Ropiang Foundation in Interview Lohchingtak in sai

ROPIANG FOUNDATION IN INTERVIEW LOHCHINGTAK IN SAI

Tuni tarik 20th January dak 10 lakveel apat in Ropiang Foundation saina nuai ah ICICI Academy Jaipur a "electric and motor repair skills" zilthei diing mi laakna kinei hi. Interview peen Ropiang Foundation Headquarter, Mission Road ah om a, candidate hunkhop tel in, 10-15 kikaal lakdiing chihna ah candidate te hoihthei leh deserving sakziak in Interview Board in mi 15 (full seats) merit in select uhi. Hiai hun a ki select khaklouh candidate te hoihlou chihna hipah lou in, upcoming courses te adia leeng kuanthei laizeel diing uh ahihdaan zaaksak in om hi.

Tua select a omte peen Jaipur a training centre tarik 6 February tan in ki report diing ua, course bel tarik 9 apat pat hidiing hi. Kha 3 sung intensive residential training course nei diingdaan hi ua, course zohchiang in asiamna dungzui un company tuamtuam khopi tuamtuam ah placement ngahthei diing uhi.

Hichibang zilna in amau nek-leh-taak diing zonna aa apanpih uh banin society in apoimoh electric leh gari repairs te ah leeng phatuam khadia lam-et ahi.

Selected candidate te min list Office Memorandum ah kisuahkhe ta hi.