UPDATES:

S5 Box

ZOGAM.COM Login

ZC Chairman (in charge) in KIM thusuah hilhchian

ZC Chairman (in charge) in KIM thusuah hilhchian

ZNN | Lamka, 3rd October 2015. Apaisa 1st October 2015 ni a Kuki Innpi Manipur (KIM) te thusuah toh kisai in Zogam.com in Pu Vungsuanthang Guite, Chairman In-charge Zomi Council tuni in houpih hi.

KIM in thusuahna a kammal kizang "fully authorised" pen mi tampite sa-ikh sak a, social media a lungkimlouhna leh theihsiamlouhna thu ki hah gen mahmah hi. Pu Vungsuanthang in a gen dan in KIM in hun paisa in Manipur CM kiang a memorandum khia ahih dan uh leh CM toh kihouna a neihpen uh report piakna dan in Innpi dang te Hmar Innpi, Mizo People Convention leh Zomi Council te joint meeting diin sam ua, va tel uh ahih dan gen hi. Hiai meeting na a KIM in apaisa 21st September 2015 nia Manipur CM memorandum a piak na ua bill thumte amah table a lakiik ding in ngen ua, amah table a bill 3te a om chiang in stakeholders teng toh ngaihtuahkhawm hipan ding chi in gen  uhi.

Hiai a tung a memorandum CM pa a piakpen uhleh stakeholders teng toh kihouna nei di a chih pen uh innpi dangte'n apanlakna uh kipahpih ahih dan gen ua, fully appreciated a chih pen uh theikhial or deihkaih kha ua "fully authorised" dan a gelh kha hi ding un Pu Vungsuanthang Guite in gen hi. Aman a genzomna ah mun tuamtuam Delhi, Bangalore, Chennai, UK, USA etc a singtangmi pawl tuamtuam ten amau omna chiat a pan alakna ua India Prime Minister leh mi poimoh tuamtuam ana kimuhpih te uh leh memorandum ana piakte uh iki pahppih dan mah a KIM panlakna kipahpih ahi chi hi.

KIM Press Release a "fully authorised" pen in kawk tuam neithei ahihbanah meeting na a ki gen kha ahihlouh ziakin Innpi dang teng in KIM kiang a Press Release bawkdik dingin ngetna bawl chi uh hi.

KIM akipan press release bawldikna ngak hi lel hi.

articlenew

YOU NEED TO LOGIN TO COMMENT | COMMENT NA PIAK NOP LEH NA LOGIN NGAI DING