Nisin Thuhiltu - 19 October 2018

Governor in Manipur Legislative Assembly Museum & Archives hawng

Imphal, Oct. 18 *(Nisin Thuhiltu)* : Manipur Governor Dr. Najma Heptulla in tuni’n Old Manipur Legislative Assembly Building, Imphal ah Minister (Art & Culture) L. Jayantakumar Singh, Chairman, Hill Areas Committee T.T. Haokip, Leader of Opposition O. Ibobi Singh, Deputy Speaker K. Robindro Singh lehSpeaker, Manipur Legislative Assembly Y. Khemchand Singh te uapna tawh Manipur Legislative Assembly Musuem &Archives hawndawna a nei hi. Governor in a thugenna a chun, Manipur Legislative Assembly Museum & Archives kihawng chu Manipur Legislative Assembly khangthu amasapen a hidan gen in, Manipur Legislative Assembly Speaker leh a team te panlakna ziak ah Musuem &Archives hawn thei ah a um chu kipak mama in a gen hi. Thil lui leh khangthu ah tepte thil chuamchuam te kawikhawmna ding ah Musuem &Archives kisiamdawk a hina chung ah hawndaw thak ah um Museum & Archives chu Manipur Legislative Assembly in phatchuampi ngei ding ti’n le a gen hi. Manipur Legislative Assembly Museum & Archives hawn thei ah a um chu kiletsakpi mama in a gen a, information leh knowledge muna mai hilo ah khanglui ki pumkhatna leh panlak khawmna um te a vel ah hiatdaw thak theina hiding in a gen hi.

Leader of Opposition O. Ibobi Singh in a thugenna a chun, Speaker leh a seppi te’n Museum & Archives a umsak uh pakcha mama a hidan gen in, Manipur Political history ding ah research institution khat hiding in a gen hi.

Manipur Legislative Assembly Speaker, Y. Khemchand Singh in a thugenna a chun, Museum & Archives in Manipur khangthu sulang ding a hidan gen in, Musuem & Archives ah gallery 8 - Speaker’s chamber, CM’s gallery, Governor’s gallery, state political history suklatna Art gallery, Chairman, Hill Area Committee Gallery, Deputy Speaker’s gallery, Secretary’s gallery, former Committee room, former Sound & Monitoring Unit ti te umsak ah um a hidan a gen hi.

Zia ah hun matna a chun, Governor in Souvenir hawnna nei in, Manipur Legislative Assembly Museum and Archives hawnna le a um a, Later, Manipur Legislative Assembly, Museum & Archives Logo competition ah winner Mr. Yumnam Saphawangam kiang ah cash prize Rs 50,000 piakdawna a um hi.
Ex-Speakers, Family members, Ex-Ministers, Ex-MLAs leh sitting MLA hunkhawp te’n le hun matna a uap ui.

ISTV Vaiphei Entertainment program hawng

Imphal, October 18 *(Nisin Thuhiltu)* : ISTV Vaiphei entertainment programme hawnna tuni, 18 Oct. 2019 nitaklam dak 2:00 in Classsic Hotel, Regency Hall, Imphal in a um hi. Zia hun chu, Director General of Police (DGP), Manipur, LM Khaute in khuallian hina tawh uap in, ISTV Vaiphei entertainment programme hawnna a nei a, Rev. S. Prim Vaiphei, President, All Manipur Christian Organisation (AMCO) Pathian kiang ah a kawlsakna a nei hi.

Director General of Police (DGP), Manipur, LM Khaute in a thugenna a chun, ISTV Vaiphei entertainment programme kihawng chu Vaiphei khangthu tepte thei thil a hidan gen in, Vaiphei community te mai hilo ah state sung ah cheng mizosia te, information muna, hiatna belaptu leh entertainment lam masawn saktu a hiding kinem a hidan a gen hi. Televisión channel iti te state sung ah community chuamchuam um te ding ah kipumkhatna siamhawitu leh khanto, masawnna tuttu ah pansak ding a nawpthu a gen hi. Zia hun matna chu P. Prafullo, President of ISTV, Kh. Khogen, Secretary of ISTV, KT Vaiphei, IPS, Liankhothang, Chairman, Vaiphei Literature Society (VLS), Khamneithang Vaiphei, Chairman, Zillai Welfare Committee and ex-General Secretary, Zillai GHQ, Dr. Lamkhogen Vaiphei, Secretary, Zillai Welfare Committee & ex-Pesident, Zillai GHQ, Lunthang, OC (Commando/Bishnupur), S. Lamzagou, Chairman, Vaiphei Peples’ Council (VPC/Eastern Block), Lunneimang, Chairman, Vaiphei Peoples’ Council (VPC/Leilon Block) te’n le a uap ui. A kigendan in, ISTV Vaiphei programme ah tu tadi, entertainment leh cultural items te sua hiphawt ding, tunung ah Vaiphei pau ah News umsak hiding in a kigen hi. Chun, ISTV Vaiphei programme logo, Mr. SN John in designed a bawl hi’n a kigen hi.

NT 19oct2018b

Sepna muthak

CCpur, Oct. 18 *(Nisin Thuhiltu)* : Dr. Nemhoikim Vaiphei d/o Soikhokam & Ngaichong of Lamphelpat, Imphal in Manipur Public Service Commission (MPSC) nuai ah MHS grade-IV, Medical officer (Nature cure physician) ah semtu ding kilakna written ah lawtinna a nei nung in, Interview result le suak in lawtinna a nei zawm hi.

MPCS in Music Festival mang ding
CCpur, Oct. 18 *(Nisin Thuhiltu)* : Mizoram Presbyterian Church Synod (MPCS), Manipur Area saina ‘ 19-21 October 2018 sung ah Vaiphei Community Centre, Bethel Veng, New Lamka ah "MUSIC FESTIVAL" um ding a hi. Zia hun a chun Bial tin a pat Lenkhawm lâ leh Solfa lâ kidemna um ding, Bial chuam chuam leh Manipur Area Choir (MAC) te'n Pathian chawihawina laa pâwl sa ding a hiu. Pathian chawihawina lam tawh kisai thupi chuam chuam ah mang ah Rev C. Zorammawia, AS; Rev Malaki Lalnunfela, Mata bial; Rev C. Lalrinliana, Leijangphai bial; Rev Lalngaihawma, Sugnu bial leh T/Upa Genlallian a te apat thugenna um ding a hi

UMLA/KNO in 13th Rising Day mang

CCpur, Oct. 18 *(Nisin Thuhiltu)* : Centre leh Manipur govt. tawh Suspension of Operations (SoO) suaikai Kuki National Organisation (KNO) nuai ah armed wing 18-te lak a khat United Minority Liberation Army (UMLA) in October 17 zinglam in Tengnoupal dist. sung ah Chehlep village ah um, Hermon designated camp in Raising Day 13veina a mang hi. Zia hun chu, Chief Host hina tawh K.Khaling, Chief-in-Command, UMLA/KNO a uap a, Chief Guest hina tawh S.Morhing, Ex. ADC, Chandel; Guest of Honour hina tawh Denis, Public Relation Secretary, KNO leh Functional President hina tawh Pakhel Zou, Chief Commissioner GHQ, KNO ten a uap ui. Chief Guest S.Morhing, Ex. ADC/Chandel in UMLA/KNO cadre thina a la tuak ta te hiat zingna ding ah kisiam Memorial Stone hawndawna nei in, K.Khaling, Chief-in-Command, UMLA/KNO mapuina nuai ah flag-hoisting a um hi. Raising Day lawpna Tengnoupal leh Chandel district sung ah tribe chuamchuam apat mipi hunkhawp leh khaw-hausate hunkhawp a chiakhawm ui. Chief Guest S.Morhing in a thugenna a chun, tribe neu (minority) chuamchuam te gawpkhawmna ding ah UMLA panlakna pakcha a hidan gen in, khanto masawnna ding ah kithutuakna, khat leh khat ki sawmdawl tuana pawimaw in a gen hi.
Guest of Honour, Denis in KNO in Kuki thingnuaimi group chuamchuamte khaikhawm ah kituakna ding ah panlakna nei zing in a gen a, Chandel leh Tengnoupal dist. sung ah minority-te lak kituakna a um theina ding ah UMLA in panlakna nei zing ti’n a gen hi. KNO leh UMLA movement chu support chiat ding in a chiakhawm mipi te chialna a bawl a, kikhen chuamlo ah pankhawm chiat pawimaw in a gen hi. Zia ah hun mat sung a chun, Maring Cultural Troupe (War Dance), Chothe Cultural Troupe, Anal Cultural Troupe, Lamkang Cultural Troupe leh Aimol Cultural Troupe banah Kachin cultural troupe te apat namlam suklatna a um a, Maring tribe, Anal tribe, Aimol tribe, Lamkang tribe, Chothe tribe, Moyon tribe, Monsang tribe leh Tarao tribe lawiupa ten thugenna a nei ui.

SVEEP campaign bawlna tawh kisai ah facilitation centre hawng

CCpur, Oct. 18 *(Nisin Thuhiltu)* : Systematic Voters’ Education and Electoral Participation (SVEEP) campaign bawlna tawh kisai ah Special Summary Revision 2018 chiatha zing in, District Election Officer DEO, DC CCpur in district sung ah January 1, 2018 tiang ah vote neithei ding ah kum 18 hiding-te leh kum 18 chunglam vote nei nailo, voter ID ah min a diklo um te October 31, 2018 tiang ah sukfel vek ding dawina ziak in, district sung mun 5 ah facilitation centre hawn in a um hi. Special Summary Revision 2018 ding ah facilitation centre 5 kihawnna mun te chu - Electoral Registration Officer 55- Tipaimukh Assembly constituency in district hospital ah, Electoral Registration Officer 57-Henglep leh Electoral Registration Officer 60-Singngat Assembly Constituency in Peace ground, Tuibong ah Army Recruitment kibawlna mun ah, Electoral Registration Officer 58- CCpur Assembly constituency in Nute Bazar ah, Electoral Registration Officer 59-Saikot assembly constituency in Tuibong bazar in a hawng hi. Special Summary Revision 2018 tawh kisai ah facilitation centre kihawnna mun ah form chuamchuam, vote nei nailo ten form 6 ah min khum lut thei, form 7 mang ah min sukmang (delete) thei, form 8 mang ah sukdik ngai te sukdik thei ding leh form 8A mang ah umna kichawn te’n umna mun thak ah transfer bawl thei ding, form la ten form fill-up ah amau area a Booth level officer BLO te kiang ah form a submit uh ngai ding, BLO in SDO ah pesawn ding a hi. Zia gual thil ah bawl ding neiten October 31, 2018 mangei ah buaipi fel ngai ding a hi.

Anti-Drug Campaign, “Mission Prevention & Drug Control” nei ding
CCpur, Oct. 18 *(Nisin Thuhiltu)* : Organizing Committee, Mission Prevention & Drug Control in October 20, 2018 leh Kwakta Bazaar ah Anti-Drug Campaign, “Mission Prevention & Drug Control” kiti hawndawna nei ding a hi. Zua hun chu V. Hangkhanlian, Minister, Government of Manipur, P. Sharatchandra Sing, Government Chief Whip, Manipur, S. Bira Singh, MLA, Kumbi Assembly Constituency, L. Radhakishore Singh, Chairman, PCB, MLA Oinam Assembly Constituency, T. Robindro Singh, Chairman, PDA, MLA Thanga Assembly Constituency, Dr. Syed Burhanuddin, Chairperson, MSMC, Md. Maheruddin, Chairperson, Kwakta Municipal Council, O. Joychandra Singh, Zilla Parishad Member, Thinungei Zilla Parishad, M. Kananbala Leima, Zilla Parishad Member, Ngangkhalawai Zilla Parishad, Ibemcha Bibi, Zilla Parishad Member, Kwakta Zilla Parishad, Pawan Yadav, IAS, DC Bishnupur, Shyam Lal Poonia, IAS, DC Churachandpur, Kabib K. IPS, SP Churachandpur, Hopson Sapam, MPS, SP Bishnupur, Islau-Ddin, SADR, Bishnupur District, N. Ranjit Singh, Pradhan, Phubala GP, M. Brojen Singh, Pradhan, Ngangkhalawai GP, N. Basant Singh, Pradhan, Tronglaobi-Terakhawngsangbi GP, Nahapik, Pradhan, Kwakta GP banah Councilors leh member, KMC, MMC leh GP te’n zia hun matna chu Chief Guest, Functional President leh Guest of Honor hina tawh uap ding a hiu. Amasa pen in zingkal dak 7:00 in Chief Guest V. Hangkhanlian, Minister, Government of Manipur, Shyam Lal Poonia, IAS, DC Churachandpur leh Kabib K. IPS, SP Churachandpur te’n Lamka apat Cycle Rally flag-off bawl ding, zingkal dak 8:00 ah Phubala Bazaar ah L. Radhakishore Singh, MLA Oinam in flag-off ding, Mukta High School ah Pukhrem Sharatchandra Singh, T. Robindro Singh, MLA Moirang leh Thanga te’n flag-off kit ding, Santhawng Bazaar ah S. Bira Singh, MLA Kumbi in flag-off bawl kit ding leh Cycle Rally zosia Kwakta Bazaar ah kisutua ah Anti-Drug Campaign nei hiding a hi. Pawan Yadav, IAS, DC Bishnupur in zia hun a chu a chiakhawm te vaidawnna nei ding, Md. Nasir Khan in hun matna tawh kisai taklatna nei ding, MACS apat Resource Person in ziltilna nei ding a hi. Syed Burhanuddin, Chairperson, Manipur State Minorities Commission apat thugenna um ding, Md. Maheruddin, Chairperson, KMC apat thugenna um zawm ding leh V. Hangkhanlian leh P. Saratchandra Singh te apat thugenna um ding a hi. Chun, Spot Painting Competition Prize hawpdawna um ding, Range Forest Office, Bishnupur in thingno phu ding hawndawna hun mapui ding leh Shyam Lal Poonia, IAS, DC Churachandpur in kipakthu genna nei ah hun mangzo ding a hiu. Hun matna zaw a hitak leh DC Bishnupur Team leh DC Churachandpur Team in Volleyball Exhibition Match nei ding a hiu.

Zouton Cultural Festival (Zouton Pawi) mang ding te flag-off

CCpur, Oct. 18 *(Nisin Thuhiltu)* : Zou Youth Organization (ZYO) leh Zou Sangnaupang Pawlpi (ZSP) Shillong Branch saina’ Meghalya khawpi Shillong ah Zouton Cultural Festival (Zouton Pawi) mang ah chia ding te tuni, October 18, 2108 zingkallam dak 11:45 in BOC, Imphal ah thakdawna a um hi. Zouton Pawi mang ah chia ding te chu, Singngat Assembly Constituency apat mi 120 a hiu a, Bialtu MLA Ginsuanhau in flag-off a bawl hi. Zouton Pawi ahileh Kiginni, October 20, 2018 zingkallam dak 10:30 ah Don Bosco Technical Hall, Laitumkhrah ah nei hiding, Ginsuanhau, MLA 60 Singngat Assembly Constituency in Chief Guest hina tawh uap ding, Hausuanthang, MDC Singngat, Pumtulthang, MDC Sangaikot leh Grace Zamnu, MDC Muallum te’n Guest of Honor hina tawh uap ding leh Chinlunthang, President, UZO GHQ in Functional President hina tawh uap ding a hi. Chun, Stephen P. Doukhanlun, IDES, Ginkhankhup, President, ZYO GHQ leh Nengkhosoi, President, ZSP GHQ te’n Special Guest hina tawh uap ding a hiu

Malaria department in poster campaign bawl

CCpur, Oct. 18 *(Nisin Thuhiltu)* : Malaria department CCpur apat Malaria team khat in October 16 leh October 17, 2018 sung in Zezaw PHC, Singngat CHC leh Behiang PHC ve’na nei in, khua 10 ah malaria natna dodalna ding in poster campaign a bawl ui. PHC, CHC leh khua chuamchuam pha Malaria team-te chu S Thangthianmuan DPO/Consultant, James Pumthianlam, MTS, Lianbiakthang Songput Account assistant DEO, Seitinpau, FW leh Reamhlun Driver-te a hiu a, PHC, CHC leh khua chuamchuam pha, a phakna khua zosiau ah ASHA leh Health Staff te tawh malaria tawh kisai ah etthakna nei in, maban ah malaria natna tawh kisai ah panlakding leh van mat chuamchuam test bawl ding dan ti te genkhawmna le a nei ui.

RFT in Lamka Bamboo Fair 2018 bawl ding

CCpur, Oct. 18 *(Nisin Thuhiltu)* : Ropiang Foundation Trust in October 24 apat October 26, 2018 sung in zingkallam dak 9 apat nitaklam dak 4 kikal sin leh YMA Hall, Hmuia Veng ah Lamka Bamboo Fair 2018 nei ding a hi. Fair um hun sung ah bamboo essay writing competition, bamboo essay writing competition leh bamboo slogan contest um ding, 1st Prize Rs 5000 leh citation, Second Prize Rs 3000 leh citation, Third Prize Rs 2000 leh citation hiding leh Consolation Prize Rs 500 leh citation hiding a hi. Zia hun sung ma’h a chu, professor MS Bisht, Department Of Environmental Studies NEHU, Dr HS Badekar Executive Director, Maharashtra Chapter, Bamboo Society of India, Professor Madhura Yadav, Director School Of Architect and Design, Manipal University Jaipur, Sanjay Singh, CEO MS Wood Science and Technology, Green Solutions India ten gua (bamboo) pawimaw dan leh a phatchuamna chuamchuam tamtak um te genlatna nei ding a hiu.

Indian Air Force leh SSPP FC final ah kimaitua ding

CCpur, Oct. 18 *(Nisin Thuhiltu)* : Dr. BR Ambedkar Stadium, New Delhi ah 12th ONGC Northeast Tamchon Football Tournament 2018 chiatha zing in, tuni, October 18, 2018 in Semi Final match a um hi. Zingkallam dak 11:30 in Indian Air Force leh Kangleicha SL te a kihel ua, zia hun a chu Indian Air Force in 3-1 gualzawna a chang a, final a kai hi. Nitaklam dak 2:00 in Siamsinpawlpi (SSPP) FC leh Ukhrul FC a kihel ua, first half tiang ah goal 0-0 a ki-draw nung un, full Time ding kuan minute 87 ah SSPP FC apat Jersey No. 12, Gogou in goal khum in, SSPP FC in 1-0 in gualzawna a chang hi. Final match ah tuni ah gualzawna chang Indian Air Force leh SSPP FC in Kiginni, October 20, 2018 nitak ah match nei ding a hi. Zia Tournament ah Champion Team in Rs. Lakh 6 sang ding a hi.

Vigilance Department in Second Review Meeting nei
Imphal, Oct. 18 *(Nisin Thuhiltu)* : Vigilance & Anti Corruption Department, Government of Manipur in tuni’n Conference Hall, Old Secretariat Imphal ah second review meeting a nei hi. Zia hun chu Chief Vigilance Commissioner, State Vigilance Commission le hi, Chief Secretary Dr. J Suresh Babu in amapui a, review meeting sung in pending cases, staff training, Commission lemsakna dungzui ah non-submission, action lak ah a um tawh kisai genkhawmna a nei ui. Chief Vigilance Commissioner stated in a genna a chun, Vigilance Department in case um te khualna a neina chung ah documents penuamlo department te kiang ah a kisaipi Vigilance officer te’n hiatsakna a bawl ding un thupiak a bawl a, complaints bawl nuam, haksatna nei te’n Vigilance & Anti Corruption Department te a thuhiat theina ding ua mobile number (not land line number) umsak ding ti te lemsakna um in a kigen hi. Director, L. Bikram Singh, MCS; SP H. Balram Singh leh Additional SP, DSP, Inspectors leh SI, Vigilance and Anti Corruption Department te panna zia meeting chu officer 25 tuam in a uap ui. Hiatthei khat chu, 22nd September, 2018 a khan Vigilance Department in First Review Meeting a nei hi.

Khanto dan kibatna apat Manipur hill leh valley kikhenna bei thei di:CM

Imphal, Oct.18 *(Nisin Thuhiltu)* : Sangai Hall, Hotel Imphal ah tuni’n People’s Campaign for Resurgent Manipur saina’ ‘Idea of Manipur towards a life with dignity’ ti thupi nei in, interactive session a um hi. Zia hun a chun, Chief Minister N. Biren Singh in Manipur ah hill-valley ti ah ki khenchuamna um chu hill leh valley ah khantona kibang tak ah a um thei hunhun ah bei ding ti’n a gen a, state government in state sung ah khantona kigual tak ah a um theina ding ah ‘Go to Hills’ leh ‘Go to Village’ missions ti te chiapi a hidan a gen hi. Meeyamgi Numit, Hill Leaders’ Day leh welfare programme chuamchuam state government in a chiapina chung ah mipi muanngamna government in chang a hidan a gen a, hill-valley kikhenna leh kidaidan chu tumasang ah system chiadan diklo ziak hin a gen hi. A chiata kum 1 sung ah Mao apat student 1500 te Imphal ah lekha sim ding ah pansa a hidan uh gen in, state government leh Centre gam umdan zil ah budget bithiak a nei banah Hill Area Development Fund kiti a chuam ah puakdaw ah um in a gen a, Hill Area Development Fund chu India gam sung ah district 82 teldaw ah um te lak ah Manipur ah Tamenglong district in le mu ding ti’n a gen hi.

Chief Minister in tukhang ah mi te felzawlona tawh kisai a genna a chun, tunung ah gasua hawitak um ding te kichian tak ah buaipizawlo ah thil dang ah buaina um te ngaikhawkna a lianzaw ti’n a gen a, agenda kichian tak nei ah panlakna a um ding pawimaw in a gen hi. Zia ah interactive session chu, MLA Oinam Lukhoi leh Heikham Dingo, former Chief Minister Radhabinod Koijam leh former MLA Ng. Bijoy ten le a uap ui.