Nisin Thuhiltu – 26 March 2019

Lok Sabha election: Outer Manipur constituency ah candidate 8 leh inner constituency ah candidate 6 in nomination filed

Imphal, March 25 (Nisin Thuhiltu) : Returning Officer No.1/District Election Officer, Imphal West, Lamphelpat ah tuni'n 17th Lok Sabha election ah inner Manipur Parliamentary constituency ah candidate ding mi 6 in nomination filed a bawl ui. Nomination filed candidates 6 te chu Dr. Rajkumar Ranjan Singh of Bharatiya Janata Party (BJP), Oinam Nabakishore Singh of Indian National Congress (INC), Moirangthem Nara Singh of Communist Party of India (CPI), Senjam Nandishwore Singh of Rashtriya Janhit Sangharsh Party (RJSP), Dr. Gurumayum Tonsana Sharma of Manipur Democratic People’s Front (MDPF) leh Independent candidate Rajkumar Somendro Singh (Kaiku) te a hiu. Hiathei khat chu, inner Manipur Parliamentary Constituency a ding ah 26th March 2019 chu last date of nomination hiding, 27th March, 2019 ah scrutiny um ding a hi.

A langkhatlam ah Outer Manipur constituency ah last date of nomination tuni, 25 March 2019 ahi dungzui in candidate 8 in H. Roshita , District Collector , Thoubal district kiang ah nomination filed a bawl ua, candidate 8 nomination filed bawl te chu - Hangkhanpau Taithul of Janata Dal (United) ; Ashang Kasar of North East India Development Party (NEIDP); Lorho S. Pfoze of Naga People's Front (NPF), Houlim Shokhopao Mate (Benjamin) of Bharatiya Janata Party (BJP); Leikhan Kalpu of Independent; Angam Karung Kom of Nationalist Congress Party (NCP); Thangminlien Kipgen of National People's Party (NPP) leh K James of Indian National Congress (INC) te ahiu. Outer Manipur constituency ah nomination paper scrutiny ahileh zing 26 March 2019 ah um ding a hi.

ADC/CCpur nuai ah MDC 7 ten BJP apat haina siam

CCpur, March 24: Autonomous District Council (ADC), Churachandpur nuai ah elected MDC 7 in tuni' 25 March 2019 in President, BJP Churachandpur Mandal kiang ah haina lekha pia'n, BJP party Primary Membership ahinau tuni apat nusiata a hidan uh a taklang ui. A haina lekha piak uh copy kimu'n a taklatna a chun, 25th April 2017 ah BJP Primary Member ding ah enrolled himaleu fund allocation tawh kisai ah kikhen chuamna um, Chairman telna ding tawh kisai ah treatment kituptak a umlo ziak; Langkhanpau, MDC mapuina nuai ah District Council, Churachandpur in Manipur Chief Minister kimupi ding ah appointment a dawt uh pawm piak hilo a hina chung ua BJP Party muangzo talo, BJP Party nutsia mai telzaw a hitak dan uh a taklang ui. Zia ah haina lekha chung a chun, Zamneiching, MDC 23-Muallum, M. Gouzamang, MDC 17-New Lamka (East), T. Khaikhomang, MDC, 12-Lanva, Hausuanthang, MDC 24-Singngat, G. Suanchinpau, MDC 11-Lungthul, Pumtulthang, MDC 21-Sangaikot leh Langkhanpau Guite 10-Tuivai te'n suai a kai ui. Hiatthei khat chu, C.T.Lian Guite, MDC, 16-New Lamka (West) in le tunaicha a khan BJP Primary Membership hina a pat in haina a la siam hi.

Shaktiman accident ah driver thi

CCpur, Mar. 25: Aigijang Gam ah Shaktiman khat Accident in driver in thina a tuak hi.Saktiman Driver ahileh Mr. Thangmuansang s/o Hemkhothong of Paldai hin a kigen a, gari neitu (Mahajon) Mr Langminthang hi ah hiat ahi.

Canopy Free Health Check-up bawl

CCpur, March 25: I.I. Nutrition Centre, Opposite SBI, Churachandpur in tuni, March 25,2 019 zingkallam dak 10:00 in Nehru Marg lutsukna bul ah Canopy Free Health Check-up a bawl hi. Zia hun a chun, Herbalife Nutrition, Churachandpur nuai ah Centre chuamchuam apat Agent-te chiakhawm in, Free Health Check-up bawlnuam te a bawl sak ua, weighing machine chikhat, Body Composition Monitor kiti mang in taksa damtheina etsak a um ui. Weighing machine chu mang in, taksa gikdan (weight), Subcutanous Fat, Trunk Fat, Skeletal Muscle, Body Fat, Visceral Fat, BMR, Body Mass Index (BMI), Body Age, BP Fat, Pulse, SugarWaist, Hips, WHR ti te taksa ah percent umzat etna nei in, taksa kum, gikna leh sandan tawh kituak a taksa damtheina a en bawk ui. II Nutrition Centre in maban ah le ziagual Free Health Check-up chu bawlzawm ding uh hin a kigen a, Churachandpur ah Herbalife Nutrition nuai ah Centre 4 um in le a gen ui.

Rayburn College NCC in Saidan tang ve'na nei

CCpur, March 25: Rayburn College NCC leh retired professor Dr. Y. Kaburagi Japat University ten tuni March 25, 2019 in Saidan ve'na a nei ui. Zia ah chia ding Rayburn NCC te chu amau college New Lamka ah zingkal dak 6:00 ah kingak khawm in, Rayburn College NCC mapuina nuai in, NCC cadets 75 in, retired professor Dr. Y. Kaburagi Japat University tawh II WW hunlai ah General Sato giakna suangpi (cave), Saidan tang ah um etthakna a nei ui. Chun, Saidan tang ve'na a nei hun un retired professor Dr. Y. Kaburagi Japat University pianni, March 25 a hi dungzui in Cave sung ah birthday lawpna le a nei ui.

NT 26march2019 rayburn

LamkaCore, Futsal Championship 2019 chiatha zing
CCpur, Mar. 25: LamkaCore in March 23, 2019 apat Rayburn Campus ah Futsal Championship 2019 apat chiatha zing in, tuni March 25, 2019 in kihelna match thum a um hi. Nitak dak 5:00 in Apoisekei FC leh Poilou United FC te a kihel ua, nitak dak 6:00 in Lamkhoman Memorial Team leh Scocy FC kihel in, dak 7:00 in Muanbiak FC leh ZAPYA CF banah Quantpro leh peaky blinders te a kihel ua, March 26, 2019 ah le match pali um ding, nitak dak 5:00 ah in Nounou Club leh Electric FC, dak 6:00 ah FC Abuluku leh Na fans ka hi te kihel ding, nitak dak 7:00 ah KSC leh FC Phaicham banah dak 8 ah Melhoi FC Leh Right Foot FC kihel ding a hiu. Lamkacore Futsal Championship-2019 ah Champion team in Championship trophy, Medals, Certificate leh Rs 40,000 sang ding, Runner's Up in Medals, Certificate leh Rs 20,000 sang ding, Mimal ah Core Player, Top Goalscorer leh Best Goalkeeper te le Prize piak ah um ding a hi.
LamkaCore Futsal Championship 2019 ahileh Brigadier HR Desai, 27 Sector, Assam Rifle in Chief Guest hina tawh 23rd March 2019 ni ah a hawn, Team 60 kihel ding, Pool match kihelna um masa ding, zia zaw chuleh Knock out, Quarter Final (Round Robin ), Semi Final, Final um ding in a gen hi. April 29, 2019 ah Final Match um ding ti a hi.

Khuga Battalion in Medication Seminar bawl

CCpur, March 25: World Tuberculosis Day ah March 24 mat a hi sek tawh kitawn in 27 Sector, Assam Rifle nuai ah um, Sixth Sikh Light Infantry (Khuga Battalion) in Singngat Sub-Division sung ah um Hiangtam Khunou ah Medication Seminar nei in, damlo ding ah muanmaw te medical check-up bawlna a nei ui. Zia hun a chun, Battalion sung ah Medical Officer te'n Tuberculosis tawh kisai hilchianna nei in, Broadcasting Session ah Chennai apat Dr. Subbu Lakshmi, MBBS, MD, Pulmonologist in live in Medication Seminar a nei a, Free Medical Camp ah Pediatrics, Cardiology leh Gynecology te'n numei leh naupang natna chuamchuam banah piting te check-up a bawl ui. Hiangtam Khunou ahileh India-Myanmar gamgi zul ah um, kikawmtuana lampi hawitak umlo, electric tunglo, thiam zilna le kitup tak umlo ah hiat a hi.

Soul Winner & ABBC in Joint Fellowship nei

CCpur, March 25: Soul Winner Gospel Team ti minvua ah um Khanglai Pathian thu-leh-la ki pawl khawm, Kochuam chuamchuam apat mi bangzat a hem em ten tuni'n Fellowship a neikhawm sek uh chiapi zawm in, tuni, 25 March 2019 nitak lam dak 1:30 in Rengkai Bible Hill ahSoul Winner Gospel Team te tawh Asian Baptist Bible College ten Joint Fellowship a nei ui. Zia hun a chun, Praise & Worship Soul Winners Team mapuina Pathian chawihawina laa sakhawm in, Asian Baptist Bible College (ABBC) Worden apat in thugenna a um a, Bible recitation hun um in, Special Number Soul Winners Gospel Team apat in a um hi. Chun, Gospel Message Brother Peter Mung B.Th Grace Bible College (GBC) Student in Pathian thu ah ziltilna hun a nei hi.

NT 26march2019 soul

A night with G Thangkhosuanmung kiti mang

CCpur, March 24: Hiangtam Lamka ah pawl chuamchuam Ani Subah, DX Zion Fapa leh Team Antho te organised bawlna, March 23 nitak dak 7 apat in YPA GHQ Hall, Hiangtam Lamka ah khawsung mipi'n A night with G Thangkhosuanmung, Deputy chairman ADC CCpur & Chief of Hiangtam Lamka kiti a nei ui. Zia hun a chun, khawsung mipi tamtak in hun matna uap in, G Thangkhosuanmung, Deputy Chairman, ADC /CCpur & Chief of Hiangtam Lamka in inteekpa hina tawh uap in, T Paukhanlian, Chairman ADC/CCpur in special guest hina tawh a uap hi. Zia hun a chun, Live music concert nei in, six strings banah Nanacy Biaklun, Elson Samte, Christina Shakum, RDi ten laa sakna a nei ui.

YPA New Lamka Block in gari thak lawpna leh latna nei

CCpur, March 24: Young Paite Association YPA New Lamka Block in mipi tawh kithua ah mithi puakna ding ah gari a lamdaw thak uh zani, March 24, 2019 nitaklam dak 1:30 in YPA Hall, Hebron Veng, New Lamka in a lawpna leh a latna a nei hi. Zia hun a hcun, gari chawkna chung ah a sum sen dan uh tawh kisai H Thangkhozam, Finance secretary in report piakna nei in, T Awnsuanhau, Secretary in gari mat dingdan tawh kisai a taklang a, Rev Khaikhansong, Divisional Superintend, Lamka south Division EBC in gari thak Pathian kiang ah a latna a nei hi.

Election Expenditure Monitoring team in training nei

Kangpokpi, March 25: Kangpokpi District ah Flying Squad Team (FST), Static surveillance Team (SST), Video Surveillance Team and Police Team te panna' Election Expenditure Monitoring (EEM) team in tuni'n Deputy Commissioner/ DEO Kangpokpi Lalithambigai K, IAS keh SP Kangpokpi Hemant Pandey, IPS te mapuina'n Conference Hall, DC Kangpokpi ah 17th Lok Sabha election ding ah kisingsakna tawh tawh kisai in training a nei ua, zia hun a chun, DC Lalithambigai in Sector Magistrates leh Police teams te chu khautak ah ECI leh CEO Manipur thupiak zui ding ah thuhilna nei inb, SST members te chu mimal Rs. 50000/- chung pua te enzui ding in a hiatsak hi.

Manipur LS seat 2 ah BJP gualzo ding: CM Biren Singh

Imphal, Mar. 25: Manipur Chief Minister N Biren Singh in Wangoi, Imphal West district ah BJP candidates -RK Ranjan (Inner seat) leh Benjamin Mate (Outer seat) te ding ah maicham siampiakna a nei hun ua a thugenna a chun, mipi a tamzaw ten BJP support a hidan uh gen in, Manipur Lok Sabha seats pani ah BJP in Lok Sabha election a gualzawna chang ding tin a gen hi. Centre ah NDA government in thuneina chang zawm ding ah le gen in, Lok Sabha polls ah BJP chung ah gualzaw ding thil hitheilo ti'n le agen hi. Poll surveys tamzaw'n BJP hatzawm ding ah mu a hidan le gen in, scrutiny zaw leh BJP candidates -RK Ranjan (Inner seat) leh Benjamin Mate (Outer seat) te ding ah full-fledged campaign pan ding a hidan a gen hi. Scrutiny of nomination ahileh Outer Manipur seat ah March 26 hiding, Inner seat ah March 27 hiding a hi.

Congress in migenthei te minimum income Rs 72,000 per year piak ding ah thutiam bawl

New Delhi, Mar. 25: Congress president Rahul Gandhi in tuni'n 17th Lok Sabha election ah Congress in gualzawna a chan ahileh India gamsung ah migenthei chungchuang diak 20 per cent families te minimum income Rs 72,000 tiang piak hiding in, press conference ah a puandawna anei hi. Zia scheme chu India gamsung ah migenthei family crore 5 ten directly benefit muthei ding uh tin agen hi. India gamsung ah chatgana sukbei ding Congress thil dawi a hidan gen in, Congress in fiscal implications tawh kisai study kituptak ah a nei nung ah zia gual scheme chu chiapi ding ah final a siam hin a gen hi. A chiata kum 5 sung ah gamsung mipi ten genthei haksatna tuak uh tin le a gen hi.

Sikkim Chief Minister Chamling in seat 2 ah nomination file

Gangtok , March 25: India’s longest serving chief minister ti ah kihia Sikkim Chief Minister Pawan Chamling in Sikkim assembly elections a ding in assembly constituency 2 - Namchi Singithang leh Poklok Kamrang assembly constituency in nomination file a bawl hi. Kum 68 ah upa Chamling ahileh December 12, 1994 apat Sikkim ah vaihawm pan hita a hia, Namchi, headquarters of South Sikkim district apat a hi. Tuchung Sikkim assembly elections chu ama party Sikkim Democratic Front (SDF) ding ah a kizawm ah term 6 record chu'na hiding a hi.

LS elections thiangtho leh thawveng tak ah a um theina ding ah Mizoram ah MKHC mapuina pauchapna nei ding

Aizawl, Mar. 25: April 11 ah 17th Lok Sabha election a umna ding tawh kisai in Mizoram ah kochuam 16 te kikhaikhawmna leh kochuam kikhaikhawmna lianpen ah kihia, Mizoram Kohhran Hruaitute Committee (MKHC) thawveng tak ah vote khiak a hitheina ding in pauchapna a nei hi. MKHC chairman Rev Lalhmingthanga in thawveng tak leh thiangtho tak ah election a chiathak theina ding ah kochuam te chu pauchapna ah panla chiat ding in chialna bawl a. April 5 ahileh April 6 ah kochuam te lemchan dan zil ah local church zosia pauchapna nei ding in dawtna a siam hi. Chuleh, political parties or groups ten nam thil leh kipum khatna susia thei ding ah campaign a bawllo ding uh anawp thu gen in,state government leh civil society or student units te buaina kal ah chamna siamtu hizing thei ding ah panlakna nei chiat ding in le chialna a bawl hi. Hiatthei khat chu, Mizoram in Lok Sabha seat a1 bep a nei a, Aizawl West-1 Assembly seat by-elections tawh thua ah April 11 leh vote khiak hiding a hi.By-election a umna ding constituency chu Zoram People’s Movement (ZPM) legislator Lalduhoma in seat 2 ah teltin ah a umna Serchhip constituency zawk a lua tawh kitawn ah a awng ah um a hi..

Arunachal ah MLA suppporter ten M LA pa chenna inn hal piak

Guwahati , March 25: Arunachal Pradesh ah sitting Yachuli MLA Likha Saaya’ chenna in chu ama support mipi lungna ten suksiat piak in mei in a hal piak ui. Zia ah thiltung chu 24th March 2019 nitak dak 9 ah thil tung a hi. MLA chenna ahileh Papum Pare district,Arunachal Pradesh ah um a hia, a van leh a thil leh thuam te suk siatpiak ah a um nung ah mei ah hal piak ah um a hi. Zia gual kiphinna huaisiatak a um nung a chun, police te tung in mipi te anaw zak ua, Capital SP Tumme Amo in a genna a cun, window glasses nasatak ah sesiat ahi banah chairs leh insung van hunkhawp mei ah kihal in a gen hi. A kigendan ah assembly elections ah ki withdraw ding ah thupukna a siamna chung a supporters te MLA Likha Saaya’ chung ah lung awilo ah ziagual kiphinna chu piang in a kigen hi. Saaya ahileh unopposed ah Yachuli seat ah state legislative assembly elections 2014 ah People’s Party of Arunachal candidate hina tawh teltin ah um a hi.