Nisin Thuhiltu - 29 March 2019

Manipur ah total voter 19,59,429 ten 17th Lok Sabha Election ah vote khia ding:CEO

Imphal, March 28: Chief Electoral Officer, Manipur, PK Singh in tuni' ama office, Conference Hall, Lamphelpat ah Additional CEO, T. Ranjit Singh, Joint CEO Ramananda Nongmeikapam leh CEO office ah official chuamchuam te uapna tawh 17th Lok Sabha election ding tawh kisai in media briefing bawlnaa nei hi.

Chief Electoral Officer, Manipur in a taklatna a chun, family zosia kiang ah ‘Voter Guide’ hawpdaw ah um ding a hidan gen in, 17th Lok Sabha Election - 2019 ah total voter 19,59,429 ten vote khiathei ding, electors list te update bawlna leh suktuakna neizaw a hitak dungzui ah total voter 19,39,244 lak ah pawsal 9,43,426 leh numei 995773 female um in a gen a, 45 chu Third Gender voters hi'n a gen hi. Service Voters ahileh 20,185 (pawsal 19,506 leh numei 679) um in a gen a, locations 2,275 ah total Polling stations 2,862 um, zia lak a chu Polling stations 283 te Critical ah record, Critical Polling stations te lak a chu Outer ah 227 leh Inner ah 56 um in a gen hi. Polling stations 225 te ahileh Vulnerable (171 in Outer a& 54 in Inner). P-2 Polling stations total ah 200 leh P-3 poliling station 26 um, Polling Party te Polling day ni 2/3 masang ah polling station zuan ah kipandawk ding un a gen hi.

Polling stations electric meivak tunlona polling stations 1,217 ah electricity connections bawlna ding ah CEO office in MSPDCL kiang ah fund release bawlta a hidan taklang in, Deputy Commissioners ten polling stations 665 ah Ramps ngaitua ding, DC ten a pawimaw dugzui ah polling stations ah tuithiang dawn ding a chawkna ding ua apawimaw ding fund bangkim piakdaw hita ti'n a gen hi. Polling station zosia ah takdaw ding, 8x4 feet flex printed Signage siamna ding ah DC te kiang ah fund release ah umta hin le a gen a, furniture kituplo polling stations 346 ah furniture khelman ding, polling stations 236 ah temporary toilets sakna ding ah le DC te kiang ah fund release zaw hita ti'n a gen hi.

Polling stations ah Standardized Voting Compartment le ECI specifications tawh kituak ah sak hiding, posters liantaktak panga a sung leh paw tak ding ti te tuchung ah thilthak hiding, Commission thupiak dungzui ah State election machinery in Persons with Disabilities te special facilities a piak ding, Persons with Disabilities total ah 7,699 um, amau puak lumletna ding a chu light vehicles 5 piak umsak hiding, election vengbit ding ah Central Armed Police Force (CAPF) company 90 leh State IRB company 15 te Outer Manipur Parliamentary Constituency ah first phase election ah duty sak hiding, Central forces lak ah CRPF, BSF leh Assam leh Mizoram apat SAP leh RPF te huap in a gen hi. Post-poll airlifting ding ah Helicopters 3 arrange ah um, polling parties 124, EVM leh VVPAT te airlifting bawl hiding, airlifting bawlna ding a chu Tamenglong ah polling station 49, Churachandpur (39), Chandel (20) leh Ukhrul (16) um in a gen hi.

Imphal East leh Churachandpur district ah assembly segment khat chu Women poll personnel te mapuina tawh vote khiak hiding, zia chu India khangthu a khatveina hiding ti'n a gen hi. Assembly segment zosia ah model polling station 1 chiat umsak hiding leh polling stations 1250 ah Online live webcasting umsak hiding in a gen hi.

ECI in Manipur ah Accessibility Observers ding ah officer 4 guat
Imphal, March 28: Election Commission of India in Manipur ah 17th Lok Sabha election hun ah Persons with Disabilities te ding ah Polling stations ah facilities kituptak a um theina ding ah a enzuitu ding in Accessibility Observers ding officer 4 appoint a bawl hi. Accessibility Observers ding ah appoint ah um te chu JC Ramthanga, IAS, M. Lakshmikumar, IAS, Th Gopen Meetei, IAS leh Gyan Prakash, IAS te ahiu.

DAPCU in centre chuamchuam te tawh review meeting nei
CCpur, March 28: District AIDS Prevention and Control Officer, Churachandpur mapuina nuai ah tuni, March 28, 2019 nitaklam dak 1:00 in DAVAO Office Chamber ah District AIDS Prevention and Control Unit (DAPCU) nuai ah centre chuamchuam te tawh review meeting a um hi. Zia huna a chun, T Benjamin, District Supervisor, ICTC, DAPCU Churachandpur in meeting amapui a, monthly report piakna nei in, centre chuamchuam te apat in report piakna a um a, zia nung a chun maban panlak dingdan genkhawmna a nei ui. Meeting hun ah Targeted Intervention (TI NGO) apat People's Progressive Organizations (PPO), SHALOM leh LRRC, ART apat MSF, ICTC apat VCCTC, District Hospital, PPTCT, District Hospital, PPTCT, Parbungleh Mobile Van, PPP-ICTC apat People's Health Foundation apat palaite a chiakhawm ui. Report dungzui ah DAPCU nuai ah Testing centre chuamchuam ah thalui February thasung ah General Client 883 HIV/AIDS testing kibawlna apat positive 22 mudaw thak ah um, numei nauvawp 578 test bawl ah a umna' positive khat mudaw ah um, High Risk Group ah tetpte, Injecting Drug User (IDU) mi 140 test bawlna apat mi khat positive mudaw ah um, Female Sex Worker (FSW) 157 test bawlna lak ah positive mudaw umlo ti a hi.

Malaria Department nuai ah team khat in tanggam ve'na nei

CCpur, March 28: Distict Malaria Office CCpur & Pherzawl District in March 26, 2019 apat March 29, 2019 sung in Dr L. Singh, Senior Regional Health Director, Health and Family Welfare Government of Manipur mapuina tawh Senvon, Parbung, Thanlon, Sinzawl leh Singngat ve'na a nei ui. Zia ah khua chuamchuam ve'na nei a chun, Distict Malaria Office CCpur & Pherzawl District apat in Lalramzaua, AMO, S Thaingthianmuan BPO, S Lianbiakthang DEO leh Driver Ramhlun te a pang ua, March 26 ah Thanlon PCH leh Bukpi PHSC ve'na nei in, March 27 in Tinsuong, Damdei, Thaithu, Parbung CHC ve'na anei ua, tuni March 28 in Tipaimukh, Parbung, Pherzawl ve'na nei in, zing March 29 ah Sinzawl ding leh khua chuamchuam ve'na zo ah hung kilekit ding un a kigen hi. Khua chuamchuam ve'na anei hun ua, malaria tawh kisai ah panlak dingdan leh malaria apat kivenna ding tawh kisai ah Malaria Department van mat a iak teu ahi dinggual tak ah mat ahitheina ding ti te etthakna nei un a kigen hi.

NT 29march2019b

Damlo thisan hawm
CCpur, March 28: Evangelical Baptist Convention Church EBCC Khominthang nuai ah Khanglai pawl Baptist Youth Fellowship BYF in damlo thisan pawimaw te ding ah panpina nasep a chiapi zawm zel in tuni March 28, 2019 in damlo thisan pawimaw khat a ding in thisan donate a bawl ui. EBCC BYF Khominthang in ziagual ah thisan donate a bawl sek chu year plan ah a nei dungzui ua a chiapi uh hin a kigen a, tuni ah thisan donate bawl EBCC BYF Khominthang member ahileh Khatmuanneilian in damlo Nu Hatngaihching w/o Songlalpiaklian of V Munhoih, New Lamka ding ah donate a bawl a hi.

Ganggam Soccer in 3-0 ah Manipur Police SC zo
CCpur, March 28: All Manipur Football Association AMFA sainanuai ah a 22 veina Manipur Thangjambirachandra Maipakpi Memorial Winners Cup tournament chiatha zing in Churachandpur district ah football club pang umsun Ganggam Soccer in le bawlhawi zawm to in, Home Ground chuamchuam ah kihelna a neizaw nung un, semi-final a lut ui. Zia chu tawh kitawn in tuni March 28, 2019 in Lamka Football Ground ah zintun in semi-final first leg ah Manipur Police SC tawh match a nei hi. Zia hun a chun, Ganggam Soccer in 3-0 ah gualzawna a chang hi. Zia kihelna a chun, Ganggam Soccer player Boigen Neihsiel,L Tluanga leh Paokhongam ten goal khatchiat a khum ui.

Mizoram Lok Sabha seat 1 ding ah candidate 6 um; Assembly seat by-poll tawh thua ding;
Mizoram khangthu parliamentary elections ah numei candidate masapen ding- Lalthlamuani

Aizawl, March 28: Mizoram Lok Sabah seat a ding ah candidates 6 um a hidan uh Election department officials thusuak in a taklang hi. Mizoram Lok Sabha seat ah election ahileh April 11 leh Aizawl West - I Assembly constituency by-poll tawh um khawm ding ahi. Tuni 28 March 2019 chu candidate te ding ah nomination withdraw bawltheina ding ah last date a hi dungzui ah candidate te withdraw umlo ti a hi.
Lok Sabha seat 1 kichu ding candidate 6 te ahiuleh - C Lalrosanga (ruling MNF), opposition Zoram People's Movement (ZPM) leh Congress in a support Lalnghinglova Hmar (Independent), Nirupam Chakma of BJP, T B C Lalvenchhunga of People's Right to Identity and Status of Mizoram (PRISM) leh Independents candidate pani -Lal Hriatrenga Chhangte leh Lalthlamuani te a hiu. Lalthlamuani ahileh Mizoram Lok Sabha MP election a ding ah numei candidate umsun leh Mizoram khangthu parliamentary elections ah numei candidate masapen le a hi. Mizoram Lok Sabha MP election ah voter 7,84,405 in polling stations 1,175 ah vote khia thei ding, Mizoram-Tripura border Kanhmun village ah Bru voters 12,000 te ding ah special polling stations 15 umsak hiding ahi.

A langkhatlam ah Aizawl West - I Assembly seat bypoll a ding in candidate 3 a um ua, amau chu Zothantluanga of ruling MNF, opposition Zoram People's Movement (ZPM) leh Congress in a support Lalbuanga Sailo, Independent leh Rev Zaichhawna Hlawndo of 'Zoram Thar' party te ahiu.

Arunachal Assembly election umnailo ah BJP candidates 3 unopposed ah teltin hita
Itanagar, Mar. 28: Arunachal Pradesh Assembly elections umna ding ah nomination paper file bukimlo ziak ah State Congress vice-president Minkir Lollen nomination paper reject ah a um ziak leh candidate 2 a ki withdraw ziak un, ki tetpi ding neitalo Bharatiya Janata Party (BJP) candidates 3- Kento Jini (Along East constituency); Taba Tedir (Yachuli constituency) leh Phurpa Tsering (Dirang constituency) te unopposed ah teltin a suak ui. Arunachal Pradesh Legislative Assembly election ahileh Lok Sabha election 1st phase tawh 11th April 2019 ah um ding a hi. Returning Officer in Along East constituency ah State Congress vice-president Minkir Lollen nomination paper reject ah a umna ziak ahileh Village address zikna ding ah a Pa min kizik ziak, a kum zat, constituency min leh educational qualification banah Scheduled Tribe certificate attached kibawllo ziak ti a hi. Hiatthei khat chu, Congress in seat 60 umna Arunachal Pradesh Assembly elections 2014 ah Assembly seats 11 ah unopposed in gualzawna a chang a, amau lak a chun, Chief Minister lui Pema Khandu leh ama thasan Nabam Tuki te le a la pang ui.

ECI in Lok Sabha polls, 3rd phase a ding ah notification sua

New Delhi, March 28: Lok Sabha election 3rd phase a ding ah tuni'n Election Commission of India in Notification a sua hi. Third phase ah 23rd April 2019 ah States 14 leh Union Territories te huapsung ah Constituencies 115 ah vote khiak hiding a hi. Zia dungzui a chu 3rd phase ah Gujarat ah Lok Sabha seat 26, Kerala ah seat zosia 20; Karnataka leh Maharashtra ah seat 14; Uttar Pradesh ah seat 10; Chhattisgarh ah seat 7; Odisha ah seat 6; Bihar leh West Bengal ah seat 5 gel; Assam ah seat 4; Goa ah seat 2; Jammu and Kashmir, Daman and Diu leh Dadra and Nagar Haveli ah seat 1 chiat ah vote khiak hiding a hi. Bihar ah five Lok Sabha seats 5 ah 3rd Phase ah vote khiakna ding constituency te chu- Jhanjharpur, Supaul, Araria, Madhepura leh Khagaria hiding a hi.

Assam ah Lok Sabha seats 4 ah 3rd Phase ah vote khiakna ding constituency te chu - Guwahati, Barpeta, Kokrajhar leh Dhubri hiding, 74 lakh voters ten vote khia ding a hiu. Social Welfare Minister & Bodoland People's Front leader Pramila Rani Brahma, AIUDF Chief Badruddin Ajmal leh BJP leader Queen Ojha te chu Assam ah 3rd Phase ah candidates challang hiatthei deu te hiding ahiu. Lok Sabha election 3rd phase hun a chu, Lok Sabha polls leh Odisha Assembly seats 42 ah vote khiak khawm hiding a hi. Lok Sabha election 3rd phasea ding ah last date of nominations ahileh 4th April 2019 hiding, 5th April ah Scrutiny um ding, 8th April chu last date of withdrawal hiding a hi.