Zogam.com In Tribal Martyr 9-te Galna leh Zahna pia

User Rating: 0 / 5

Star InactiveStar InactiveStar InactiveStar InactiveStar Inactive
 

Zogam.com In Tribal Martyr 9-te Galna leh Zahna pia

ZNN | Lamka 19 October 2015. Tuni zinglam dak 11:30 in Zogam.com team ten Manipur Govt in 31st August, 2015 a singtang mite hetkha dia Bill 3 a pass-te deihlouh ziak a singtangmite' kiphinna hun a sihna ana tuak salpha mi 9-te galna leh zahna hunzatna nei uhi. Hiai hun zatna JPO Office, Dist Hospital ah nei masa ua, Pu CT Lian, MDC leh Pu LT Ngaihte, IFS ten makaih uhi. Pu LT Ngaihte in Zogam.com a piankhiat dan leh activities tuamtuam a saitouh dante, Zogam.com ziak a khovel kilchih a om singtang mite'n ilak a thiltungte baihlam tak a ana theihtheih ahihdante banah, member-te' pangkhawm a tuni a hiai bang a i salpha mi 9-te Zogam.com min a galtheih a om ahih dante genna nei hi. JPO panpihna ding a member-te ki thohkhop sum Rs 3000 leng piakkhiatna nei ngal hi. Hiai hun a hong paikhawm ten banner tung a suaikaihna ki bawlna mun a suai kai chiat uh hi.

Hunkhatna zatzoh ahih toh kiton in member paikhom ten salphate a inn chiat uah galna nei uhi. Hiai hun ah member paikhom thei teng in salphate a inn chiat uh va sik in zahna leh galna thilpiak piakna hun saulou chiat va zatpih uhi. Zogam.com member-ten neih bangbang a kithoh khop sumte zang in salpha inkuante' kiang ah a galna in danbel sun 1, antang bag 1 leh chini 2 kg chiat piakna leng nei uhi.

Salpha Thangzalian te inn ah Pu David Son in thugenna hun nei a, pu CT Lian in van piakkhiakna nei hi.
Salpha Khaizamang te inn ah Pu Raymond Gangte in thugenna hun nei a, pu CT Lian in van piakkhiakna nei hi.
Salpha Enkhankhup te inn ah Pu Mungbawi Neihguk in thugenna hun nei a, pi S. Chingnu in van piakkhiakna nei hi.
Salpha Robert Jamminthang te inn ah Dr Liangoumuan in thugenna hun nei a, pi Biak Hanghal in van piakkhiakna nei hi.
Salpha Lamkhenthang te inn ah Pu Muan Samte in thugenna hun nei a, pi S. Chingnu in van piakkhiakna nei hi.
Salpha Pausuanlian te inn ah Pu Sangluai Paite in thugenna hun nei a, pi Kim Tombing in van piakkhiakna nei hi.
Salpha Paulianmang te inn ah Pu C Lian Langel in thugenna hun nei a, Pi Jejem Gangte in van piakkhiakna nei hi.
Salpha Khamsianmuan te inn ah Pu Cole Tonsing in thugenna hun nei a, pi Biak Hanghal in van piakkhiakna nei hi.
Salpha Henlalson te inn ah Pi S. Chingnu in thugenna hun nei a, pu CT Lian in van piakkhiakna nei hi.

Salphate galna leh zahna hun neihtheihna dia sum le pai, tha leh zung hon thohte tung ah kipahthu Zogam.com min in i gen ahi. Elvee Enterprise in belpite leh antang bagte puakna dia a gari uh hon zatsak man un kipahthu i gen ahi.

Zogam.com News Network

More pictures: https://www.facebook.com/media/set/?set=oa.943593482393426&type=1

20151019055124

20151019061620

D6T3BLZi

dqztsxUO

 

 

GemtmTyA

j08t6uWZ

e3LRT54y

 

20151019055153aa RtYwswX