The 13th Chennai Zomi Freshers Meet Zatna Report

User Rating: 0 / 5

Star InactiveStar InactiveStar InactiveStar InactiveStar Inactive
 

The 13th Chennai Zomi Freshers Meet Zatna Report

Chennai Zomi te khangthu a mang ngei nawn lou ding in apaita Tarik 10, August 2016 in Chennai a om Zomi ten Freshers' Meet Cum Seminar on "Goodbye Failure, Welcome Success" program nuamtak mai neih in om hi. Program thupi ding in "Let Go, Let God, Lets set Goals" chih Philipians 3:13-14 akipan kilakhia ahi hi.

Hiai hun ah kumdang bang in Zo Suan namkim kitel kim chiat a, program zong nuam mahmah hi. Hiai hun ah Freshers mi 30 (Zo Lia 18 leh Zo Tang 12) pha a, hasotna hoihtak Pastor T Paununsang, EBC Chennai apan ngaih khiak ahih zoh in amauten' siam tak mai a introduction hon nei ua, thumsak na in zom ngal hi.

Hiai hun ah Chief Guest ding in Pastor Wapang Toshi President, North East India Welfare Association Chennai (NEIWAC) in pang a, Guest of honor ding in Lt Col Thangson Shoute, Madras Regiment Coimbatore, Functional President in Chief Manager Bank of India leh Chairman Kuki Worship Service Chennai hih na len lel Mr. Steve Mangminlen Touthang in uap a, Resource person ding in Rev. Dr Pum Za Thang Tombing, Founder President, Gilead Evangelical Theological Seminary (GETS), Bangalore pang hi.

Hiai hun ah Chief Guest akipan thu manpha Chennai a siam sin dia hong kuan te leh sepna nei te a dia theihtuak tampi genkhiak na hong nei hi. Guest of honor akipat in ah sum leh pai amasapen a koih lou a Pathian amasapen a koih ding ahih dan leh Functional President akipan in thil ihih kehmpeuh a theihpatawp suah ding ahih dan leh ei Zo suan te unau khat ihih dan gen uang mahmah hi. Resource person akipan in Seminar tungtawn in hun paisa a lawhsapna leh hih khelh te mangpha khakna leh lawhchinna vaidawn na slogan nasatak a sapna om hi. Aman "Ut dan dan a om Vs Ut louh dan dan a om" chih thupil toh Chennai Zomi te chouna nei hi.

Special invitees mi sagih amaute Mr. Tluanga Colney (General Secretary NEIWAC), Evangelist Augustus Haokip (KWS, Chennai), Pastor David Sian Lian (New Life Zomi Church), Pastor Lunpi Neihsial (ZCF, Chennai), Pastor T Paununsang (EBCC, Chennai), Mr. Ena Guite (Elder EOC, Chennai), Mr. Samuel Lian (Elder EOC, Chennai)

Program zinglam dak 12 akipan in nitaklam dak 3 tan chih himah leh program a nopluat ziak in dak 3:45 in first session kizou a, 15 minutes refreshment break zoh in dak 4 akipan dak 6:20 tan second session kinei hi. Hiai hun ah zaila oih siam mi tuamtuam te akipan leh lapawl BYF, EBCC Chennai leh ZCF Chennai te akipan ngaihkhiat na om hi. Hiai hun sung ah seminar ngaih nop huai tak "Goodbye Failure, Welcome Success" chih thupi toh heutupa Rev.Dr.Pum Za Thang Tombing akipan thu ngaihnop huai tak ngaih khiat in om hi.LT Valte akipan Standup Commedy leh Tuan Guite akipan Name the song and the Artist item ten mipi tha thou sak mahmah uhi.

Zomi te i omna peuhmah ua I kepbit uh I culture leh tradition te lahna Zomi Cultural Troupe te akipan Bamboo Dance leh The Highlanders te akipan Choreography leh Teddim Chin Inkuan te akipan zong namlam etnop huai tak lahna zong om hi. Zomi siamsin na lam ah zong ki maimai tuan lou ahih man in kum paisa a siamsin na lam a lawhchinna ana nei unau mi 5 te kiangah siamsin award heutupa Lt Col Thangson Shoute tungtawn in piakkhiak na kinei hi.

Hiai hun ah Tribal Martyr te zahna in one minute silence hun zatna zong kinei hi.

Hiai Freshers meet ah mipi paikhawm te milip 400 di khawng a tuat ahi a, Chennai Zomi history a mipi paikhawm tamna pen hilia dia chiamteh ahi.

image005

image003

image007

image009

image011

image013

image015

image017

image019

image021

image023