UPF leh KNO in political demand khat nei khawm ding

User Rating: 0 / 5

Star InactiveStar InactiveStar InactiveStar InactiveStar Inactive
 

UPF leh KNO in political demand khat nei khawm ding

ZNN | Lamka 13 September 2015. Tuni United Peope Front (UPF) leh Kuki National Organisation (KNO) heutu poimoh (highest level) teng houlimkhawmna nei ua, tua akipan in thupukna poimoh 3 nei uh hi. Khangthu a dia UPF leh KNO lungkhat pu a kimuhkhawmna masapen ahih manin chiamteh tham ahih dan Pu Calvin in Press Conference ah gen hi. Tutung i buaina un kipumkhatna hon tun ahi chi in gen ua, tuabanah UPF leh KNO in martyrs te zahna sang pen a piakdan uh zong gen uhi. Mipi ten singtangmite a tuam a kivaipuakna a deihthu uh kholai a tangkou ua, tua banah misi luang 9 bang ki khamzen ahih manin, tuate ngaihtuah kawm in a nuai a bang in thupukna la uhi.

1. UPF leh KNO in political aspiration or demand khat nei a paikhawm ding in thupukna bawl uhi. Hiai pen in principle hi phot a, technical lam bel abaihtheilam a framework bawl ding in gen uhi.

2. Center government in hon theihpihna ding in kal nawn chiah joint delegation center ah sawl in om ding.

3. Naga heutute toh dinmun genchetna neih hi ding. Tribal issue a pai di leh louh genchetna neih hoih sa ua, Naga ten a tuam a political demand a ki neih ut ua leh la poilou chi uhi.

Press Conference na dotna tuamtuam neih in om ua, dotna ki bawl khenkhat te:
# Misite vui leh louh di tungtang dotna ki bawlna ah Pu Calvin in misi vui di pen JAC khut a om a hih dan gen a, KNO leh UPF pen political forum ahih manin, politics vai sai ding ahih dan gen hi.

# MLAte ki resign louh tungtang dotna ah UPF leh KNO in MLA te kiang a ki resign mai ding ua advise a piak khit ban uah mipi ten ki resign dia ngetna a bawl nung ua ngaihsaklou ahih man un, a maban uh omnawn lou ahih dan gen uhi. A tung ua hiai action ki la di chih bel gen theih neikei mahleh uh, future nei lou ahi dan uh gen uhi.

# Meeting na kuakua tel chih dotna ah KNO leh UPF lam a kipan heutu poimoh teng, highest level teng tel a ngaihtuah khawm ahih dan uh gen ua, tutung i gam a thiltung pen khangthu a chiamteh tham kipumkhatna ahih dan taklang thakthak uh hi.

Reports by Zogam.com

articlenew