiai silent rally mipi thumkhawmna toh lohching tak a zatzoh in om hi.

Zingchiang in Mipi' lamzuihna om ding a, Singngat lamte leng JAC, Singngat makaihna in khe a hong paisuk in, hiai Mass rally a hong kihel ding uh ahihdan thu kiza hi.

┬ęZogam.com News Network.

jacwomenrally2016

 

YOU NEED TO LOGIN TO COMMENT | COMMENT NA PIAK NOP LEH NA LOGIN NGAI DING