SSPP FC in NE Tamchon Football Tournament 2018 Champion hihna la

SSPP FC in NE Tamchon Football Tournament 2018 Champion hihna la

New Delhi, 21th October 2018 | Zan 20th October 2018 nitaklam dak 5 akipan in India khopi New Delhi a ei singtangmi omte a diak a Siamsinpawlpi member teng in Delhi Gate kiang a om Ambedkar Stadium lam zuan chiat uh hi. A 12 veina The North East Tamchon Football Tournament Final Match ahi a, SSPP FC leh Indian Air Force te kimawl uh hi. Stadium sung mipi dim mitmet a, mipi kikou husa in Stadium thawn zuazua hi. Closing Ceremony nitaklam dak 6 vel kin kipan a, dak 7pm in Final match kipan hi.

Indian Air Force te vai sepaih hat mahmah ngen ahih na ua, kisithei mahmah ua, first half ah goal khumzou omlou tuak uh hi. Second half ahong kipat nung sawtlou in SSPP FC akipan Premjit Singh leh Ngangbam Naucha te'n goal nih hon khum zom ua, Indian Air Force ten time beima tan a dinzou lou in, SSPP FC in vualzohna la hi.

Individual Awardte ah Reisangmi Vashum (Ukhrul FC) in Golden Boot la a, Reisangmi Khodang (Ukhrul FC) in Best Midfielder, Most Dicipline Team ah Gorkha FC ten la ua, Best Goal Keeper ah Indian Air Force te Basu in la hi. Best Player award ahih leh SSPP FC akipan Gogou Hangsing in la a, Best Coach award ahih leh SSPP FC coah Sonpau in la hi. Champion team te'n Cash Award 6 lakhs la ua, Runners up team ten lakh 3 la uh hi.

SSPP FC in Tamchon akipat tung akipan ana pang gige ua, kum 12 a ngak nung ua Cup a lak masakna pen uh ahi. Tua banah Tamchon Tournament ah tutung toh sim in final 3vei a lutna uh leng ahi a, Cup a lak uh phu mahmah uh hi.

Congratulation SSPP FC!

GIN6457

GIN6426

GIN6434

MORE PICTURES: https://photos.app.goo.gl/M2h9adPDbPHRtuUD9